جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
في المخيم ثاني يوم الفجر
ابو ذيب دخل علي العيال الي كانو نايمين
ابو ذيب: يلا قومي نصلي الفجر
قامو العيال وما باقي الا يوسف وابراهيم نايمين
قرب ابو ذيب ومعاه ماء وعلطول كب كل الماء عليهم
هز يوسف وكان يحسب انه يحلم: غرقت غرفت بالبحر
ابراهيم: ماغرقت لا تخاف بعدين يبه متي تبطل عاده الماء
ابو ذيب: تستاهل محد قال تنامون يلا صلاة
طلع ابو ذيب ولف يوسف علي ابراهيم: ابوك دايمن يسوي كذا
ابراهيم: اي عادي اعتبره شور الصباح
صلو العيال والشياب وبعد الصلاة
كانو العيال يسوون الفطور
ابو فواز: محمد راح للمطبخ بسرعه وجب دلة القهوه
راح محمد مسرعه ودخل وبلحظة دعم جسمي رقيق
اسرار وهي تتالم ان راسها انضرب: وجع عمى ماشتوفين
كانت تحسبها وحده من البنات
محمد انصدم ويتاملها وهي منزله راسها
اسرار جت بتتكلم بس اول مارفعت راسها انصدمت
محمد: تعورتي
اسرار:هااا
ابتسم محمد: شفيك اقولك تعورتي
اسرار هربت بسرعه من قدامه ووجهها احمر من الموقف الي صار
محمد قال لنفسه: عسل والله عسل
حس علي نفسه وتعوذ من ابليس واخذ دلة القهوه وراح
تميم: لا كان نمت احسن
محمد: جيت مو طاير
ابو حمد: يلا ياعيال افطرو
جلسو الكل يفطر وسوالف وضحك
فواز: ذيب
ذيب: هلا
فواز: قررت متي زواجك
ذيب: لا والله للحين ماقررت
ابو ذيب: بعد اربع شهور ان شاء الله قررنا انا وعمكم فيصل
شرق ذيب بلقمته وفزو العيال
أمجد وهو يضرب ضهره: سم بالله سم
فارس قرب من عنده المويه:اشرب اشرب
ذيب: وجع اربع شهور
ابو ذيب: وجعه توجعك يالي ماتستحي
ذيب: معليش بس واجد اربع شهور
أبو ذيب: والله اربع شهور كثير يافيصل
ابو حمد: واجد والله
ابتسم ذيب حس انه انتصر
ابو ذيب: خلاص نخليها ست شهور افضل
انفجع ذيب والكل ضحك علي شكله
ابو حمد: حرام عليك ياعايض لا تخاف ذيب بعد اربع شهور زواجكم ان شاء الله
الكل بصوت واحد ان شاء الله
____
عند البنات
خلصو الفطور وجلسو يسولفون وكانو في حريم جايين زياره والبنات جايين ورايحين علي المطبخ
سهام كانت تسوي قهوه ودخلت وهج:تعبت احد فاضي يسير الصباح
وهج: ويع شفتي بنات صيته غثيثين
سهام: جد طفشونا
وهج وهي تقلدهم: يويلي يابنات الاجازه الي فاتت سافرنا باريس تموت يابنات وقلدت وحده منهم مخطوبه بنات شفتو خطيبي وش شاري لي يويلي احبه ياعمري هو
سهام كانت ميته ضحك: يويلي خلاص تكفين متتت
وهج: والله كان مافي احد سافر وانخطب غيرهم
ملاك جت: يويلي تعبت خلاص
وهج : كلنا قاعدين يتكاثرون
ملاك: مشينا يلا
سهام: بجلس هنا جد مالي خلق لبنات صيته
ملاك وهي تسحبها: امشي والله ماتتركيني لحالي
راحو البنات وقهوه الحريم وجلسو الظهر مع بعض
مروج بنت صيته تكلمت بدلع: والله يابنات باريس فاتتكم صدق تمنيتكم معاي
أحلام ثاني بنات صيته: بنات جد الله يرزقكم يابنات نفس خطيبي ياحبيبي الله يخليه لي
وهج قربت من اسرار وقالت بصوت واطي: يقرفون والله
مروج فزت اول ماسمعت ذيب وقالت بدلع: يويلي هذا ذيب ياحلوه وياحلو طاريه
انصدمت ملاك
وتين: حبيبتي ماتدرين ان ذيب ملك
انصدمت مروج: مين الي اخذها
ملاك تكلمت بدلع وهي تقوم بتروح لذيب: حبيبي جايه انتظر دقيقه
مسكو البنات ضحكتهم من وجهها المصدوم
وهج: ملاك ياروحي هي زوجه ذيب الله يوفقهم يارب
البنات بصوت واحد امين
ذيب ابتسم من شاف ملاكه
ذيب: يامرحبا بالي اخذت القلب والروح
