جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
مقر قوات الصواريخ
عند ذيب الي كان جالس بمكتبه
هزاع:ياخوي صار لك ساعه تطالع بهاذي الاوراق
ذيب:بخلص شغلي ابي استاذن
هزاع:لا لا ذا مو خويي الي اعرفه
ذيب:شفيك
هزاع: ذيب طول حياتك ولا عمرك اخذك استاذان صاير شي
ضحك ذيب:لا مو صاير شي بس اليوم قررت اخذ استاذان
هزاع:بتروح للحب
ذيب: اي بروح لها وبروح لامي تعبانه اليوم
هزاع:افااا خاله ليلى تعبانه ماتشوف شر
ذيب:اي تعبانه ولا نعرف سبب تعبها
هزاع:ماعليه تغيير جو تعرف شتاء الحين
ذيب:بروح لها شوي
هزاع:اسمع روح وانا اكمل باقي شغلك
ذيب:لا يارجال ماباقي شي
هزاع:اقول قم بس ودي من زمان اجلس بمكتبك
ضحك ذيب:ماتقصر ياهزاع
هزاع:شدعوه مابيننا
راح ذيب واخذ استاذان وعلطول راح لبيته عشان يشوف ليلى
—
بيت ابو ذيب
كانت ليلى بغرفتها تحاول تنام سمعت صوت ضرب علي الباب
ليلى:مين
سهام دخلت و وراها اخواتها:شدعوه لؤلؤة ماتبينا
اسرار:واضح ماتبينا
ملاك:لؤلؤة افااا تعبانه بسم الله عليك
فزت ليلى يوم شافتهم:ياحبايبي انتم تعالو تعالو
جو البنات ورمو عباياتهم وجلسو معاهم بالسرير
اسرار:سمعنا انك تعبانه
ملاك:شفيك
سهام:امس مافيك شي
ليلى:مدري نمت وقمت وشفتني تعبانه بعدين تعالو وش هاذي الاغراض كلها
قامت اسرار:جبنا لك اكل وحركات
ليلى:ليش تتعبون نفسكم
ملاك:اي تعب مابيننا
سهام:انتي اكلتي شي
ليلى:لا والله مالي نفس
سمعو صراخ ام عايض
ملاك:عرفنا ليش مالك نفس
اسرار:مالومك انا انسدت نفسي
سهام: اعوذبالله عجوز قريح
ليلى ضحكت: والله ماتستحون جدتكم ذي
ملاك:ماعندنا جده كريهه كذا
ليلى:خلونا منها وش جايبين اكل الصراحه جوعانه
طلعو البنات الاكل وصارو ياكلون ويضحكون
——
بالجامعة
قرر تميم ان يعترف لميلا اليوم مابيبها تطير من يده
بعد ما انتهت المحاظره وقبل تطلع ميلا
تميم:ميلا
ميلا:هلا دكتور
تميم:ابيك بموضوع مهم
استغربت ميلا:موضوع وش دكتور
تميم:شوفي بقولك شي بس لا تفهميني غلط
ميلا:تمام دكتور فيك شي
تميم:الصراحه ميلا انا معجب فيك وميت عليك وابيك حلالي وام عيالي يابنت الناس ومسعد اخطبك اليوم قبل بكرا
انصدمت ميلا وحست بالاحراج: دكتور انا ماعندي سوالف الحب هاذي وعندك رقم ابوي حياك باي وقت تخطب
راحت ميلا وتميم زاد اعجابه فيها وكلم ابوه
ابو ذيب: هلا طماطم وراه تدق بهاذا الوقت
كان تميم بشرب قهوه وشرق من سمع اسوا اسم دلع بحياته: يبه وش ذا الاسم كبرت
ابو ذيب: اقول تراك بزر وهاذا الدلع حقك اسمك خايس ماله دلع بعدين يالخسيس احمد ربي اني ادلعك وقولك طماطم وانا احب الطماطم المفروض تستانس
تميم:يبه اول شي تر انت الي اخترت اسمي بعدين يبه تر اسمي له دلع وكثير بس انت يبه معلق علي طماطم ويبه ابيك بموضوع مهم
ابو ذيب:تكلم
تميم:يبه تكفي ابي اكمل نص ديني
ابو ذيب: هاذي الساعه المباركة شرايك بوتين
تميم:لا لا يبه مابي وتين لقيت الي ابيها
ابو ذيب:مين هي ومن وين تعرفها
تميم:يبه هذا عندي طالبه اسمها ميلا كلمتها بالموضوع وقبل اطلب رقمها علطول قالت لي كلم ابوي واخطب ماعندي هاذي السوال
ابو ذيب:والنعم فيها خلاص بكرا نخطبها لك
تميم:مشكور يبه مشكور بس
ابو ذيب:بس ايش
تميم:جدي تذكر يوم المخيم لما قلت له بتزوج برا العائلة
ابو ذيب: مين بيتزوج انت ولا جدك
تميم:انا
ابو ذيب:خلاص انتهي الموضوع وبتاخذ الي تبيها
تميم:مشكور يالغالي
قفلو بعض
__
بالمستشفى
أمجد:غسق
غسق:هلا دكتور
أمجد:شفتي الحاله حقتنا
وشد علي كلمة حقتنا
غسق:اي مشون شفتها
أمجد حاول يفتح معها موضوع:كيفك
غسق:تمام دكتور وانت كيفك
أمجد:تمام
غسق:دكتور فيك شي
أمجد:لا انتي فيك شي
غسق:لا
أمجد:غسق
غسق:هلا
