جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
في مجلس ابو الذيب
كانو عيال ابو ذيب يستقبلون و يقهوون الضيوف
كانو الرجال يحسدون ابو ذيب علي عياله الي ينشد فيهم الظهر
أمجد قرب لذيب: ذيب بسرعه جب تمر
راح ذيب بسرعه دخل المطبخ وصدم باحد ما كان يعرف مين ونزل راسه عشان يشوف مين
انصدم من شاف الي اخذت قبله من بدايت رجعتهم
ملاك رفعت راسها بصدمه من الي ماسك خصرها
ملاك وتحس لسانها صار ثقيل وكانت خايفه: اتركني
ذيب كان يتاملها للحين ماسك خصرها
ملاك والدمعه بعينها: اقولك اتركني
ذيب تركها بسرعه وهو مو مستوعب وطلع علطول من المطبخ وراح بعيد
ذيب وهو يكلم نفسه وعيونه طايره : شصار وش ذي القمر بسم الله عليها
ملاك طلعت بسرعه من المطبخ اول ماترك خصرها وراحت اقرب غرفه لحالها
وقالت وهي كان الخوف مالي قلبها: الحيوان الخسيس كانه ماشاف بنات
وجلست تسب فيه
ذيب راح للمطبخ وشاف امه
ام ذيب ليلى: شفيك بسم الله ليش عيونك طايره ووجهك اصفر
ذيب: لا لا مافيني شي بس ابي تمر
ليلى اعطته التمر وراح للمجلس وكان كل تفكيره ب ملاك
عند الحريم تحديد عند البنات وكانو بالحوش
ملاك جت و وجهها احمر
وتين: شفيك للحين ماتخطيتي التشبيك حقنا بذيب
ملاك تذكرت الموقف الي بينها وبين ذيب ونظراته لها وكان ودها تبكي
وهج: بنات شدعوه جوكم بيض
سهام: وش تبين نسوي يعني
اسرار: والله جد طفش
وتين وهي تفز : شرايكم نرقص شرقي
سهام: يلا قدام بجيب السماعه
جابت سهام السماعه وبدو البنات يرقصون
وهج: يلا اسرار
اسرار: ارحبي يا التعزيز البطل لعيونك اقوم
قامت اسرار ترقص لحالها واخذت وشاح خصر وبدت تتمايل مع الاغنيه:
نزلت عالدبكة خزامي
تتمايل متل اليمامة
علواه تمسك قدامي
تحلا هالدبكة زيادة
وهي مندمجه واصوات تعزيز البنات والتصفير و التصفيق ضحكت عليهم
وكملت تتمايل بخصرها الي كان يلفت الانظار لها
كان محمد يتمشي ويدخن وسمع اصوات عاليه ورا البيت كان مايبي يروح بس صارت الاصوات عاليه بزيادة
راح وشاف الي ماخذه قلبه كانت تتمايل بخصرها شافها وطار قلبه فيها
جلس يتاملها وصد بسرعه وهو يتعوذ من ابليس وراح بسرعه و رجع عند الرجال وقلبه وعقله معاها
جلس محمد جنب ذيب الي كان بعالم ثاني
محمد: ذيب فيك شي
ذيب: لا انت فيك شي
محمد : لا مافيني شي
وكلهم كانو بعالم ثاني وكل واحد يفكر بالي اخذت قلبه
عند البنات
كانت ملاك جالسه لحالها جتها كريمة
كريمة: هيه انتي
ملاك: نعم خير
كريمة: شوفي يويلك تقربين من حبيبي
ملاك: اي حبيب
كريمة: ذيب حبيبي
ضحكت ملاك بصوت عالي: ليش وش ابي فيه ويع بعدين انتي ماعندك كرامه تمشين وتقولين حبيبي حبيبي الحمدالله والشكر
كريمة: اعطيك خبر عشان ماتبنين احلامك معاه تر مكتوبين لبعض من كان صغار
ملاك: الله يهنيكم انا وش علي فيكم موتو ببعض
راحت كريمة وهي منقهره منها ولا توقعت بترد عليها
ملاك وهي تضحك وقالت : هذا الخبله شفيها الحمدالله علي نعمة العقل
اسرار وهي جايه عند ملاك: شفيك مين الخبله
