الكاتبه \فخر العراق
✨ألمي وملاذ قلبي✨
وذا ما بيك حيل..
تغازل عيوني "
ضل بايع ثگل "
غيرك يريدوني!!
....................................
وتين..
شويه وفتحت الباب شغف
_وين جنتي
_بلمحل
_وحدج رحتي
_لا ابا ذر راح وياي
_ابا ذر راح مو توني گتله ما قبل يطلع
_والله ما ادري ردت اطلع وهوة گال اني اروح ورحت ويا
اديان.. معقوله ما عندج شي ويا طالعه بس انتي ويا
_احترمي نفسج اديان ابا ذر مثل اخوي
_اي كلش
_شو جنج زودتيها شايفتني ويا
نرجس.. كافي اديان شنو السالفه احنه رابين سوة مثل الاخوان ابا ذر وشغف ما بيناتهم شي
حوراء.. حتى لو بيناتهم شي اديان هذا الشي ما يحقلج تدخلين بي
اديان.. على كيفجن اكلتني هاي كلها وياهه بعد گوللي طلعي من البيت
_محد طردج بس عوفينه من هاي السوالف احنه ملتمين هنا نتونس ونغير جو لا تخربن السهرة
_طلعنه فلم كوميدي وبقينه نتفرج علي صارت ب 2 بليل طلعت من الغرفه وهنه بقن لان لازم اگعد اقرة
نزلت من الدرج اريد اروح اشرب مي فتحت الثلاجة وطلعت بزونه من بين الكاونتر والطباخ گمزت بوجهي واني صرخت بأعلى صوتي
طلعت من الباب واني كاضه گلبي بلگوة اتنفس باوعت على باب المطبخ واشوف اباذر اجه يركض
يحجي بخوف
_شغف شبيج
_ها ما بيه شي بس بزونه جانت لا بده وطفرت عليه
_خو ما سوتلج شي
_لا ما بيه شي
اجه حسين من الطارمه جان گاعد وهوة يركض طب للمطبخ وعباله اباذر مسويلي شي
اجه علي يركض كضا من رگبته
كضيت ايد حسين واحجي ويا
_حسين فدوة عوفه والله ما سوالي شي افهم السالفه
_اني ادري بي واحد دايح
_حسين راح يموت لا تخليني اصيح ويگعد با با وعمو وصير مشكله
_خلي يگعدون خل يشوفون الاستهتار مالت ابنهم
_دفعته بكل قوتي وابا ذر بلگوة يتنفس بقه حسين يباوعلي ومتفاجئ
حسين طفرت عليه بزونه وصرخت وبا ذر جان گاعد بصاله واجه هاي كل السالفه والله ماكو شي
_ضمضميله يجوز انتي قابله
_من حجه هيج ضجت منه ومن كلمته.. عفتهم وصعدت فوك
گعدت على جربايتي واني ابجي معقوله اخوي يشك بيه وصلت لهدرجه
نمت واني دموعي بعيني فزيت على دفرة الباب نرعبت من الصوت گمت واني مخروعه
اباوع على الدفر الباب وتين اجت عليه وهيه تبجي وبلگوة تحجي
_احجي ولج شبيج شصاير
_بجي.. عمو اخو بابا المريض اتوفه
_من سمعتها انكسر گلبي خطيه بابا.. انا لله وإنا اليه راجعون
بيش الساعه توفه
_قبل ساعه توفه وهسه ب 6 الصبح
_راحو لو بعدهم بلبيت
_كلها راحت بقه بس حسين واديان ودوهه لهلها
_يعني بقينه وحدنه بلبيت
_لا غير حسين بقه ويانه
نزلت جوة لگيت حسين نايم على القنفه رحت اسوي ريوگ علمود اقرة سويت جاي وتين گاعده يمي تبجي علي
_كافي وتين رحمه لله عليمن تبجين هيه هاي الدنيا يوما لك ويوما عليك الله يرحمه
_ما ادري شغف صورته بأخر مرة شفته لهسه گدام عيني وبابا خطيه بقه يبجي علي
_رحت يمها وحطيت راسها بحضني.. كافي حبيبتي قابل اذا بجيتي ترجعي الله يرحمه عوفي كلشي واهتمي بدراستج لا تشتتين عقلج يا عمري
مسحت ادموعها وگعدت تاكل وياي بقيت بس اشرب جاي وصافنه وافكر بلصار البارحه بين حسين وابا ذر شي اكيد هسه ابا ذر ضايج خطيه هوة خاف عليه بس هذا المهموش مدري شبي يكرهه دائما يتعارك ويا
فززتني وتين
_شغف شغغغفف
_هاا
_شبيج وين صافنه
_ماكو شي
_لا اكو شي
_گتلج ماكو شي
_جا بيمن جنتي تفكرين
_ماكو شي جنت افكر بلامتحان يو الاحد عندي صعب