أمجد:بسالك
غسق:اسال
أمجد:انتي مرتبطة يعني مخطوبه متزوجه
غسق:لا دكتور مو مرتبطة ليش تسال
أمجد:لا ولا شي
غسق:تمام بروح دكتور تبي شي
راحت غسق و أمجد كان كل تفكيره فيها ومو متاكد من مشاعره لها
__
بيت ابو وائل
كانو جالسين بالصالة
ام وائل وهي تضرب كتفيها:الله يكسر يدينهم
خديجة:يمه ظهري يوجعني
كريمة:الله لا يوفقهم شعري كلها طاح
ام وائل:انا عمتهم مالت عليهم ويمدون يدهم علي
كريمة:انا ماعاد أدخل بهذاك البيت
خديجة:ولا انا
ام وائل:والله يخسون نروح لهذاك البيت بعد الاهانة الي صارت لنا
خديجة:والي يقهر محد دافع عننا
كريمة:شفتي القهر
ام وائل:خلونا منهم مالت عليهم يحمدون ربهم اننا فكرنا نحضر عشاهم الي يفشل
__
عند البنات جلسو مع ليلى فتره ورجعو للبيت بس ماطولو قررو يطلعون مع البنات وجلسو بالسياره يتنظرون وهج و وتين
ملاك:دقي عليهم
سهام:ارسلت لهم بالواتس والحين بيجون
وتين جت وركبت السياره
وتين:هاي صباحو
اسرار:هلا صباح النور
سهام:وينك نمتي
وتين:شسوي كنت انتظر ابوي
ملاك:والاخت الثانيه وين صرت سواق معلمات
وهج جت وركبت معاهم
ملاك:كان نمتي وهج
وهج:شسوي فواز كان ناشب لي
سهام:وين نروح طيب
وتين:صدق وين بنروح
ملاك:مدري شرايكم نروح نفطر
وهج:لا امشو كوفي
وجلسو يتهاوشون
اسرار:خلاص ازعجتوني امشي مكان يبيع كل شي خلاص
الكل سكت ان كان شكل اسرار يخوف
راحو افطرو وبعد ماخلصو قررو يشوفون فساتين العرايس دخلو احد المحلات
ملاك وهي تاشر علي احد الفساتين:هذا يهبل
وهج:لا وع كانك شجره
سهام:حبيبتي اختاري شي جديد راقي
وتين:هذا يهبل شوفو في لولو
وهج:لا طالعه من بحر هي
اسرار:والله يهبل انتي ماعندي ذوق
وجلسو يتهاوشون وملاك دق جوالها واول ما شافت المتصل رجعت ورا عشان ترد
ملاك:الو
ذيب:وينك يابعد الدنياء
ملاك:طالعه مع البنات
ذيب:افاا والموعد حقنا
ملاك:اي موعد
ذيب:امس وعدتك اني اطلعك
ملاك:يووو معليش حبيبي توني اتذكر
ذيب:عادي يابعد الدنياء نطلع بليل و انتي وينك الحين
ملاك:كنا نتمشي وشفنا محل عرايس ودخلنا نتفرج
ذيب:وش ذي الغدره
ملاك:اي غدر
ذيب:كنت بروح معاك اختار
ملاك:تحلم اكيد
ذيب:لا ما احلم كنت ناوي اروح معاك
ملاك:وانا مو موافقه تروح معاي
ذيب:وليش ان شاء الله
ملاك:لانها اغراض خاصه والمفروض ماتشوفها
ذيب:كذا ولا كذا بشوفها بس انتي تعقدينها
ملاك:حبيبي افهمني انا ما ابيك تشوف ولا شي لين العرس
كان ذيب يحب كلمة حبيبي منها كانت هاذي الكلمه تلعب بالوتر الحساس حقه
ذيب:ولا شي اشوف
ملاك:ولا شي
ذيب:حتا الفستان
ملاك:حتا الفستان
ذيب:انتي الخسرانه ان مراح تاخذين رايي
ملاك:حبيبي انت كل شي تقوله صح ولازم اقفل ان صارت حرب هنا
ضحك ذيب:يلا روحي افزعي
قفلو من بعد وكان ذيب يحب ملاك حب عاشقين لبعض من سنين وكان يتذكر شكلٍ كريمة والفرق بينهم طبعا حبيبته احلى منها وعندها كرامه واخلاق مو نفس كريمة الي مرخصه نفسها
تنهد ذيب:الله يعدي هذا الزواج علي خير عندي احساس بتصير مصيبه
—
بيت ابو ذيب
كانت ليلى جالسه بالصاله و ودها تقوم وتفقع راس الي قدامها
ابو عايض: الحين وراه ذيب ماياخذ كريمه
ابو ذيب:بكيفه
ام عايض:علي الاقل ذيب بياخذ بنت عمه المصيبه بالباقين تميم و أمجد
ابو عايض:اي والله طول عمرنا بهاذي العائلة محد تزوج من برا العائلة
ليلى كانت ماسكه نفسها عشان ماتنفجر عليهم
ابو ذيب:ابشركم تميم قرر يتزوج
ابو عايض:مين بياخذ
ام عايض:وتين صح ياحليلها يستاهلون بعض
ليلى:مين عايض
ابو ذيب:بياخذ طالبه عنده اسمها ميلا
ابو عايض:يلا هذا بعد بيكسر كلامي صدق مافيهم رجال
ام عايض:وليش ان شاء الله وش فيها وتين وبنت عمه هو اولى فيها
ليلى:متي تبي نروح نخطبها له
