جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
ابو وائل: موضي انتي طالق طالق طالق بالثلاث
ام وائل وقفت بصدمه ولا توقعت بيطلقها
طلع ابو وائل من البيت وهو معصب وشاف ابو ذيب
قرب ابو ذيب من عنده: كريم عسى ما شر شفيك
ابو وائل كان منحرج ومايدري وش يقول: عايض
ابو ذيب كان حاس ان صاير شي: كريم تكلم وش صار
ابو وائل: طلقت موضي
انصدم ابو ذيب وتكلم: طلقت اختي
ابو وائل: اي
أبو ذيب بعصبيه: ليش بعد عشره سنين طلقتها
ابو وائل: خلاص طفشت مليت معاد ابيها خلاص كل يوم صايره مصيبه بسببها
ابو ذيب: بس ماتوصل للطلاق
ابو وائل: خلاص يا عايض صار الي صار
وراحت ابو وائل تحت صدمت ابو ذيب
راح ابو ذيب لبيته
ليلى: عايض فيك شي
ابو ذيب: اخخخ ياليلى
ليلى: بسم الله عليك شسالفة
ابو ذيب : كريم طلق موضي
ليلى: طلقها ليش
ابو ذيب: مدري
ليلى: شوف بقول لك السبب
أبو ذيب رد وهو مستغرب: وش السبب
ليلى: الصراحه محد يحبها وبناتها صايرين اخس منها
ابو ذيب قام: افااا ياليلى تقولين عن اختي كذا
ليلى: هاذي الحقيقة ياعايض
ابو ذيب: الله يسامحك ياليلى
وطلع من البيت وهو زعلان من الي صار لاخته وزاد زعله كلام زوجته وحبيبته ليلى
_____________________
العصر ببيت ابو حمد
كأنو البنات بالصالة
سهام وملاك كانو بعالم ثاني
اسرار: هي شفيكم
محد رد عليها
اسرار: ملاك شعندك تبتسمين
ملاك كانت تبتسم وهي تفكر بذيب
أسرار: سهام شفيك
سهام وهي تتذكر كلام ابراهيم لما قال قربك حلو
اسرار: لا عاد انا اكلم نفسي
محد رد عليها
اسرار: مالت عليكم وعلي انا الي اسولف معاكم
رحت لغرفتها
ملاك حست بنفسها: سهام اسرار وين
سهام: مدري توها كانت هنا
ابو حمد: ملاك
فزت ملاك سهام وهم يسلمون علي ابوهم
ملاك: هلا يبه
ابو حمد: جهزي نفسك المغرب بيجي ذيب يخطبك
ابتسم ملاك: ابشر
راحت لغرفتها وهي تدور فستان لها وتتجهز
______________________
بيت ابو فواز
ابو فواز: فايزه
جت فايزة: هلا
ابو فواز: ابشرك ذيب بيخطب
ام فواز: احلف مين بياخذ
ابتسم ابو فواز: باخذ ملاك
ام فواز: احلى من يختار الله يوفقهم
وهج: مين بيتزوج
ام فواز: ذيب بياخذ ملاك
وهج: امانههه ياحلوهم
وجلست وهج تتخيلهم و تتخيل عيالهم
_____________________
بيت ابو وائل
خديجة: يمه شفيك
موضي كانه جالسه بصدمه ومو مستوعبه الي صار
فارس: ابوي طلقها
خديجة بصدمه: كيف وليش
فارس: مسويه ماتعرفين
خديجة: فارس انت معنا ولا ضدنا
فارس قام: ضدكم مالومه يوم يطلق
وطلع من البيت
موضي انهارت وهي تكسر كل شي قدامها: انا اتطلق وعشان مين عشان بنت فيصل وبنتي سبب طلاقي يويلي يا القهر
كريمة جت وهي تبكي: يمه ماكان قصدي
موضي وهي تدف كريمة: بعدي عند انتي اول سبب
راحت كريمة لغرفتها وهي طول طفولتها ماحست بحنان الام ابدا كانت امها اكبر همها تدمر ساره وبناتها وكبرت وصارت نسخه من امها
______________________
بيت ابو محمد
كانو سيف ويوسف جالسين مع بعض
سيف وهو يشوب شاهي: يارجال ماتوقعت بيتزوج
يوسف: جد حتا انا ماحسيت بيتزوج
وتين: ليش مين بيتزوج
سيف: اخبار السودان انتي
ضحك يوسف: ذيب بيتزوج
وتين قربت من عندهم : ذيب غريبه مين عاد تعيسة الحظ بتاخذه
سيف: الي مالها حظ ملاك
وتين بصدمه: لا عاد ملاك صدق غريبه
وجلسو يحللون كيف تعرفو علي بعض
محمد:شفيكم جالسين
وتين:حمود
محمد:هلا
وتين: كيف ذيب تعرف علي ملاك
محمد: مدري بس قالو انه شافها وحبها
يوسف: لا ماتدخل العقل
لازم تصير هاذي الجلسه بين الاخوان لما يصير خطبه ولا زواج بالعائلة
