جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
في مجلس أبو ذيب
كانو متجمعين ويسولفون ودخل عليهم شخص ينتظرونه من زمان
ابو حمد: السلام عليكم
الكل فز من سمع صوته
ابو ذيب وقف وقال: أرحببب
ابو حمد: البقى
قرب وسلم علي اخوانه والعيال
قرب ابو حمد من ذيب: ابك ما شاء الله اشوفك كبرت
ضحك ذيب وكان يبوس راسه: انت طولت ياعمي
ابو حمد وهو يناظر العيال اشر علي فارس: لا تقولون ذا فارس
فارس ضحك: اي اي انا
ابو حمد: يا الله لهدرجه مر وقت اذكر يوم كنت صغير كنت تركض ورا الكلاب والبسس
ضحكو من وجه فارس المنصدم
فارس بنفسه: وجع ترك كل شي ايجابي سويته وركز بالسلبي
ابو حمد كان واقف ويسولف وشاف بناته طالعين من بيتهم
طلع من المجلس علطول و العيال طلعو معاه مستغربين وين بيروح
البنات اول ماشافوه ركضو عنده وحضنهم علطول ويسلمون عليه
سهام: يبه ليش ماعلمتنا انك بتجي
ملاك: جد ليش ماقلت لنا عشان نستقبلك
اسرار: كنا بنجيك للمطار
ابو حمد: جت بسرعه معليش يلا تعالو ساعدوني ودخلو الشنط للبيت
روحو البنات ودخلو الشنط واتجهو لبيت ابو ذيب ودخلو عند الحريم
اسرار: لؤلؤة وينك
ليلى وهي تضحك:تعالي تعالي
راحو عندها وسلمو عليها
سهام: شدعوه ليش محد جاء
ليلى: لا ام محمد وام فواز يبجون
ملاك: صح خاله ليلى تر ابوي موجود
ليلى: احلفي متي جاء
سهام: والله مشوين رجع
دخلت ام فواز ومعها وهج
وهج: هايييييي قسم وحشتوني
اسرار: ارحبييي وربي اكثر
دخل ابو حمد وقال من ورا الباب :فايزة ليلى وينكم ماتستحون ماتسلمون
ام فواز فزت من سمعت صوت فيصل وراحت بسرعه : ارحبببب
وجت وسلمت عليه وتحضنه
وطلعت ليلى وكانت لابسه عبايتها : هلا والله فيصل وراه ماعلمتنا انك بتجي
فيصل نزل راسه ومد يده يصافحها ويسلم عليها: يامرحبا ليلى شخبارك
تنهدت ليلى من وجه فيصل الي واضح تعبان: انا بخير انت الي شخبارك طمني عنك
فيصل: الحمدالله علي كل حال
دخلت عليهم ام محمد وام وائل
ام محمد مدة يدها لفيصل: مالك داعي يافيصل ليش ماعلمتنا انك بتجي
ضحك ابو حمد وهم منزل راسه: معليش يانوره جت بسرعه طمنيني عنك
ام محمد :الحمدالله انت شخبارك
ابو حمد : الحمدالله
ام وائل قربت بتسلم عليه: شخبارك فيصل
ابو حمد كان عارف طبع اخته وكرهها لزوجته وبناته: الحمدالله
وسلم علي البنات وهج و وتين وكريمة و خديجة
طلع وراح مجلس الرجال وجلس يسولف معاهم
عند الحريم
كانو يسولفون
قررت وهج ترسل بالقروب
وهج: بنات ذي كريمة شفيها تخز كذا
اسرار: مدري شفيها
سهام: ودي افقع عينها وعين اختها
وتين:يمه بنات صار موقف امس لازم اقوله
قالو البنات قولي
وتين: لا امشي برا ان الموضوع حساس
قامو البنات مره وحده وعلطول راحو للحوش
_________________
عند العيال كانو واقفين بالشارع ويسولفون
فواز: اقول السياره ذي لمين لونها غريب
هتان: احد يصبغ سماوي
ابراهيم: ذي حقت سهام بس الصراحه لونها حلو
وقال لنفسه والله هي الحلوه
محمد: طيب وذي لمين الي لونها كحلي
أمجد: اسرار
فز قلب محمد يوم سمع اسمها
محمد: ذوقها رهيب
وائل: لا عاد ذي غير لونها وردي فاتح مين الي يصبخ وردي
