الكاتبه /فخر العراق
✨ألمي وملاذ قلبي✨
حسبالي بس انه الك؛
تاليها جنك نذر ياهو اليجي !
يضوگك.!
..............................
_كافي يا روحي لا تبجين عيونج راحن
_بيبي گلبي يوجعني
_وهيه تمسح على راسي.. عمت عيني عليج گومي يا بعد گلبي نامي ارتاحي
_بيبي خلي يطلگني ما اريدة
_لا تگولين هيج كل مشكله الهه حل
_لا ما الهه حل هاي المشكله وما راح اسامحه لو شيصير
_كافي گومي نامي ارتاحي وربج يفرجها
جاي انسولف وسمعنه صوت صياح
_ولج شغف گوميني خليني اشوف شكو
_گومتها وطلعنه اني وياها من الغرفه
_ولك محمد شنو هاي الصيه
_بيبي اهل اديان هدو علينه همه وتفگهم يردون يفصلونه 100 مليون
دگت على صدرها
_شنو يفصلونه عليمن على بتهم الما مربينها اليوم اگلب الدنيا على روسهم
امشي ولج جيبي عباتي
شگول عليك اباذر يا دايح يا مصرگع دخيلك يا علي نفضحنه بنص المنطقه كل من وراك الدايح فضحته بعد ذيج السمعه
_رحت جبت عباتها وطلعت هيه ومحمد بقيت واگفه يم الشباك ونرجس وحوراء اسوي جاي
ورة ساعه راحو سكته بدون صوت طبت بيبي وهيه تحجي
_ارتاحيت يبو النسوان هاي تاليها نطبب وحدة مصفيه الولد على ايدها لبيتي اااخ ولك اباذر راح تجلطني
ليش ولك ليش ما لگيت غير هاي شبيك ثاني يوم العرس اسوي هيج
_من سمعت راح يزوج اديان حسيت بغصه بگلبي هاي تاليها جنت اسمعها تحجي ويه الولد راح اصير مرت اباذر راح يحط فوگ راسي مرة
طلعت للطارمه واني ابجي واحجي
_الله لا ينطيك الله يحرگ كلبك ابن الكلب حتى الكلب اوفى منك الله ياخذ حقي منك شنو الذنب السويته ليش هيج يا ربي
بقيت گاعدة بطارمه ورة ساعات ما طبيت جوة اجتني نرجس
_كافي بجي وحسي على نفسج هوة ولا بعينه ولا بحاجبه وانتي گاعدة تبجين على واحد ما عندة ذرة اخلاق ولا احترام للمقابل دمعتج خليها غاليه عليج لا تنزليها گدام احد صيري قويه
_حرگ كلبي نرجس وضحك عليه
_الله يساعدج وياخذ حقج منه
سمعتي شراح يسون
_ما اريد اسمع
_خالو سليم قرر نبيع البيت والغراض بأسرع وقت ونشيل للموصل لان نفضحنه بنص المنطقه واحنه ناس معروفين
_اني عليمن هاي المشاكل الحطيت روحي بيها اول وتالي راح اعيش غريبه لو رايحه ويه ابوي وسامعه كلمته ما صار هيج
_بس نوصل للموصل يزوجون اديان واباذر
_يتهنون ان شاء الله
اجت گعدت يمي وحضنتني
_كافي والله ما يستاهل هيج اسوين بروحج علمودة
_مو بيدي نرجس احس گلبي نمرد والله اتمنى هسه اموت
_كافي عوفي كلشي وراج گومي اكلي وبدلي وطگيهم عرض ولا تبينين انتي مقهورة علي اضحكي وسولفي خلي يشعر بلذنب عوفي ورا ظهرج وفكري بس بدراستج واقري علمود اصير عندج شهادة ودرسين كليه وتتعين بذاك الوكت راح اصيرلج هيبه وتگدرين تطلگين لان انتي عندج راتب ما راح يهمج احد راح اسافرين وتتونسين وترتاحين من هاي المشاكل
تمام يالله گومي گدامي غسلي وجهج عيونج راح اطگ علمود نتعشه سوة لان اني ما متعشيه
_تمام هسه اجي وراج
رحت غسلت وجهي وطبيت لگيتها اسوي عشه
_شغف اصعدي فوگ لغرفتج نتعشه غادي ونسويلنه سهرة اني وياج وحوراء ولو وتين مكانها خالي
_ما الي خلگ لسهراتج
_انجبي وكلي تبن
_نرجس الغرفه بعد ما انام بيها راح انام يم بيبي
_ليش
_تردين انام بلغرفه الخاني بيها
_هم صدك حقج بس خوب ارجعي لغرفتج القديمه
_اخاف انام وحدي
_نامي يمنه
_لا عليمن بس انام بليل يم بيبي واني اگعد من الصبح اصعد اقرة
_براحتج بس خاف اباذر ما يقبل
_شو ما يطير وعلي اشمرة من الشباج بس يحجي
_هههه قويه هاي
_اگلج من تكملين العشه جيبي غراضي من الغرفه الشاحنه وكتبي
_ليش ما اطبين انتي للغرفه
_ما اريد اطب
_تمام
_راح اصعد فوگ