أبتسم ملاك: اهلين
ذيب وهو يتاملها ويتامل فستانها كانت لابسه فستان بيج قصير صوف وبوت اسود بكعب قصير كانت انيقه وجميله
ملاك: شفيك تناظرني كذا
ابتسم ذيب: ياحلوك
أبتسم ملاك ولمحة مروج وعلطول ملاك قربت من ذيب وحاوطت رقبته بيدينها
استغرب ذيب وحاوط خصرها وهو يبتسم
ذيب: شعندها الجريئة ماكانت امس هجيتي
ملاك قالت بصوت مسموع: حبيبي تصدق اني احبك
ذاب ذيب وابتسم بهيام: اعشقك قسم
ملاك بخجل: والله
ذيب: والله
مروج كانت تراقبهم بحقد وللحين تراقبهم وتبي تتاكد انها زوجته
ملاك قالت لنفسها: وجع هاذي ليش ماتنقلع مسويه تبي تدور الزله علي
ذيب: ملاكي فيك شي
ملاك قربت اكثر من عنده: ليش مافيني شي بس انزل انت طويل بزياده
ضحك ذيب وقرب لها
مروج كانت تناظرهم وهي تقول لنفسها: مستحيل زوجته اكيد علاقه بينهم ماسوو عزيمه بمناسبة الملكه ولا علمو احد
ملاك قالت لنفسها: وجع هذي ليش ماتنقلع لاصقه عند باب الخيمه ومسويه تدور الزله دواها عندي
قربت ملاك وهي تعطي ذيب بوسه علي خده
ذيب كان بحالة صدمه: ملاكي
ملاك بخجل:هلا
ذيب:ليش بهاذا المكان
ملاك ردت باستغراب: مافهمت
ذيب وهو يناظر شفايفها و روجها الاحمر: ابيها بمكان ثاني
ملاك سكتت شوي بعدها استوعبت: ذيب يويلك
ابتسم ذيب: ليش تكفين ابيها
ملاك وهي تمسح روجها الي طبع علي خد ذيب: بعدين خلاص
ذيب: فيك شي ياروحي
ملاك:الصراحه اي
ذيب: شفيك
ملاك: ذيب تخيل حبيبي شصار
ذيب بهيام :شصار
ملاك: تخيل في وحده اسمها مروج غثيثه واول ماسمعت صوتك قالت وهي تقلدها يويلي هذا ذيب ياحلوه وع وع
ضحك ذيب:ياحلو الي يغار
ملاك: ما اغار بس غثتني يع الله يعينها علي نفسها
ذيب: اي صح صح بس غثتك
ملاك رجعت تدور مروج بس شافتها رايحه
ملاك: ذيب خلاص اتركني
ذيب:سلامات
ملاك: شدعوه لازم أروح
ذيب: لا مو لازم
ملاك:جد لازم اروح اساعد البنات بعد الجو بارد وشمس انت بعد ادخل لا تمرض
ذيب:تبين اجيب لك الفروه حقتي
ابتسم ملاك: لا مشكور صح انت ليش جيت
ذيب قرب لها وحضنها: جاي عشان اشوفك يابعد الدنياء
بادلته ملاك حضنه: ياروحي انت بس صدق ليش جيت
فز ذيب: امجد بسرعه جيبي تمر نسيت امجد ينتظرني
ضحكت ملاك: يلا بجيب لك
ابتسم ذيب وراحت ملاك جابته له تمر
ملاك: خذ هذا التمر
ذيب: ياحبي لك يلا ادخلي برد
دخلت ملاك للمجلس عند الحريم
صيته: ملاك صدق الكلام الي يقولونه
ملاك: اي كلام
صيته: بينك وبين ذيب علاقه محرمه هاذي افعال لندن
جت ليلى بترد بس سبقتها ملاك
ملاك: اول شي ياخاله انا وذيب ملكنا يعني يعتبر زوجي ثاني شي امسكي بنتك عني ماغير تلحق ورا رجال خاطب وقريب بيتزوج يعني حتا وانا اسولف مع زوجي القاها تراقبنا ولا تتغزل فيه راح الحياء
صيته ردت بقهر: واضح مملكين ولا احد يدري عن الملكه يويلي يالكذب
تكلمت سهام: ليش لازم تعرفين كل شي يصير
اسرار: البنت خطبت ملكة تزوجت ولدت لازم نعلم الناس
ليلى: ياجماعة ذيب ولدي خطب وملك امس علي بنتنا ملاك
الكل يبارك لهم وصيته كانت تناظر بنتها مروج بحسره
جت ام فواز: حياكم علي الغداء بمناسبة خطبت ولدنا ذيب وبنتنا ملاك
قامو كل الحريم بس البنات جلسو
وهج: يمه ماعرفتك ملاك
وتين:تستاهل الملقوفه
سهام: صدق كانت تراقبكم ملاك
وهج: يمه مريضه ذي
ملاك:اي تخيلو كانت تراقبنا يمه يالوقحه اسولف معها وهي تناظر
اسرار: يع صدق
وتين: لا ومسويه قافطه وضعكم مالت عليها
