جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
خالد كان بيكمل بس قاطعة صوت ذيب الثقيل والواضح كان معصب : محد بياخذها غيري
الكل وقف بصدمه
ابو ذيب : ذيب شتقول انت
ابو حمد: ذيب شسالفة
ملاك واقفه بصدمه وكانت جنب ابوها وتطالع ملامح ذيب الغاضبة
ذيب: عمي فيصل اذا ماتزوجتها والله اموت
ابو ذيب: ذيب و وجع ياللي ماتستحي علي وجهك
ذيب: وش يبه
ابو ذيب: وراه يا الخسيس ماقلت لي كان خطبتها لك
ذيب: شدراني يبه توني احس بمشاعري
ابو حمد ضحك وناظر خالد: ماعندنا لك بنت البنت لولد عمها
طلع خالد وزاد الحقد والكره لذيب
ملاك قالت بعصبيه: وع يبه ما ابيه
ذيب: احمدي ربك اني بتزوجك ولا خليت ذاك الخسيس ياخذك
ملاك راحت وقالت بصوت عالي: ما ابيه يع اموت ولا اتزوجه
ذيب بصوت عالي: انقلعي بس ياتتزوجيني ولا خليك عانس عنك ابوك
جته ضربه من ابوه
ابو ذيب: ياحيوان وراه تقول كذا للبنت
ذيب وهو يمسح مكان الضربه: شسوي هي عنيده
ابو حمد: الله يعينك اذا هي بنتي جننتني بكرا تعال اخطبها
ابو ذيب: انقلع قدامي خربت زواج البنت
ابو فواز ضحك: والله اذا ماتزوجتها يويلك
ضحك ذيب وطلعو كلهم من البيت
ركض ذيب داخل البيت وهو ينادي انه بصوت عالي
ام ذيب: شفيك تصرخ
كانو العيال جالسين بالصالة ويناظرون ذيب
ذيب: يمه ابيها
ليلى: مين الي تبيها
ذيب: والله اموت اذا ماتزوجتها
ليلى: مين طيب بسم الله عليك
ذيب: اذا ماتزوجتها مراح اتزوج طول عمري حبيتها يمه
جته ضربه من أمجد وقال: تكلم صار لها ساعه تقول مين
رجع ذيب يناظر امها: يمه ابي ملاك والله اموت
ضحكت ليلى: تمام لا تموت بنخطبها لك
ذيب: يمه الحيوانه رفضت تتزوجني
ليلى: ماعليك انا اقنعها
ذيب: كفو يمه
كانو العيال يتابعون الي يصير وكانو يشربون شاهي ومعاهم فصفص
ابراهيم: اخر واحد توقعته بتزوج ذيب
هتان: الصراحه كلنا ماتوقعنا
تميم: شلون ما لاحظنا انه يحب
أمجد: يارجال انا كنت شاك بوضعه
تميم: وراه ماتكلمت
أمجد؛ شسوي كنت بتاكد بس اليوم تاكدت
________________________
بيت ابو حمد
ملاك: وع ما ابيه
اسرار: وش فيه الولد ماينقصه شي
سهام: اذا ماتبينه انا ابيه
مسكتها ملاك وقالت باذنها
ملاك: اقول ابراهيم شكله يبيك
سهام بصوت عالي: يععع
أسرار: شفيكم
وقربت ملاك وقالت باذنها
ملاك: محمد يسلم عليك
اسرار: وجع وع صدق
ابو حمد: وش فيكم
ملاك: يبه ابي خالد
ابو حمد: وراه وش ناقصه ذيب
ملاك: كل شي سلبي فيه
ابو حمد : طيب قولي لي وش السلبي واذا اقنعتيني مراح تتزوجينه
ملاك. يبه ذيب عصبي ويخرع الصراحه اخاف منه والصراحه البنات كلهم يحبونه وتوني صغيره وابي اكمل دراستي
اسرا قربت من سهام وقالت بأذنها: واضح تخاف منه نست سهراتها بالبلكونه
سمعتها ملاك: وجع توجعكم
سكتو وكانو خايفين منها
ابو حمد: الصراحه ما اقنعتيني الولد مافيه شي ناقص ونشرط عليه تكملين دراسه وعلي العصبيه يتزوج ويعقل
