جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
بيت ابو ذيب
يوم جديد علي ابطالنا
رجعت ملاك لعافيتها وكانو بالصاله
ابو ذيب: شخبارك ملاك اليوم
ملاك: بخير الحمدالله
اسرار جت وكانت تكلم: بنات تو جاني اتصال وتجهزوا وراكم شيل كثير
سهام: لا تقولين الاثاث
اسرار وهي تهز راسها بايجابيه
سهام: يالله ليش ياربي ابي يوم ارتاح ياليت تتاخر
ضحكت ليلى: لا تخافين بنساعدك
ملاك: عمي معاك مفتاح البيت
ابو ذيب: اي معاي شوي اجيبه لكم بس بدق علي العيال يجون يساعدونكم
ملاك وهي تتذكر ذيب لما دخل هوشه امس وكانت خايفه منه
نرجع ٢٤ ساعه ورا
__
كانو الذيب واخوانه مع عيال عمهم متجمعين ببيت ابو ذيب وكانو جالسين بالحوش
يوسف: ياعيال كتمه وقفو تدخين
قرب امجد من عنده وهم يهف الدخان بوجهه
يوسف : يعععع وربي كف بعينك
ضحكو العيال
فواز: ياعيال والله اذكر هذاك اليوم ابوي قفطني ادخن بغى يذبحني وصرت ادخن عندكم بس
هتان: يالله فاتني وجهك وانت تنجلد
كانو يسولفون
وقطع سالفتهم مشاري ونواف الي تهاوشو مع سيف ويوسف ومعاهم عيال كثير واضح النية حقتهم
قام يوسف وهو معصب: وش جابك هنا ودك تنجلد
مشاري: تخسي قسم
ذيب: توكل
نواف: هذا الي ولد عمك الي يطلعكم بواسطه صدق مافيكم رجال
قرب ذيب وهو معصب واعطاه كف وهنا بدت الهوشه بينهم وكانت علي الساعه ٢ الفجر
قام ابو ذيب من الاصوات الي برا نزل وشاف البنات واقفين عند الدريشه
ابو ذيب: بنات شصاير بسم الله ليش واقفين كذا
اسرار: هوشه هوشه عمي
سهام: شوي ويذبحون بعض
ملاك: عمي عيالك وعيال عمي الباقين داخلين بهاوشه
ابو ذيب فز وقرب من الدريشه وشاف الهوشه علطول دق علي باقي اخوانه
ابو محمد رد علي الاتصال وبصوت نايم: هلا ابو ذيب صاير شي
ابو ذيب كان واقف برا ويحاول يفرقهم: تعال وجب اخوانك صايره هوشه قدام بيتي
فز ابو محمد وطلع علطول ولحقوه باقي الشياب بعد فتره فرقو بينهم
ابو محمد وهو يهدد مشاري ونواف: والله اوديكم بداهيه
هربو مشاري ونواف والعيال الي معاهم وكانو خايفين من ذيب الي كسرهم وعيال عمه
ابو ذيب قال بعصبيه وهو يشوف عياله وعيال اخوانه متكسرين: بزران انتم بزران
يوسف وهو ماسك خشمه الي كله دم: عمي هذولا من قبل متهاوش معاهم انا وسيف
ابو محمد وهو ماسك راس وائل الي ينزف دم: والله اوديهم بداهيه
فواز وهو حس بكتفه منخلع ووجهه كله دم: انا الي بودهم بداهيه
ذيب قال وهو معصبه: يشوفون والله ادمرهم
ابو وائل كان ماسك إبراهيم الي كان دايخ من الضرب: ابراهيم صحصح معاي
ابراهيم قال بتاثير: خلاص بموت قريب كيف بتعيشون حياتكم بدوني ادري كلكم تحبوني بس شسوي
ضحكو كلهم علي ابراهيم الي باصعب الاوقات يضحكهم
العيون الي تراقبهم من ورا الدريشه
سهام: والله هوشه قوية
اسرار: خساره ياليت كملت الهوشه والله فعاليه
سهام: جددد ياليت طولت الصراحه هوشه حلوه