سهام: ويع صدق
___
عند الرجال بعد ماخلصو الغداء
فارس: ما احس برجليني
هتان: والله تكسرت
أمجد: ذيب الحين ليش جلست ساعه تجيب تمر
ذيب وهو يصرف السالفه: ادخن كان راسي مصدع
مشت عليهم التصريفه ان ذيب مستحيل مايدخن خاصة اذا راسه مصدع
وائل: ياعيال كبست هوشه عند الحريم
تميم: وش صار
فواز: صدق شصار
وائل: والله مدري شسالفه
فز ابراهيم بعد ماجت فكره براسه
هتان: شفيك
محمد: شفيك ابراهيم
ابراهيم: تبون تعرفون السالفه
يوسف: اي نبي نعرف
ابراهيم: عطوني ربع ساعة نص ساعه واجيكم
سيف:يلا يلا نعطيك ساعتين بعد
قام ابراهيم وهو يدور علي وحده وجلس دقائق وشافها راح ابراهيم علطول عندها
ابراهيم: سهام سهام
سهام: هلا
ابراهيم: تعالي ابيك بسالفه مهمه
سهام كلمت نفسها: شكله بيعترف يمه وش اسوي اذا اعترف بموت متوتره لا لا خليني اكون هاديه
قربت سهام وهي تفكر
ابراهيم: سمعني
ابتسمت سهام: هلا
ابراهيم: بقول شي بس لا تقولين انقلع
سهام تاكدت انه يبي يعترف بمشاعره لها وابتسمت : طيب تكلم
ابراهيم: شسالفة الهوشه الي عند الحريم
انصدمت سهام ولا توقعت ان هذا الي يبيه
سهام بصدمه: هوشه
ابراهيم: وش السالفة
سهام : من جدك انت
رد ابراهيم وهو مستغرب: اي ليش
سهام بعصبيه: تستهبل انت مناديتني عشان كذا ياحقير من جدك وانا ووجهي جايه واسولف معاك انقلع من قدامي
راحت سهام تحت صدمه ابراهيم
ابراهيم: شفيها هاذي
راح عند العيال
سيف: بشر
فارس: يلا تكلم
ابراهيم: تهاوشت و جيت
محمد: صار شي
ابراهيم:لا لا
صارو العيال يطقطقون عليه
قام ابراهيم وهو معصب ولحقه هتان
هتان: ولد شفيك
ابراهيم: مافيني شي
هتان: تكلم وجهك مو طبيعي
ابراهيم: تهاوشت مع سهام
هتان:سهام شصار
ابراهيم: مدري كنت اسولف معاها وكانت مبسوطه واول ماقلت لها الموضوع جلست تهاوش وتسب فيني
هتان: غريب وش غير مزاجها
ابراهيم: مدري مدري
جلسو يفكرون ضحك هتان فجاة
ابراهيم:شفيك تضحك
هتان:عرفت ليش عصبت
ابراهيم: ليش
هتان: شكلها تنتظر انك تعترف لها
ابراهيم: اعترف بايش
هتان: بمشاعرك لها
انصدم ابراهيم:اعترف لها
هتان:ليش انت ماتحبها
ابراهيم: مدري والله احس اني معجب فيها
هتان:شوف اذا عرفت مشاعرك لها وتاكد انك تحبها اعترف لها قبل تطير من يدك
ابراهيم: تمام
راح هتان وجلس يفكر بسهام
____
العصر عند البنات
وتين:هذولا بينامون عندنا
اسرار:متي بيروحون
وهج: تكسرت خلاص
ملاك: سهام فيك شي
سهام كنت متنرفزه:تهاوشت مع الزباله ابراهيم
وهج:شفيك
اسرار: شكله الهوشه قويه
وتين:اشوف شوفي وجهها قلب احمر وشوي يطلع دخان من اذنها
ملاك: سهام ياروحي شدعوه شفيك
سهام: الحقير يناديني احسب يبي شي مهم اخر شي يبي يعرف الهوشه حقت ملاك
وهج: وليش يبي يعرف السالفة
اسرار: جد شدخله
وتين: غريبه يسال
ملاك: لا يكون علميته عن الهوشه
سهام: لا يخسي اعلمه ولا ادري وش يبي بالسالفه
وتين: اتوقع العيال ارسلوه عشان يعرف
وهج:مالت عليهم بس
اسرار: بنات شرايكم نحجز دبابات
وتين:قدام
ملاك:مين بيحجز لنا
وهج:العيال مراح يوافقون
سهام:بالطقاق فيهم بروح اقول لابوي يارب يوافق
سهام راحت وشافت ابوها مع عمها عايض قربت سهام من عندهم
سهام: يبه
ابو حمد:سمي
سهام: يبه تكفي نحجز دبابات
ابو ذيب: يبه خطير الدباب
سهام:ماعليك عمي مراح نسرع
ابو حمد: بحجز بس ماتسرعون
سهام: اي مراح نسرع
ابو حمد:يلا بحجز لكم
سهام راحت للبنت
