تكبت هاذا السطر وانا احتسي كوب من الشاي الاحمر استمتع ايها القارئ بكوب من الشاهي الأحمر او كوب من القهوه لاجل التركيز.
في لندن تحديد بيت ابو حمد
كانو البنات مو مستوعبين فكرة رجعتهم
سهام: يبه ليش نرجع
ابو حمد: الي متي وحنا هنا خلاص لازم نرجع
اسرار : يبه حنا مراح نرجع
ملاك: اي انت روح حنا بنجلس هنا
ابو حمد وهو قام من الجلسه: جهزو اغراضكم قريب بننقل
راح وترك البنات بصدمتهم
سهام: ابي افهم بعد هاذي السنين فجاة كذا نرجع
اسرار: كنت حاسه ان بنرجع بعد ماشفت ابوي رجع يتواصل مع اخوانه
ملاك: انا مراح ارجع بقعد هنا
اسرار: مستحيل تقعدين لحالك هنا
سهام: علي اساس ابوي بيتركها هنا خلاص حط الفكره براسه
اسرار: الله يستر من الايام الجايه
كلهم بصوت واحد امين
_________________________
بيت ابو فواز
كانت ام فواز جالسه بالصاله وهي تفكر باخوها وكانت تتمنى رجعته
دخلت عليها بنتها وهج
وهج: يمه شفيك وش تفكرين فيه
تنهدت وهي تقول: افكر ب فيصل
وهج: خالي فيصل ليه فيه شي
ام فواز: لا الحمدالله بس افكر فيه هو وبناته
وهج: ان شاء الله يرجع
ام فواز:امين
_________________________
في احد مراكز الشرطة كان ابو محمد موجود
ابو محمد وهو يطالع بعياله سيف ويوسف الي طلعو من هوشه وينتظرون خارج المكتب
الشرطي: سيف ويوسف قابل بن فارس و مشاري ونواف عبدالله بن مالك
دخلو كلهم بمكتب جلسو ابو محمد وابو مشاري قدام الشرطي
الشرطي: الحين وش سبب الهوشه لدرجه بغيتو تذبحون بعض
سكتو ومحد رد
عصب ابو محمد وهو ناوي يضرب عياله تكلم الشرطي علطول
الشرطي: اذكر الله يابو محمد خلينا نعرف السالفه تكلم سيف
قال نواف: وش معنى هو يتكلم ولا عشان ولد عمه عقيد
عصب الشرطي: لا عشان الكل يشهد ب اخلاقه
تكلم سيف: هذولا من دخلنا الجامعه وهم يدورون مشاكل معنا بس حنا ساكتين عنهم
وسبب الهوشه اليوم شفتهم ماسكين اخوي يوسف وكانو يضربونه تبيني اشوف اخوي شوي ويموت واسكت واكيد رحت افزع معاه
تكلم مشاري: كذابين هم تهجمو علينا
تكلم اخوه نواف: اي نعم هم تهجمو علينا
قال ابو مشاري: مستحيل عيالي يسوون شي كذا
تكلم ابو محمد: طيب شدراك ان عيالك ماسوو كذا
ابو مشاري: انا عيالي مربيهم احسن تربيه
الشرطي: طيب وش عندكم دليل ان عيال محمد بدو مشكله او عيال مشاري وش عندكم دليل ان عيال محمد بدو مشكلهم معاكم
ابو محمد : انا عارف عيالي ماعمرهم يدخلو هوشه مع احد حتا يوم كانو ب الثانوي
ابو مشاري: عيالك واضح راعين مشاكل و اشر علي يوسف واكيد هاذا راس البلاء
قال يوسف وهو واثق من نفسه: خلاص دامك قلت اني انا راعي مشاكل خلينا نشوف كاميرات المراقبة نتاكد مين الي بدا مشاكل
طلع الشرطي وهو ينادي واحد من العساكر وقال له يشوف كاميرات مراقبة القريبه من مكان الهوشه
بعد مده وصلت الفيديوهات وعرضها قدام ابو محمد وعياله وابو مشاري وعياله
كان يوسف يمشي حاله حال نفسه قربو منه مشاري ونواف وبدو يضربونه
جاء مسرع سيف وهو يبعدهم عن اخوه وبدا هوشه بينهم
ابو مشاري انصدم من عياله وابو محمد كان مفتخر ان عياله ماكذبو
الشرطي: زي ماشفنا ان الي بدو مشاكل مشاري ونواف ابو محمد حاب ترفع قضية تشويه سمعة
ابو مشاري انصدم من سمع قضيه: تكفي يابو محمد عيالي صغار جاهلين لا تضيع مستقبلهم
مشاري ونواف كانو منزلين عيونهم علي الارض وهم يشوفون ابوهم يترجي عشان لايضيع مستقبلهم