______________________
بيت ابو ذيب المغرب
ابو ذيب: يلا خلصو ياعيال لا نتاخر
هتان: يلا بيه جاهزين
تميم: وين العريس
أمجد: ياعريس وينك
ابراهيم بدا يغني والعيال معاه وكلهم بصوت واحد:
عريسنا يا بدر بادي
و عريسنا يا بدر بادي دامت لياليك السرور
و عريسنا يا عطر زاهي غلب على كل العطور
جينا بمنقاش الأيادي نخرق بها عين الحسود
طلع ذيب وهو يضحك: يلا مشينا
هتان: الله عليك ياعريس
جو بيطلعون بس وقفتهم ليلى
ليلى:تعالو ماتبخرتو بالعود
قربت لهم وبدت تبخر عيالها
ليلى؛ هتان تعال بخر اخوانك
قرب ابراهيم واخذ المبخره وبدا يبخرهم ويغنون
ليلى قربت من عايض: عايض
ابو ذيب مارد عليها
ليلى: شدعوه زعلان للحين معليش
أبو ذيب ابتسم: كيف تبيني ازعل منك يالؤلؤة
استحت ليلى: ياروح لؤلؤة لا تزعل علي مقدر علي زعلك
ابو ذيب بدت يتغزل فيها وهو ناسي عياله
استحت ليلى: ويه ياعايض كبرنا خلاص
ابتسم عايض وتذكر ابيات من قصيدة قيس:
أُحِبُّكِ يا لَيلى مَحَبَّةَ عاشِقٍ عَلَيهِ جَميعُ المُصعِباتِ تَهونُ أُحِبُّكِ حُبّاً لَو تُحِبّينَ مِثلَه أَصابَكِ مِن وَجدٍ عَلَيَّ جُنونُ
ابتسمت ليلى هي ناسيه العيون الي تراقبهم: يابعد عمري ياعايض كل يوم يزيد حبك لك ياحبيبي انت
كان ابو ذيب بهيام وجاء بيرد بس قطعه صوت تميم
تميم: يبه يمه متى بتخلصون العشق الممنوع حقكم
هتان: صدق كانكم طولتو
ابو ذيب بعصبيه: انقلع انت وياه قدامي خربتو كل شي
ضحكو العيال وطلعو كلهم وقابلو عيال عمهم
فواز: ياعريس
سيف: خلاص مين بيصدق انه بيتزوج
فارس: تخيل ترفضك
ضربه ذيب بكتفه: الله لا يقوله
ابو محمد ضحك: الله يبارك لك
ابو ذيب: يلا مشينا
راحو بيت ابو حمد واسقبلهم ورحب فيهم دخلو بعد مدة من السوالف
ابو ذيب: والله يافيصل اليوم جيناك نبي القرب منكم وطامعين نسبكم نبي ولدنا ذيب لبنتكم ملاك
ابتسم ابو حمد: والله حنا الي نتشرف فيكم وانا موافق بس الراي الاول للبنت
ابتسم ذيب
ابو حمد: ذيب روح للمجلس وانتظر بنتنا لازم الشوفه الشرعية
قرب امجد من محمد وقال بصوت واطي: مو لازم شوفه كل يوم سهران معها بالبلكونه
سمعهم ذيب واعطاهم نظرات قاتله خلتهم يسكتون علطول
راح ذيب للمجلس وجلس دقايق وسمع الباب ينفتح لف علطول وطاحت عيني علي حبيبته وفستانها الابيض الي كان قصير وبسيط بس هي محليته
كانت جميله بمعنى الكلمه ولا قدر يتكلم وصار يتاملها
كانت ملاك متوتره وزاد توترها نظرات ذيب
قرب ذيب من عندها وهو يقبل جبينها وقال: الحمدالله ان الله كتبك من نصيبي
ملاك وجهها قلب احمر من بوسته علي جبينها الي ماتوقعتها ابدا كانت منزله راسها
ذيب قرب انامله من فكها ورفع وتقابلة عيونهم ببعض ابتسمت ملاك من هنا
وذاب ذيب من هنا
وتذكرت اغنية وصار يغنيها بهيام لها وكان صوته ثقيل وحلو:
شفتها ونسيت نفسي من اكون
ماقدر اوصف ما جرى لي لو شرحت
شعرة ما بين عقلي والجنون
واقطعتها كاني من حزني استرحت
الله اكبر يوم ضحكت لي العيون
نادت ذيب وانا فيها سرحت
لو تنادي على البشر كلهم يجون
الا انا من لهفتي بموتي فرحت
ملاك باحراج: ماتوقعت صوتك حلو
ذيب: دامك معاي اكيد بيصير حلو
كان ذيب ماسكها من خصرها ويتاملها
ملاك: ذيب
ذيب: لبيه
ملاك: لازم اروح
ذيب: وراه خليني اتاملك
ملاك: بعدين خلاص
ذيب: ابفهم انتي ليش تخربين كل ما اتاملك
ابتسمت ملاك وقربت تحضنه وكانت واقفه علي اطراف اصابعها مع انها لابسه كعب بس الفرق الطول واضح
نزل ذيب لها وحضنها وهو يضحك: انتي كم طولك
