الكاتبه /فخر العراق
✨ألمي وملاذ قلبي✨
گوة شايل روحي بيدي
واخاف من روحي أطيح
هنه كلهن يوجعني
منين ما تلزمني اصيح
وهذا مو گلبي اليدك
بضلوعي
گلبي مات وانتهى
موضوعي
انت والدنيا ، عليه وهمومها
انت شايف ،
عين تبجي بنومها ؟
............................................
شغف.. شلوني حسين طالعه حلوة
_تخبلين وين اكو احلى منج
اجه يمي وباس راسي
_ادري بيج ضايجه وگلبج محروگ
_شنو السالفه عليمن ضايجه اليوم عرس ابن عمي وبنفس الوقت زوجي
_ليش نزلتي
_تدري بيه احب الاعراس وما احب افوتها
_شغف
_شبيك حسين ضايج المفروض ترگص تفرح هذا عرس ابن عمك
_شغف كافي تصرفين هيج
_اي عوفنه شبيك تعشيت ويه الزلم بعدك
_لا هسه اگول لمحمد يجيب النه عشه
_لا تگله يجوز خلص الاكل
_شماله خلص جايب 2 عجوله وثنين طليان الافندي اباذر وانتي ما كلف نفسه يجيبلج ذبيحه يذبحه جوة رجلج
_يالله حسين لا ضوج
_اني راح اصعد بغرفتج ومحمد راح يجيب العشه خوش ومو اطلعين هيج مصلخه وجهج حاطتله طن مكياج
_يا الله اخوي يغار عليه
_هسه شلون اصعد والصاله صايرة ملهة متگليلي شلون اصعد
_دور وجهك واصعد
_النسوان كلها مصلخه شتگول عليه
_ايييه لا اسويها كلش شلونها عادة النسوان محد شايفها هيه النهار كله مشرعه للرايح وجاي ابصملك بلعشرة بنات العشيرة كلهن مو شريفات الله وكيلك والعباس كفيلك
_استغفر الله شغف صايرة وحدة ادب سززيه من يمته هيج
_اني اگلك الضابط مو يگول من كثر ما اشوف جرائب وقضايه تجربني اصير واحد ساقط وطايح حض فأني شفت شغلات خلتني اصير مثل الضابط ما كو فرق يا اخي العزيز
_اگول عوفينه من سالفت الضباط وانگلعي لبسيلج شي قبل لا يجي
_اي فهمنه
صعد حسين يركض للغرفه رحت جبت عباء بيبي من الغرفه لبستها واجه محمد اطاني الصينيه وهوة مدنگ راسه
_شغف لا ضوجين ترة محد يستاهل والله
_هاي شبيك محمد على شنو اضوج عرس رجلي وما افرح تدري حته رجليه يوجعني من الرگص
_تمام
مشه واني احجي ويه كل كلمه احجيها تطلع روحي وياها رجعت العبايه اخذت الصينيه وطبيت جوة
_بس لا طلعتي لمحمد هيج لو شافج واحد
_لا هاي شبيك لبست عباء بيبي
_خوش، يالله تعالي خلينا ناكل
_اطيته الصينيه شال الخبز عنها لحم وتمن ومرگ وببسي ولبن
نزعت الكعب وطگيته بلگاع من الحرگه البگلبي رحت للكنتور طلعت فستان بي فتحه من گدام ويصير قالب على الجسم
_شبيج شغف
_انت اكل اني راح ابدل واجي
_اوك
_طبيت للحمام واني انفجرت بلبجي بقيت گاعدة ابجي ورة نص ساعه دك الباب عليه حسين
_شغف شبيج ما گدرتي تنزعين فستانج
_لا نزعته شويه واطلع
_بس لا تبجين وعلي اروح وافضحنه گدام الناس واسويها ليله سودة علي اطلعي خليني اشوفج
_حسين فدوة روح عني خليني وحدي
_گتلج اطلعي
_طلعت من الحمام واني امسح بدموعي
رحت گعدت على الجربايه اجه گعد يمي وحضني
گمت ابجي بصوت عالي وبحرگه وقهر
_لا تبجين يا عمري يروحلج فدوة هل الكلب
يحجي وياي وسمعت صوت الباب انفتح درت وجهي واشوفه اباذر واکف بكل كشخته وهيبته وقاطه مالت العرس طالع كلش حلو
حسين..