سهام:بنات ابوي حجز يلا مشينا
راحو البنات كلهم
ابو حمد:يلا حجزت خمسه علي عددكم
راحو البنات للدبابات
العيال وهم يطالعون البنات
أمجد: محمد سيف يوسف اختكم راكبه دباب مراح تسوون شي
محمد:لا الصراحه
يوسف:عشان ابوي يذبحنا
سيف: اموت ولا اقرب منها مره سوينا نفسنا رجال علي راسها بغى ابوي يذبحنا بعدها ماصرنا نتدخل
تميم: وانت فواز شف اختك راكبه دباب
فواز:اختي بكيفها تسوي الي تبي
فارس: ذيب شف حبيبتك راكبه دباب مراح تسوي شي
ذيب اعطى فارس نظرات والعيال كلهم نزلو روسهم للارض من الخوف منه
محمد وهو يتامل اسرار والغيره ماكله قلبه: ابفهم مين الحمار الي حجز لهم
صرخ بالم من حس بعصا ابو ذيب برجله بس الي ضربه ابوه
ابو محمد: يا الخسيس تقول علي عمك حمار والله انت الحمار
محمد يمسك مكان الضربه: يبه شدراني ان عمي هو الي حجز اسف والله
دخلو العيال بالخيمة
كانو البنات يلعبو ومحد انتبه لملاك الي طاحت وكانت رجلها دم وتكتم شهقاته
كان وائل يتمشي ويدخن لمح ملاك والدم الي برجلها علطول راح لذيب و قرب من عنده
ذيب: وائل شفيك
قرب وائل وقال بصوت واطي:رح شف زوجتك طاحت علي رجلها
فز ذيب وراح بسرعه عندها وشافها تمسح دموعها
قرب ذيب عندها بسرعه ونزل مستواها
ذيب: ملاك وين الي يوجعك
ملاك وهي تاشر علي رجلها الي كلها دم وجرح كبير
ذيب نزل شماغه ولفها علي رجلها
ملاك:شوي شوي قاعد يعورني
ذيب: معليش تحملي شوي
ملاك وهي تمسح دموعها: ذيب وجع قاعد تعورني
ذيب: تسبيني وانا اعالجك
ملاك:شسوي انت تعورني يدك ثقيله
ذيب: اسف بس كيف طحتي
ملاك:مدري كنت امشي فجاة طرت وطحت علي رجلي وماقدرت اقوم من الالم
ضحك ذيب:طرتي مره وحده
ملاك: والله مدري كذا فجاة طرت
ذيب وهو يشد علي رجلها بالشماغ
ملاك: ذيب يعور
ذيب:فيني ولا فيك بسم الله عليك
ملاك: بسم الله عليك
جلس ذيب يتغزل فيها ويسولف معها عشان تنسى الالم ما انتبهو للعيون الكثيره الي تراقبهم
فواز: الله يفشلك ياذيب
محمد:والله فشلنا
امجد: انا ذا ما اعرفه مو اخوي
وائل: اول ماقلت له طار فز لها
فارس: خفيف الولد ذا والله خفيف
ابراهيم: كان يهايط يقول قصيت راس البس لو اشوفها ميته قدامي مستحيل افز لها
سيف:يارجال طاحت علي رجلها وبغى يموت عليها
يوسف: اذا انكسرت رجلها يموت معها
عند البنات كانو يراقبون
وهج:متى بيخلص العشق الممنوع ذا
اسرار:مدري عنهم
وتين:أحس بجفاف عاطفي
سهام:بغى يموت يوم شافها طاحت
وهج:حنا كيف ماحسينا فيها
اسرار: كانت كاتمه صوتها
وتين:ليش سوت كذا
سهام:عشان ماتخرب جونا
وهج:ياعمري تحملت الالم عشاننا
وتين:يالله حسيت بالذنب ياقلبي
عند ذيب وملاكه
ملاك بحرج:ذيب خلاص اسكت
ذيب:كيف تبيني اسكت والحلو ذا قدامي
ملاك:احلف
ذيب بهيام: والله
ملاك: طيب ساعدني بقوم
ذيب:تعالي يابعد الدنياء
ذيب قرب وهو يقومها ولف شاف العيال والبنات الي كانت يراقبونهم اعطاهم نظرات والكل هرب بنات وعيال لداخل الخيمه
ملاك:ذيب دم يمه
ذيب نزل وشاف رجلها الي زاد الدم: طيب تعالي ادخلك واروح اسال امجد
قرب ذيب ومسكها من خصرها عشان تمشي فجاة ذيب شالها
ملاك: وجع ذيب نزلني
ذيب:طفشت منك ساعة تمشين
ملاك:رجلي توجعني أكيد بمشي بشويش
ذيب وهو دخل للخيمه وينزلها: خليك هنا يابعد الدنياء بسال العيال واجيك
ذيب راح عند العيال
ذيب: امجد
امجد:هلا
ذيب: الحين رجلها دم ووقف شوي واول مابدت تمشي رجع الدم بس اكثر
