الكاتبه فخر العراق
✨ألمي وملاذ قلبي✨
اصفن عالعمر
خلصته بس هموم
اباوع عالزمن وشلون جازاني
اثاري بهل وكت ما ينفع الطيب
والطيب يظل كل عمرة وحداني
واليمشي عدل
عالنيه ويه الناس
يظل طول العمر مجروح ويعاني .!
............................................................
شغف..
دخل عمي فقار فحطان ويصيح والخوف مبين على وجها
_ولكم راح يطبون علينه
شغف.. شبيك عمي منو اليطم علينه
وهوة بلگوة يتنفس ويحجي
_الارهابين طبو الموصل واحتلو المناطق راح يوصلون المنطقتنه لازم نروح بسرعه منا
ام علوان.. دهر صابني ولك خابر على اخوك ولد اخوك خلي يجون
_اسمعن كلش زين تلبسن حجاباتجن وعبيجن وتاخذن بس الذهب والفلوس تعوفن كلشي وراجن
بقينه واحد يصفن بوجه الثاني من الرعب والخوف
صعدنه نركض شكو ذهب وفلوس طلعناها لبست حجابي والبشت نزلت لگيت بس نرجس
_ولج بسرعه اهلي راح يعبرون الشارع واحنه بعدنه هنا
_يالله مشينه
طلعنه بشارع لگيناهم يمشون بمسافه بعيدة عنه حتى بلگوه يبينون بقينه نمشي سريع وما احس اله صوت الرمي والسيارات والارهابين طبو الشارع ردنه نركض وگفو الارهابين واحنه بنص الشارع حسيت رجليه ماتن نزلو ملثمين وگامو يرمون بأتجاه اهلي ما اسمع اله بيبي وعمتي ناديه گامن يصرخن
هنا قطرة دم ما بقت بجسمي
اجو علينه يردون ياخذونه واني ونرجس نصرخ
_عوووفووننني شترددوون من عدننه والله ما مسوين شي
_هياء خذوهم في تلك السيارة
نرجس.. وهيه تبجي.. شغف مدري منو اصاوب من اهلنه
_والله ما ادري بس سمعت بيبي صرخت
شدو عيونه وربطو ادينه صعدونه بسيارة وما ندري وين رايحين بقينه طول الطريق نبجي عليمن
على الماندري منو اصوب او مات او على اخذونه لااسر بأيد ناس ما نعرفهم حتى يحجون فصحه
بقت السيارة تمشي بلساعتين وگفت ونزلونه واني ما اشوف اي شي
يحجون وياهم وما افهم شيحجون لغتهم اول مرة اسمع بيها اخذونه وطبينه بشبه غرفه وخرو الوصله على عيونه وفتحو ادينه باوعت غرفه جبيرة ومليانه بنات ونسوان واطفال يبجون
واني ابجي
_نرجس وين احنه
_شغف احس روحي بحلم راسي راح ينفجر وين احنه
_گعدت وارتجيت على الحايط واني ميته من الخوف وبس الدموع تنزل اجت نرجس گعدت يمي
بقينه طول اليوم حتى بدون اكل
لليل وجابو بنيه شالو الوصله الشادينها على عيونها باوعت علينا وهيه مبتسمه وما بوجها ذره خوف
جابو خبز مو مثل خبزنه وماي
گعدت البنيه على صفحه وهيه ما مهتمه وبس تباوع على الباب وعلى الحارس البلباب
باوعت عليها مشكوك بأمرها ليش ما مهتمه باوعت على رجليها لابسه بسطال عسكري وطالع مثل السجين من طرف البسطال
_ولج نرجس
_شبيج
_هاي البنيه عسكريه
_شلون عرفتيها
_العسكري ما يخاف وهيه ما خايفه اصلا مبتسمه ولا بسه بسطال عسكري وباعي على السجين الحاطتها برجلها بس يمكن ما منتبهين عليها
_اي والله خاف ما خذينها رهينه
_والله ما ادري
نرجس هسه الصار بأهلنه بس لا كضوهم
_لا ما اعتقد بس خايفه من صرخت بيبي وعمتي ناديه
_دخيلك ربي بس كون سالمين
باوعت على البنيه راحت على زاويه الغرفه وحطت بطل الماي حبايه سدت البطل وراحت بأتجاه الباب وتحجي ويه الحراس ثنين
واني اسمعها
_شباب
_ماذا تريدين
_شفتكم عطشانين وصار الكم هواي واگفين گلت خطيه اطيهم ماي تدرون اني لو اصير فرصه اشتغل وياكم احسن الي انتم ويه الحق واعوف العراق شنو راح احصل منه اذا بقيت ويا غير الموت
_هل ستصبحين معنا
_طبعا اصير وياكم
ما تردون اشربون ماي عفوا اقصد هل تشربون الماء