_ها عريسنه محتاج شي
_شغف اريد احجي وياج
_واني ابجي.. واني ما اريد احجي وياك روح لا تتأخر على مرتك امشي روح
_سمعت يالله لوف وانگلع ولي لا اسوي اليوم فاتحه ترة على اعصابي گاعد واحجي وياك
_اني اريد احجي ويه مرتي شعليك تدخل
_توهه صارت مرتك
گمت علي كضيته من رگبته
شغف.. حسين فدوة عوفه لا اسوي مشاكل عليك الله
حسين الخاطري الله يخليك
_عافه بلگوة وهوة لازم راسه
_كافي حسين خليني اشوفه شيريد
_لا ما اشوفينه
يالله امشي ولي
_طلع اباذر وبقينه گاعدين بس اني وحسين بلغرفه ردت انزل وصاح حسين
_اذا طلعتي من باب الغرفه رجلج اكسرها سمعتيني ترحين اشبعين حرگه وتجين
_بس
_شگلللتت انننننييي ياااالله تعاي انخمدي باجر وراج مدرسه
رحت غيرت ملابسي وسمعت صوت الفرقه والسيارات والهورنات وصوت الولد وهيه تهوس رحت اركض للشباك واني اباوعله شلون نزلها من السيارة ولازم ايدها ويضحك وجماعته تهوسله وگرايبه زين اني ليش هيج صار وياي لا من عرس ولا من اباذر خذته مني كون الله ياخذج ان شاءلله
طب للبيت وهوة لازم ايدها
حسيت بخيبه وبخذلان.. الجان المفروض هاي ايدي الازمها وهاي البدله بدلتي وهاي الابتسامه ابتسامتي وهاي الهوسات الي مو الها هوة گال احبج انتي ليش راح لاديان
بقيت اباوع من الشباك وابجي وحسين گاعد يشرب جگاير
_كافي شغف
_مسحت دموعي وگعدت گباله
حسين اطيني جگارة
_ههه تحجين صدك
_اي شبيك قابل طالبه بطل دم اطيني وحدة
_راح اخليج هل مرة بس لان انتي مقهورة ذبي حرگتج بيها
_ديالله اطيني بدون حجي زايد
_ها
_اسفه اخي العزيز
اطاني الجگارة حطيتها بحلگي وهوة يشغل بيها سحبت منها نفس واسمع صوت الهلاهل يم الغرفه مالتي من سمعت صوت الهلاهل شرگت واختنگت بدخان مالت الجگارة واني دموعي تنزل واسمعهم صعدوها ويباركون الهه بقيت اشرب بجگارة بحرگه واني افتر بلغرفه اسمع صوت جماعه اباذر صعدو ويهوسون ورا منا يمن وصل للغرفه من سمعتهم راحو والجو صار هدوء
رحت اخذت الباكيت من حسين وطلعت جگارة واني ارجف وابجي وهوة يريد ياخذها مني
_كافي شغف لا سوين بروحج هيج دخيل علي
_عوفني حسين راح اموت بحسرتي من شربت الجگارة ارتاحيت خليني اشرب بعد وحدة بلكت ارتاح
_دخيلك يا ابو فاضل لك شبيج شغف مو زين عليج والله
_وانت ليش تشرب اذا مو زينه
_اني وحد
عفته گعدت على القنفه وادخن بيها خلصت ردت اخذ الثالثه ولزم ايدي
_كافي شغف
_بس هاي الوحدة
_تدرين بلگوة مسيطر على اعصابي واني اشوفج ادخنين والله لو مو بهاي الحاله جا هسه انتي ميته بأيدي
_حجيت واني عيوني مليانه دموع.. فدوة بس هاي
عاف ايدي اخذت الجداحه وبقيت ادخن بيها
_حسين گوم افتح الشباك اختنگنه من ريحه الجگاير
_اووف منج منو السوة هيج غير انتي اختي المجروحه ادخن هههه
ضحكت بصوت عالي
_هههههه والله يا حسين جا شنسوي
گمت اريد اطلع
_وين الثوله
_من گال الثوله اذكرت اباذر من جان يگلي الثوله الفاهيه فراشتي ذني كلهن راحن الغيري
_شبيج انلصمتي ما انلام من اگول ثوله سطرج العباس
يالله جني راح ادخل بيج على ابو فاضل يصحيج ويقوي گلبج يا اختاه
_يحجي وياي واني ساكته
_احجي ويامن ويه الحايط يالله نزليلي افراش خليني انام تعبان
_نام على الجربايه حسين اني راح ابقى گاعدة عندي واجب واريد احله
وهوة يعوج بحلگه ويعيب عليه
_اني عندي واجب اريد احله نام على الجربايه.. اكلي نعل وتالي انخمدي يالله وعوفي الدراسه هسه بدل ما نازله اليوم وملتهيه بلمكياج والفساتين جان گعدتي وقريتي
_حسين ترة واصله الخشمي اسكت احسن لان مو وكتك وكت شقاك البايخ
فتحت الباب اريد اطلع وطلعت بوجهي عمتي مروة
_عمه شكو شبيج واگفه هنا
_اجيت اصيحج بيبيتج تريدج
_تمام جايه
نزلت جوة والنسوان گاعدة والبيت هوسه ينظفن بي البنات طبيت الغرفه بيبي بس هيه گاعدة
_اي بيبي صحتيني
_اي شغيفه اريدج تعالي اگعدي خلي اشوف وجهج اليخبل
_شغيفه شنو هاي تخربون بأسمي اسمي شغف وجهي شسوين بي تنسد نفسج لا اشوفينه احسن
_شتردين اگلج فراشه مثل..
ييييتتتبببعععع•••••
.......................................
بعد ما الك ذجر خوف بگلب عباسےـ .؟