ملاك: كريمة
اسرار: شفيها ذا من جينا وهي تناظرك بحقد كانك ذابحه ابوها
ملاك قالت لها السالفة
اسرار: وع شفيها هاذي المريضة
ملاك: مدري شفيها
سهام: مين المريضه
ملاك: يالله بعيد السالفه والله مالي خلق اسرار قولي السالفه
اسرار قالت السالفه ل سهام
سهام: تبين اروح اجلدها
ملاك: لا لا بعدين اجلديها
سهام راحت تتمشي بالبيت وشافت ابراهيم جت بتهج منه وقفها صوته
ابراهيم: شفيك تهجين مراح اكلك وكان يتاملها
سهام: شفيها عيونك بتطلع من مكانها كانك ماشفت بنات طول حياتك
ابراهيم: من حقي الصراحه
سهام تناظره بقرف وراحت وهي معطيته ظهره
ابراهيم قال لنفسه: ذي شفيها مغروره وشايفه نفسها
سهام سمعته وقالت بصوت عالي: من حقي اشوف نفسي
ابراهيم انخرش من صوتها الي جاي من بعد وقال لنفسه: والله من حقها
انتهت العزيمة والكل راح ماباقي غير ملاك واسرار وسهام وكانو يساعدون ليلى
كانو بالمطبخ
ليلى: بنات روحو لبيتكم ماباقي شي واخلص تنظيف
اسرار: شدعوه ليش ماتبينا
سهام: ورانا جلست حش ليش ماتبينا
ملاك: ماش شكلها ماتبينا
ليلى ضحكت: لا والله ابيكم بس ارتاحو
ملاك: شدعوه عادي مافي تعب
جلسو يسولفون بليل واخر اليل رجعو البيت اول مادخلو للبيت
سهام وهي ترمي عبايتها وطاحت علي الكنبة: تعبت وربي
اسرار: جددد اليوم تعب
ملاك: بروح اخذ شور وانام الصراحه خلاص مكسره
كل واحده راحت غرفتها والكل نام
————————-
جاء الصباح وكانو الرجال وعيالهم كله بالمحكمة عشان الهوشه الي صارت قبل مع مشاري و نواف
المحامي حق مشاري ونواف: سيدي القاضي بدات الهوشه بسبب العقيد ذيب الي بدا وضرب موكلي مشاري وكانت ردة فعل غير اراديه بسبب الضرب الي بدا
فراز: سيدي القاضي هذا مو اول مشكله قبل تعدو علي موكلي سيف واخوه يوسف و وقعو بانهم مايتعدون عليهم بس الي اشوفه انهم جو لبيت موكلي ذيب وبدو هوشه معاهم وعلي ضرب موكلي ذيب لهم بعد هو انسان وكانت ردة فعل لا اراديه ومالهم حق يتعدون علي بيت موكلي واهله
القاضي: استراحه عشر دقايق
طلعو كلهم من غرفة المحكمه و جلسو برا
ابو محمد: فواز راح نربح القضيه
فواز : ان شاء الله
سيف : الله يستر
خلصت العشر دقائق ودخلو قاعة المحكمة
القاضي: وقوف
الكل وقف
القاضي: بعد مناقشة القضية وان سيف ويوسف هم الي كانو سبب المشاكل ومشاري و نواف كانت ردة الفعل حقتهم لا اراديه وجلس يدافع عنهم
الكل وقف بصدمه
ابو ذيب: يا القاضي هم تهجمو علي بيتي
ابو محمد: ضربو عيالي وعيال اخواني
وجلسو يتهاوشون
ضحك فواز بصوت عالي والي سكت الكل بصدمه
القاضي تكلم وهو معصب: وين حنا عشان تضحك
وقف وفواز ويضحك: سيدي القاضي وش سبب دفاعك عنهم و الواضح ان كل الغلط عن علي مشاري ونواف وش السبب تدافع عنهم قال وهو يغمز للقاضي نقدر نقول انهم اعطوك رشوة عشان تدافع عنهم
القاضي وهو يصرخ ومعصب : يا العساكر خوذو هذا وكان ياشر علي فواز
دخلو العساكر وكان ذيب معاهم
ذيب وهو ياشر علي القاضي: خوذو ذا للحبس بتهمة الفساد و الرشوه