ابو محمد وهو يمسح كتف ابو مشاري: مراح ارفع قضيه بس هذا اخر انذار اذا قربو من عيالي مابيصير لهم خير وناظر الشرطي وهو يقول انت شاهد اذا صار شي لعيالي بسبب عياله هذا
الشرطي: اشهد معاك باذن الله
طلعو كلهم من مركز الشرطي وأبو محمد اخذ عياله للمستشفى عشان يعالجهم بعد الهوشه الي صارت
طلعو من المستشفى واتجهو للبيت اول مادخلو فزت ام محمد وهي تركض
ام محمد: يمه عيالي بسم الله عليكم شفيكم من سوي فيكم كذا
يوسف وهو يبوس راس امه: مافي شي يمه هوشه بسيطه
ام محمد: وين بسيطة شف اخوك مكسوره يده وانت راسك منفجر وكلكم كدمات
سيف: يمه مافينا شي والله بس تهاوشنا ورجعنا
نزلت وتين من فوق وهو تشوف اخوانها قربت بسرعه: يمه بسم الله شفيكم كذا محتاجين فزعه
سيف ويوسف ضحكو وجلسو ب الصاله وقالو سالفة الهوشه
وتين: الله يكسر يدينهم
ام محمد: هذولا وين اهلهم عنهم صايعين هذولا يضربون ويمشون
ابو محمد: الله يستر عليهم وعلينا
كلهم بصوت واحد امين
_____________________
في احد المحاكم
كان فواز واثق من نفسه وهو يتكلم
فواز: سيدي القاضي موكلتي ما اخذت حقها من ورث ابوها رحمه الله وش معنى هاذا
نقدر نقول ان اخوانها اكلو حقها
تكلم المحامي الثاني: طيب انت تقول ان ما اخذت حقها بس موكلي يقول اعطيناها حقها و الاوراق موجوده كامله بانها اخذت حقها
ضحك فواز وهو يوجه كلامه للقاضي: سيدي القاضي وش يثبت لنا ان هاذي الاوراق مو مزوره
تكلم القاضي: وش دراك انها مزوره
قال فواز وهو واثق من نفسه: ان الاوراق الي معاهم مافيها ختم جهه حكوميه
القاضي وهو ياشر لواحد من العساكر ياخذ الاوراق ويتاكد انها مزوره ولا لا
عند المحامي الثاني مسكه موكله: هذا وش عرفه ان الاوراق مزوره
خاف المحامي من ثقة فواز : مدري بس واضح انه واثق من نفسه
بعد مده دخل العسكري وراح للقاضي بعد فتره وكانو يتناقشون عن الحكم
القاضي: وقوف
الكل وقف
القاضي : بعد التاكد من الاوراق المقدمة عرفنا ان هاذي الاوراق مزوره وان لم تستلم حقها من الورث وسوف تاخذ حقها قريبا امااا عن الحكم لتزوير الاوراق سيتم المحاكمه قريبا و الحق يسعود لاصاحبه
طلع فواز مع المراة الي صار محاميها
المراة: الله ياكثر خيرك ياولدي ويوفقك ويسعد قلبك رجعت حقي بعد هاذي السنوات
فرح فواز : ماسوينا شي ياخاله الله رجع حقك الحمدالله
طلع فواز من المحكمة وهو يحمد ربه ان هذا اليوم مشي علي خير
_______________________
عند الذيب في مقر دوامه
كان ذيب جالس بمكتبه دخل خويه هزاع
هذاع: ذيب تتوقع مين رجع
ذيب: مين
هزاع: خالد تذكره
ذيب: هذا وش رجعه بعد الي صار
هزاع: واسطه مستحيل يرجع كذا
ذيب: والله لو اصيده قسم ما اخليه عايش
نرجع للماضي ثلاث سنوات كان خالد يشتغل مع ذيب بس خالد كان يكره ذيب ويحاول يطيحه بالمشاكل يوم من الايام دخل خالد مكتب مدير المقر وسرق اوراق مهمه
وضاعت واول ما فقدو الاوراق سوي المدير اجتماع
المدير وهو معصب: تستهبلون انتم كيف تضيع هاذي الاوراق مين اخذها
وجلس يهاوش فتره
خالد وهو يطالع ذيب و تكلم بخبث : حضرة المدير شفت ذيب وهو يطلع من مكتبك ومعاه اوراق
انصدم ذيب وقال وهو معصب: متي دخلت وعلي اي اوراق تتكلم عنها
المدير: خالد متاكد انت من هاذا الكلام
خالد: اي نعم متاكد شفته بعيوني طلع معاه اوراق
كان لاعبها صح وقال: معاي شهود
وطلعو كم واحد واكدو علي كلام خالد