بعدت ملاك: انا طويله بس العله فيك
ذيب: لا ياشيخه كم طولك
ملاك: 169 طولي
ضحك ذيب وهو يقرص خدوها كانها بزر: ياحليلك طلعي بزر
ملاك بعصبيه وهي تبعد يده: انت كم
وقف ذيب وهو كان منزل راسه لها رفعت ملاك راسها وهي تناظر
ملاك: لا خلاص مايحتاج اعرف
ذيب: متاكده
ملاك: اي متاكده خلاص واضح كم طولك
ذيب: طولي 195
ملاك انصدمت: متاكد
ذيب: اي ليش
ملاك: لقيت سبب ارفضك
انصدم ذيب: نعم وش ترفضين
ملاك: بكرا عيالي يضحكون علي يقولون ليش ابونا اطول منك
ذيب: شوفي صح ان الموضوع يقهر شوي بس بتتزوجيني غصب عنك ولا بخليك عانس وكل واحد يبي يخطبك اخرب الخطبه حقتك
ابتسمت ملاك: خلاص لا تصيح بتزوجك
ضحك ذيب وقرب يبوس جبينها وعلطول راحت ملاك
عند ذيب طلع من المجلس والبسمه شاقه وجهه وراح للصالة الي فيها الرجال
جلس وهو مبتسم وهو يتذكرها ويتذكر ملامحها
هتان قرب من أمجد وقال بصوت قصير: اخوك طاح علي وجهه
امجد: اشوف من جلس وهو مبتسم
سيف وهو يهمس ليوسف: شف اخوك طاح علي وجهه وتخرفن
يوسف: اشوف اشوف
قال ابو حمد بصوت عالي: ذيب ها يا ولدي موافق
هز راسه ذيب بهيام وإيجابية يعني موافق
ابو حمد: الف مبروك
وصارو يباركون لبعض
ابو ذيب: متي تبون الملكة
ابو حمد: بشاور البنت ان شاء الله ونعطيكم خبر
ابو ذيب: ان شاء الله
وطلعو الشباب
وبدت الاحتفالات عندهم اصوات بواري السيارات والاغاني والعيال يشيلون ذيب والفرحة تجمعهم كلهم
كانت هذيك اليله في عشاء عند بيت ابو ذيب
العشاء بدور الناس يتجمعون ويباركون لذيب
هتان: ياعيال وين وائل وفارس وعمي كريم
محمد: صدق وينهم
فواز: اليوم ابدا مالهم حس
عند الحريم دخلو بنات فيصل والانظار عليهم ولاناقتهم والكل يبارك لملاك
ام محمد: ياروحي ياملاك الف مبروك
ام فواز: الله يبارك لكم منها المال ومنها العيال
ابتسمت ملاك بخجل
وتين: ملاك مالك داعي ماعلمتينا نحتفل معاك
ضحكت ملاك: معليش جت بسرعه بقولك بعدين وش صار
وهج: ياحبيبي الف مبروك يارب تجيبون بنت وتسمونها علي اسمي
اسرار: صدق بنات ماتحسون في احد ناقص
سهام: اي صدق وين ابو وائل واهله مختفين
وتين: جد وينهم
ملاك: الله يستر علينا وعليهم
وهج: ملاك وش شعورك وانتي راح تتزوجين قريب
ملاك: مدري شعور حلو وخايس
وتين: يعني حلو
ملاك: لا حلو وخايس
سهام: وش الخايس
ملاك: مدري كذا يخوف وحياة جديده
اسرار: ان شاء الله حياة حلوه
البنات بصوت واحد ان شاء الله
______________________
بمجلس الرجال
دخل فارس و وائل
قرب وائل من ذيب وهو مبتسم: مبروك ياخوي الف مبروك
ذيب: يبارك فيك بس وينك من اليوم
وائل: صارت سالفه عندنا بعدين اقولها لك
فارس قرب من ذيب وهو يسلم: ياعريس مبروك الصراحه صدمتنا بزواجك
ضحك ذيب:الله يبارك فيك ياخوي
جلس فارس جنب ابراهيم
ابراهيم قرب من فارس وقال: فارس فيك شي وجهك اصفر
فارس: لا يارجال ماعليك مافيني شي
انتهت هذيك اليله سعيده علي الكل زي العادة بعد كل عزيمه لازم العيال يتجمعون والاكيد بالحوش والشاي مهم
ذيب: يلا تكلم انت وياه شسالفه
وائل: ابوي طلق بالثلاث ابشرك
محمد: كيف وليش
فواز: لا حول ولا قوة الا بالله شسالفة
فارس: مدري يارجال كانو يتهاوشون وطلق
تميم: خلاص ياعيال قفلو السالفه
سكتو العيال
أمجد: صح ياعيال تر حجزت مخيم للعايلة
يوسف: متي طيب
سيف:صدق ليش ماعلمتنا
ضحك امجد: توني اتذكر ومتي بعد بكرا الخميس وحجزته لحد يوم الاثنين يعني الكل ياخذ اجازه
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