اخذو وصار مكان القاضي واحد ثاني
القاضي الثاني: بعد مراجعة الاوارق الحق كله مع سيف ويوسف قابل بن فارس الذيب والحكم ب عشر سنوات علي المتهم مشاري و نواف بسبب الاعتداء
انتهت القضية وطلعو والكل فرحان
ابو وائل: فواز شدراك انه ماخذ رشوه
فواز: واضح ان كان يدافع عنهم بشكل يضحك
_________________
بيت ابو محمد
دخلو وكانت ام محمد تنتظرهم اول ماشافتهم جت تركض
ام محمد : شصار
سيف: ابشرك اخذنا حقنا
يوسف: الحمدالله
ام محمد: الحمدالله كم سنه اخذو
محمد: عشر سنوات
ابو محمد: شباب توهم ضيعو مستقبلهم بسبب تهورهم الله يستر عليهم
_________________
ابو ذيب كان يكلم ابو حمد
ابو حمد: يامرحبا
ابو ذيب: ارحب ياخوي وينك شخبارك
ابو حمد: تمام ياخوي انت شخبارك واخبار العيال
ابو ذيب: الحمدالله يا فيصل متي بترجع طولت
ابو حمد: خلاص هانت ياخوي كلهم كم يوم واجي
ابو ذيب الله يرجعك بالسلامة
جلسو يسولفون
_________________
عند البنات العصر كانو جالسين بالصالة
سهام: بنات طفش من جينا وحنا ماطلعنا
اسرار: جد شرايكم نطلع
ملاك: وين تبون نروح
اتفقو البنات يطلعون كوفي ان من جو وهم ماطلعو
كانو العيال متجمعين بمجلس ابو ذيب وكان اجاره عندهم
طلعو البنات و ركبو السياره وقفهم صوت ابو ذيب وقرب من عنهم
سهام نزلت الدريشه
ابو ذيب: وين رايحين ما شاء الله
سهام: بنروح كوفي و بنخطف ليلى من عندك بناخذها معنا
ابو ذيب قال بتاثير: افااا بتروح ليلى وتتركني لحالي جحذت عشرت السنين
طلعت ليلى وهي تضحك: لا مراح اجحدها لا تخاف بروح وارجع
ابو ذيب: طيب خلو العيال يروحون معاكم
اسرار: لا وع مانبيهم
ابو ذيب ضحك : يلا روحو الله يستر عليكم
ركبت ليلى قدام وكانت ملاك تسوق
ليلى: ملاك يويلك تسرعين الروح غاليه تر
ضحكت اسرار: عاد مالقيتي غير ملاك تسرع وتنسى معها ناس يبون ارواحهم
سهام: صدق والله مابي اموت توني صغيره وراي مستقبل
ملاك: سلامات محتوى من ورا ظهري خير
ضحكو كانت الطلعة مع بنات فيصل غير كانت ضحك واغاني وسوالف
وصلو كوفي وطلبو وجلسو يسولفون
_________________
عند العيال
دخل ابو ذيب عليهم وشاف كل واحد معاه دخان
قال بصوت عالي وهو معصب: تدخن يا السلوقي انت وياه
وقرب والعيال جو بيهجون بس وقف قدامهم ابو ذيب وحشرهم ب الزاويه وجلس يضربهم بالعصا حقتهم
يوسف: طيب هم يدخنون انا واخوي شدخلنا
فارس : صدق حنا شدخلنا
ضربهم ابو ذيب: تستاهلون محد قال تجلسون معاهم
وشوي وكلهم هجو وكل الشباب دخلو بيت ابو محمد
وائل: والله الضرب حقه يوجع
تميم: قالت لكم لا ندخن الا بليل محد يشوفنا
فواز: شدرانا ان ابوك بيقفطنا
ذيب: ابفهم محد شافه وهو داخل
هتان: وش طلع ابو بهاذا الوقت
فارس: انا شدخلني انضرب انتم تدخنون وانا انجلد
وروني تفاعلكم علي هاذا البارت عشان ينزل البارب الجاي بسرعه واعتذر ان البارت قصير بس الجاي افضل باذن الله
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