ام عايض:راحت روحك ان شاء الله
ابو عايض:وراه وانتي شدخلك وانا مو موافق علي المسخره ذي
ابو ذيب:تعوذ من ابليس الولد يبيها
ابو عايض:والتبن فيه ذا ورع ولا يعرف مصلحته وذا الزواج مراح يتم ولا يكون بتعصي كلام ابوك للمره الثانيه ترا للحين انا مو راضي انك اخذت ذي واشر علي ليلى
ام عايض:قلت لك خذ بنت خالتك مرزوقة كان صارت لك رزق
هنا ليلى ماقدرت تتحمل إهانتهم لها تحملت سنوات عشان زوجها وحبيبها بس بيوقفون بسعادة ولدها وباقي عيالها لا والف لا
ليلى:ابيفهم انتم ماتستحون خلاص تحملت كثير وطفشت من هاذي الحاله كاني عدوه لكم ولا ذابحه ابوكم الي متى هااا خلاص مليت اسكت علي كل شي الا عيالي خط احمر وكل واحد راح ياخذ الي يبيها ويحبها ولا همي رايكم وانا بنفسي بروح اخطبها لهم
قامت بتروح لغرفتها ولفة لا ام عايض:تر مرزوقة ماجابت الرزق لزوجها واخذ علي راسها ثلاث لانه طفش منها ومن نكدها
راحت لغرفتها وهي مقرر ماتجلس عندهم
ابو عايض:قطع يقطع لسانك يالحيوانه
ام عايض:مالت عليك والله وقحه وماتستحي وانت راضي علي المسخره ذي
كان ابو ذيب منصدم من ليلى اول مره يشوفها بهاذي العصبيه
عند ليلى وهي تطلع شنطتها وتحط اغراضها بعصبيه
ليلى:مالت علي انا البقره الي جالسه عندهم
ودقت علي اسرار
اسرار:الو يمه
ليلى:وينك انتي واخواتك
اسرار:تونا دخلنا للبيت صاير شي
ليلى:بجي عندكم كم يوم
كانت اسرار حاطه جوالها سبيكر
سهام:وراه عجوز قريح سوت شي
ملاك:تعالي يمه حياك
ليلى:خلوني اجمع قشي واجيكم
اسرار:يلا تعالي بجهز الشاي والفصفص شكلك معصبه
ليلى:و ماء بارد ابي ابرد علي قلبي
ملاك:ابشري ويلا تعالي بسرعه
قفلو من بعض وليلى جهزت اغراضها ولبست عبايتها وقبل تطلع من الغرفة دخل ابو ذيب
أبو ذيب وهو يناظر الشنطة:افااا يا لؤلؤة وين رايحه
ليلى:طفشت بهج
ابو ذيب:و تتركيني لحالي
ليلى:احتاج فتره نقاهة
ابو ذيب:وين بتروحين
ليلى:بروح لبناتي علي الاقل مافي عندهم نكد
ابو ذيب:تبين اوصلك
ليلى كانت جد زعلانه من ابو ذيب:لا بروح لحالي
وراحت ليلى و اول ماطلعت من البيت قابلت كل عيالها كانو واقفين ويسولفون ويدخنون
هتان لمح امه:يمه عسى ما شر
تميم:افااا وين رايحه
أمجد قرب من امه:شفيك يمه
ليلى:تهاوشت
ابراهيم:شسويتي يالؤلؤة
ذيب:مع مين تهاوشتي
ليلى قالت كل شي صار
امجد:يمه تخوفين
ذيب:ماعرفتك يا ام ذيب
هتان:ياليت كلمتيني افزع لك
ابراهيم:اهم شي فزتي بالحرب
ضحكت ليلى:اي ماعليكم فزت بالحرب
كان تميم ساكت وحس انه سبب المشكله
هتان:يلا يا ام ذيب لازم تاخذين فترة نقاهة
ذيب:كيف تروحين وتتركينا
امجد:والله بشتاق لك
ابراهيم:كم يوم بتجلسين
ليلى:مدري والله
ولمحة تميم الي منزل راسه
ليلى:يمه تميم فيك شي
تميم: يمه انا السبب صح
ليلى قربت من تميم وهي تمسح علي وجهه:لا يمه حبيبي انت مالك شغل
تميم:طيب انتي بتطلعين من البيت والسبب انا
ليلى:الصدق انا ابي انحاش منهم طفشوني وابي اخذ فترة نقاهة
ذيب:يمه شرايك تاخذني معاك
ليلى:اقول روح بس انا ابي اهج منكم
ضحكو وليلى توجهة لبيت ابو حمد واستقبلوها البنات
اسرار:تعالي يمه مابغيتي تجين
سهام:صدق مابغينا جيتك
ملاك:يمه شصاير
ليلى:اول شي جيبو لي ماء بارد
راحت سهام جابت ماء وجلسو يتقهوون
ملاك وهي تشرب شاي:كملي شصار
ليلى ومعاها فصفص:تخيلو وش يقولون
البنات بصوت واحد وش
ليلى:ليش ما أخذت مرزوقه
سهام:مين مرزوقه
ليلى:بنت خاله ابشركم زوجها ماخذ ثلاثه
ملاك:ثلاثه مر وحده ليش
ليلى: لانها سلقه وماخلت احد بحاله
اسرار:نفس موضي
ليلى:لا حبيبتي موضي اشوا
ملاك:لا تجيبون طاريها وع
سهام:الخبله وبناتها وينهم مختفين
اسرار:صدق فقدتها مالقيت احد اسفل فيه