ملاك: يبه هذا يمشي ويضرب
ابو حمد: ماعليه اذا ضربك انا معاك
ملاك بصدمه: يبه تنتظره يضربني
ضحك ابو حمد : لا صدقيني مراح يقرب منك
راحت ملاك لغرفتها وهي تحس نفسها مبسوطة بس الي مخوفها التهديد
________________________
بيت ابو وائل
كامو جالسين بالصالة
ابو وائل: ذيب قرر يخطب
فزت كريمه وهي مبتسمه: مين يبه
ابو وائل: ملاك
ام وائل: وش معني هي ليش مو كريمه
ابو وائل: مين يبي بناتك كل واحد اخبث من الثانيه
أم وائل: بناتي احسن من بنات فيصل ليش يتزوجون قبلهم
ابو وائل: الولد بكيفه بخطب الي يبي
ام وائل: جو وجابو بلاويهم معاهم
قامت كريمه بسرعه وراحت لغرفته اخذت جوالها وارسلت لملاك
{والله لو مارفضتي والله ادمر حياتك ومستقبلك واشوه سمعتك فاهمه انتي واحد ماتستاهلين ذيب ذيب يستاهل واحد احسن منك يامريضه اتركه }
________________________
ملاك جتها الرساله وماتت خوف علطول نادت البنات
سهام: شفيك وجهك اصفر
اسرار: صاير شي
ورتهم ملاك الرساله
سهام: لا مو طبيعي ذا مين
اسرار:شكل واحد من العايلة
ملاك وسهام بصوت واحد قالو شدراك
اسرار: ان مافي شي رسمي ومحد يعرف العائلة
سهام: اسمعي قولي لذيب تر اذا ماقلتي بتزيد المشاكل
اسرار: صدق ان عرفنا انه يحبك قولي له عشان مايزيد التهديد
ملاك سكتت بتفكير
________________________
بيت ابو فواز
ابو فواز بعصبيه: ابفهم انت ماتتوب
كان فواز ورا امه وخايف: يبه خلاص كبرت انا اسوي الي ابي
ابو فواز كانت ماسكته وهج: يا الخسيس كبرت اجل ابوك انا يالي ماتستحي
ام فواز: وش مسوي انت
فواز سكت
ابو فواز: سكتت يا الحيوان ولدك يدخن
ام فواز ضربت راسه بخفه: انت ماقلت انك بتتوب
ابو فواز: اتركيني ياوهج اربيه
وهج: يبه تعوذ من ابليس خله بالطقاق اذا بيموت هو يتحمل المسؤولية
ام فواز: وجع ياوهج بسم الله عليه
فواز علطول هرب برا البيت وعلطول وراه ابوه
فواز راح بيت ابو حمد وصار يضرب الباب بقول
ابو حمد: بسم الله شفيك فواز صاير شي
فواز علطول راح وراه
جاء ابو فواز وقال: فيصل اتركه خلني اربيه
ابو حمد: شفيكم
ابو فواز: الخسيس يدخن يوم كنت بكبرك اول ماشافني جدك ادخن جلدني لين تركته
فواز قال : يبه تر قالت لي عمتي ليلى انك كنت تدخن ورا البيت وكانت تغطي عليك
ابو فواز قرب بيضربه ومسكه ابو حمد
ابو فواز: كله من عمتك راس البلا
ضحك ابو حمد: توه بزر طايش
هرب فواز علطول
ابو حمد راح علطول لبيت ابو ذيب دخل
وقال بصوت عالي : ليلى
جو كلهم بسبب صوته العالي
ذيب: صاير شي خالي
هتان: شسالفة
ليلى طلعت بسرعه: شسالفة
قرب ابو فواز عندها: ليلى
ليلى خافت : شفيك
ابو فواز: انتي قايله لفواز اني كنت تدخن
ابتسمت ليلى بتوتر: مستحيل اقول
ابو فواز: ليلى الولد فضحك وقال انك علمتيه
ليلى قالت بنفسها: حسبي عليك يافواز قالت بسوي خير واعلمك عشان ماتخاف من ابوك واخر شي تجحذني
ليلى: لا مو انا