_لا تفكرين شغف وتعبين نفسج خليها على الله
_الله كريم
اني رايحه اقرة شويه وانتي روحي نامي لا تبقين گاعدة
_لا عندي هواي تحاضير خليني اقراهن وبعدين نظف البيت ونسوي غدة
_تمام اني رايحه
صعدت فوگ طلعت كتبي بصاله خليني اخذ راحتي بقيت اقرة ل 10 الصبح لميت كتبي ورحت لبست اسود ونزلت لگيت حسين گاعد بلمطبخ عفته وما اهتميت اله فتحت الثلاجه اسوي غدة ونزلت وتين
_ها شغف شراح اسوين
_ما ادري شنو نسوي غدة
حجه حسين
_لا سوين اني اجيب من المطعم هوة بس احنه هنا ماكو داعي
وتين.. متريگ حسين
_اي
_جا شبيك وجهك مگلوب
_باوعلي ورجع يشرب جاي ما رد عليه
بقينه اني وتين انظف بلبيت كملنه وراح حسين جاب غدة واجه حطيته بصينيه وصحت وتين
بقينه نتغدة شالت الصينيه وتين بقينه بس اني وحسين گاعدين ردت اگوم ولز ايدي
_شغف زعلانه مني
_على شنو ازعل عادي اخو يشك بأخته
_والله اخاف عليج منه ماكو امان هذا الوكت
_حسين اني وبا ذر مثل الاخوان ماكو شي بيناتنه ليش كلها ماخذه نظرة مو زينه
_ميخالف حبيبتي سالفه وصارت
_سكتت ما رديت علي
_بعدهه اختي الحلوة زعلانه مني
_درت وجهي عنه واحجي.. اي زعلانه وما اريد احجي وياك
_گعدت گبالهه وبست راسهه وخدهه
وهسه بعدج زعلانه
_اشرت على خدي الثاني.. وهذا الخد ما بسته
_هههه تدللين.. بستها بخدهه الثاني
_وهسه راضيه
_يمكن افكر
گمت واني مبتسمه رحت لگيت وتين مغطيه راسها واسمعها تبجي
رحت الهه رفعت الغطه واني خايفه
_وتين شبيج تبجين
انهارت بلبجي حضنتني وهيه تبجي
_شغف والله خطيه بابا شصاير بي هسه على اخو
واني امسح على راسها
_لا تبجين حبيبتي هذا اخو والاخو ما يتعوض وشي اكيد يبجي علي ما عدنه غير الله يرحمه ويغفر اله ان شاءلله
_ان شاء الله
خابري ماما شوفي وين وصلو
_تمام راح انزل اگول لحسين لان تلفوني مابي رصيد
_تمام
_كافي لا تبجين راح اروح بسرعه واجي
_هزيت راسي برضه
_نزلت جوة لگيت حسين گاعد بصاله رحت اله
حسون
_عيوني
_خابر على ماما شوف وين وصلو وتين بس تبجي ما ترضه تسكت
_اوك هسه ادك
_طلع تلفونه دگ عليها ردت بقه يحجي هوة ويا سد التلفون
_ها بشر
_ امي ما راحت وياهم ولا البنات توهم طلعو جانو يشيعون بي
_يا من الصبح لهسه جا يجوز همه و 12 بليل لو يجون لو لا
_اي لان جان بلمستشفى وبعدين شيعو
_الله يرحمه
_الله يرحمه ان شاء الله
_صعدت اگول لوتين فتحت الباب جانت گاعدة على الجربايه طبيت واجت يمي
_ها شغف شگالج
_توهم طلعو للنجف
_بس من زمان هوة مات من الصبح
_على ما طلعو من المستشفى وسوله شهادة وفاء ورجعو شيعو
_اي هم صدك
_يالله وتين نامي ورانه قرايه
_شغف نامي يمي
_الجربايه ما تكفي
_ميخالف تعالي نامي يمي
_رحت نمت يمها تغطينه سوة وهيه لازمه ايدي هاي عادتها من اجت يمنه تنام يمي وهيه حاضنتني
گعدت ب 4 العصر وتين بعدها نايمه
اخذت كتبي ونزلت اقرة للمغرب گعدت وتين رحنه سوينه عشه گعدنه نتعشه رحت اقرة ل 11 بليل اجت وتين
_شغف
_عيوني
_اروح فدوة لعيونج خلينه نقرة قرأن لعمو ونصليله اليوم اول يوم اله بلقبر
_تمام راح اتوضه واجيب القرأن لان بس واحد بلغرفه
رحت جبت القرأن گعدنه اني وتين انصلي وبعدين بقينه نقرة قرأن ل 2 بليل شفت وتين كملت ونزلت جوة
وتين.. كملت قرأن ونزلت جوة اشرب مي فتحت الثلاجه اطلع الدولكه اشرب مي شربت التفت
واشوف گدامي واگف...
ييتتبع•••••