ليلى:ابشركم تطلقت
ملاك:مالوم عمي كريم الصراحه يع
سهام:ليش
اسرار:مارحمت الا عيالها
ليلى:الله يستر عليهم
سهام:كملي شصار
ليلى:اي وتخيلو وش قال
قالو بصوت واحد وش
ليلى: تميم ماراح ياخذ الا الي اختارها له
سهام:وع شفيه ذا
ملاك:مين الي يبيها تميم
ليلى:مدري بس عرفت انها طالبه عنده واسمها ميلا
اسرار:احسها تهبل
ملاك:اي متحمسه اشوفها
سهام:متى بتروحون تخطبونها
ليلى:مدري والله
اسرار:طيب اذا جدي رفض يخطب
سهام:صدق
ملاك:جد ما اتوقع يسكت عليه
ليلى جلست تفكر وتاكده ان الخطبه مراح تعدي علي خير و علطول اخذت جوالها ودقت علي تميم
رد تميم وكان يتغدا :هلا يمه
ليلى:وينك
تميم:جالسين نتغدا صاير شي
ليلى:المغرب بروح اخطب لك الي تبيها
شرق تميم وعلطول فزو العيال
امجد: سم بالله
ابراهيم:اشرب ماء
ذيب:صار شي
هتان:امي فيها شي
فز ابو ذيب بس ماتكلم وهو خايف عليها
تميم اخذ جواله:يمه من جدك
ليلى:اي وكلم ابوها وقل امي بتجي هي واخواتي بنخطب لك
البنات انصدمو
اسرار:وين نروح لا لا
ملاك:مراح اروح
سهام:وين نخطب لا لا
ليلى:انطمو بتروحون تميم المغرب بنروح واذا الشايب و عجوز قريح تكلمو قل امي بتخطب لي
تميم:احبك ياليلى والله احبك
ليلى:ياحبيبي انت يلا كلمهم
قفلو من بعض
عند العيال
ذيب:شفيك
ابراهيم:صاير شي
تميم:بخطب اليله
بدو العيال يصرخون ويباركون
ابو عايض:ومين بيخطب لك
ابو ذيب:انا بخطب له
ابو عايض:صدق ان مافيكم رجال محد سواها وتزوج من برا العائلة
وقام وهو معصب و وراه ام عايض
ذيب:ماعليك منه شف انا تزوجت من العائلة ورفض زواجي
__
المغرب عند البنات
سهام:وجع ملاك ابي شعري
ملاك:تحملي
اسرار:تستاهلين محد قال لك اطلبي من ملاك
ليلى:خلصتو
اسرار:تعالي باخذ رايك بايش البس
ليلى:يويلي للحين محد لبس
ملاك:شدعوه ليش مستعجله
سهام:خوذي راحتك
اسرار:تر حنا نطول بس اول مره نستعجل كذا
ليلى:بنجن من البرود الي فيكم وانتي قدامي اختار لك
وجلسو يتجهزون
عند العيال
كانو واقفين وبعضهم كان يدخن
فواز:مين بيروح
يوسف:مدري بس الي بيروح انا والعيال وابوي
محمد:هذولا بينامون
هتان:الي بيروح امي وبنات فيصل بس
سيف:تميم وش شعورك وانت رايح تخطب
فارس:صدق اوصف شعورك لنا
تميم:مدري احس متحمس
أمجد كان واقف بعيد شوي ويدخن
قرب ذيب من عنده وضرب كتفه بخفه:ولد فيك شي
أمجد وهو ينفخ الدخان الي مالي صدره:مافيني شي
ذيب وهو يولع دخانه:تكلم
أمجد:مدري شفيني
ذيب:شفيك
أمجد:يوم احس اني احبها ويوم ما احبها
ذيب:طالبة التطبيق
أمجد:اي
ذيب:حاول تكتشف مشاعرك لها
أمجد:صعب والله صعب
ذيب:وش الصعب
أمجد:اعرف مشاعري
ذيب:حاول تعرف ترا مو صعب
أمجد:مدري مو عارف
ذيب:انت تكابر
أمجد:لازم اعرف اذا احبها ولا لا
بعد مدة طلعو البنات من البيت
سهام كانت تهاوش شايله كعبها بيدها وتمشي حافيه وكان يراقبها شخص عاشق لها
سهام:مالت عليكم شكلي يفشل وانتي السبب
ملاك:انا؟ حبيبتي شدخلني فيك
سهام:انتي السبب بشكلي المسخره
ملاك:انقلعي بس محد قال لك تعالي عندي
اسرار:ويع تفشلون
سهام:انطمي انتي
اسرار:مالت عليك
كان محمد يراقب البنت الهادية والباردة و زاد اعجابه فيها بس حس بنار بصدره ان الكل يشوفها
كان ابراهيم يضحك علي سهام وماسكينه يوسف وسيف
سهام لفت راسها وشافت ابراهيم يضحك:سلامات ناقص عقل
ابراهيم:هي خير
سهام:الخير مو بوجهك
وقبل لا يرد اعطته سهام ظهره وركبت السياره
ابراهيم:هاذي شفيها خبله ذي
ابو ذيب:خلصتو الهواش يلا قدامي خلونا نمشي
__
عند بيت ابو ميلا وصلو بعد فتره
ابو ميلا واقف عند الباب:ارحبو يارجال
ابو ذيب:البقى
دخلو للمجلس واخذتهم السوالف
ابو ذيب:والله يا ابو ميلا اليوم جينا لك واتمنى ماتردنا نبي بنتكم لولدنا تميم و طمعانين بنسبكم
