ﺍﻧﺖ ﺍﻟﺮﻓﻴﻖ ﺍﻟﻠﻲ ﻟﻪ ﺍﻟﺼﺪﺭ ﻣﻔﺘﻮﺡ ......ﻳﺎﻛﺒﺮ ﺣﻈﻲ ﻳﻮﻡ ﻣﺜﻠﻚ رفيقي

بارت 60

: لا لا مستحيل هالشي يصير

: يمه تكفين اسمعيني

: مشاري ،خلاص انا قلت لا يعني لا

مشاري وقف : ليش لا يمه لييش ،بقلك انا ابغاها ابغاها

ام مشاري ناظرت ابوه : شفت، قلت لك ما ورا زيارات هالديرة الا البلى ،والحين يبي يتزوج منها !!(ناظرت مشاري) مستحيل ادخل وحدة زي كذا لبيتي ،اذا بتزوج انا بزوجك وحدة تليق بمقامك بمستواك ،تفهم عليك ،تبيض وجهي ووجهك قدام الناس

تافف : يمه وش ابغا في الناس انا

ام مشاري : وبكرة لا جو الحريم يزورونها يتعرفون مرت ولدي وش بقول ها ،لما يشوفنها كذا ومن الديرة ولا تعرف تلبس ولا تتكلم مع الناس ،ولا تفهم على عيشتنا

مشاري : يمه انتي كيف تتكلمين كذا بدون حتى لا تعرفينها ولا تشوفينها ،كيف حكمتي عليها وعلى لبسها واسلوبها

تكتفت : انا ما دخلني ،اهل ديرة وحلال معروفين بعاداتهم وطبعهم ( التفتت لزوجها) وانت احكي لك كلمة

ابو مشاري تنهد : امك معها حق

مشاري : وش معها حق يبه وش ،لا ما معها حق ،انا هذي البنت ابغاها ابغاهاااا ،احبها ،ويكون بعلمكم انا مستحيل اتزوج غيرها لو بمووت

مشى طالع من الصالة وصك الباب بقووة

ام مشاري وقفت ومدت يدها باسلوب تهديد : اي يا جعلك تموت ،موت يكون احسن من انك تروح تتزوج من غير مستوانا

ابو مشاري : يا مرة استغفري ربك تتفاولين على ولدك بالموت

التفتت عليه : شفت شسوا ولدك ،وانت ليش ما حكيت شي هااا ليييش

ابو مشاري : خليه براحته ،خله يتزوج الي يبغاها ويرتاح معها شتبين فيه

قام طالع هو بعد

ام مشاري : لا والله ،هذا الي طلع معك والله ما اخليه يسويها لو بغضب عليه لاخر عمري

.

.

.

.

.

.

.

.
ركب سيارته وضرب الدركسون بقووة

كان عارف ان امه بتسويها بس هو مصمم على انه يتزوج الهنوف ،ما بخليها تروح من يده

استند براسه على الدركسون وتنهد بغضب

ناظر بساعته كانت عشرة ونص واليوم السبت ،وين يروح الحين ،يروح الشركة؟ بس هو ماخذ اجازة اصلا ،ولا يروح لسلمان ،وش يقوله ما يقدر يكذب عليه

حرك سيارته وغادر لف لف شوي وبعدها ما شاف نفسه الا وهو عند شقة ساري

وقف امام الباب اخذ نفس وطرقه