_اوك
صعدت وشفت باب الغرفه مفتوح واباذر نايم وخشمه ملفوف درت وجهي وطبيت الغرفتي القديمه
گعدت شويه وصعدت حوراء ونرجس جايبات العشه
حوراء.. مرت اخوي الحلوة وين صافنه
_لا تگولين مرت اخوي اني بعد مو مرته راح يطلگني واخلص من وجها
_شلقصه شغف على كيفج
_هاي القصه واحد دايح يمشي ورة شهوته
_كافي هسه عود بعدين نحجي بهذا الموضوع
_اني ما اريد اروح للموصل ما اگدر اطلع من هذا البيت
_مو بيدنه الشغله يا شغف شنسوي
_هيه الصوج كله مني لو سامعه كلام ابوي وماشيه ويا ولا باقيه هنا
_الصار صار عوفنه من هاي السالفه هسه ترة والله جوعانه اريد اكل
_قبل لا تسممن جيبن تلفوني من الغرفه
_امري لله
راحت جابت التلفون وكتبي وگعدنه ناكل ويضحكن ويسولفن واني بالي مو يمهن شويه راحن ونزلت بلغرفه الجوة يم بيبي انام
فرشت فراش بلغرفه حطيت راسي على المخدة وغطيت راسي شويه وسمعت صوت الباب انفتح ما رفعت راسي حسيت احد يتقرب مني باس راسي من وره البطانيه وحجه
_فراشتي اني اسف ادري جرحتج اتمنى اسامحيني ولو ادري بيها صعبه
گام وبقيت مثل التمثال ما تحركت
رفعت راسي واشوف اباذر طلع ما مبين بس ظهرة ما شافني
_بهل السهوله تريد اسامحك عندك مثل الحلاوة الظاهر اله اخليك تتمنى اسامحك اني الك
_رجعت اريد انام شفت تلفوني يدك باوعت حسين يدگ
اخذت التلفون وطلعت بلمطبخ رديت علي
_الو
_شغف شلونج انتي زينه
_اي زينه ما بيه شي
_السمعته صدك شغف على اباذر
_هاا اي منو گلك
يحجي بصوت عالي
_اياا ساقط يا دايح ابو النسوان فقار كسر خشمه خلي يتانيني اكسر سنونه بحلگه صاير رجال انعل ابو لا ابو شرفه يا كلب يا ابن الكلب بسيطه انه اله بس خليني ارجع اگلب الدنيا فوگ راسه الظاهر ماكو واحد يردة
_على كيفك حسين لا تحرك دمك ما يستاهل
_ولج شلون حرك كلبي ابن الكلب ادري بي والله ادربي وبسوالفه المكسرة اذا هوة مصاحب قوطيه شتترجين منه متگليلي
_ههه منو قوطيه هذا
_هذا واحد النهار كله گاضيها عرگ وملاهي حتى فلوس ما ضل بجيبه
_ياا صدك حسين اباذر هم يشرب عرگ ويروح للملاهي
_والله هاي السالفه ما ادري بيها بس انتي تانيني راح اجي احرك ساسه
_شيجيبك انت البارحه مشيت
_اصلا اني اريد ارجع اربي هذا السايب واريد اقدم على الكليه العسكريه فتحو دورة جديدة
_بس سمعت خاصه بخريجين السادس وانت دارس كليه
_لا هاي الثانيه خاصه بخريجين الكليات
_حسين عوف العسكريه ختولي والله من اسمع بيها گلبي يروح شلك بهل ورطه شوفلك شغله واشتغل وانت مكمل كليه لا تحط روحك بلمصايب
_لا يمعودة قابل بس اني هاي الولد شكثرها قدمت الناس تدفع فلوس اله توصل وانتي ما تردينها
_حسين والله حياتها خطره خايفه عليك
_اسم الله هسه اني قبلوني
_حسين فكر
_لا افكر ولا شي باجر اشوف طيارة احجز واجي وتركيا بعد ما ارجع الها ولج رغم شلعان الگلب مالت العراق بس حسيته جنه طلعت منه وطبيت للنار بس طبينه المطار مالت تركيا مدري شبيه اختنگت
_وتلومني من ما قبلت اروح وياكم بس نفس الشي اول وتالي بقيت غريبه وراح اتغرب اكثر من اروح للموصل ناس مو نفسنه طائفه مو نفس طائفتنه حياتهم تختلف دينهم يختلف احس روحي راح اروح لدوله ثانيه ولا جني باقيه بلعراق
_العراق يمكن مسوي النه سحر كل المصايب البي والضيم وبعدنه نحبه
_اوووف حسين ما اريد اروح للموصل
_الله كريم من اجي اشوف شلون تصفه
_من تجي تخلي يطلگني خوش
_لا ان شاء تريد اخليج ويه واحد هيج
_بابا يدري بسالفه اباذر حسين...
ييتتتببعععع•••••
....................................
جان من الاول وافهم الموضوع "
ثوب الما رهم مو شرط يتخصر ..♡