الذيب وهو يصرخ: يا زباله والله لاخليك تندم
تكلم المدير وهو ياشر علي الحراس: خوذوه وارموه ب الحبس لين يتكلم
اخذو ذيب تحت صراخه وكان سيب
بعد اسبوع كانو يستجوبون بس ماطلعو ولا بمعلومه
المدير وهو يقرب من ذيب الي كانو بينهم حديد الزنزانه: الي متي بتسكت علمنا وين الاوراق
ذيب وهو معصب: انا ما اخذت الاوراق لو اخذتها وش ابي فيها
المدير: لك الامان لا تخاف علمنا وين الاوراق ومراح نسوي لك شي
ضحك ذيب بصوت عالي وقال: الي متي وانا اقول ما اخذت شي وليش اخاف وانا مو مسوي شي
طلع المدير لمكتبه اول مادخل شاف ثلاث شباب الي شهدو مع خالد وكانو بحالة يرثى لها
استغرب المدير من وجودهم: وش تسوون هنا و وش الحاله الي انتم فيها
قبل يومين
كانو الثلاث شباب يمشون فجاة مسكوهم رجال واخذوهم مكان بعيد
كانو الثلاث شباب مربوطين وحسو بناس قربو من عندهم
هتان: الحين انا بفهم انتم مالقيتو الا ذيب
فارس: شكلكم مايعرفون مين حنا
قرب يوسف وهو معصب وجلس يصفق فيهم
كانو العيال واقفين قدام يوسف الي بدا ضرب فيهم
قرب تميم من سيف: الحين اخوك ذا طالع علي مين بس يعصب
قال وائل وهو يضحك: اكيد علي عيال عمه عايض
ضحكو العيال وهم يبعدون يوسف من الشباب الي شوي ويموتون بيده
قال امجد وهو يجلس قدامهم: الحين ياحلو انت وياه بتقولون لي وش صار ب التفصيل
تكلم واحد من الشباب: اذا ما تكلمنا وش بتسوي
ضحك امجد بصوت عالي وهو ياشر علي يوسف الي ماسكينه عيال عمه: مراح اسوي شي بس بخليهم يتركونه وما اتوقع تطلعون من هنا وانتم احياء
خافو الشباب وقالو كل شي وخالد قال يسوون كذا
قرب ابراهيم وهو ماسك واحد من الشباب: اسمع راح تروح تعترف بكل شي وراح تقول ان خالد هددكم تقولون كذا
قالو الشباب بصوت واحد طيب
نرجع للواقع
تكلم واحد من الشباب: نبي نقول لك شي
المدير : تكلمو
قالو ان خالد هددهم انهم يقولون ان الذيب سوي كذا وهو الي سرق الاوراق
عصب المدير وعلطول خلاهم يطلعون الذيب وهو يعتذر منه
المدير: والله ياذيب لو اعتذر لك مراح يكفي
الذيب: معذور معذور بس بسامحك بشرط
استغرب المديره: وش الشرط
قال الذيب الشرط انصدم المدير وقال: متاكد
الذيب وهو مبتسم : اي متاكد
الذيب راح مكتب خالد الي انصدم وخاف لما شاف الذيب قدامه صار ينادي العساكر عشان ياخذونه بس محد رد عليه ضحك الذيب وهو يقرب لخالد وعطاه كف وصار ذيب يضرب خالد من قلب
دخلو العساكر وهم يبعدون ذيب من خالد الي كان بيموت بيده
المديره: ذيب خلاص بيموت بيدك
تركه ذيب وبعد فتره نقلو خالد لمكان ثاني
نرجع للواقع
هزاع: والله يا ضربته ضرب مدري كيف عايش للحين
ذيب: والله كان احلى يوم بحياتي
ضحكو كلهم
____________________
في لندن
كانو البنات يجمعون اغراضهم وكانو ينقلون الاثاث
ملاك: خلاص مقدر اشيل اكثر من كذا تعبت
سهام: مو اكثر مني
اسرار: الله يسامحك يافيصل خليتنا نشتغل كل هذا وحنا بالاجازه المفروض ننام مانشتغل
قرب ابو حمد: شفيه فيصل بالعكس هاذي رياضه مو تقولين ابي انحف شوي خلاص
ضحكو البنات
بعد مدة صار البيت فاضي
ملاك: يبه متي نمشي
ابو حمد: بكرا ان شاء لله
اسرار: طيب اليوم وين ننام كل الاثاث مسافر قبلنا
ضحكو
قال ابو حمد: بنروح فندق لين وقت الرحله حقتنا
اتجهو لفندق وحجزو ودخلو لغرفهم
البنات كانو بغرفه لحال وابوهم غرفه لحال
سهام وهي تطيح علي السرير: خلاص متكسره
