ﺍﻧﺖ ﺍﻟﺮﻓﻴﻖ ﺍﻟﻠﻲ ﻟﻪ ﺍﻟﺼﺪﺭ ﻣﻔﺘﻮﺡ ......ﻳﺎﻛﺒﺮ ﺣﻈﻲ ﻳﻮﻡ ﻣﺜﻠﻚ رفيقي

بارت 36

يمشي بخطوات متباطئة وهو يناظر بالشوارع والبيوت حوله ، بعد ما انهى زيارته لبيت طلال ووصل لمبتغاه ،،،

وقف امام المسجد وتنهد : يالله يا ساري يالله ، الله بيعوضك بكل شي بتدفعه اكيد

خلع حذائه ودخل المسجد

وناظر حوله بالمسجد ،شاف الشيخ واطفال متجمعين حوله يقرون القرآن

اتجه لهم وجلس قريب منهم ،وهو يستمع لهم

ناظر بساعته ، ما ضل عن الاذان وقت طويل ، وخايف يجي طلال ويشوفه

اقترب لهم وتنحنح : السلام عليكم

: وعليكم السلام والرحمه

الشيخ: هلا يا ولدي ، تفضل

ساري : تسلم يا شيخنا ،عساك طيب

الشيخ : بخير جعلك بخير ،شكلك مو من هنا اول مرة اشوفك

ساري : اي والله يا شيخ مو من هنا ، وابغا منك خدمة

الشيخ : تبشر يا ولدي بلي اقدر عليه

ساري : ،،،،،

.

.
.

.

.

.

.

.

.

مجتمعين بالخيمة ، وصوت ضحكهم واصل لاخر العزبة

وهو مستمتع معهم ، لدرجة انه طول هالايام رافض انه مطلق او راجح يجون العزبة وبقى هو الي يشتغل فيها ، لاجل يلتقي بحمد واخوياه ،الي تردد قدومهم للعزبة

سالم : وين راح حمد تأخر

: الحين يجي وشبك

سالم : بروح اشوفه

: لالا خلك ،انا بروح اشوفه ، انت جدد الشاي بس لانه برد

سالم : ايه زين ، بس لا تتأخر انت بعد

: ههههه ولا يهمك

خرج من الخيمة يبحث عن حمد ،،

لين لقاه

: حمد وش بتسوي هنا

حمد: شوف شوف هالحلال يا كثره

: اي بالله كثيير لو صح لنا كم راس منهم

حمد : وحنا ما جينا هنا الا عشان ناخذ منهم

: بس متى

حمد : بفكر بهاليومين ، وننهي السالفة ذي قبل ما احد يحس علينا

ابتسم بشر : زين زين ، بس وسالم

حمد : وشبه

: بيشك فينا

حمد : هه لا ابد ،هو يثق فينا ، وما بيعرف انه احنا الي سرقنا

: ابوه واخوانه ،هم من الاساس ما يحبونا اكيد بيعرفون انه حنا الي سرقناهم