ﺍﻧﺖ ﺍﻟﺮﻓﻴﻖ ﺍﻟﻠﻲ ﻟﻪ ﺍﻟﺼﺪﺭ ﻣﻔﺘﻮﺡ ......ﻳﺎﻛﺒﺮ ﺣﻈﻲ ﻳﻮﻡ ﻣﺜﻠﻚ رفيقي

بارت 53

جالسين بالكوفي، يناظرون بالطلاب الي منتشرين بكل مكان حتى الكوفي الي جالسين فيه مليان طلاب، كلهم جايين من مدارس مختلفة، بس مشاركين بالمهرجان

ساري كان يناظرهم بشرود واستغراب بنفس الوقت

صحى على صوت الياس

ساري ناظره: ها

الياس: وش فيك تناظر بالطلاب كذا بتاكلهم بعيونك

ساري: لا بس مستغرب

رامي: من وش مستغرب

ساري: الحين كل ذول الطلاب مشاركين بالمسابقات

الياس: ايوه، تراك ما شفت بعد وهذا لسا بعض المدارس لسا ما وصلت

ساري بصدمه : وبعد

سلمان: ايه عادي ليش مستغرب

ساري: كيف بيلحقون يقومون بالمسابقات بيوم واحد

اياس: ومن قال لك ان كل المسابقات بيسوونها بيوم واحد

ساري: جد؟ يعني مو كلها اليوم!

الياس: ههههههههههههه مو منجدك ساري، مافي مسابقات اساسا اليوم

ساري : احلف، انا مفكرها بيوم واحد ونخلص

رامي: لا وييييين مطولين

مشاري تافف: انت مشارك بفريق السباحة كيف ما تعرف متى المسابقات، وبعدين انت غبي كيف بيسوون كل المسابقات بيوم واحد

ساري شرب من كوب قهوته: وش يدريني، اساسا مو مهتم، وما اعرف كيف النظام بذي المهرجانات اول مرة اشارك

سلمان: ذي كل سنتين يسوونها، من كل مدرسة فريق او فريقين او يمكن ثلاث حسب الرياضات الي عندهم، بس مو كل المدارس بس النخبة منهم، مكان المهرجان مو ثابت بس اكثر شي بمدرستنا يسوونه لانها مناسبة ومساحتها اكبر بعد، اليوم مافي لا مسابقة ولا شي بس بينظمون الفرق، وبكرة بيعلنو عن المسابقات بين من ومن ووقتها، بتصير المسابقات بكل رياضة لين يتاهل من كل رياضة فريقين بيسوون المسابقة النهائية الي بيعلنو فيها المدرسة الفائزة، بيسلمون الجوايز وخلص كل مدرسة بتاخذ فريقها وبتغادر

ساري: اوووه اجل كذا، يعني بتطول صح، كم يوم

اياس: اسبوعين بالكثير او يمكن عشر ايام، حسب

ساري: طيب وين بيبقون ذول الطلاب كلهم

رامي: بسكن طلاب المتوسط، بيعطونهم اجازة فترة المسابقة كلها

ساري تافف: خسارة، ليش كل هالمدة ليييش

الياس: ليش منزعج استمتع مافي دراسة هههههه

ساري ناظر بكوبه بين يديه: همم

مشاري قام: طفشت

سلمان قام بعد : وانا، وبعدين المكان صاير زحمة، يالله نروح