امجد وهو يشرح وش يسوي
ذيب:طيب مشكور
امجد:العفو وتعال خذ الاسعافات
اخذ الاسعافات وراح عند ملاك
ملاك:انت تعرف وش تسوي
ذيب:ماعليك لعبتي
ملاك:دامها لعبتك بديت اخاف
ذيب: افااا كنت احسبك بتمدحين
اخذ ذيب المعقم واول ماحطه علي الجرح حط يده علي افمها عشان يكتم صرختها
ملاك عضة يده من الالم
ذيب:ملاك يدي ابي يدي اتركيني
تركت ملاك يده: شسوي كتمتني وليش حطيت يدك
ذيب:اعرفك بتصرخين عشان كذا كتمتك
ملاك:خلصت
ذيب:اي خلاص رجلك توجعك
ملاك:لا خف الالم
ذيب:تقدرين توقفين
ملاك:اي خلاص
ذيب: بروح اذا حسيتي بالالم ناديني
ابتسمت ملاك:تمام
——
بيت ابو وائل
خديجة: كريمة تخيلي طالعين مخيم ولا علمونا
كريمة:بس العيال موجودين بالمخيم وعلمونا
خديجة:بس ماكلمونا
ام وائل:يع عليهم وعلي مخيمهم ابوكم وين نحتاج مصروف للبيت
خديجة:ماندري بس من هذاك اليوم مختفي
ام وائل: مافيه ذرت رجوله طلع وترك بناتهم بدون مصروف
كريمة: كان تارك مصروف وينه
ام وائل: بح طار اكيد بنصرفه
خديجة: يمه ابي فستان جديد
ام وائل:بس تجيني فلوس اشتري لك الي تبين
___
عند الرجال بالمخيم المغرب
كانو يسولفون بس قطعهم صوت شايب
ابو عايض: السلام عليكم
الكل فز من شافه
ابو ذيب: يبه
ابو حمد: ارحب يبه
ابو محمد: يبه يامرحبا
(تعريف بسيط علي ابو عايض اسمه فارس بن الذيب بن سعيد شايب قديمه وتفكيره متحجر زيه زي عقول الشيبان القديمين الي الي يعتبر البنات عار وحدهم المطبخ وبيت زوجها عياله عايض وفيصل وقابل وموضي وفايزه ساكن بالجنوب ومايعترف بالجوال والالكترونيات وكان ساكن بعيد عن عياله وكل عيد عياله يزورونه وكان يحب زوجته بس مايعترف بحبه لها/ ام عايض اسمها منيرة فلاح حامد انسانه عكس زوجها طيبه وحنونه بس عصبيه وتخاف من زوجها عندها عيالهم اهم شي)
ابو عايض: ماتستحون انتم ماتسالون علي امكم وابوكم
ابو ذيب:يبه وراه ماعلمتنا انك تبي تجي
ابو عايض: عويض ماتستحي انت وراه ماجيتني
هتان مسك ضحكته وقرب من تميم وهمس:ابوك اسمه عويض
هتان:اسكت ماسك الضحكه غصب
ابو ذيب: يبه الشيب براسي وللحين تناديني عويض
ابو عايض: اسكت انا فصيل متي جيك يالخسيس ولا تجي لابوك
ابو حمد: يبه جيب قبل كم شهر وكنت ناوي اجيك
ابو عايض: ابفهم هذولا عيالكم والله ماعرفتو تربون يالخسيس انت وياه ساعه صار لي جالس لا قهوه ولا تمر
فزو العيال
ابراهيم قرب من محمد: واضح كيف بتكون حياتنا
يوسف قرب من فواز: جدك ليش رجع
فواز:استحي جدك ذا
يوسف: تذكر شصار اخر مره
فواز وهو يتذكر:للاسف اتذكر
ابو عايض: سمعت ذيب ملك امس مين اخذ
ابو فواز: اخذ ملاك بنت فيصل
آبو عايض بعصبيه: كيف ياخذها ومين سمح يتزوجون
ابو حمد: يبه وليش مايتزوجون
ابو عايض: معروف ان ذيب بياخذ كريمة بنت فوضي
ذيب: بس ما ابيها
ابو عايض:انطم انت بتتزوج كريمه وملاك الله يرزقها
ابو حمد: يبه العيال يبون بعض
ابو ذيب:يبه العيال خلاص يعتبرون متزوجين وباقي العرس
ابو فواز: يحبون بعض خليهم يتزوجون
آبو عايض: بتعصون كلامي انا كلمتي بتمشي ذيب بياخذ كريمه وهذا اخر كلام
جلسو يقنعون ابو عايض وذيب كان وافق وساكت بصدمه
امجد: ولد تكلم
محمد: ذيب شفيك
فارس:الولد استخف
فواز:تكلم سوي شي
جلسو العيال يحالون فيه يتكلم بس الولد ساكت مصدوم
يوسف نفذ صبره و اعطى ذيب كف قوي
يوسف:البنت راح تطير من يدك
فز ذيب وتكلم بصوت عالي:والله ما اتزوج غيرها اذا ماتزوجتها اموت والله انتحر