ابو فواز قال بصوت واطي: مافي احد يدري عن التدخين ورا البيت غيرك
ليلى علطول هربت
ابو فواز: طيب ياليلى تشوفين انا تفضحين وعند ولدي
________________________
بيت ابو محمد
كانو يهاوش محمد انه عرف بتدخينه
قال محمد الي كان ورا وتين: يبه يمكن عمي عايض مخرف
ابو محمد بعصبيه: يا الي ماتستحي تقول علي عمك مخرف هو قال انك تدخن
محمد: لا يبه مستحيل ادخن اسال سيف ويوسف
يوسف وهو ماسك ابوه من جهه: مايدخن صدقني
سيف من الجهه الثانيه: اي يبه صدق مايدخن
ابو محمد صدق كذبتهم وقال: يويلك انت وياه تدخنون
محمد قال بنفسه: الله يسامحك ياعمي عايض هذا وانا ببيتك المفروض تستر علي فضحتني علطول
________________________
بيت ابو وائل
كانت كريمة بغرفتها تدور حل عشان تخرب الزواج
دخلت خديجة عليها وقالت: وش تفكرين فيه
كريمة: ابي اخرب زواجهم
خديجة: هددتيها
كريمة: اي
ورتها رسالة التهديد الي ارسلتها لملاك
خديجة: صدقيني مراح توافق
كريمة: وش دراك
خديجة: التهديد قوي مستحيل توافق
كريمة: يارب ما توافق
________________________
بليل الساعه ١
كانت ملاك بالبلكونه و الواضح انها تنتظر احد
اقبل ذيب من البلكونه حقتها وقال: اكيد تنتظريني
فزت بخوف من صوته وقالت: خوفتني
ذيب: بسم الله عليك
انحرجت ملاك وكان ذيب يتاملها
ملاك: ذيب
ذيب رد بهيام: لبيه
استحت ملاك وقالت: عندي مشكله والحل عندك
استغرب ذيب: صاير شي
ملاك تكلمت وهي تبكي: هي احد مهددني
انصدم ذيب : وش يهددك فيه ومين
ملاك: تذكر هذاك اليوم يوم كانت اول مره نسولف مع بعض
ذيب: اي
رجعت ملاك تبكي و اعطته جوالها
استغرب ذيب واخذ جوالها وانصدم من كمية التهديدات
ذيب: يهددك فيني
ملاك: اي
ذيب: وهذا سبب رفضك
ملاك: الصراحه اي
ابتسم ذيب: يعني انتي موافقه بس الي يخليك ترفضين التهديد
ملاك: اي
ذيب: ماعليك انا باخذ حقك
ملاك: وعد
ابتسم ذيب: وعد
ابتسمت ملاك
ذيب: امسحي دموعك وقولي وش مطلعك هذا الوقت
ضحكت ملاك وهي تمسح دموعها: كنت انتظرك
ابتسم ذيب: احلفي
ملاك: والله
ذيب: كلميني عنك
ملاك: وش تبي تعرف
ذيب: مدري يعني عمرك وش تدرسين وش تحبين
ملاك: عمري ٢٠ ادرس طب اسنان مافي شي محدد احبه وانت عرفني عنك
ذيب رد بصدمه: عمرك عشرين
ملاك: اي ليش انت كم عمرك
ذيب: عمري تسع وعشرين يمكن تشوفيني معصب بس ماعمري تعاملت مع بنات طول حياتي
ملاك بصدمه: تسع وعشرين يمه بتزوج شايب
ذيب: وجع تركتي كل شي ايجابي وركزتي بعمري
ضحكت ملاك: معليش آسفه
ذيب: لا تعتذرين
ملاك: ليش غلطت
ذيب: الغلط منك عادي
ابتسمت ملاك بخجل
جلسو يسولفون فتره
ملاك: خلاص لازم ادخل
ذيب: ليش ماشبعت منك
ابتسمت ملاك: خلاص بكرا اشوفك
ابتسم ذيب: يعني موافقه تتزوجيني
ملاك: مدري
استغرب ذيب: نعم كيف ماتدرين
ضحكت ملاك: اذا ابوي وافق أنا موافقة
ذيب: موافق ان شاء الله يلا ادخلي الجو صار بارد
ابتسم ملاك ودخلت وعلطول طاحت علي السرير وهي تفكر بالمستقبلها مع ذيب