ابو ميلا:والله نتشرف فيك وفي ولدنا تميم ومن عندي انا موافق واخر شي الشور للبنت
عند الحريم
ام ميلا:ما شاء الله هذولا بناتك يهبلون
ام ذيب:لا والله هذولا بنات اختي
ام ميلا:ما شاء الله متزوجات
ام ذيب: بس ملاك مخطوبه لولدي ذيب
ام ميلا:واي وحده فيكم ملاك
ملاك:انا
ام ميلا:بسم الله تبارك الله
ام ذيب:والله يا ام ميلا اليوم جينا نبي بنتكم لولدنا تميم ونتشرف فيكم
ام ميلا:والله الشرف لنا يا ام ذيب
دخلت ميلا
ميلا:مساء الخير
ام ميلا:هاذي بنتي ميلا
ام ذيب:تبارك الله عرفنا ليش تميم طاح علي وجهه
ابتسمت ميلا بخجل
مالت سهام علي ملاك وقالت بهمس:حلوه والله
ملاك:تهبل تبارك الله
اسرار:احسها هاديه وناعمه
سهام:يارب توافق حبيتها
ام ذيب:حنا نستاذن وخوذو وقتكم ويا ميلا خوذي راحتك بالتفكير
ميلا:ان شاء الله
طلعو الكل وكانت هذيك الليله احلى ليلة لتميم وماصدق انه خطبها
__
الساعه ١٠ بيت ابو حمد
كانو متجمعين البنات و كانو وتين و وهج موجودات وكانت هاذي الجلسه مافيها نفس ثقيله
سهام:والله فاتكم البنت حلوه
وهج:حسافه ياليت جيت
اسرار:الصراحه البنت هاديه
ليلى:البنت تهبل يارب توافق
وتين:بالعكس خاله عندي احساس يتوافق
وهج:اوصفو شكلها
ملاك:انا بوصف البنت حلوه وملامحها هاديه جسمها نحيف وخصرها يموت شعرها مو طويل ولا قصير يعني لكتفها وعندها شامه تحت شفايفها الزبده البنت حلوه مالوم تميم يوم مات فيها
وتين:الله احسها حلوه
سهام:لا تحسين تاكدي
اسرار:اقول نامو عندنا اليوم تر ليلى بتنام عندنا يعني بتجي احلى سهره
وتين:بشوف ابوي
وهج:جهزو فراشي
ليلى:وتين ماعليه انا اكلم امك
ملاك:ولا تخافون نعطيكم بجايم من عندنا بس اهم شي طلعو لنا فلم ودورو مطعم
وجلسو يسولفون
ملاك كانت تسولف بس قاطعها رساله ونقدر نقول انها تنتظر هاذي الرساله من وقت طويل وعلطول راحت لغرفتها وطاحت علي سريرها
ذيب:شتسوين
ملاك:جالسه بغرفتي انت شتسوي
ذيب:ولا شي بشري كيف الخطبه
ملاك:تهبل وربي اول مره اخطب لاحد واحس بالانجاز
ذيب:فستانك حلو اليوم
ملاك:شدراك اني كنت لابسه فستان
ذيب:ولونه ابيض و قصير وماسك علي الجسم
ملاك كانت للحين لابسه الفستان وانصدمت من عرف ذيب تفاصيل فستانها وعلطول لفت راسها وشافت الي واقف بالبلكونه فزت علطول وفتحت باب البلكونه
ابتسمت ملاك:شتسوي هنا
دخل ذيب وقفل باب البلكونه وعلطول حضنها
بادلته ملاك ورفعت راسها:من متي وانت موجود
ذيب:من جلستي بالسرير
ملاك:وحشتني والله
ذيب:يابعد الدنياء انتي وربي اشتقت لك
ملاك:وينك من اليوم
ذيب:يوو والله تعبان اليوم تخيلي من راحت امي وجدي يسفل فينا
وجلس يتحلطم
ملاك كانت تمسح علي خده وتسمع سوالفه
ملاك:ماعليه تحمل
ذيب سند راسه علي كتفها وماسك خصرها:طفشت متى بنتزوج
ملاك وهي تلعب بشعره:ماباقي شي خلاص
ذيب:تعالي متي تبين نروح نشتري اثاث البيت
ملاك انصدمت توقعت بيسكنون بشقه
رفعت ملاك راسه:بيت؟
ذيب سند جبينه بجبينها:اي بيت
ملاك:ماتوقعت بيت
ذيب:كنتي تتوقعين شقه
ملاك:اي الصراحه
ابتسم ذيب بتعب
ملاك:حبيبي فيك شي
ذيب:اي تعبان متكسر
ملاك:ياحبيبي انت مانمت اليوم
ذيب:لا والله عجزت انام
ملاك:روح نام الحين واضح انك تعبان
ابتسم ذيب بخفه وسحبها للسرير وخلها تجلس وعلطول حط راسه ببطنها
ملاك:ورع خير روح للبيت نام
ذيب:ابي انام بحضنك اليوم
ملاك:واذا احد دخل
ذيب:انتي مقفله الباب
ملاك:اي
ذيب:خلاص محد بيدخل تكفين بنام تعبان
ملاك:خلاص كسرت خاطري نام شوي بعدها توكل
ذيب شد علي خصرها:العبي بشعري
بدات ملاك تلعب بشعره وحست انه صدق تعبان
عند البنات الساعه ٢
وهج:الفلم سخيف
اسرار:جد تافه
ليلى:مافهمت شي