ابو عايض وقف: ذيب وجع بتعصي كلامي انا قلت كلمتي بتاخد كريمه
ابو ذيب:الولد مايبيها يبه
ابو عايض:تبي الولد يصير نفسك تذكر اني كنت مو راضي علي زواجك من ليلى
ابو ذيب: شفيها ليلى شف جبنا خمس عيال والكل يشهد ويحسدني عليهم
ذيب: اموت ولا اخذ الي اسمها كريمة باخذ ملاك يعني باخذ ملاك
وطلع وهو معصب
ابو عايض:وجع توجعك تصرخ علي جدك يالحيوان وقلت لك بتاخذ كريمه يعني بتاخذها
وائل:بس مابي اختي تتزوج
ابو عايض: وانت شدخلك
وائل:اختي
فارس:وانا مو موافق مابي تتزوج
ابو عايض: تطولون لسانكم علي يالي ماتستحون انا كلمتي الي تمشي
____
عند البنات قاطعهم صوت الحرمة الكبيره
الكل فز معدي بنات فيصل الي مايعرفونها
سهام قربت للبنات: مين هاذي
اسرار:مدري اول مره اشوفها
ملاك: الكل فز لها
ام عايض تكلمت بصوت عالي: هذولا مين
ليلى:خاله هذولا بنات فيصل
ام عايض بصدمه:بنات فيصل
قربو البنات لها بخوف وسلمو عليها
ام عايض:انتي ملاك
ملاك برعب: وصلتي خير انا ملاك
ام عايض:هاذي زوجة ذيب
ليلى:اي نعم هاذي
ام عايض بعصبيه: انتي ماتعرفين ان كريمة لذيب من وهم صغار
ملاك انصدمت
ليلى:الولد مايحبها
ام عايض: بيحبها مع العشره
ليلى:انا ما ابيها
ام عايض:عشانها تصير بنت عمته ماتبينها
ليلى:شدخل البنت الولد مايبيها ولا يحبها هو يبي ملاك
ام عايض: من متى كلام فارس مايمشي
ليلى:كلام عمي علي عيني وعلي راسي بس هاذي حياتهم مانتدخل وهذا مستقبله
قامت ملاك بصدمه وكانت تبكي راحت ورا الخيمه وشافت ذيب الي يدخن بشراهة وهاذا رابع زقاره له وكان معصب
قربت ملاك له وتكلمت وكان واضح انها تبكي مدة يدها وسحبت الزقاره الي تحضن شفايفه
ملاك:خلاص كثرت
ذيب وهو يناظر وجهها الاحمر:يابعد الدنياء شفيك تبكين
ملاك رجعت تبكي: كانت في وحده كبيره تقول لازم تتزوج كريمة وحطمتني
قرب ذيب ولها ومسك خصرها يحضنها: جدتي جدتك ام ابوك
بادلته الحضن: بس ليش تقول كذا
ذيب: ماخذين مقلب بنفسهم
ملاك:بس و هي تتكلم واثقه بنفسها وخايفه انهم يخلونك تتزوجها
ذيب وهو يمسح دموعها ويحاول يلطف الجو: تصدقين اني اترك الزين هذا واروح للشينه هذيك
ملاك:يويلك من الله لا تقول علي شكلها كذا حرام خلقت ربي البنت حلوه عاد
ذيب حضنها:ياحبي لك بس
قطعهم صوت سيف من بعيد
سيف:ذيب تعال بسرعه مصيبه
ذيب: والله عارف مين الي مسبب هاذي المصيبه
ملاك: روح شف المصيبه
قرب ذيب يبوس جبينها وراح مسرع
كان الجد ابو عايض يهاوش بالعيال
تميم: راح اخذها وانا احبها
ابو عايض: والله ماتاخذ الا الي اخترتها لك تبي تاخذ وحده برا العايله
امجد:حتا انا في وحده ابيها واحبها
ابو عايض: لا والله العيال صارو يكسرون كلامي كافي ابوكم الي عصا كلامي تجون انتم بعد ولا بتاخذون من برًا العايلة
هتان: هذا ذيب اخذ بنت عمه من العائلة واشوفك رفضت
سكت هتان من الكف القوي الي جاء من ابو عايض الكل سكت بصدمه
ابو عايض:انقلع يا الخسيس ترادد كلامي ياولد عايض والله محد متربي من عيالك ياعايض
راح هتان من قدامه والعصبيه والقهر مالي قلبه ابوه ماضربه كف طول حياته حتا لما كان بزر
ابو ذيب:يبه عيالي متربين واحسن تربيه وهتان طول حياتي ماضربته ليش ضربته
ابو عايض: طيب شرايك ان ملكة ذيب علي كريمه بكرا
الكل انصدم
ابو فواز: يبه لا تجبر الولد
ابو محمد:يبه بتدمر حياته
ابو حمد وهو زعلان علي حال بنته : لا حول ولا قوة الا بالله