ذيب: ذي لملاك
فارس: شدراك
ذيب وحس انه جاب العيد وقال بترقيع: شفتها تطلع فيها
سيف: ذي عاد مميزه واضح حقت عمي فيصل نار قسم رمادي غامق
يوسف: رهيبه وربي
_________________
عند البنات بالحوش
وهج: يلا تكملي
سهام: صدق تكلمي
وتين ولمحت كريمة وخديجه قالت بصوت واطي:موجودات بسولف بصوت واطي
اسرار بصوت واطي: يلا تكلمي
قربو البنات من عندها وصارت تسولف وصوتها قصير
وتين: هذاك اليوم لما خلصت العزيمة وطلعنا بنروح للبيت مشي عشان قريب تمام
شفت كريمة كانت واقفه مع ذيب وكانت تبكي و ذيب كان معصب و سمعته يقول
يويلك تقربين منها عاد مين مدري واول ما شافوني راح ذيب داخل المجلس وهو معصب
سهام: ماعرفتي السالفه
وتين: للاسف لا بس واضح هي الي جايه عنده
وهج: وجع ذي وقحه ليش
اسرار: جد انا استحي اسولف مع رجال غير ابوي وعمامي
كانو يتناقشون ويحللون السالفه
ملاك كانت بعالم ثاني من سمعت السالفه وهي تحس بشعور الغيره وشعور غريب
مر وقت وقررت ملاك ترجع للبيت قبل البنات
كانت تلبس عبايتها
اسرار: شفيك اجلسي نرجع مع بعض
وهج: فيك شي بسم الله عليك ليش بترجعين
ملاك: تعبانه شوي برجع انام
ليلى: ملاك فيك شي وين رايحة
ملاك: مافيني شي يمه بس شوي تعبانه برجع بنام
طلعت ملاك وشافت ذيب قدامها ناظرته بقرف ومشت بسرعه ودخلت للبيت
ذيب كان واقف برا وشاف الي ماخذه قلبه بس استغرب من نظراتها ومشيها بسرعه
انتهت العزيمة والكل رجع لبيته
كان ابو حمد جالس مع بناته بالصالة
ابو حمد: تصدقون والله افضل قرار اننا رجعنا
اسرار وهي جايه من المطبخ وكان معاها صينية شاي: اتفق الصراحه والله قرار حلو
سهام: جد الحمدالله رجعنا
ابو حمد: ملاك يبه فيك شي
ملاك: لا مافيني شي بس بروح انام احس اني تعبانه شوي
أبو حمد: روحي واذا تعبتي بزياده قوميني عشان اوديك للمستشفى
ملاك وهي تبوس راسه: ابشر تصبحون علي خير
راحت غرفتها وكانت تحاول تنام
مر وقت والكل نام وصارت الساعه ٢ الفجر
قررت ملاك تروح تسوي لها قهوه وتاخذ بطانيتها وجلست بالبلكونه ومعاها كتاب
سمعت صوت يناديها وخافت وقفت ولما شافت طلع ذيب
كان ذيب واقف برا يدخن وشافها قرر يكلمنها
ملاك: خير انت كل ماتشوفني جالسه مروقة تخرب علي
ذيب: وش عندك جالسه بهاذا الوقت
ملاك: وش عليك فيني
ذيب: وش النظرات الي عطيتيني يوم طلعتي
ملاك: حرام اناظر يعني
ذيب: ابفهم ليش لسانك طويل
ملاك: من وين طلعت لي
ذيب: من بيتنا
ملاك: ههه دمك خفيف سخيف
ذيب: انتي نفسيه
ملاك وهي معصبه: ليش هذاك اليوم كنت تسولف مع كريمة
ذيب: شفيها كنت اتكلم معها وش بيصير يعني
ملاك: طيب وش تسولفون فيه
ذيب ابتسم وقال وهو يغمز: ليش تغارين
ملاك وهي تصرف الموضوع: لا يع ليش اغار بس ابي اعرف السالفه
ذيب: طيب لا تصيحين بقول لك
ملاك: ليش اصيح مو بزر
ذيب: كانت تقول لي امي خطبت لي وحاولت اعرف مين بس ماتكلمت وقالت انها تحبني وتعترف لي عن مشاعرها
انحرجت من تذكرت ان خالتها ليلى خطبتها له
ملاك : وانت وش مشاعرك لها
ذيب وهو يهف الدخان ويناظرها : من ناحية ايش
ملاك: يعني تحبها او معجب فيها
