ﺍﻧﺖ ﺍﻟﺮﻓﻴﻖ ﺍﻟﻠﻲ ﻟﻪ ﺍﻟﺼﺪﺭ ﻣﻔﺘﻮﺡ ......ﻳﺎﻛﺒﺮ ﺣﻈﻲ ﻳﻮﻡ ﻣﺜﻠﻚ رفيقي

بارت 28

فتح عيونه ببطئ بسبب شدة الضوء

رفع يده لجبينه ورفع الكمادة

: الحمدلله على سلامتك

ناظر ساري بالشخص الجالس بالقرب من سريره: سلمان

رفع جذعه العلوي عن السرير

سلمان وقف وقرب منه: خلك مرتاح

ساري ناظره: لا انا بخير ما فيني شي

سلمان وضع يده على جبين ساري: الحمدلله حرارتك انخفظت كثير،(ابتعد عنه) يدك؟ تحس بألم

ساري: لا ،ما تألمني

سلمان بهدوء: كويس

صد عنه متجه للباب

ساري: وين رايح

سلمان بدون لا يناظره: بسوي لك أكل يفيدك ،يومين ما أكلت

مسك ساري يد سلمان: سلمان

سلمان ببروووود: نعم

ساري: اشكرك على انك اعتنيت بي ،

سلمان التفت له وبيده الثانية مسك يد ساري وازاحها عنه : هذا واجبي

وطلع تارك ساري بحيرة ،بسبب هدوء سلمان الغريب وبروده

ازاح الغطا عنه واتجه للحمام اغتسل ،وطلع خارج الغرفة

شاف راشد وسلطان ،يشربون قهوة ويسولفون: صباح الخير

التفتو له ووقفو

راشد: ساري؟

ساري ضحك بخفه: وش فيكم كأنكم شايفين جني

راشد اتجه له : ليش قمت ،انت بعدك تع

قاطعه: لا انا صرت بخير الحين وحتى يدي بطلت تألمني شوف

حرك يده أمامه حتى يثبت له ان يده ما تألمه

سحبه راشد معه ليجلس بجنبه: مع ذلك لازم ترتاح

سلطان : راشد معه حق ،انت بحاجة لراحة وتتغذا كويس وخصوصاً ان مناعتك صفر

ساري: هههه لا تبالغون انا ما فيني شي

راشد: سلمان قال بيسوي لك اكل ،لازم تاكل كويس ،ولا ما تبغا ترجع للكوفي

ساري اختفت ضحكته لما قال سلمان: الا،،،،،،راشد ،وش فيه سلمان

راشد باستغراب: وش فيه؟