اسرار: يارب تكثر الهوشات
ملاك الي كانت تناظر ذيب الي ماسك خشمه وكان مليان دم وقالت بنفسها: تستاهل حوبتي
__
نرجع للواقع
ملاك قالت بسرعه: لا عمي حنا نكفي
ابو ذيب: لا كيف انتم بنات مايصير
سهام: ماعليك يصير يصير
اسرار جتهم تركض: وصل الاثاث وصل
قامو البنات بسرعه وكل وحده اخذت عبايتها وطلعو برا شافو الشاحنات الي جايبه كل الاثاث
طلع وراه ابو ذيب وفتح باب بيتهم دخلو البنات و رجعت لهم الذاكره قبل عشرين سنه وقت
وفاة امهم واخوهم وقفو بنص البيت وحسو بضيقة الصدر صارو يتمشون بالبيت وطلعو للدور الثاني
شافو الغرفه الي كانت اكبر خوفهم وانها ترجع الذكريات لهم وقفو قدام الغرفه وكانت دموعهم تنزل
اسرار وهي تمسح دموعها: خلاص خلاص امشو ندور غرف لنا من الحين ياخذ اكبر غرفه
ضحكو البنات وهم يمسحون دموعهم وصارو يركضون ويحجزون غرف لهم
اسرار كانت غرفتها بالزاوية قدام بيت ابو محمد وملاك بالوسط غرفتها كانت علطول قدام بيت ابو ذيب
وسهام كانت جنب غرفة ملاك ويتشاركون ب بلكونه وحده
كان ابو ذيب تحت ومعاه اخوانه وعيالهم
وائل: لا تقولون كل هذا بندخله
هتان:لا يارب كثير كذا
فواز: شكل هذا الي بنشيله
طلعو البنات و واضح من عيونهم كانو يبكون نزل راسه ابو ذيب وهو حاس بنفس الوجع
قال ابو محمد: يلا يلا ربعن تعاونو ماذلو
وصارو يشيلون الاثاث
تميم وهو جالس علي الكنبة الي يشيلها فواز و يوسف
يوسف: وجع تميم والله انك ثقيل
تميم :افاااا والله كسرت بخاطري
فواز: بالطقاق انت وخاطرك قوم ضهري بينكسر
محمد وهو جت عينهم علي هذيك البنت الي اخذت قلبه شافها وشاف عيونها الحمراء
قال بداخله: جعل الحزن بقلبي ولا بقلبك
جته ضربه براسه وشاف ذيب وراه
ذيب: شفيك تعال ساعدنا
راح محمد معاهم
كانو ذيب و فواز شايلين كنبة وكانت ملاك واقفه قدامه
ملاك: يمين شوي
راحو يمين
ملاك: لا لا يسار
جلسو شوي علي هاذي الحالة
ذيب تركت الكنبة وهو معصب: تعالي انتي شيليه طفشتينا
وراح ناظرته ملاك بقرف
بعد مده خلصو من الشيل طاحو العيال ورا بعض بمجلس ابو ذيب
ابراهيم: احس جسمي كله مكسر
فارس: والله مو اكثر مني
امجد: الي يقول انك شايل اثاث تر كل الي شلته كراتين
فارس: انت تحسب ان هاذي الكراتين فاضيه كل كرتون اثقل من الثاني
ذيب: تعبت قسم
تميم: ودي اعرف ليش البنات اغراضهم واجد
هتان: صدق ليش تكلمو انتم
يوسف: وش معني حنا
تميم: عشان عندكم اخوات وحنا كلنا عيال
فز فواز وقال: شوفو حسب الخبره حقتي مع اختي الصراحه صعبة اذكر كنا مسافرين وجينا نبي نحط الاغراض داخل السياره جت ومعها اربع شنط وحنا بنجلس اسبوع بس
امجد: اححح اربع شنط لاسبوع ليش مهاجرين
ضحكو كلهم
وجلسو يسولفون
______________
عند البنات
كانو يرتبون البيت ودخلو عليهم وهج و وتين
وهج: ما شاء الله فعاليات
ضحكت اسرار: تعالو حياكم
سلمو علي بعض وصارو يسولفون علي بعض
وهج: اسمعو لازم تنقسم عشان نخلص