ذيب: وع لا شايفها وجهها
ملاك وهي تضحك: حرام عليك
ذيب ضحك: والله يع شايفه نفسها ومدري علي ايش
ملاك وهي ناسيه نفسها وتسولف: يمه مت تمشي تقول وهي تقلدها يويلكم تقربون من حبيبي ذيب تر مكتوبين لبعض وهو يحبني ويموت فيني
وهي تكمل تقليد ذيب كان قلبه يدق بقوه من سمع حبيبي واسمه من افمها
وضحك بقوه من قالت بدلع: تر من كان صغار وحنا نحب بعض
ذيب: بذمتك تقول كذا
ملاك وهي تضحك: والله تقول كذا
وجلسو يسولفون
كانت كريمة تراقبهم بحقد وكره وكانت تسب فيهم وقالت: يضحكون ويسولفون وتكلمت بخبث والله ادمرهم وجابت جوالها بسرعة وصورتهم
ملاك كانت تسولف مع ذيب واستوعبت انها واقفه قدامه وتسولف ولابسه بجامة ركضت بسرعه داخل غرفتها وكان قلبها ينبض وقالت لنفسها: انا شسويت يمه ماعمري كلمت رجال شفيني اخذت راحتي معاه
ذيب: شفيها هاذي بعدين استوعب وتذكر شكلها وكانت ببجامة قدامه استحي وخاف احد شافها غيره كريمة صورتهم وقررت تهدد ملاك فيه
كانت ملاك جالسة وكانت منحرجه من الموقف جتها راسلها وقامت وهي خايفه من شافت الفيديو كانت واقفه مع ذيب وتسولف والخوف مالي قلبها وكانت من رقم غريب ومكتوب بالرسالة (بعدي عن ذيب ولا والله لا ينتشر الفديو والكل بيعرف بفضيحتك واقفه بليل مع رجال)
كانت تدور ب الغرفه ساعه كامله وتبكي وقررت تروح عند اسرار وسهام وقالت : الي يصير يصير بالطقاق
ملاك دخلت علي سهام بغرفتها وهي تقومها: سهام سهام
سهام تكلمت وهي نايمه: شفيك
ملاك قالت وهي تبكي: سهام قومي تكفين
قامت سهام بسرعه وشافت وجه ملاك الاحمر من البكي: بنت شفيك في شي يعورك
ملاك: بسرعه قومي وقومي اسرار وتعالو لغرفتي
ملاك راحت غرفتها وهي تبكي
سهام قامت بسرعه عند اسرار دخلت غرفتها
سهام: اسرار قومي بسرعه
اسرار: شفيك ابي انام
سهام: قومي ملاك جتني وهي تبكي دموعها اربع اربع
اسرار قامت بسرعه :شفيها
سهام:مدري بس امشي لغرفتها
راحو لغرفته ملاك وانصدمو من وجه ملاك الاحمر والمنتفخ من البكي
اسرار راحت بسرعة وهي تحضنها: بسم الله عليك شفيك
ملاك وهي تبكي: صارت مصيبه لي اجلسو
جلسو سهام واسرار وراحت ملاك تسكر الباب
سهام: تكلمي نشفتي دمي
ملاك قالت وش صار لها و ورتهم الفيديو والتهديد
اسرار وهي تمشي بالغرفه: شوفي انتي بعد غلطانة ليش تسولفين معاه وهو مو محرم لك
ملاك: والله ادري اني غلطانة بس طلعوني من المصيبه هاذي
سهام: بس لو كانت تسولف معاه محد له حق يهددها
ملاك: طيب شسوي
وجلسو يفكرون
سهام: عندي فكره ومالنا غيره
اسرار:وش
سهام: الحل الاول تقولين لابوي والحل الثاني تقولين لذيب
رجعت تبكي ملاك
اسرار: كل حل اصعب من الثاني بس احس قولي لابوي
سهام: صدق روحي لابوي
ملاك: خلاص شوفو اذا زاد التهديد بقول لابوي
سهام: ملاك
ملاك: هلا
سهام: بسالك بس قولي الصدق
ملاك:وش تبين
سهام: انتي حبيتي ذيب
اسرار: اي قولي الصدق
جلست تفكر شوي ملاك: مدري
قالو بصوت واحد اسرار وسهام :نعممم
ملاك: شفيكم مدري احس احبه كذا اعجاب
سهام وهي تحاول تلطف الجو: والله كنت حاسه انك تحبيه قولي له عن التهديد
