الكاتبة/فخر العراق
✨ألمي وملاذ قلبي✨
_منو غيرج يبعد الروح يسوة ؟
_الحلوة بعشرتج مرتها حلوة !
_ومنو غيرج نجي كلنه انكسارات !
_بحجيج الله يسلمج نرجع اقوى ♡.
..........................................
شغف.. اممم صباح النور
حسن.. وهاي امممم المن مخليتها
_هاي لغتي محد يعرفها
ابا ذر.. بس اني اعرفها.. گعدت اگبالها واشرب جاي
_بالله شنو معناها
غمز وگال
_بعدين اگلج هسة اريد اتريك
_بقيت صافنه من غمز ما متعودة على ابا ذر هيج يصرف وياي
_شبيج سطرج الحمزة
_ها ماكو شي
_ما ادري غمزتي هيج ادوخج
_ابا ذر ترة اجاوزت حدودك
_اني شگلت شغوف.. واني ابتسم
_المن هاي الابتسامه العريضة.. واني ااشر بيدي
_الج عيني اكو واحد غيرنه بلمطبخ
_ابااااا ذرررر
_على كيفج خليني اروح ومن اجي اسولف وياج سالفة حلوة
_هوة انته يا يوم سولفت سالفة حلوة
_لا هل مرة حلوة مثل عيونج الحلوات
_خله وطلع من المطبخ واني بصدمتي هذا ابا ذر نفسة متغير 180 درجه سبحان مغير الاحوال دخيلك ياعلي
گمت لميت گتبي وحطيتهن بلجنطه نزلت وتين وبيدها كتابها
وتين شو ما مبدله
_المن ابدل شبيج اليوم احنة غير عصري
_شنو عصري صباحي ولج
_لا تخبليني شغف الاحد والاثنين صباحي والثلاثاء والاربعاء والخميس عصري
_يااا صدك ولج اليوم احنه عصري
_ثول اي والله خوفتيني عبالي صدك
_شدراني دايخه
_منين دايخه ست شغف
_كافي صمي حلگج مالي خلك
بقيت اراجع بأمتحاني صارت ب 11 الصبح تغدينه اني و وتين شويه واجه الخط رحنة للمدرسه جان اول درس امتحانه امتحنت وطلعت مو زينه گمت ابجي لان اني، قريت هواي جنت مركزة وطاح حضي ليش ما جاوبت
بقيت گاعدة بساحة صافنه وافكر بتصرفات ابا ذر اليوم ليش هيج متغير ليش هيج يتصرف وياي
جنت گاعدة وفزيت من صفنتي على صوت وتين تحاجيني
_شغف خايبة ولج شغف
_ها
_يا شبيج صافنة ها ولج بيمن تفكرين گليلي
_نعال بگصتج بيمن افكر مو زينه بلامتحان
_صدگتج
_صدگتي والما صدگتي شسويلج
_شغف
_خير
_خايفة على عمو لا يصير بي شي مبين بابا كلش ضايج علي
_الله يشافي شنسويله هوة احنه شايفينه حتى نضوج علي هية مرة وما اذكر وبابا شي اكيد لان اخو يا وتين
_ميخالف يبقة عمنه
_وتين اني رايحه اراجع هذا الدرس عدنه احياء لازم اراجع
_تمام اني هم رايحة
_خلصنة دوام ورجعنه للبيت 5 ونص العصر ميته من التعب والنعاس اريد بس اشوف المخدة وانام
ذبانة ابو الخط بلباب طبيت لگيت اديان عدنة گاعدة بلحديقة تتمضحك ويه الولد ودي اكضها واربيها
رحت سلمت عليها وگعدت بصف بيبي اكل كليجه وجاي وابا ذر گبالي گاعد
نرجس انطيني كليجه من يمج انطتني ام التمر
ابا ذر.. نرجس شغف ما تاكل ام التمر تحب ام الحلقوم.. اخذت من ام الحلقوم واطيتها