وتقسمو كلهم وجلسو ساعات وهم يرتبون وينظفون وخلصو
طاحو كلهم علي سرير ملاك
وتين: متكسره قسم
سهام: والله كلنا
اسرار: والله مافيني شي صاحي
وهج: الحمدالله خلصنا اهم شي
جلسو البنات يسولفون
سهام: الحين حنا نعرفكم بس العيال مانعرفهم ومين اخوانكم
وتين قامت: انا اعرفهم بس وش تعطيني
ضحكو
ملاك: يلا تكلمي
وتين وهي تقول العيال واسماهم وهم عيال مين
سهام: العيال اكثر من البنات
اسرار:طيب الحين تقولون ان في بنات وحده كريمه و الثانية خديجة وينهم ماشفناهم
وتين و وهج يناظرون بعض ومحد تكلم
ملاك: شفيكم تكلمو
وهج : بتكلم بس لا تفهموني غلط
سهام: تكلمي شدعوه
وتين: شوفو هذولا محد يحبهم وامهم موضي كانت تكره خاله ساره الكل يتعوذ منهم ومن شرهم
و ماندري وش السبب الي يومك هاذا اسمعو انتبهو منهم
انصدمو البنات وجلسو يسولفون مع البنات
راحو وتين و وهج
اسرار : الله بيتنا اخيرا
سهام: صدق اخيرا بس بشتاق ل ماما ليلى
ملاك: جددد بشتاق لها
سهام: بنات خلونا ندق علي ابوي نسولف معاه اشتقت له
وافقو البنات ودقو علي ابوهم
ابو حمد: يامرحبا والله ماتستحون انتم ليش ماكلمتوني
ضحكو البنات
اسرار: والله يبه اشتقنا لك
ملاك: يبه متي ترجع والله اشتقنا لك
ابو حمد: والله انا بعد اشتقت لك قريب ان شاء الله بجي علموني وش صار من جيتو
صارو يعلمونه البنات و خلوه يشوف البيت
———————
بيت ابو ذيب
كانو متجمعين بالصاله يتعشون
ابراهيم وهو ياكل: الحمدالله يارب رجعنا لحياتنا القديمة
هتان: أخيرا بناكل اخيرا طفشت من المطاعم
تميم: بنام بدون ما يتكسر ضهري من الارض
ليلى تنهدة: البيت من دونهم يسد النفس
ابو ذيب: والله صادقه
ابراهيم: افااا وحنا مو مالين عيونكم
ليلى: هذولا غير والله
ابو ذيب: شوفو بكرا بسوي عشاء باذن الله
ذيب: وش المناسبه
ابو ذيب: رجعت بناتي
ليلى: لازم نسوي عشاء برسل للحريم كلهم
ابو ذيب: اي وانا بعزم رجال الجماعه ان شاء الله
———————-
بنص اليل
كانت ملاك تحاول تنام بس ماقدرت طلعت للبلكونه وكانت ناويه ترسم
اخذت الوحة و الوانها وبدت ترسم وكانت حاطه السماعه علي اذنها ومنعزله بعالمها الخاص
عند ذيب
طلع من البيت وكان يدخن وقف لوقت وشاف البنت الي اخذت قلبه و وقف يتاملها كانت منعزله
وترسم باحترافية و ويستوعب انها واقفه والكل يقدر يشوفها حس بشعور الغيره اول مره يحسه
صار يناديها بس كانت حاطه السماعه و ماتدرين انه موجود
قرر ذيب يرمي عليها شي عشان تنتبه اخذ حجر و ضرب البلكونه فيه
ملاك خافت ونزلت السماعه و قربت وشافت ذيب
ملاك بصوت واطي: خير وش تبي
ذيب: ادخلي وش مطلعك
ملاك: وانت وش دخلك
ذيب: لي دخل انتي بنت عمي ومسؤوله علي
ملاك: بفهم انت وش دخلك فيني
ذيب وهو معصب: ادخلي وش تبين الناس يقولون عنك
كانو يتهاوشون
وفي عيون حاقده وكارهه