اسرار: صدق قولي له يمكن يطلع لك حل
ملاك: لا مدري خايفه
سهام:واضح انه معجب فيك
ملاك: خلاص خلونا ندور حل المصيبه ذي
جلسو طول اليل وهم يدورون حل
عند ذيب بهاذا الوقت
دخل البيت وعلطول راح غرفته وطاح علي السرار
قال: انا شفيني كل ما اشوفها اروح لعالم ثاني شكلي حبيتها سكت شوي
وقال لا وين حبيتها مستحيل ماصار لها شهر جايه فجاة حبيتها كذا
وتذكر شكلها وسوالفها وضحكها معاه وابتسم ونام بعد مافكر فيها
_______________________
بيت ابو وائل
كانت كريمة تحس بالانتصار من تهديدها لملاك
خديجة : اشوفك مبسوطة
كريمة: اكيد بكون مبسوطة وفرحانه
خديجة: علميني
كريمة قالت السالفة وتهديدها
ضحكت خديجة بصوت عالي: يخرب بيتك ذكيه وردت عليك
كريمة: لا ماردت أكيد خايفه
جلسو يسولفون
_______________________
الصباح بيت ابو ذيب
ابو ذيب تكلم العيال قدامه: متي الاجازه حقتكم
تميم: مافي اجازه بس نقدر ناخذ اجازه الفتره هاذي
ابراهيم: ليش يبه
أبو ذيب: اشوف الفتره هاذي الأجواء حلوه وافكر نحجز مخيم للعائلة
ذيب: فكره حلوه من قبل حنا والعيال نفكر نحجز
ام ذيب: امجد يمه دور لنا علي مخيم حلو
امجد: ابشري
الكل راح دوامه
_______________________
عند تميم بالجامعة
دخل الجامعة وكل الانظار عليه
كان متجه للمحاضره حقته واول مادخل دخلت ميلا وراه
تميم:اطلعي من المحاضرة
ميلا:بس توك دخلت وانا وراك
تميم: كم مره اقول محد يدخل وانا موجود
ميلا وهي ماسكة العصبيه: بس مابديت المحاضره
تميم: اطلعي
ميلا طلعت وهي تسب فيه
تميم قال لنفسه: لسانها طويل وابتسم بس حلوه
كانت الجامعة الي يشتغل فيها تميم مختلطه حاول ينقل جامعة للعيال بس رفضو يستغنون عنه
_______________________
بالمستشفى
عند أمجد ومحمد
كانو ينتظرون الطلاب الجامعة للتطبيق
أمجد: هذولا كانهم بيطولون
محمد:هذولا هم جو
دخلو الطلاب وتكلم محمد بصوت عالي: الحين لازم تتقسمون وكل واحد علي التخصص حقه
دكتور امجد قسم جراحة وانا قسم طب اطفال ودكتور خالد طب اسنان وجلس يقسم الطلاب
أمجد ومعاه طلاب دفعته: راح نبدا تطبيق ونشوف الحالات المرضي
رد واحد من الطلاب: دكتور صار لك كم سنه
ضحك امجد وهو كان يمشي بين المرضي: يمكن ٧ سنين
قرب امجد من احد الغرف المرضي ودخل علي واحد كبير بالعمر: بشر ياعم نايف كيفك بعد العمليه
ضحك نايف: الحمدالله
امجد ولف علي الطلاب: هذا العم نايف كان عنده مرض خبيث قريب في القلب الحمدالله امس خلصنا العملية حقته
وجلس امجد وهو يدور حول المرضي ويعرف الطلاب عن الحالات
ولفت أنتباهه بنت من الطلاب كانت بعالم ثاني ومركزه بالوراق الي معها قرب منها امجد والطلاب تفرقو وكل واحد من الطلاب اخذ المريض الي بيطبق فيه
أمجد: ليش واقفه كذا
فزت البنت: هلا دكتور بس مركزه بالحالة حقتي
امجد: شسمك و وش الي مو فاهمته بالحاله حقتك
غسق: اسمي غسق و اشوف وهي تاشر علي الاشعه الي بيدها هذا توها جتني وشوف في ورم هنا
قرب امجد وانصدم من الورم وقال بصوت عالي وهو يدف سرير المريض الي كان طفل: جهزو غرفة العمليات وناظر غسق تعالي وراي
