الكتابه /فخر العراق
✨ألمي وملاذ قلبي✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
...............................
شغف..
گعدت على الجربايه واني امشي ايدي على فراشه
_ليش هيج حسين ليش شلعت گلبي 3 سنين ما خليتني انام وبس افكر بيك تالي البالي صار ورحت عايش بلغربه ولا راجع باقي بدون شغل ولا رايح للكليه
هل درجه روحك رخيصه عندك اذا انت مليت ما فكرت بليبقون وراك شنو راح يصير بيهم
هيه هاي الاخوان بس تشلع الگلب وما تسمع الكلمه ارتاحيت من حطوك جوة التراب هسه خوش راح تبني مستقبلك ويصير عندك راتب
فتحت الكنتور واني اشوف ملابسه گدامي وابجي طلعت بدلته العسكريه
گعدت بلگاع واني حاضنتها وابجي
_منو الراح يلبسها هاي البدله حسين گلي منو
بقيت حاضنه ملابسه وگاعدة ما بقت عندي طاقه ابجي ولا احجي
شويه ودخلت نرجس وگايدتها ماسه
شافتني واجت تركض
_ماما وين جنتي عفتيني وحدي ومشيتي
_اباوع عليها ما اگدر احجي وبس دموعي تنزل
خلت ايدها على خدي وتمسح بدموعي
_ماما ليش تبجين
_وحدهن يبجن
_ليش گليلهن لا يبجن
_نرجس اخذيها وروحي
اجت گعدت يمي وحضنتني وگامت تبجي
_البقيه بحياتج ان شاء الله رب عالمين راح ياخذ حقه
_وداعتج محد ياخذ حقه ذيج الزلم كل واحد يعادل عشرة راحو رمشه عين محد ذكرهم مو تردين حسين ومحد يعرفه وتعرفين شلون العراق لو صار شي بسرعه ياخذون حقه ما شاء الله
_ماكو داعي ننتكل على احد الله راح ياخذ، حقه
_شنو ذنبه حتى يموت ها گوليلي شنو الذنب الارتكبه
_وين عايشه انتي شغف بلعراق لازم تتحملين
_هيه راح تكضي تحملي تحملي الى متى
_لا تبجين گدام ماسه خطيه
وگومي الغرفتج وعوفي ملابسه والغرفه لا دخلين عليها
_نرجس اخذي ماسه واطلعي وسدي الباب
ماسه.. ماما اني اريد ابقى يمج ما اريد اروح ويه خاله نرجس
نرجس.. اذا تحبين حسين وتعزينه صدك گومي اطلعي من الغرفه
_نرررجس
_كافي شغف گومي شوفي حالج شوفي التراب شوفي عيونج شوفي بنتج
يالله گومي
_واني ابجي.. ما اريد اريد انام على ريحته واني اباوغ على الجربايه
لزمت ايدي وكومتني طلعت من الغرفه وماسه وياي ما اسمع بس صوت الصريخ والبجي والحجي حسيت راسي راح ينفجر
گعدت بلگاع اجت ماسه ونامت على رجلي شويه ونامت حطيتها على الجربايه طبيت اسبح واني بلگوة امشي صار يومين ما نايمه نمت بصف ماسه
فزيت على صوت ماسه تگعد بيه
_ماما گعدي جوعانه
_ها حبيبتي گمت
لبست شالي وعباتي ونزلت جانت دنيا العصر وقرايه ماجنت ادري صحت حوراء تطيها شي تاكله وطبيت يم النسوان وطول القرايه بس اصرخ والطم على وجهي بقت امي حاضنتني وتبجي بقت النسوان تعزي واكو بيهن راحن بقن بس خالاتي وبناتهن وكرايب بابا بقيت حاضنه امي وتين يم بيبي شويه واجه باقر دخل للصاله وهوة لاف الجراويه على وجها ودشداشته السودة راح باس راس بيبي وتين واجه يم امي گام يبجي بحضنها واني اشوف اخوي شلون منكسر ومابي حيل
واحد دفنته بنجف واحد نكسر ظهرة وما يگدر يشيل روحه
اجو عمامي وابوي سلمو وطلعو لان ما يگدرون يبقون البيت كله نسوان