كريمه : هذا وش يسوي مع هاذي الزباله لا يكون من بنات فيصل لا وجالسين يتناقشون براحتهم ويسولفون ويضحكون الله ياخذهم سكرت الستاره وهي منقهره
عند ذيب وملاك
ذيب وهو معصب: ابفهم انتي ليش لسانك طويل ادخلي بس
ملاك: اف منك بس
و دخلت بعد ما اخذت اغراضها وهي تسب فيه
ذيب كان معصب وقال: وش ذي الخبله انا غلطان اني خايف عليها
____________________________
من بكرا
كل واحد راح دوامه
عند ذيب
كان جالس بمكتب الشرطي
الشرطي: العقيد ذيب جبنا الرجال الي تبيهم
ذيب قال بصوت ثقيل: دخلهم
دخل الشرطي مشاري و نواف ومعاهم ابوهم وكان سيف ويوسف وابوهم ودخل فواز الي كتفه منخلع وصار المحامي حقهم
ابو مشاري: شصار ليش مكلميني
ذيب: ماتعرف عيال وش مسوين
ابو مشاري قال بتوتر: لا
ذيب: عيالك متهجمين علي سيف ويوسف وعيال عمهم
ابو مشاري قرب من عيالهم وعطاهم كف لكل واحد رواح عند ابو محمد وهو يترجاه
ابو محمد: انا حذرتك من المره الي فاتت بس عيالك ما يسمعون الكلام
ذيب وهو ياشر للشرطي ياخذ نواف ومشاري للحبس
ذيب: مرفوع علي عيال قضية تهجم
فواز: القانون مايسمح ان عيال يتهجمون علي موكلي واخوه لا وتهجمو علي بيته و معاهم شباب
ذيب : جهز لهم محامي
_______________
وبدو يجهزون اليلة للعشاء
ابو ذيب: اهدي يا ليلى دوختيني
ام ذيب : هذا عشاء بنات ساره لازم يكون مميز
ابو ذيب: وانتي صادقه وش جهزتي علميني
جلست ليلى تسولف عليه وهي تقول التجهيزات
ابو ذيب: ليلى انتي اعطيتي البنات خبر
ام ذيب: يويلي نسيته
دقت علي اسرار وردت عليها
اسرار: لبيه لؤلؤة
ام ذيب: ياروح لؤلؤة اسمعي اليوم في عشاء عندنا قولي لاخواتك
اسرار وهي مستغربه: وش المناسبة
ام ذيب وهي تضحك: بمناسبة رجعتكم عندي
اسرار: يمه ليش تكلفون علي نفسكم
ام ذيب: اقول يلا يلا بكمل تجهيز
وقفلو من بعض
عند البنات
اسرار راحت عند البنات الي كانو بالصالة
اسرار: بنات في عشاء اليوم ببيت عمي عايض
سهام : وش المناسبة
اسرار: تقول عشانكم رجعو من الحين قولو وش بتلبسون
ملاك: ياحلوهم
اسرار: بلبس فستان بيج من الحين اقول عشان محد ياخذه فيكم
ملاك: بلبس فستان وردي شتوية
سهام: والله بلبس تنورة ملاك الجديده الصراحه حلوه
ملاك: والله بجيحه
{بنزل الفساتين بحسابي بالانستا _limiteut}
كان الجو بارد الشتاء بحايل غيررر كان يرد الروح
بعد ساعات صار وقت العشاء
عند البنات
سهام: ملاك وين العقد حقي
ملاك كانت تعدل شعرها: شدراني اسالي اسرار
رحت سهام عند اسرار: بنت شفتي العقد حقي وطاحت عطونها علي رقبتها الي يحضنه عقدها
اسرار: معاي ليش تبينه
سهام:اذا عندك واحد ثاني عطيني
اسرار: اي شوفي عندي اثنين واذا ما اعجبوك شوفي ملاك عندها
خلصو البنات وكل وحده تقول الزين عندي
طلعو لبيت عمهم عايض تحت انظار محمد و ابراهيم الي طارت عيونهم من جمالهم
سهام وهي تناظر ب ابراهيم من بعيد بقرف: هذا وش فيه عيونه بتطلع من مكانها
