ﺍﻧﺖ ﺍﻟﺮﻓﻴﻖ ﺍﻟﻠﻲ ﻟﻪ ﺍﻟﺼﺪﺭ ﻣﻔﺘﻮﺡ ......ﻳﺎﻛﺒﺮ ﺣﻈﻲ ﻳﻮﻡ ﻣﺜﻠﻚ رفيقي

بارت 63

السلام عليكم جميعا

أولا وقبل كل شيء اشكركم واحد واحد على تفاعلكم الجميل اسعدتوني جد بكل هالتعليقات بوقت قصير 😭😭😭❤️‍🩹 وما قدرت الا اكمل بسرعه لعيونكم 🥹🥹💜اتمنى هالتفاعل بالبارت ذا بعد همتكم

استمتعو ❤️‍🩹

.

.

.

.

.

صرخ : خلااص
: ساري اهدى اهدى هذا بس حلم زين

رفع جذعه العلوي وفرك وجهه بيده ،ليلاحظ انه متعرق مرة وتنفسه يضيق ،

رفع راسه للي جالس قدامه : سلمان

سلمان : بعدك تحلم بذا الكابوس

ساري اومأ له

سلمان تنهد اخذ مناديل وصار يمسح بوجهه

: ما تعبت منه

ساري : ايوه

سلمان : ما تخليني اساعدك طيب

ساري : كيف

سلمان : اضن هالاحلام ذي في سبب وراها ومتأكد انها بسبب الفترة الي عشتها مع ابوك والي سواه معك محمد هو سبب هالاحلام

ساري متيقن من هالشي وعارف انه الي بحلمه يجيه كل ليلة هو محمد بس لين متى متى

سلمان مسك يد ساري وش عليها : ساري ثلاث سنوات وانت على هالحال كل ما تنام تجيك ذي الاحلام لين متى بتضل تتحمل ،خلاص

ساري : وش دخلني انا مو وكأني انا الي ابغا احلم فيها

سلمان : ايه بس لازم تفكر بالحل

ساري : ووش الحل قلي خليني اسويه

سلمان : خليني اخذك لدكتور نفسي

سحب يده من يد سلمان : انت انهبلت صح! تبغاني اروح لدكتور نفسي محمد هو الي يحتاجه مو انا

سلمان : ما اقصد الي ببالك ذا مختلف زين؟ رح يساعدك انك تتخطى هالاحلام صدقني

ساري بحدة : ما ابغا مستحيل اروح دكتور نفسي ،ليه تشوفني مجنون !!!

سلمان : مو مجنون ولا شي ،مو كل شخص يروح دكتور نفسي يعني مجنون ،شوف انا بس توفى اخوي سائلت حالتي كثير ،وكل ليلة كنت اشوف احلام غريبة واشوف اخوي فيها ،ما كنت اقدر انام لين سنتين كاملات ،ورحت لدكتور نفسي صدقني ما ارتحت الا لما رحتله ،خلني اخذلك له نفسه ،بيساعدك

ساري : قلت لك ما ابغا ما تفهم!! ما بروووح

سلمان : اوعدك انه يضل بيننا ولا احد يعرف

قام ساري من سريره وبغضب : سلمان وربي لو تفتح هالسالفة مرة ثانية قدامي وجهي ما تشوفه

طلع من الغرفة واتجه للصالة