ملاك لحقتها وطاحت معها بنفس السرير: والله مو اكثر مني
جت اسرار مسرعه وهي تنقز عليهم وصارو يضحكون انسدحو جنب بعض
سهام: كيف تتوقعون حياتنا الجديده
ملاك: مدري بس مو مستعده
اسرار:صدق الصراحه خايفه
سهام وهي تقوم وقالت بحماس: بنات طلبت عبايات موت تهبل
ملاك: الله عبايات كان ودي بوحده
اسرار: يلا ورينا بسرعه
طلعت سهام ثلاث عبايات ملونه وحده كانت لونها كحلي وقماشها حرير كانت ل سهام
واسرار لونها بيج و قماشها حرير و ملاك لونها كان وردي فاتح وبعد كانت حرير
كانت البنات مبسوطات علي العبايات ودخل ابوهم وشافهم بالعبايات
ابو حمد: وش ذي الكشخه
اسرار وهي تدور ب العبايه: شرايك مو كشخه
ملاك: لا ماعليك منها انا احلى شف لونها وردي فاتح كشخه اكثر
سهام: كلكم يع انا اكشخه وحده
ضحكو
وقال ابوهم : كلهم كشخه خلاص
ضحكو وجلسو يسولفون ونامو عشان يلحقون علي طيارة بكره
قامو البنات الفجر واخذو اغراضهم واتجهو للمطار
كانو يسوون جوازاتهم وكلهم دخلو الا ابو حمد رفضو يدخلونه
استغربو وصارو يسالون عن السبب
ملاك: وش يعني يبه مراح تسافر
اسرار: لا يبه لا تخلينا لحالنا
سهام: قلت لكم لا نسافر خلونا هنا خلاص
ابو حمد: شوفو انتم الحين راح تطلعون للطياره وانا بحلقكم بس اجدد الجواز
انصدمو البنات
اسرار : لا يبه وش الي نسافر لحالنا
ابو حمد: شوفو الان تروحون وانا بحلقكم لا تخافون
ملاك: يبه ناجل السفر طيب
سهام: صدق يبه خلاص ناجل السفر
ابو حمد وهو يسلم عليهم: لا تخافون انتم روحو كلهم اسبوع والحقكم
سلمو البنات علي ابوهم وهم يبكون وهم رافضين فكرة سفرهم
ركبو الطياره وكانو جنب بعض
بعد كم ساعات وصلو لحايل وكانت الساعه ١٠ بليل
كانو خايفين ومو عارفين شي لبسو عباياتهم
واخذو شنطهم وكانو بنص المطار وهم مو عارفين وين يروحون
قالت ملاك: شوفو الحين ابوي ما ارسل سياراتنا من زمان
قالو البنات بصوت واحد اي
ملاك: شوفو خلونا نروح ونسال اذا وصلت اغراضنا ولا لا
اسرار: بنات جد خايفه
سهام : مو اكثر مني ابوي اعطانا العنوان اهم شي عشان نعرف وين نروح
البنات صارو يمشون ب المطار والانظار عليهم كانو خايفين
دخلو البنات مكان الي يرسلون اغراضهم فيه
دخلت ملاك مكتب وحده من الي يشتغلون : مرحبا
الموظفه : اهلين كيف اقدر اخدمك
ملاك: لو سمحتي حنا مرسلين اغراضنا من لندن صار لنا فتره
الموظفه: اعطيني اسمك و رقم الشحنه
ملاك اعطتها الاسم و رقم الشحنه
بعد دقايق
الموظفه: الي اشوفه الحين بس جت سياره وحده بس باقي الاغراض ثلاث سيارات و الاثاث يبي له فتره
ملاك: تمام بس وين اروح عشان استلم السياره
علمتها الموظفه المكان الي تروح له
وراحت هي والبنات واغراضهم معاهم
سهام: خلاص تكسرت يديني مقدر اشيل اكثر من كذا
اسرار: والله رجليني ماتشيلني
ملاك: يلا ماباقي شي ونفتك
سهام وهي ترفع يدينها تدعي: الله يسامحك يافيصل علي المصيبه الي حطيتها علي راسنا
البنات بصوت واحد امين
جلسو البنات يدورون علي المطار وراحو لاحد المكاتب واعطاهم مكان السياره
طلعو البنات و اول ماشافت ملاك سيارتها تركت اغراضها وهي تركض لها وتقول: بنتي اخخ أشتقت لك
سهام بقرف: حظ والله حظ كيف سيارتها جت وحنا لا
اسرار: اهب عليها صدق
ملاك : بسم الله اذكرو ربكم
_______________________
كان يوم الخميس يصادف تجمع العايله عند ابو ذيب
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
