ﺍﻧﺖ ﺍﻟﺮﻓﻴﻖ ﺍﻟﻠﻲ ﻟﻪ ﺍﻟﺼﺪﺭ ﻣﻔﺘﻮﺡ ......ﻳﺎﻛﺒﺮ ﺣﻈﻲ ﻳﻮﻡ ﻣﺜﻠﻚ رفيقي

بارت 65

ناظروه باستغراب : تفضل يا ولدي

ساري : عمي انا اسف على الي صار داخل

: ولا يهمك ما نبغا من الاساس مشاكل بين طلال واصدقائه بسببنا ،ولا نبغاه يترك شغله

ساري : عمي انا ساري وخوي طلال

: ونعم منك ،انا ابو طلال وهذا ابو عبدالرحمن وذا ابو ماجد اعمام طلال

ساري : ونعم منكم اي بالله ،المهم ما بطول عليكم اذا انتبه طلال بيسبب مشكله لي ،عمي انا حاس انه عندكم اعذار واسباب مقنعه للي سويتوه ،بس طلال مو ممكن يسمع منكم ،بس احنا نقدر نقنعه اذا انتم اقنعتونا باسبابكم

ابتسمو : منجد
ساري : ايه

ابو طلال : اتمنى والله ،اتمنى انك تقنع طلال ،وربي اعطيك الي تبغاه وتتمناه

ساري : استغفر الله عمي وش هالكلاام ،ما ابغا منكم شي غير ان طلال يرجع لاهله وناسه المهم

طلع من جيب بنطاله كرت

ساري : ذا فيه ارقام الكوفي حقنا

اشر على رقم : هذا الرقم هو رقمي ،اتصل فيني بعد ساعه ،لاجل نتفق على مكان ونتكلم براحتنا طيب؟

ابو طلال : مشكور مشكور يا ولدي ،وربي انك بتحل مشكلة كبيرة لها سنوات

ساري : ولا يهمك عمي ،المهم اتصل لاجل نعرف وش المشكله وحلها واذا ما اقتنعت باعذاركم ولا ممكن اكلم طلال ،مع السلامة

قال كلامه ورجع الكوفي

تنهد يتمنى انه الي سواه صح

.

.

.

.

.

.

منسدح على سريره ويناظر بالسقف

من جهة يتمنى يردون الخبر سريييع وتوافق الهنوف عليه

ومن جهة يتمنى ما يردون الخبر ،يخاف من رفض الهنوف له

كله من امه اخخخخ بسس

كان عارف امه ما بتعديها على خير

انفتح الباب بقوة : ميشووووووو

مشاري قام بجذعه العلوي وبغضب : خيييير يالحيوانة ما تعرفين تطقين قبل تدخلين وبعدين ذي طريقة ينفتح فيها الباب هااا؟

ريما : اووووف هدي هدي يحب ،لا تحترق بس

رمى المخدة باتجاهها : انطمي واطلعي

ريما ضحكت : اوووك ،مو ميتة عليك بس امي تقول تبغاك ضروووري

مشاري : ليش

ريما : تقول الجماعة ردو الخبر

غمزت له بنهاية كلامها

مشاري صار قلبه ينبض : وووش ،ردو خبر ،وش ،وافقو ولا رفضو