الكاتبه /فخر العراق
✨ألمي وملاذ قلبي✨
غلطتي بكل مكان بيتنا محاجيك ..!
...............................................
شغف..
مثل ما اني ما الي دخل ورحت تدرس كليه عسكريه انت هم لا تدخل فهمت
_شغف ما يصير هيج انتي بيج حيل تدرسين وتربين شلج بهل شلعان الگلب وبتمن بت رجلج
_لا تدخل حسين خوش اني مو گتلك لا تحجي وياي
_شغف افهمي الخاطر محمد
_ممكن تطلع من غرفتي بلا زحمه
_شغف افهمي ماكو تعين گليلي اكو حل
_بقيت ساكته ما رديت علي
طلع وسد الباب بكل قوته
على يوم ينشلع هذا الباب من كثر ما كل ساع واحد حامسه بلحايط
شويه واجه اباذر
بدون حجي شمر روحه على الجربايه بملابس الشغل مالته
_الله يساعدك
_ويساعدج
_متعشي
_ما اريد
_گوم اسبح ونام
_مابيه حيل كلشي ما اريد بس انام
_اباذر شوفلك غير هاي الشغله دورلك شغله مريحه
_هههه شغل تردين بلعراق استغفر الله كفرتي
_يعني ترجع ب 2 ظهر وتروح ب 4 العصر وترجع بليل ما ترهم
_ارهمها
شغف
_ها
_خلينا نبدي صفحه جديدة وننسى كلشي واوعدج ما راح اسوي اي شي يضوجج شنو التردينه يصير
_مو بيدي بس ما اثق بيك
گام وهوة عصبي اخذ ملابسه وراح للحمام
:- بقيت ثلاث سنين على هذا الحال لا احجي ويه اباذر مهما حاول ولا ويه حسين
كبرت ماسه وصار عمرها 3 سنين واباذر كمل كليه صار سنه
وحسين اخر سنه اله بلكليه العسكريه وكل يوم اليمر ما تجي ابالي بس خاف حسين يصير بي شي
قبل تخرجه بيومين
جنت گاعدة امشط لماسه العصر اجه اباذر من الشغل لان شغله صار الصبح
سبح وطلع بدل راد يروح
_وين رايح
_للسوگ
_شسوي
_اهلج بعد شوي بليل يوصلون لهنا
_اهلي
_اي امج وابوج واخوانج علمود تخرجه من الكليه
_من گال هيج ما ادري ليش حسيت بخنگه مدري مشتاقتلهم لان ما شايفتهم ما ادري حاقدة عليهم
_شبيج صفنتي محتاجه شي
_لا
_سمسم (ماسه) تردين شي بابا
ماسه.. اي اريد اروح وياك
نزل مستواها ويبوس بخدودها.. ما اگدر اخذج وياي گولي شنو تردين واجيبلج وياي
_اريد كولشي بسوگ
_هههه كلشي اي تدللين مو ابوج وزير بت الاوادم
شغف.. ترة هيه طفله جيبلها اي شي من المحل قابل شمدريها
_وانتي ما تردين شي
_لا ما اريد شي
_شبيج من گتلج اهلج راح يجون وجهج گلب اذا ما تردين اشوفيهم عادي نروح لفندق على ما يرحون
_ماكو داعي
_براحتج
طلع ونزلنه اني وماسه
فقار.. تعاي الجدج ماسه
راحتله تركض واصيح علي
_فقار
_طاح حضج امج ما علمتج تگولين جدو
شغف.. ما طاب ثلاثين سنه وصرت جدو عمي هههه والله شي يضحك
_هوة انتي وحدة جلبه ما تحترمين انتي وبتج الفارة
_لا لا ما اسمحلك تحجي على بنتي خوش
_لا والله شغف گامت تحجي وادافع على بتها
_جا شلون
اجه اليل سمعتهم اجو اخذت ماسه وصعدت للغرفه واني اباوع عليهم من الشباك وابجي اربع سنين ما سامعه صوت بقيت گاعدة ما ادري خايفه شعور تملكني ما اگدر اعرفه انفتح الباب باوعت علي باقر
_بااقر
_شنو ما مشتاقتلي
رحت علي وحضنته واني ما مصدگه موجود بقيت ابجي واشهگ وابوس بي
_ليش ما اجيت
_والله گمت ادرس اني وتين هناك وما گدرنه نجي
_واني محد سئل عليه
_انتي ما تردين علينه وغيرتي كل حساباتج رجعت واخذتهن من اباذر وما تردين همين
ليش ما نزلتي وسلمتي علينه
_ما اريد اسلم ولا اريد احجي ويه احد
_ها شنو السالفه مر على السالفه اربع سنين
_اي بس گلبي بعدة جاي يزيد الالم ما ينقص ابوي دمر حياتي ومشه وما رفله جفن
_صار صار لازم تنسين
_ما اگدر حتى حلمي ما حققته
_هسه شلون ما راح تنزلين وسلمين على امي على الاقل
_امي اربع سنين ما دگت تلفون ولا كلفت نفسها وقنعت ابوي جنها تريد تخلص مني واني ادري بأبويه ما يرفض الها طلب ويحبها
_هذا الحجي ما يفيد شنو راح يسوي انسي كلشي ونزلي وياي