ذيب:هذا اذا لقيتني عايش
ابو عايض ضحك:ماتسويها اعرفك انت خواف
وطلع بسرعة يركض والكل وراه ويعرفون ذيب مايوقفه شي وبدو يصرخون بجنون كان في بير عميق بالمخيم وعلطول ذيب طيح نفسه
ابو ذيب:ذيب يويلك
ابراهيم: الله ياخذك لا تسويها
طاح ذيب والكل انصدم وراح للبير
البنات كانو يسمعون صراخ والكل طلع الحريم والبنات وانصدمو من ذيب الي طيح نفسه انهارت ملاك ومسكوها وهج و اسرار والباقين يمسكون ليلى الي تصرخ بجنون
محمد: بسرعة احد يجيب حبل
ركض وائل وجاب
فواز:مين يقدر ينزل
يوسف: انا بنزل
فارس: لا انا لاني اصغر واخف وزن فيكم
نزل فارس للبير وبدا ينزل داخله
قربت ليلى وهي تضرب صدر ابو عايض
ليلى وهي تبكي: ارتحت اذا صار بولدي شي والله ادمرك
ابو عايض كان ساكت ومنصدم
قرب ابو ذيب: تعالي ياليلى
ليلى طاحت بحضن ابو ذيب:ولدنا راح
طول فارس وذيب وكانو ينادون بصراخ وجنون والكل خايف
طلع ذيب وكان شايل فارس والكل منصدم
ذيب: ابفهم مالقيتو غير ذا البزر ينقذ حياتي انا الي انقذت حياته
الكل سكت بصدمه وفجاة انفجرو ضحك
تميم: ياحيوان وربي خفت
سيف:بموت
امجد: قلبي طاح ببطني
يوسف:مت قسم
طاح ابراهيم:رجلي ما تشيلني
وطاح وراه وائل: ماتوقعت بيسويها
ابو فواز:حرام عليك قلبي بيوقف
هتان:كيف يسويها
ابو محمد:ذيب يويلك تعيدها
ابو حمد قرب وحضنه: والله بتنضرب اذا عدتها
ابو ذيب:تعال يالخسيس والله لا اضربك خير بغينا نموت
ليلى علطول حضنته: ياحبيبي انت فيك شي
ذيب: لا ياروحي يمه مافيني شي
ابو عايض كان ساكت وراح للخيمه
انفجر فواز ضحك: فارس مت بدال ما تنقذ حياته هو الي انقذ حياتك
ابراهيم:لا والثقه مليون وهو يقول بنزل انا
فارس: ياعيال ماقدرت اشيله الولد ثقيل
الكل ضحك
وائل:وليش تهايط
يوسف:صدق ليش ماسكتت
فارس: جزاة الخير سواد الوجه
هتان: سود الله وجهك
الكل ضحك ويطقطقون علي ذيب وفارس
عند البنات
ملاك ارتاحت من شافت ذيب يطلع
وهج: تعالي ياروحي اجلسي
سهام:رجلي ثقيله ما احس فيها
وتين طاحت جنب سهام: الحقير طيح قلبي
اسرار:كنتي بتصيرين ارملة قبل تتزوجين ملاك
ملاك:اسكتو والله قلبي بيطلع من مكانه
ام عايض كانت ساكته ولا توقعت ابد الي بيسويه ذيب لملاك ولا توقعت الحب هاذا كله الي بينهم
ليلى جلست : بغيت اموت والله
ام فواز: الله يسامحك ياذيب والله قلبي كان بيوقف
ام محمد: والله لو يعيدها بجلده
ليلى:انا بجلده قبلك
____
عند الرجال الساعة ١٠ بليل
ابو ذيب:خلونا نرجع لبيوتنا بكرا خلاص
تميم:وراه
محمد: ليش
ابو فواز: صدق خلاص من بعد الي صار خلاص بنرجع
ذيب وهو ينشف راسه من الماء: شدعوه لا يكون خربت جوكم
ابو محمد: لا والله ماخربت واجلس عند النار لا تمرض
فارس: بموت برد
هتان: خذ الفروه حقتي واجلس جبت ذيب
فواز:خذ انت وياه اشربو شاي
وجلسو الكل قريبه من النار
كان يوسف جنب سيف: اسمع سيف شفيه ابراهيم
سيف:مدري عقله بعالم ثاني
قطع كلامهم هتان: شفيه الثنائي يتساسرون
جلس عندها
يوسف:اخوك طاير عقله ليش
سيف:وضعه مشكوك
هتان:مدري بس واضح يفكر معمق
ابراهيم قام فجاة من الجلسه وراح وكلم نفسه:خلاص تاكدت
وراح يدور وهو يدور علي شخص وبعد مدة شافها شاف الي حبها من قلب وتاكد من مشاعره
كانت سهام واقفه برا وتتامل المكان والجو وقاطع تاملها الشخص الي تهاوشت معاه اليوم
ابراهيم: سهام
ردت سهام بغضب:خير
ابراهيم: شفيك منفسه