وتين:خافي ربك خاله مية مره شرحت لك
ليلى:شدعوه كلها اربع مرات
وهج:ملاك وين
سهام:نايمه اكيد
وتين:غريبه نايمه احس بدري
اسرار:تر من الصباح قايمه واليوم تعبت
ليلى:انا بروح انام خلاص تكسرت
اسرار:نامي بغرفتي وانا والبنات بغرفه سهام
سهام:تم نسوي بجامه بارتي
الكل راح ينام
بغرفة سهام
وهج:سهام ذي غرفه ولا مكتبه
اسرار:حبيبتي حنا غرفنا مميزه
وتين:وش المميز فيها
سهام:غرفتي مكتبه من كثر الكتب فيها وملاك معرض لوحات من كثر ماترسم و أسرار بوتيك ملابس و ميكب
وهج:الله اسرار جوي
وتين:فقدت ملاك
سهام:نايمه بالعسل
اسرار:خليها تنام اليوم تعبت
وهج:تعالي وش الهوشه حقتك سهام
سهام:اي هوشه
وتين:مع ابراهيم
سهام:وع الولد غثيث ناشب لي ويتدخل بكل شي
اسرار:يمه مت اليوم تخيلو يناظرها وهي تصرخ عليه
وهج:واضح معجب فيه
وتين:اي يمه احس يحبها
سهام تذكرت اعتراف ابراهيم لها وعلطول صرفت الموضوع:يع لو انه اخر رجال ما اخذته
اسرار:الولد حلو عاد
سهام:لا حلو ولا شي
وبدو البنات يطقطقون عليها
عند ملاك و ذيبها
ملاك نامت وكان معها ذيب وصحت علي الساعه٣
ملاك:ذيب قوم
ذيب شد علي حضنها:خليني انام
ابتسمت ملاك وقررت تصور اخذت جوالها وبدت تصور
ذيب رفع راسه وعلطول طاحت عيونه علي الجوال الي جالس يصورهم ابتسم ورجع دفن وجهه ببطنها
ملاك:خلاص قوم
ذيب بصوت ثقيل:خليني اكمل نومي وليش تصورين
ملاك:يمه صوتك يخوف قوم راح الوقت ونمت بالغلط وليش اصور بس كذا
ذيب:خلاص مادام راح الوقت خليني انام
ملاك:و تفوتك صلاة الفجر
ذيب:باقي وقت
ملاك وهي تلعب بشعره:متي ناوي تقوم
ذيب:كيف تبين اروح واترك ذا الزين وحضنك الدافي
ابتسمت ملاك بحرج:لازم تروح عشان محد يشك فيك
ذيب:بقوم بس احضنيني
ملاك:حضنتك كثير خلاص
ذيب:مستعد اقوم بس احضنيني
ملاك شدت عليه بحضنها وقربت وقبلت راسه بخفه
ابتسم ذيب بهيام:يابعد الدنياء انتي احبك والله
ملاك:حبيبي وانا بعد احبك
ذيب قام بتعب:اخخخ والله هاذي احلى نومه بحياتي
ملاك:يمه شكلي مبهذل وللحين ماغيرت الفستان
ذيب:بالعكس حلوه بكل حالاتك
ملاك:احلف
ذيب:والله
قرب ذيب لها وحضنها بقوه
ملاك:ماشبعت
ذيب:كيف اشبع منك
ورفع راسه و تلامسه انوفهم و تلاحمت شفايفهم ببعض كانت شفايفها المليان والحمراء بالنسبه لذيب كانت خمر حلال وفعلا شفايفها تخدر بطلنا ونقدر نقول انها تجيب راسه بسهوله
بعد مدة بعدة ملاك وكان وجهها احمر ونزلت راسها وقالت بخفه:خلاص
ابتسم ذيب:شفيك
ملاك:مافيني شي
قرر ذيب يكمل يبيها تنفجر عليه و قرب يبوس خدها ويوزع بوسات بكامل وجهها وقرب من اذنها وهمس:تصدقين اني احبك وطحت علي وجهي بسببك هاذي العيون لحالها تخدرني
وقرب وطبع بوسه خفيفه علي اذنها
هنا ملاك تحس دمها يفور ولا قدرت تتكلم من الاحراج
رفع ذيب راسه وطاح ضحك عليها:وجهك يضحك شفيك قلبتي حمراء الجو حار؟
ملاك باحراج وصوت قصير:ذيب اكرهك تصدق
ضحك ذيب وقرب مسك خصرها:اتحداك تكرهيني
ملاك:ماودك تنقلع
ذيب:تر انا زوجك ليش كذا مستحيه
ملاك:شدخلك
ذيب:احبك طيب
ملاك:ذيب خلاص
ابتسم ذيب:شفيك ياروحي
ملاك:خلاص ذيب انقلع صلاة
ذيب:خلاص بنقلع
جاء و وقف بالبلكونه قبل لاينزل وقفه صوتها
ملاك:ذيب
ذيب:هلا
قربت ملاك واعطته قبله علي خده وتحديد مكان الندبه
ابتسم ذيب:وش معني مكان الندبه
ملاك:الندبه هذي بالذات احبها
ذيب:وراعي الندبه يحبك
ملاك:بس انا احب الندبه وكثير بعد
ذيب:الندبه تحبك كثير
وقرب اخذ مبسمها بسرعه
ملاك:قليل ادب
ذيب:احبك وربي
ملاك:وانا بعد احبك وانزل بشويش
نزل ذيب وعلطول دخل للبيت وقابله أمجد
أمجد:كان نمت
تميم:ياحليلك كيف نزلت
ذيب:نمت ابشرك ونزلت لحالي
أمجد:فاتك ابوي جالس بالصاله يهوجس
