الكاتبه /فخر العراق
✨ألمي وملاذ قلبي✨
لا تكسر گلب وتگول شعليه
المو گد العشگ لا يعشگ
بنيه... ❤
.....................................
شغف
_ بابا يدري بسالفه اباذر حسين
_اي يدري
_شگالك
_اگول رهف جاي نطبب بلغراض بعدين احجي وياج
_تمام
سده وادري بي ما يريد يحجي عن ابوي لان شي اكيد ما يسوي شي
رجعت نمت واني محتارة بحياتي شنو الراح يصير
گعدت الصبح على صوت بيبي
_ولج شغف ليش نايمه هنا ما تنامين بغرفه رجلج
_حجيت واني طالعه روحي.. لا تگولين رجلج واحد ادب سزز مثل هذا مو رجلي وهسه ترحين وتگليله يطلگني سمعتيني
_انجبي وكافي لغوة طلاك شنو شتگول علينه الناس يو الثالث طلگوها
_من انعل ابو الناس شعليه بناس اني ابن ابنج ما ابقى مرته لو على جثتي
_صاير السانج زفر ولج من يمته تغلطين هاي بس رافگتي اباذر يوم هيج غيرج ايا طايح حض يا اباذر
_هوة هذا الطلع منج بيبي
_يجي يوم وضلين تحبينه بكثر ما تكرهينه هسه
_على شنو احبه متگليلي
گمت غسلت وجهي وعمو سليم وكل البلبيت يفرغون بلغراض باعو شكو كنتور بلبيت وجربايه والطباخ والكاونتر بقت بس الملابس والغراض العاديه لان هاي الغراض ما تعبر خارج المحافظه وانباع البيت وطول هذني العشر ايام ما اباوع بوجه اباذر وكل ما يحاول يحجي وياي اجاهله
جنه متانين السيارة تجي علمود نروح للموصل ونستقر هناك واني متانيه حسين گال اجي وصار عشرة ايام ماكو ليش ما اجه
اجت السيارة وصعدنه بيها واني ما اريد اطلع من منطقتي ومحافظتي وبيتي وشارعنه المنطقه الاول ما اجيت على الدنيا بيها السيارة تطلع من الشارع واني دموعي بس تنزل اباوع الباذر واريد اموته اخنگه كله بسببه صار بينه هيج كله بسببه تهجرنه وراح نروح المنطقه بس سامعه بأسمها
بقيت ابجي. وبيبي جانت گاعدة بصفي
_كافي يابعد روحي عليمن تبجين على الاقل احنه سوة هسه شحال الناس التهجرت بلحرب وكل واحد مدري وين صفه بي الوكت
حضنتني واني ابجي
_بيبي ما اريد اطلع من الناصريه عوفوني وروحو انتم اريد ابقى بمنطقتي بيبي
_لو ولد جا عفناج بس انتي بنيه شلون تبقين بمحافظه وحدج ومحد قريب منج
_كله من ورة اباذر شوف الصار بينه ومحد كلف نفسه يحاسبه عادي عدكم الولد يسوي هيج لو وحدة من عدنه احنه البنات جا هسه مدفونه بنجف وشرف منكم ينگط يقبلها اباذر على اخته هيج يصير وياها
اني احجي علي وهوة صاح
اباذر...كاااافففيي سكتتتيييي لا جيبين سيرة اختتتي علللي السانج
_ليش هسه حسيت بلشعور استاذ اباذر من جبت طاري اختك
_ما احس اله اجاني راجدي طگ راسي بلجامه مالت السيارة
فقار.. ابااذرر شلللللوووننن تممممددد ايدددددك عليها فووووگ مة فظحتنه وهجرتنه من بيتنه
_سكتت بت اخوك
گام علي يريد يضربه والسيارة تمشي وگف بنصهم محمد
_كافي رحمه لهلكم خلينه نوصل سالمين عوفو المشاكل من نوصل
بقينه طول الطريق سكته واباذر بس يخزر بيه ويضغط على ايدة من العصبيه ما انكر واگول اول مرة اخاف من اباذر