_لا راح ابقى بهاي الغرفه منا يمن ترجعون
_ههه واذا ما رجعنه شلون بهل حاله
يحجي وطيحت ماسه العطر بلگاع وانكسر شفتها ورحت شلتها لا تنجرح
_شغف هاي البنيه المن
_بنتي
_بنتج شنو شو محد يدري عندج بنيه
_ماكو داعي تدرون شنو راح يقدم ويأخر
اخذها مني يبوس بيها وهوة فرحان
_ يعني اني هسه خال يالله گوليلي خالو شنو اسمها
_ماسه
_يا بس ما تشبهج تشبه ابوها
_اي صح
_شنو هيه شغف بتج خرسه ليش ما تگلي خالو اخذتها منه واني احجي وياها
ماسه هذا خالو گوليله خالو
_الو
_هههه مو الو خالو
باقر.. لا عليمن بعد گوليلي گوجه ليش ألو
_لا تقلد على حجي بنتي هسه تگلك
ماسه.. ماما شنو اسمه
_خالو
_لا اسمه
_باقر
_بقير
باقر.. سكتي بتج لا احطها بلكنتور
_اممم حتى اكسر ايدك
_انعم الله عليج خويه
يالله ننزل
_لا
شويه ودخلت وتين اجت عليه تركض حضنتني
_شغف والله مشتاقتلج هاي شنو متغيرة هواي
_اني اكثر
_ليش اراسلج متردين
باقر.. صاير بيها داء التوحد
وتين.. ليش ما تنزلين ماما تريد اشوفج صار ساعه متانيتج
_ما اريد انزل
_ليش
_ما اريد احجي وياهم
_شغف الصار صار
باقر.. حاولت اغير الموضوع.. وتين باعي صرتي خاله
_هيه هاي ماسه
بعدت عنها وانما بيها شي
_لا اني بعدني ما صرت خاله هاي بنت اديان مو شغف
_بنت اديان شغف صدگ مو هسه گلتي بنتي
شغف.. شنو الفرق ترة بنتي واني ربيتها من اول يوم صارت الفرق مو من بطني
باقر.. وانتي ليش ما صير عندج جهال يعني صار اربع سنين
_بقيت ساكته ما ادري شنو ارد علي شنو اگله اذا طول هاي السنين اباذر ما لا مسني
_ليش ما تراجعون
_ملتهيه بدراستي وتدري القانون صعب
_اي هم صدگ بس لازم اتعالجين ما يصير هيج
_ان شاء الله
نزلو بقيت گاعدة بلغرفه وماسه تلعب شويه ودخل ابوي وامي
بقيت مصدومه معقوله اجو يحجون وياي..
الاب.. شنو السالفه شغف معقوله ما تردين اشوفين ابوج
_بقيت واگفه ودايرة وجهي عنه
اجه وگف گبالي ودار وجهي بأيدة
_الي اعرفه گلب بنتي شغف ما يشيل على احد
حجيت ونزلت دموعي
_بسببك صرت ما اثق حتى بروحي انت ابوي خنتني واباذر اسوء بعد
_ادري غلطت
_اي وشنو الفايدة راح يرجع كلشي المكانه لا
_واني اجيت واگف گدامج واطلب السماح من بنتي
_بقيت ابجي
حضني وهوة يبوس براسي اجت امي حضنتني رغم الاذيه والخذلان والذل بس ما گدرت اردهم مهما يكون يبقون اهلي
نزلنه جوة وگعدنه نسولف حسيت العائله رجعت مثل قبل
صعدت فوگ واجه وراي حسين
_خير
_باجر تخرجي وما تجين وياي
_لا ما اجي اني اصلا ما اعرفك ولا راح احجي وياك بعد خوش
_اااخ بويه ااخ ظهري يوجعني ما تفرجينه الي
_حسين ما الي خلگك روح عني
_وسم حتى سم باجر تجين يعني تجين خوش وكافي زعل يالله حضري جنطتج باجر الصبح ب 8 نطلع قبل يوم
_واني ما اريد لا احجي وياك ولا اروح وياك
_يجوز بنص الطريق اندعم واموت وانتي زعلانه عليه ما ترهم
گال هيج شلت المخدة وگمت اضرب بي وابجي
_لا تگول اموت خوش لا تگول
_شجاج شغف واذا متت هالله ذيج نجف طبينها اصلا كلها ازغر مني وشنو يعني اول واحد اموت
_حسين وابو فاضل ارتكب بيك جريمه لا تگول اموت
_يالله عمي بس اني ما اطلع اذا ما تگولين ما زعلانه منك
_وخر عني ما اريد احجي وياك وخر عني
عفته ونزلت جوة
صار الصبح والساعه ب 7 ونص وابوي مو على بعضه من امس بليل ما ادري شنو صاير بقو يطلعون بلغراض ويحطون بيها بسيارة
جنت واگفه بلمطبخ وهمه واگفين باب الشارع وحسين يم سيارته
ثواني وسمعت صوت سيارة انفجرت وما اشوف بس النار يطلع
واني واگفه ومصدومه واسمع واحد يصيح مات...
يييتتتبببعععع••••
............................
كنت ثرثارا حتى اسكتتني الحياة بلكثير
من الصفعات ..♛
لا تنسون التصويت ⭐