اسرار وهي تخز محمد: اي ويع كانهم ما شافو بنات
ملاك وهي تضحك: معجبين
قالو بصوت عالي وسمعوه محمد و ابراهيم يعععع
محمد وهو يطالع ابراهيم: هذولا شفيهم لا يكون يقصدونا
ابراهيم: لا ما اتوقع يقصدونا
دخلو البنات للبيت وكانو عند الاستقبال قبل يدخلون مجلس الحريم
كانت اصواتهم عاليه وكثير
سهام وهي واقفه متوتره وتعدل لبسها: يخرع بنات والله
اسرار:جددد مره متوتره
ملاك وهي تعدل روجها: كلنا متوترين نادو ماما ليلى يخوف قسم
كانت ليلى تمشي وشافت البنات قربت من عندهم
ليلى: بسم الله تهبلون تعالو اقرا عليكم من العين
دخلو البنات للمجلس والحريم انبهروا من جمالهم
ام وائل وهي تسلم عليهم بقرف وكان واضح للكل
جلسو البنات جنب بعض وهم مستغربين من حقد ام وائل وبناتها عليهم
أم وائل بصوت عالي وكانت تكلم البنات: اقول ملاك شعندهم اخوات لبسهم مو ساتر قصير وطالعه رجلينهم لا يكون عشان يغرون الرجال
سهام قالت بدلع وهي ناوي تستفزهم : ليش ياروحي تشوفين بالجلسه رجال كلهم حريم لا يكون نظرك ضعيف
خديجة: اقول احترمي نفسك
اسرار وهي تطالع ام وائل بمسخره: بس اشوف بناتك ملابسهم قصيره يعني حتا هم يغرون الرجال
ام وائل كانت منقهره منهم ومن ردهم
وحده من الحريم كانت تسال ملاك: يابنتي انتي مخطوبه ولا متزوجه
ملاك كانت تاكل حلا وحست القمه وقفت بحلقها: لا لا توني صغيره
الحرمه: ابيك لولدي يهبل عسكري الف بنت تتمناه
تكلمت ليلى بسرعه: لا ابيها لولدي ذيب
شرقت كريمه من سمعت كلام ليلى
ملاك وهي تناظر ليلى بصدمه ابتسمت ليلى لها
كريمة كانت تناظر ملاك بحقد وتذكرت ليلة امس لما شافت ذيب واقف قدام بلكونة ملاك تاكدت بينهم شي
وتين قررت تسوي قروب بنص الجلسه لها و وهج واسرار وسهام وملاك
وهج: ماسويتي القروب الا وحنا بنص العزيمه
سهام:صدق وش سبب القروب
وتين: كذا ودي احش
اسرار: بنص الجلسة
وتين وهي ترسل صوره تشبه فيها كريمة و خديجة
شرقت سهام بالقهوه وهي تشوف تشبيه وتين وهي ماسكه الضحكه
قامو البنات وهم يطلعون للحوش الي ورا البيت وهم ميتهم ضحك
ملاك وهي تضرب كتف وتين: يمه وتين مت وربي
ضحكة وتين: شسوي هم لحجيات
سهام: يمه شرقت وربي ضحكت من قلب
جلسو البنات بالحوش
وهج: والله كلام عمة ليلى صدمة
اسرار: اي كلام
وهج: يوم تخطب ملاك لذيب طول الجلسه وانا اتخيلهم
جلسو البنات وهم يشبكونها مع ذيب وحياتهم المستقبلية
قامت ملاك وهي متنرفزه وتسب فيهم كانت البنات يضحكون وينادونها
وهج وهي تضحك: تعالي والله نمزح ليش وجهك قلب احمر
وطلعت من الجلسه دخلت للبيت وراحت للمطبخ تساعد خالتها
وهي تمشي و راسها ينصدم بصدر شخص طويل وعريض
ومسكها من خصرها النحيل
وروني تفاعلكم علي هاذا البارت عشان ينزل البارب الجاي بسرعه
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
قصص عامةتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