دخل ذيب للبيت علطول راح لغرفته وعلطول علي السرير وهو مو مصدق ان الي ماخذه قلبه خلاص بتصير من نصيبه
علطول نام وعلي الساعه ٥ الفجر
تميم دخل علي ذيب وهو يقومه
تميم: ذيب قوم ابيك بموضوع
ذيب بصوت نايم: وش تبي بنام
تميم: يارجال قوم بسرعه ابيك بشي مهم
قام ذيب وهو دايخ: شتبي بنام
تميم: لقيتها والله لقيتها
ذيب: مين لقيت
تميم: لقيت الي اخذت قلبي
ابتسم ذيب: مين هي
تميم: طالبه عندي تهبل تجنن
وجلس يمدحها
دخلت فجاة امجد عليهم
ذيب ضحك: تعال وقل مين الي حبيتها
انصدم امجد كيف عرف موضوعه
تميم: تعال وانا اخوك طحنا من الحب
ضحك امجد وجلس عندهم بسرير ذيب
ذيب: يلا مين الي اخذت قلبك
امجد: وحده من طالبات التطبيق عندي
ضحك ذيب: كلهم تحبون طالبات
تميم: حتا الي عندك توها تدرس
ذيب: بس هي مو طالبه عندي
وجلسو يسولفون
_______________
الصباح عند ذيب
دخل ذيب لدوامه والكل يطق له تحيه
ذيب دخل مكتب هزاع
ذيب:هزاع
هزاع: هلا
ذيب: ابيك بخدمة مهمة
هزاع: ابشر بالفزعه
ذيب: بعطيك رقم وابيك تعرف مين
هزاع: تمام بس وش يهمك الرقم ذا
ذيب: بعدين اعلمك
هزاع: تمام عطني الرقم
ذيب: بس تكفي بسرعه
هزاع:تمام
طلع ذيب من مكتب هزاع وقابل خالد ابتسم ذيب باستفزاز له وراح
_________________
بالجامعة
تميم قابل ميلا كان بيكلمها بس علطول مشت بسرعه من عنده
استغرب تميم منها
ودخل المحاضرة وعلطول شافها قدامه وضحك وعرف ليش كانت تركض
خلص تميم من المحاضره
جت ميلا بتطلع بس وقفها صوته الثقيل: ميلا
ميلا بخوف: هلا
تميم: بكلمك بموضوع
ميلا: نعم دكتور
قرب من عندها تميم وكان مسبب خوف لها
تميم: ميلا انتي مرتبطه
ميلا:كيف يعني دكتور مافهمتك
تميم:يعني متزوجه مخطوبه
ميلا: لا ليش تسال
ابتسم تميم: لا بس اسال بس ابي رقم ابوك
ميلا خافت يعلم ابوها انها تتاخر علي المحاضره: دكتور صاير شي
تميم: لا بس ابيه بموضوع
ميلا: تمام
اعطته رقم ابوها وراحت
تميم حس قلبه بيوقف من الفرحه
_________________
بالمستشفى
أمجد كان يشوف حالة المرضى
جت عنده وحده من الطالبات
شروق بدلع: دكتور أمجد
أمجد بصوت ثقيل: نعم
شروق قربت من عنده بدلع: دكتور في شي مو فاهمته بالحاله
أمجد: الحاله مافيها شي مو مفهوم
كانت تراقبهم من بعيد غسق وكانت تحس بغيره شديده
غسق بنفسها: وجع طلع راعي بنات
أمجد طاحت عينه عليها وابتسم من شاف ملامحها و الواضح الغيره فيها
أمجد: دكتوره الحاله حقتك مافيها شي من واضح
شروق: دكتور امانه اشرح لي
رد أمجد بنفاذ صبر: دكتوره اعتبري نفسك ساقطه بالماده
راح امجد وتركها بصدمتها
قرب من عند غسق وابتسم
غسق: دكتور فيك شي؟
ابتسم امجد:لا مافيني شي انتي فيك شي
غسق: لا
راحت غسق من عنده وهي متنرفزه من منه
ابتسم امجد عليها وقال لنفسه: مردك ياحلو معاي وبين أحضاني
_________________
بيت ابو حمد
