الكاتبه /فخر العراق
✨ألمي وملاذ قلبي✨
حسين السعيدي 2021 گال :
غير انت ما منتبه
من گتلي صاير حلو
ليهسه جاي اضحك
رجع 2023 گال :
شيفيد وشتعتذر
وشرايد تگلي ؟
صح گتلي صاير حلو
بس خربت كلشي .!
......................................
شغف..
واني شنو مو عزيزة عليك
من گتله هيج عاف اذني طلع جگارة واطانيها
_هاج وهاي اخر مرة فهمتي
_حطيتها بحلگي.. يالله ورثها
_لا هاي هيه ربحنه
ورث الجگارة بقيت ادخن بيها نزلت اديان وشافتني ادخن
_اي لا هاي هيه ادخن هيه وخوها عاش العراق العظيم
حسين.. غصبا على راسج عظيم مو متاني وحدة مثلج تگول عظيم
_انت منو سمحلك تحجي وياي هيج
_او نسيت اطلب منج ههه
راحت تركض برة صاحت اباذر واجت هيه ويا
_اباذر شوف شغف گاعده يم اخوها ودخن وهوة يحجي عليه
اباذر.. شغف شنو هذا الحجي صدك تدخنين شنو انتي زعطوطه
حسين.. هيو لا اصيح عليها واخذ هاي البومه مالتك ولي منا يالله لوف حبيبي
_شغف جاي احجي وياج
گام حسين يحجي وهوة راص على سنونه
شگتلك اني لا تعلي صوتك
_حسين انت زغيرون شلون تخليها تشرب جگاير
_وانته شكو
_شنو شكو هيه بنيه مو زين عليها راح تتأذه
_اوو خايف عليها تتأذه كونك خايف عليها ما سويت عملتك
_شغف جاي احجي وياج شلون شربين جگاير
شغف.. ها يعني انت تريد تعرف شلون اشرب سهله تحطها بحلگك وتشغل الجداحه وتشتغل بعدين تبقه تاخذ منها نفس اصير مثل شهيق زفير زفير شهيق هاي كل القصه
ها اذا تريد اگلك مين جابه حسين من ابو عدي براس الشارع روح جيب من عنده خلينا نشرب وعلي طيبه تدري اكو انواع حتى ام الكاكو اني اريد منها خوش
يالله تصبحون على خير وراي گعدة ويه الديج الصبح
حسين.. تصبحين على خير خويه
اباذر.. رحت الهه ولزمتها من ايدهه.. من احجي وياج ما ديرين وجهج وتمشين شنو مثل اني اشتغل عدج
حسين.. لزمت ايدة وخرتها.. وخر ايدك عن اختي ايدها رقيقه بسرعه يصير بيها اثر لان انت قوي خطيه من كثر ما تشتغل عماله وعندك نسوان ثنين برگبتك شورطك متگلي وتزوجت بس الاذيه هاي اني شوفت عينك حتى ب 2 بليل ارجع ومحد يوگف فوگ راسي تدري عندي حل طلگهن واشرد لغير دوله اتونس شعدك باقي بلعراق لا انوبه بلموصل على ساعه يطبون علينه داعش هيا اخرجو يا كفار
شغف... ليش ما اصير ممثل مو احسلك
هيا اذهب الى النوم يا اتباع امون
_هيا اذهب يا حرمله ههه
_هههه
عفتهم وطبيت للغرفه مالت بيبي واني اضحك على سوالف حسين
رحت نمت گعدت الصبح اتريگ اكلت وصعدت اقرة بقيت ل 11 الصبح دگاني الجوع نزلت اكل الغدة بعده ما كامل تانيته اكلت وحدي ورجعت صليت بقيت اقرة منا للمغرب اجت نرجس
_شنو ولج عدله ميته ما مليتي من القرايه خلينا نشوف وجهج على الاقل لا بريوگ ولا بغدة ولا بعشه گمتي تاكلين وحدج
_نرجس ما الي خلگ عوفيني خليني اكمل
_شتكملين من الصبح لهسه نمتي ارتاحيتي لا
_ما اريد ارتاح اريد بس اطلع بمعدل عالي كلش واعوف اباذر
_دخيلك يا علي دوم عقلج رايح دگومي يالله خالو فقار و خالو سليم يگولون صار يومين ما شايفينها شوفوها خاف ماتت على الكتاب
_يمكن تتمنون بس اموت علمود تخلصون مني مو
_شنو هل حجي شغف يالله گومي
_اجيت
اخذت شالي ونزلت جانو كلهم گاعدين بصاله
سليم.. هله هله بشغوف شنو السالفه عيونج راحن من القرايه
فتحلي ادي رحت حضنته وهوه يبوس براسي
فقار.. جا واني شو ما حضنتيني
ابتسمت ورحت حضنته باوعت على اباذر يباوع عليه ويمسح بوجها اخر شي گام وهوة مبين عصبي
حوراء.. جا واني ترة اغار شنو بس شغف عدكم
محمد.. يا بويه صعدت الحماوة ههه
_هههه
گعدنه نتعشه واني طريقتي بلعشه اي شي اكله لازم ويا جاي جنت لازمه الاستكان وحجت اديان
_اليوم اريد ابشركم شي اكيد راح تفرحون بلخبر
سليم.. ديالله احجي
_اني حامل
شغف.. من گالت حامل نسيت اني گاعدة على السفرة بقيت بس اباوعلهه من حرگتي طگ الاستكان بيدي والدم ينزل واني ما احس اجه يمي اباذر واني عيني ما تنزل منها حامل هاي هيه بعد مستحيل يرجع اباذر
اباذر.. گومي شغف الگاع انترست دم خليني اطلع الگزاز من ايدج