تميم:اي تخيل مو قادر ينام
ذيب:غريب شفيه
أمجد:حن لحبيبته
تميم:مالومها حنا اشتقنا لليلى
ذيب:امي عايشه حياتها هناك
تميم:خلها تستانس
أمجد:اي والله خلوها كم يوم تاخذ فترة نقاهة
راح لذيب عند ابوه الي كان جالس ويهوجس
ذيب:شفيك يبه
ابو ذيب:مافيني شي
ذيب:يبه متاكد
ابو ذيب:بروح انام وانت روح وراك دوام
راح ابو ذيب لغرفته ودخل:اخخخ ياليلى والله البيت من دونك ولا شي
عند ابراهيم
كان جالس بالشارع ويدخن وكان يفكر بسهام
ابراهيم:شفيها منفسه اليوم
وسمع صوت باب ورفع راسه وشاف الي يحبها من كل قبله كانت سهام جالسه وتقرا كتاب
سهام وهي تكلم نفسها:مدري شسوي انا احبه بس احسه لعاب مدري شسوي صدق مرات احسه يحبني ومرات مايحبني
قاطع تفكيرها حجر انضرب علي كتابها ورفعت راسها بعصبيه
سهام:وجع توجعك
وانصدمت من شافت الي كانت تفكر فيه
ابتسم ابراهيم:شتسوين
سهام:شدخلك
ابراهيم:ابفهم انتي شفيك نفسيه
سهام:تبي شي
ابراهيم:اي
سهام:خير
ابراهيم:ماعطيتيني ردك
سهام:علي ايش
ابراهيم:علي حبي لك
سهام:من جدك تتكلم
ابراهيم:اي احبك يابنت الناس وربي اعشقك وانتظر اتخرج والقى وظيفه وعلطول اتزوجك افهميني كل ليله افكر فيك تكفين ريحي قلبي وقولي لي انتي تحبيني ولا لا
سهام كانت منحرجه:ابراهيم
ابراهيم بهيام:لبيه
سهام:شوف الصراحه احس باعجاب فيك بس للحين مو متاكده واسمع ابراهيم
كان ابراهيم مبتسم ومو مصدق انها تبادله الاعجاب:عيوني
ابتسم سهام:تسلم عيونك بس انا ماعمري تخالطت مع جنس أدم وماعندي سوالف العشق واذا تبي بيننا علاقه تعال اخطب وتر انا موافقه واخر شي الشور شور ابوي
ابتسم ابراهيم:يابعد عمري انتي ابشري ياروحي وربي اجي واخطبك وانتظري بس اتخرج وادور وظيفه
سهام:تبي شي
ابراهيم:مابي الا سلامتك
وقبل سهام لا تدخل وقفها صوته
ابراهيم:سهام
سهام:هلا
ابراهيم:طلبتك لا تتزوجين غيري انتظريني حتا لو تاخرت عليك طلبتك حياتي من دونك ولا شي
سهام:لا تخاف تر توني صغيره ومراح اتزوج غيرك
ابراهيم:ليه كم عمرك
سهام:١٨
ابراهيم:ياحليلك بزر
سهام:ليش كم عمرك يالشايب
ابراهيم: ٢٢ وماباقي شي وادخل ٢٣
سهام:شايب
ابراهيم:بزر
سهام:خلاص بدخل وانت بعد ادخل الجو بارد
ابراهيم:يابعد روحي انتي يلا
دخلت سهام وابراهيم كان واقف يتاملها ومو مصدق انها تبادله مشاعره كان يحبها حب كبير ونظيف ودخلت للبيت وعلطول طاح للسرير وهو مبتسم ونام وهو مو شايل هم انها تكرهه
سهام علطول دخلت وكانو البنات نايمين وطاحت علي سريرها وهي كانت متوتره ومو مصدقه انها اعترفت له وكان باين من عيون ابراهيم انه يحبها وبجنون
___
الصباح بيت ابو محمد
محمد كان جالس وكل تفكيره ب اسرار وهو خايف يتزوجها ويظلمها معاه
سيف:شفيك
محمد:ولا شي
يوسف:وجهك اصفر
محمد:ابفهم انتم يا الثنائي ماوراكم جامعه
سيف:لاتخاف المحاضرات اليوم متاخره
يوسف:امشو نفطر بس
الكل راحو يفطرون
ابو محمد:محمد
محمد:هلا يبه
ابو محمد:مو ناوي تتزوج
انصدم محمد:لا يبه مو مستعد
ابو محمد:وليش لا
محمد:مين بعني بتزوجني
ابو محمد:شرايك بأسرار بنت عمك
فز محمد من سمع اسمها:اسرار
ابو محمد:اي
محمد:مدري احس مابي اتزوج الحين
ابو محمد:وليش
محمد:تو الناس وليش مستعجل
ابو محمد بعصبيه:وانت الي متى بتجلس كذا هااا الناس صارو يعايروني فيك كبرت وصرت نفس الجحش وش السبب الي يخليك ترفض
تكلم محمد بعصبيه وهو طفش من سالفة ابوه كل يوم وانفجر عليه:تبي تعرف ليش انا اقولك ليش مابي اصير مثلك مابي اظلم بنت الناس معاي نفسك مثل ماكنت تظلم امي اذكرها كل ليله تنام ودمعتها علي خدها والسبب انت كانت تدعي عليك كل ليله وتستغفر عشان ماتتحقق الدعوه هي تحبك وانت ماقدرت الحب ذا كرهت الزواج بسبكك ياليت مت ولا جبتوني علي هاذي الدنياء
