عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور.
في بيت ابو وائل
كانت ام وائل منصدمه من اتصال اخوها فيصل بعد هاذي السنوات
كانت حاقده علي بناته من كانو صغار والحين اكبر خوفها انه يرجع مع بناته
لان ماتبي بناته يغطون علي بناتها قطع تفكيرها بنتها كريمه: يمه صدق بيرجع عمي فيصل
ردت ام وائل بقرف: مدري ماجابو طاري رجعته
كريمه كانت تحب الذيب بس خافت يرجعون بنات عمها فيصل لان الكل يشهد بجمالهم
وخافت اكثر شي ان الذيب ياخذ من بنات فيصل بس قطع تفكيرها اختها خديجه وهي تقول:
صدق الكلام الي سمعته؟
كريمه: اي كلام
خديجه: عمي فيصل بيرجع هو وبناته
انفجرت كريمه وهي تقوم بقرف: الله لا يقوله بس يارب مايجون لا تشوفهم عيني
خديجه كانت تدعي مايرجعون انها تكرههم من كثر كلام الناس عنهم وعن جمالهم
___________________
بيت ابو الذيب
زي كل صباح جلسو يفطرون وكل واحد راح دوامه
ابو ذيب كان جالس بالصاله اقبلت له زوجته ليلى وهي تحط صينية القهوه والتمر قدام زوجها
ابو ذيب: تسلم يدك ياليلى
ردت ام ذيب: جعله بالعافية
رد عايض: وش توقعاتك ياليلى تهقين فيصل بيرجع
تنهدت ليلى: ما اتوقع يجي هاذي الفتره بس هو وش قال لما دق عليك؟
تنهد عايض وهو ضايق صدره علي حال اخوه: والله صوته مايبشر بالخير للحين مانسى
ليلى: مستحيل ينسى هاذي زوجته وولده ماتو قدام عيونه اذا حنا مانسينا كيف هو
عايض: بناته الحين كلهم بالجامعه اتمني يرجعون عندي
ليلى: يارب يرجعون باسرع وقت
عايض: امين
___________________
عند الذيب دخل مقر دوامه والكل يطق لك تحيه داخل وهو واثق من نفسه والكل كان يخاف منه
بمكتبه كان يشتغل وجلس يهوجس بعمه فيصل وهو يحاول يتذكر ملامحه
فجاة دخل عليه صديق عمره هزاع وهو يضرب كتفه ويضحك:تهوجس بايش ياخوي
رد الذيب: افكر بعمي الي سافر من سنوات للندن واحاول اتذكر ملامحه
هزاع: سالفتك سالفه انت قولي قصه احلل لك القصه
ضحك الذيب وهو يقول قصة عمه
هزاع وهو منصدم: يستهبل عمك ذا كيف يتنازل
احتدت ملامح الذيب وهو يقول: احترم نفسك عمي ذا وليش تنازل محد يدري ليومك ذا
انخرش هزاع من نظرات خويه وسكت
جلس شوي هزاع وهو يقول: اقول ذيب شرايك نطلع كشته؟
ضحك ذيب : تبينا نطلع بهاذا الحر عشان نموت
هزاع: لا ياخوي نطلع بليل الجو صار بارد بليل وقرب الشتاء
الذيب : تمام اشوف الوضع وارد لك خبر بس مين بيطلع معنا
هزاع وهو يضحك قال : انت واخوانك اكيد وانا واخوي ماجد
رد ذيب: خلاص اشوف الاوضاع عندي وعلي خشمي
_____________________________
في المستشفى الخاص بعايله عايض بن فارس الذيب
عند امجد الي طلع من عملية جراحة قلب وقربت وحده من الموظفات
وهي تتدلع: دكتور أمجد خذ استراحه تعبت من العملية
رد امجد وهو متقرف ومنزل عيونه بالارض وهو ماعمره تكلم مع بنات غير امه: انا بخير
وراح وهو معطيها ظهره انقهرت الموظفه من اسلوبه
راح امجد عند ولد عمه محمد دخل بمكتبه وهو يقول: يع يامحمد وش ذي البنت الي برا
ضحك محمد: مالومك حتا انا متقرف منها تتدلع علي ايش مدري
امجد: انشهد اذا شافتها عيني وانا بشوتها
ضحك محمد: تعوذ من ابليس بعدين وش سبب كرهك للبنات انت واخوانك
رد امجد: ماعمرها تعاملنا مع بنات ابدا عشان كذا اسلوبنا معاهم قاسي
محمد: اجل كيف بتتزوج انت واخوانك
رد امجد: مراح نتزوج بنقعد كذا
ضحك محمد وهو عارف طبع عيال عمه مستحيل يحتكون مع بنات
_____________________________
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