_بقيت بس اباوع علي بدون ما احجي
ما حسيت اله احد شالني للمطبخ وگفني يم السنگ باوعت حسين لازم ايدي وهوة خايف يطلع بلگزاز
اباذر.. حسين خلينا ناخذها للمضمد
_انت تسكت لا هسه اكفر بيك
راح اباذر جاب علبه الادويه نضفها ولفها
حسين.. على شنو هاي شغف بس گليلي يستاهل
_بقيت ساكته ما اريد احجي
_ما تردين شغف ترة خفت
اجه عمي فقار ولزم اديه ويحجي وياي بحنيه
_حبيبتي ردي شبيج ليش ساكته
_ما بيه شي عمو شبيكم الاستكان جان مفطور صدفه وطگ يالله اني اروح عندي قرايه
من گلت هيج
اباذر حط ايدة على صدرة وتنفس گعد وارتجه على الحايط جان خايف لا يصير بيه شي
تستاهل هاي نتيجه افعالك ضل اتعذب اكثر
طلعت صعدت الغرفتي بقيت اقرة طول 3 اشهر المراجعه واجه يوم الي تبدي الامتحانات
اول يوم امتحان الي طلعت من الامتحان واني ابجي لان احس نفسي ما مجاوبه
بقيت على هذا الحال منا الى ان خلصت الامتحانات واجه دور هم النتائج
بقيت انتضر النتائج شهر وطلعت جانت الساعه 12 بليل نشروهه بصاله افتتر وكاضه راسي بيدي والخوف والقلق موضوع ثاني نزل اباذر وشافني افتر بصاله وبس اني ولازمه التلفون
_خير شغف شكو صاير بيج شي
_شنو يصير مثلا النتائج نشروهه
_ها صدك شفتيها
_الرابط ما يفتح
حجيت هيج گعدت بلگاع وگمت ابجي
گعد يمي وهوة لازم كتفي
_شجاج شغف على شنو تبجين هسه تطلع النتائج وان شاء الله ناجحه
_شنو ناجحه اني اريد تعبي اريد معدلي عالي
_اي ليش لا هسه اشتريلج من المحل شبيج شغف
_اني بيا حال وانت تضحك عليه
_ههه تبقين طول عمرج فاهيه وثوله
_ما اسمحلك تگلي فاهيه وثوله
_بلنسبه الي هذا كلام حلو
_طول عمرك ما راح تتعلم تحجي كلام حلو
_جؤ جؤ ليش مو ادلعج فراشتي
_واني اعيب علي فراشتي والله مكلف نفسك
_شو اطيني خليني اشوف الرابط
_اخذنه مني وبقه يتاني منا لل 1 بليل اله فتح
_ها اباذر بشر
_بس خليني اشوف اسمج
_بقه يدور بلاسم واني ختمت القرأن بگلبي
_شغف علوان عادل
_اي يالله احجي
_المعدل 90
_شنو شنو 90
_شبيج ولج 90 معدلج كلش عالي
_شنو العالي 90 وبلعراق ما يدخلني كليه تمريض
گمت ابجي صعدت فوگ الغرفتي واني منهاره بلبجي طبيت للغرفه گعدت بلگاع واني ابجي اجه وراي اباذر
اجه گعد گبالي وهوة يحجي
_شنو سالفتج شغف شيطلع خلي يطلع واذا اهم شي اطلعين من السادس واصير عندج شهادة
_شنو اطلع من السادس اباذر سنه كامله بس اقرة وما مرتاحه لا بنوم ولا بأكل
_اذا هيج ادخلج اهليه
_ومين اجيب تدفع للكليه ومصاريفها وانت تشتغل عامل يوميتك 25 الف المن تطيهن
اباذر احسن شي اطلگني
_شغف شكم مرة گتلج هاي الكلمه بعد لا تعيديهه طلاك ماكو
_لا مو بكيفك اني اريد ارتاح اريد اشوف حياتي مو على ذمه واحد كاضيها بس ويه مرته ذيج وفرحان لان حامل وتهتم بيها وهذا الشخص وعدني ما راح يروح الغيري واني اشوفه رايح الها ويهتم بيها ويگعد يسولف ويضحك وياها وتريدني اسكت وسبب نزول معدلي هوة انت
_واني شلي دخل معدلج
_من وراك اشوفك گدام عيني انت وياها وگلبي يحترگ من وراك اكثر واحد تدري ما احب احد يستعمل شغلاتي على قلم جنت اتعارك وياك لان تاخذه وتكتب بي
_شغف گتلج مستعد اطلگها
_لا شلون اطلگها وهيه حامل احسن حل الك طلگني اني وانت مرتاح وياها
_اقسم بالله اضحك واسولف جذب ما مرتاح ليش ما جاي تفهموني
_اباذر طلگني
_گتلج لا
_وگفت گدامه گمت اضرب على صدرة وابجي
طلگني يعني اطلگني حياتي ومستقبلي وكلشي ادمر بسببك حتى منطقتي الجنت عمري كله ما اتخيل اعوفها تهجرنه منها بسببك جبتنه على محافظه حتى كلامهم نصه ما اعرفه
_شغف طلاگ ماكو راح تبقين على هذا الحال الى ان ترجعين تحبيني واني راح اكون على گد وعدي
_انت لو گد الوعد ورجال ما سويت هيج....
يييتتتتبببعععع••••••
....................................
يطبك طوب ترجع
ما اجبرك •
انه شخصيتي بلحب تسوة
عمرك ..!
بعد مو ذاك الاول من يلچمو !!
گفر يلفني وعمت عينه
الينتظرك .!
واذا ترجع سبع مرات احضرك •
.......
بنات ياريت اصوتون على البارتات