صارو يركضون لغرفة العمليات وغسق كانت خايفه وترجف مسكها امجد وقال: شوفي الحين انتي المساعده حقتي ولا تخافين
هزت راسها بإيجابية وهي خايفه
بدو العميلة وجلسو ساعات وانتهت العملية ونجحت
طلعت غسق بسرعه وامجد وراها كإن يهديها وهي الخوف مالي قلبها
امجد: اسمعي هذا اول عملية لك اكيد بتكون صعبه لك
غسق:مدري بس خايفه
وجلس يهديها وراحت غسق تكمل الحالات
امجد كان مو مستوعب انه كان يكلم بنت وحس باعجاب فيها ضرب راسه وهو يتعوذ من ابليس
_______________________
عند ذيب بمكتبه
كانت جالس ودخل عليه خالد
خالد: يامرحبا بذيب
ذيب وهو متنرفز من وجوده: خير وش جابك لا يكون ودك تنجلد
خالد ضحك: لا شدعوه بس اسلم عليك
ذيب: اطلع برا
خالد: بطلع بس سلم علي حبيبة القلب ملاك
قرب ذيب وهو معصب ومسك من ياقته :وش عرفك فيها
خالد ابتسم بخبث: شدعوه بس البنت زي القمر
اعطاه ذيب كف طيحة علي الارض ورجع مسكه من ياقته: احترم نفسك ولا تجيبها علي لسانها
خالد: لا تخاف بكرا بتصير زوجتي وهي اسم علي مسمى ملاك وهي فعلًا ملاك
جلس ذيب يضرب فيه وفرقوه العساكر
هزاع وهو ماسك ذيب: شفيك تعوذ من ابليس
ذيب وهو معصب: هذا يبي له تربيه
هزاع :وش قال
ذيب قال السالفه
هزاع: الله ياخذه ذا وش عرفة
ذيب وهو مو حاس بنفسه : ما ادري بس لو تزوجها بموت
هزاع قال بشك: ذيب
ذيب:خير
هزاع: تحبها
ذيب: مدري
هزاع وهو ناوي يخليه يعترف : اجل خلها تتزوج خالد
ذيب وهو معصب: اي احبها خلاص
هزاع ضحك: اجل نخطبها لك
ذيب: بكلم ابوي اليوم الحق عليها قبل تطير من يدي
_______________________
عند البنات كانو بالصالة
دخل ابو حمد: ملاك
فزت ملاك وهي خايفه: هلا
ابو حمد: جاك واحد يخطبك
شرقت سهام بالقهوه: مين انخطب
ابو حمد وه مستغرب: ملاك
ملاك وحست بغصه وهي تتذكر ذيب: مين يبه
ابو حمد: واحد اسمه خالد
ملاك: طيب متي يجي
اسرار وسهام صارو يطالعون بعض من الصدمه
ابو حمد :المغرب
ملاك وهي تقوم: تمام بتجهز
راحت لغرفتها و جو البنات وراها
سهام: تستهبلين
ملاك:شفيك
اسرار: بتوافقين كذا عادي
ملاك: وش اسوي يعني
سهام: وذيب
ملاك: شفيه
اسرار: يمه تقهر بارده
ملاك: ممكن تطلعون بتجهز
طلعو البنات وانهارت ملاك
_______________________
المغرب ببيت ابو حمد جاء خالد
ابو ذيب كان موجود و ابو محمد وابو وائل وابو فواز
كان ابو ذيب ضايق صدره ان كان ودي ذيب ياخذ ملاك
ابو حمد: خالد عرفنا عليك
خالد ابتسم وجلس يعرف نفسه
خالد:ابي القرب منك ياعمي ببنتك ملاك
ابو حمد: بناخذ راي البنت
خالد:ياعم اقدر اشوفها شوفة شرعية
ابو حمد ابتسم: ملاك
دخلت ملاك بكامل اناقتها
ابو ذيب: ما شاء الله
طارت عيون خالد من جمالها
جت ملاك وجلست جنب ابوها
خالد ابتسم: ما شاء الله ملاك عرفيني عليك
ملاك ردت بقرف: اسمي ملاك ادرس طب اسنان عمري ٢٠
خالد: ما شاء الله
كان بيكمل بس قاطعة صوت ذيب الثقيل والواضح كان معصب : محد بياخذها غيري
الكل وقف بصدمه
وروني تفاعلكم علي هاذا البارت عشان ينزل البارب الجاي بسرعه
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
