الكاتبه /فخر العراق
✨ألمي وملاذ قلبي✨
شمدريني گلبك باب گهوة
يلفي ياهو الجان .♡.
....................................
اباذر..
قربت تريد تبوسني بادلتها واني ما اعرف ليش هيج سويت يمكن الشيطان وزني ثواني وشفت الباب انفتح باوعت شغف وعمي فقار طبو يسولفون
شافتني ودفعت اديان بقت تباوعلي وهيه مصدومه من الجنت اسوي
شغف.. بقيت جامدة ما اگدر اتحرك ولا انطي اي ردة فعل من المنظر الشفته بين اديان واباذر وهوة يبوسها وعادي عندة بذيج الحظه شلت بگلبي علي كره وحقد ما شاله گلبي على احد يوم من الايام
راد يحجي
_شغف بس خلي
اجه علي عمي فقار وهوة شراين رگبته طالعه من العصبيه راح علي طگا بوكسي طاح بلگاع والدم يطلع من حلگه من قوة الضربه بقه يضرب بي لحد ما خشم اباذر يصب دم بشكل مو طبيعي
گام عمي فقار من عندة نزل يصيح جوة
طلعت من الغرفه واني لحد الان ما اگدر استوعب الصار بثاني يوم العرس هيج يسوي زين وين حجي البارحه
حطيت ايدي على حلگي ودموعي تنزل بقيت واگفه يم المحجر جان محد يشوفني لان ضمن الصاله الفوگ بقيت واگفه واسمع عمي فقار يحجي
_سييللللم تعال شوف گوادة ابنك الدايح الساقط المسربت ما صار يومين على العرس
_خير شبيك فقار اصيح
_ابنك هوة واديان سوة بلغرفه ويبوس بيها وثاني يوم العرس صاير علينا العاشك الولهان خوش عاشك والله يوميه ويه وحدة
ام اديان.. لا اذبون بلاوي على بتي
_اووو خطيه بتج الشرف ينگط منها وحدة دايحه وما مربايه تركض ورة الولد
جاي احجي وركض سليم صعد فوك واخوان اباذر
شغف.. جنت واگفه اسمعهم وابجي بدون صوت شويه وشفت عمي وولدة صعدو وهوة يتحلف لباذر
شافني بقه واگف ما درت وجهي علي طب للغرفه
_ولك اباذر هيج تضحك عليه ما كفتك شغف رحت على اديان
واني احجي واباوع على اباذر الدم تارس الگاع ويصرخ من الوجع
راحو اخوانه يشوفونه الدم ما ينگطع غمه علي ونزلنا ناخذه للدكتور وصلنه للمستشفى دخلو فحصه الدكتور شويه وطلع
_ها دكتور بشر
_الولد خشمه بي كسر وما يگدر يتنفس لازم اسويله عمليه وصاير بي ميلان يعني هيه تجبير للكسر هيه عمليه تجميل
_بقيت صافن شلون انكسر خشمه
ميخالف دكتور سويله عمليه
_راح اخذه لعيادتي وتعال وقع
_شگد اطول العمليه
_ساعتين ونص او ثلاث ساعات
_خوش
ودينا بلاسعاف للعيادة مالت الدكتور سواله عمليه بقه داخل العمليه ساعتين ونص طلعو لغرفه خاصه على ما يگعد من البنج
گعد بس مدري شعجب ما گام يهذري ويحجي وما يدري بروحه
طبيت علي لافين خشمه وعيونه حمر درت وجهي عنه واني منطي ظهري واخوانه گاعدين يمه
_ليش سويت هيج اباذر مو على اساس تحبها هيج تجرحها بثاني يوم العرس
_بابا والله هيه اجتني وذبت روحها عليه
_تگدر تسحلها واطلعها برة الغرفه لو انته فرصه اجتك ليش اضيعها لا والمصيبه بلغرفه مالت زواجكم هاي البت وجرحها وخطيتها برگبتمن اصير فهمني