اخذو البطل منها وشربو بقت تحجي وياهم نص ساعه ما شفت غير شويه شويه نعسو نامو بدون ما يدرون
بقيت صافنه على تصرفها هاي منو وليش هيج سوت
التفتت علينا وبيدها مفتاح السجن شلون گدرت تاخذه من عدهم
_بنات اريد اعرفكم على نفسي اني ضابط استخبارات بجيش العراقي اجيت هنا بواجب حتى اطلعكم راح نطلع منا والقوات منتظرتنه برة
_هيه تحجي واني صافنه عليها ضابط شلون خاطرت بنفسها واجت هنا
_انتي شلون اجيتي
_سوينه خطه حتى يعتقلوني خطط عسكريه عليكم بس اطلعون منا وبعد ما تعرفوني تمام
التفتت على نرجس وحجيت
_مو گتلج ضابط مبينه ذيج هيه
_لج باعي الشخصيه شلون تحجي وحتى ما نزلت راسها
_هيه بعد ضابط
فتحت الباب مالت السجن طلعت تمشي على كيف علمود اشوف الاوضاع خاف احد يشوفنه
رجعت علينه وتحجي بصوت ناصي
_بنات ذاك الباب الزغير اطلعن منا بهدوء بدون صوت اطلعن گبل تبقن تمشن اله ان تلگن جندي ضابط قوة تنتظرجن هناك
طلعن كل البلسجن وهيه واگفه باب السجن وتتلفت بقينه اخير شي طلعنه وحجيت وياها
_انتي ليش ما اطلعين
_لازم اتأكد كل البلسجن طلعن
_خاف يعرفون ويلزموج
_عادي اهم شي انقذجن مو مهم اني
يالله بسرعه
طلعنه من الباب وهيه لزمه السجينه وتمشي ورانه وتتلفت امشي ونرجس تمشي وراي صار رمي من عرفوا بينه
گمنه نركض اجت الطلقه براس نرجس طاحت بلگاع شفتها ردت اروح ارجع عليها وسحبتني البنيه الضابط وحطت ايدها على حلگي بقينه گاعدين بين القصب علمود لا يشوفونه
اجو من يمنه واني ارجف من الخوف وابجي دورو مالگو حتى احنه ما شافونه لان بين القصب راحو صارو بعيدين باوعت عليها ودموعي تنزل وخرت ايدها عن حلگي وحجيت
_ماتت مو
_البقيه بحياتج وحياه العراق
حجت هيج وشهگت
_واني ابجي خلينا نروح الها
_يكضونه والله خلص ماتت
_تحجي واني لا اگدر احجي ولا ابجي مصدومه من الكل الصار راح حسين وراحت نرجس
بقينه گاعدين وجانت دنيا ليل شويه وشفت ولد يزحف ما مبين لان دنيا ضلمه ردت اصرخ وحطت ايدها على حلگي
_لا تخافين هذا ضابط اجه ياخذنه
وصل يمنه وشال الجراويه عن وجها جان لابس ملابس عسكريه
_شلونج بنين
_الحمدلله بخير تمت المهمه بس للاسف خسرنه بنيه
_استشهدت
_اي
شغف.. فدوة خلينا نروح نجيبها بلكت تطلع عايشه
_اجت الطلقه براسها مستحيل ما نگدر حتى ناخذ جثتها
صدام.. يالله بنين خبينا نرجع
_صدام وين البنات
_وصلن هسه هنه بأمان
شكرا على هاي التضحيه
_هذا واجبي اهم شي العراق
_شي اكيد
بقينه نمشي بهدوء وصلنه المكان جان عبارة بس عن سيارات عسكريه وضباط
اجه ضابط جبير
ضربت اله تحيه واني اباوع عليها وعلى شجاعتها
العميد.. ما ادري شلون اشكرج بنين على هذا النجاح والتضحيه والشجاعه
_هذا واجبي سيدي
_فخر للعراق انتي ان شاء الله بهذا النجاح نگدر نسيطر على الوضع
_ان شاء الله
صدام.. من رخصتك سيدي الاامر سالم ينادي الملازم اول بنين
بنين.. من رخصتك سيدي
_انصرفي
ضربت اله تحيه ومشت بقيت واگفه بين الضابط واني ما اعرف شنو اسوي
العميد.. صدام
_نعم سيدي
_اخذ هاي البنيه يم البنات وهسه انشوف وين اهلهن علمود نخبرهم
_حاضر سيدي
يالله خويه امشي وراي
مشيت ورا واني ميته من الخوف طبينه المقرهم فتح الباب الغرفه نفس البنات الهربوهم
بقيت گاعدة شويه واجت البنيه بنين
_منو اسمها شغف...
ييتتبببعع••••
......................................
آللهہ حيـﮯرآضـيـﮯج
هوُة وُحً ـدة يـــــــّعــــــــرفــــــ گلَبّـــــــجَ شـــــــگد تــــــــعــــــــبّـــــــ . 💙