قطعه كف من ابوه القوي
ابو محمد:انقلعي من قدامي
طلع محمد بسرعه وهو منصدم من الكف
الكل كان منصدم من محمد الهادي الي كان ابوه بالنسبه له خط احمر
قامت ام محمد بسرعه وهي تمسح دموعها
ابو محمد جلس وهو مو صدقك ان هاذا ولده صح كإن أنسان قاسي القلب بدايته زواجه كان ظالم زوجته وكان ندمان من قبله ويحاول يعوضها من قلبه علي كل الظلم الي سببه لزوجته وقدر نعمتها بعد هاذي السنين
__
بيت ابو ذيب كانو جالسين ويناظرون جدتهم الي تتحلطم
ام عايض:ابفهم ذي راعية بيت علطول هجت مالت عليها المرة مكانها بيتها ورجلها وعيالها
أمجد قرب من ذيب:امش نفطر بالبوفيه
ذيب:يلا وجب اخوانك
طلعو كلهم دفعه وحده
ابو عايض:هذولا شفيهم
ام عايض:ياحليلهم اكيد رايحين للدوام
راحو لعيال للبوفيه وشافو باقي عيال عمهم
فواز:ارحبووو لكم فقده
هتان:البقى
سلمو علي بعض
ابراهيم:اقول وراه اخوكم قالب طماطم
كان محمد جالس وياكل
يوسف:انصفق اول كف بحياتها
وائل:ياحليلك اول كف وزعلان
هتان:شفت
فارس:واضح منجلد انا بروح وراي مدرسه
ذيب:روح وانتبه لنفسك
راح فارس
فواز:يارجال ارتاح والله ابوي كل يومين يضربني
هتان:ياحليلك طيب انت
راح محمد وكان معصب
ذيب:ذا شفيه منفس
سيف:تهاوش مع ابوي
فواز:واضح هوشه قويه
يوسف:كيف النفسيه ياعريس
تميم:توها ماردت خبر بس مبسوط
أمجد كان يتامل وائل الحزين
قرب من عنده ومسك كتفه:وائل ياخوي فيك شي
وائل:ياعيال احد شاف ابوي
يوسف:لا
فواز:الصراحه لا
ذيب:لا حول ولا قوة الا بالله
هتان:ماعليك ياخوي ان شاء الله يرجع
وائل:ان شاء الله
الكل راح دوامه
__
عند ذيب بدوامه
دخل الدوام والكل يطق لك تحيه دخل مكتبه وشاف اكثر شخص يكرهه
خالد:هلا صباح الخير ذيب
ذيب:خير
خالد:افااا لا شاهي ولا قهوه
جلس ذيب بمكتبه وهو ماسك نفسه
ذيب:نعم
خالد:تصدق ياذيب اني احبك ودايمن اتمنى لك الخير
ذيب:خالد تصدق وانا اكرهك ونعم
ضحك خالد:عرفت زواجك قرب ياعريس
ذيب:وانت مو معزوم
خالد:افااا بس مقبولة منك بس ياذيب والله مجهز لك هديه بتبكي من الفرح اكيد وهديه خاصه للعروسه ولا راح تنسون هاذي الهديه طول حياتكم
ذيب كان خايف علي ملاكه:خالد والله ادفنك اذا قربت لها
ضحك خالد باستفزاز:لا تخاف صدقني هديه حلوه
وراح خالد وكان يتكلم وهو واثق من نفسه وهذا سبب خوف ذيب منه كان خايف علي حبيبته
__
بالجامعة
دخل تميم للمحاضرة وطاحت عينه علي حبيبته وابتسم بخفه
ميلا كانت منحرجه من نظرات تميم لها الي باين الحب فيها
بعد مدة خلصت المحاضره
كانت ميلا بتطلع بس وقفها صوت تميم
تميم:ميلا
ميلا:هلا
ابتسم تميم:ميلا بشري وافقتي
ميلا:مدري دكتور لازم افكر
انصدم تميم:تفكرين
كانت ميلا تبي تحرق دمه
ميلا:اي
تميم:كنتي موافقه وش غير رايك
ميلا:اليوم بالذات ابي افكر
وراحت ميلا وتركت تميم المنصدم
__
بالمستشفى
كان امجد واقف ويحترق غيره من شاف غسق تتكلم مع احد الطلاب ولا قدر يتحمل وعلطول راح
امجد:غسق
غسق لفت للولد الي تكلمه:عن اذنك
وراحت عند امجد:هلا دكتور
امجد:من ذا
غسق:قصدك ياسر زميلي
امجد:زميلك
غسق:اي في شي
امجد:اي لا اشوفك تسولفين معاه
غسق:نعم ومين انت
امجد:دكتورك وعارف مصلحتك
غسق:انت ابوي
امجد:لا
غسق:اخوي
امجد:لا
غسق:زوجي
امجد:لا
غسق:اجل شدخلك فيني
وراحت غسق وهي معصببه من المجنون الي قدامها يوم تحس بحبه ويوم تحس بكرهه لها وهي تلعن قلبها الي حبه
أمجد هنا تاكد انه حبها خلاص وعرف ان غيرته عليها بالذات قوية
ابشركم رجع الشغف ونزلت بارت
وروني تفاعلكم علي هاذا البارت عشان ينزل البارب الجاي بسرعه
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