سهام وهي تمشي:شعليك فيني
بس وقفها وهو يمسكها من يدها ورجعها قدامها
سهام: اترك يدي وخير وش تبي
ابراهيم:ابي اكلمك بموضوع
سهام:وانا مابي اتكلم معاك
ابراهيم:الا بتتكلمين معاي وبقولك الموضوع بس لا تهاوشني
سهام تذكرت وش صار اليوم وعرفت وش يبي يبي يعرف الهوشه حقت ملاك: انقلع بس
ابراهيم:مراح انقلع و اهجدي بتكلم
سهام:تكلم بسرعه
ابراهيم:اسمعي
سهام:اسمع
ابراهيم: شوفي الصراحه احس بعجاب فيك ومن اول يوم شفتك فيه وانا حابك
كانت سهام بحالة صدمه
ابراهيم:سهام
سهام:احلف
ابراهيم:والله
وراحت سهام من قدامه بسرعه وهي مو مصدقه ولا مستوعبه اعترافه
ابراهيم:لا يكون جبت العيد شفيها هجت
وراجع للخيمه وهو مايدري وش مشاعر سهام له
عند ذيب الي كان ينتظر ملاكه ملاك جت وابتسم لها بهيام
ملاك: ذيب
ذيب:سمي
ملاك:ياحيوان خوفتني عليك اليوم خير تسوي كذا
ذيب: وش سويت
ملاك: تستهبل والبير
ضحك ذيب: شسوي هم حرضوني اسوي كذا
ملاك : وليش تسوي كذا والله خفت
ذيب: كنت اتهاوش مع جدي وهو استفزني وسويت كذا
قربت ملاك وهي تحضنه: حتا جدتي اليوم استفزتني وانصدمت لما شافتك بالبير
بادرها علطول الحضن: اتمني يشيلون الفكره ذي من راسهم
ملاك:يارب
ذيب وهو يغير السالفه: تعالي وش الهوشه الي صارت
ضحكت ملاك: حتا انت عرفت الهوشه
ذيب: اي عرفت علميني
ملاك:تهاوشت مع صيته وبناتها
ضحك ذيب: صيته للحين عايشه وش صار
ملاك: تذكر يوم كنا نسولف العصر
ذيب:اي
ملاك:كانت تراقبنا مروج الكلبه وراحت لامها والاخت تقول بيننا علاقه وتبي تعرف عن حياتنا ومتي ملكنا
ذيب:وانا اقول وش ليش صرتي جريئة فجاة و البوسه
ضحكت ملاك: والله غثتني واقفه تناظر
ذيب: خلينا من ذي الخبله محلوه
ملاك:والله
ذيب:والله
ملاك:تعال يمه ضحك وانا اشوفك شايل فارس
ضحك ذيب: والله جاني مسوي بينقذ حياتي وانا اقدر اطلع بدون مايجي
ملاك:تقدر تطلع كيف
ذيب: البير مو عميق بزياده وانا طويل بس الحمار فارس يهايط
ملاك: ياعمري عليه والله ضحكني وهو واثق من نفسه
حس ذيب بشعور الغيره: مين عمرك
ملاك وهي مستغربه: عمري؟
ذيب: اي
استوعبت ملاك وضحكت: بزر تراه تغار من بزر
ذيب: البزر مين فارس والله انا البزر عنده
ملاك:ليه كم عمره
ذيب: ١٧ اتوقع
ملاك: يعني بزر
ذيب:بس ماتتغزلين فيه انا عمرك بس
ملاك وهي تطقطق وتكلمه كانه بزر: خلاص يا بابا مراح امدح احد غيرك
ذيب:وع لا تتكلمين كذا
ملاك: خلاص بسكت يلا روح الجو بارد عليك
ذيب حضنها: قربك لقيت الدفا لأنك ياحبي غير
ملاك:ياحبيبي انت بس جد برد عليك لا تمرض
ذيب باس جبينها و ودعها والكل دخل
____
الصباح
الكل كان يجمع اغراضه ومستعدين انهم يمشون
الكل بدا يحط اغراضه بالسياره طلعو بنات حمد وكانو بيركبون وقفهم صوت الجد ابو عايض
ابو عايض: هذولا بنات فيصل
يوسف: اي
ابو حمد: اي بناتي
ابو عايض: وش ذي الصياعه من متي البنات يسوقون و وش ذي العبايات والله ماعرفت تربي ذي فعايل لندن الله وحده يعلم وش بيصير
سهام تهمس للبنات: يحمد ربه انه جدي بس
اسرار:امسكي لسانك
ملاك: تحلمي لين نوصل
ابو حمد: بناتي متربين احسن تربيه وانا راضي يسوقون ويلبسون عبايات ملونه
سكت ابو عايض
والكل ركب سيارته وبعد مدة وصلو لبيوتهم ابو عايض وزوجته كانو بيجلسون عند ابو ذيب
وروني تفاعلكم علي هاذا البارت عشان ينزل البارب الجاي بسرعه
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
