الكاتبه /فخر العراق
✨ألمي وملاذ قلبي✨
وحدي تعلمت
ما ردت عون انسان
تلويني المصايب وارجع الويها
عزة نفس جندي
من اعثر ارمي الروح
اكتلها ولا للأسر انطيها.. ♕
................................................
شغف..
_انت لو گد الكلمه ورجال ما سويت هيج
گتله هيج ما احس اله اجاني راجدي طير خدي
درت وجهي علي واني دموعي تنزل
_مرة ثانيه انتبهي للكلام التحجينه سمعتي
_بعد كلشي گمت اتمد ايدك عليه
_انتي والسانج اجفصين صمي حلگج وبعد لا تگولين طلگني سمعتي
_اطلگني وغصبا عليك وعلى اكبر واحد
اجه عليه ولزم حنجي بيدة وراص على سنونه
_خليني اشوف منو الغصبا علي لو يگلولي علاجج الطلاق ما راح اطلگج خوش
عافني راد يطلع وحجيت
_مبين عليك خذتني على حب
طلع وسد الباب بكل قوته
بقيت واگفه بنص الغرفه واني اباوع على حالي وعلى حلمي الضاع جانت امنيتي معدلي 98 ردت اطلع صيدله بس بعد كلشي راح ورة هذا التعب ما حصلت شي ركعت بلگاع واني ابجي على حضي
حتى من عافوني محد كلف نفسه يسئل عليه لا ام ولا ابو معقوله اطلع مو بتهم ولا حتى وتين اني وين اروح نمت بلغرفه واني ما ادري بنفسي من كثر ما بجيت گعدت على صوت سيارة ذبت الطابوك كبال القطعه الگبال بيتنه
گمت سبحت اخذت شالي ونزلت عمتي مروة تنظف والبنات يطبخن وبيبيتي گاعدة بصاله واديان يمها طبيت للمطبخ جدورة كبار يطبخن بيها
_صباح الخير
حوراء.. صباح النور هاي شبيها عيونج حمر
_ما بيها شي لان توني گاعدة
هذا المن الطبخ
_بابا اليوم طلع عمال
_عمال المن
_حسينيتنه النقره بيها كل سنه مو بعناها اشترا بابا قطعه وراح يبنيها بفلوس ذيج الحسينيه
_هههه ضحكتيني وين اكو شيعه بلموصل مين نجيب ملايه ها
_شنو السالفه ترة كل محافظه بيها شيعه وسنه
_اي صح عود وحدة منجن اصير ملايه ونگابلها ونگعد
_شو روحي عني خليني اكل المرگه
اي صدك شغف تذكرت البارحه بليل نشرو النتائج شفتيها
_گعدت بلگاع وحجيت.. ايه
كل البلمطبخ بقه يباوع عليه
مروة.. صدك جا ما تحجين بشري
_شبشر صخام الوجه
نرجس.. احجي مو گفتي گلبنه
_طلع معدلي 90
حجيتها وگمت ابجي
مروة.. يا صلوات جا عليمن تبجين
_عمه جان ابالي اطلع صيدله بس معدلي ما يقبل
_ايه يمعودة گولي الحمدلله والشكر منو حقق الايريدة عود ادرسي جامعه وبعدين كملي دراسات
_يا دراسات منو بي حيل يدرس بعد حتى عيوني احس نظرهن مو زين
_يا ستار يا ربي
ولج يمه تعاي لبت ابنج شوفيها معدلها 90 وما راضيه
اجت بيبي بلگوة تمشي للمطبخ
_يا ولج عليمن تبجين اني اخلي عمج سليم يدخلج اهليه
_ما اريد اهليه
گعدت يمي وحضنتني واني ابجي
اديان.. انتي والله تتعايرين اني طلعت 70 وادبي بدفرات وما مصدگه لهسه اني طالعه من السادس
نرجس.. حبيبتي تتعاير علينه مو عليج وبعدين لا تقيسين نفسج بشغف انتي وين وهيه وين
_ايه بالله گوليلي شنو اليختلف عدها اصبع زايد
مروة.. شو وخري منا من اشوف خلقتج تنسد نفسي
_اووي عيني حجت الارمله
_شگلتي ولج
نرجس.. شلون تحجين ويه امي هيج
هجمت عليها نرجس تسحل بيها من شعرها وامها توخر بيها لان حامل خاف يصير بيها شي
نرجس.. عوفيني يمههه عوفييييننني خليني اربيها الارمله اشرف منج يا ما عندج شرف يا ما مربايه لو بيج خير جا ما جنتي تركضين ورة اباذر وحدة رخيصه وعار اهلج لو ناس اصول جا ادبوج وحاسبوج بس شتترجين منهم وهمه كل اسبوع يبيتونج بيتنه ويدرون البيت متروس ولد كلها شباب