كانو البنات جالسين وكانو راح يبدون دراسه السنه الجايه عشان خلصو بلندن
سهام: قسم طفش
اسرار: انا وش مقومني الصباح
سهام:جد ياحظها ملاك نايمه للحين
اسرار:اسمعي شرايك نطلع نتمشى بالحاره نكتشفها
سهام: يلا قدام
لبسو عباياتها وطلعو من البيت وهم يدورون ويقيمون البيوت
اشرو علي بيت ابو فواز
سهام: لا لا ماش مو بيت احلامي
اسرار: والله حلو
اسرار وهي تاشر علي بيت ابو محمد: ذا بيت احلامي
سهام: ذا احلى لونه حلو
وصارو يمشوون ويقيمون
كان بهاذا الوقت ابراهيم طالع من الجامعة وراجع للبيت وشاف الي اخذت قلبه وجلس يتاملها وهو جالس بالسياره
كانت سهام واسرار تتمشي بين البيوت و وقفوهم ثلاث شباب
الشاب الاول: ياعسل
اسرار وهي خايفه : انقلع
الشاب الثاني: شدعوه ياحلوه تعالي انت والقمر الي جنبك
سهام كانت ساكته ومنصدمه
الشاب الثاني: ليش خايفين لا تخافون ياحلوات
سهام وهي تلمح ابراهيم وصرخت بصوت عالي: ابراهيم
علطول نزل ابراهيم من السياره وقرب من عندهم وقرب وبدا هواش معاهم
ابراهيم وهو ماسك واحد من الشباب: يويلك ياحيوان تقرب من هنا
وجو باقي الشباب وبدو يضربون ابراهيم وابراهيم يضربهم
وسهام واسرار علطول هربو لبيتهم بس سهام كانت خايفه علي ابراهيم
خلص ابراهيم وهو يخوف الشباب وكان مضروب بس فرق الحجم بينه وبين الشباب كان واضح كانو خايفين من إبراهيم
كانو سهام واسرار بهاذا الوقت واقفين بالبلكونه ويشوفون الهوشه و رجع ابراهيم للسياره و وجهه كلهم دم
اسرار وهي تناظر سهام: مراح تسوين شي
سهام: وش اسوي يعني
اسرار: علي الاقل اعطيه الاسعافات
سهام: شدخلني فيك
اسرار: يابجيحه احمدي ربك فزع لك
سهام: محد قال له يفزع
اسرار: يا وقحه انتي الي ناديتيه انقلعي عالجي وجهه الي تشوه بسببك
سهام وهي تتافف: بروح بروح
اخذت سهام عبايتها و الاسعافات وطلعت من البيت وقربت من السياره حقت ابراهيم وصارت تدق الدريشه
كان ابراهيم مصدع ومنزل راسه وفز من الضرب الي علي الدريشه واول مارفع راسه شافها شاف الي احتمت فيه علطول فتح باب السياره
ابراهيم: سهام فيك شي
سهام: لا بس جايه اشوف جروحك
ابراهيم: لا ماعليك مافيني شي
سهام: وجهك كله دم وتقول مافيك شي ارفع راسك
رفع راسه إبراهيم وقربت اسرار وهي تاخذ قطن ومعقم وصارت تعقم جروحه
ابراهيم: سهام يحرق وقفي
سهام: دقيقه بس ماباقي شي
خلصت سهام وقرر ابراهيم يخوفها
ابراهيم: سهام
سهام: هلا
ابراهيم: احس فيني حرارة تاكدي
قربت سهام وهي تحط يدها الي جبهته
سهام: مافيك شي
اخذ ابراهيم يدها وحطه علي رقبته: طيب وهنا
سهام: يارجال مافيك شي
ابتسم ابراهيم: قربك حلو
سهام وهي معصبة: استغفر الله انا غلطانة اني جيتك
وراحت سهام داخل البيت
كان ابراهيم يتاملها بهيام وابتسم ودخل البيت وعلطول راح لغرفته وطاح بسرير وهو يفكر فيها
_________________
عند ذيب بمكتبه
دخل عليه هزاع
هزاع: ذيب
ذيب: هلا
هزاع: عرفت الرقم لمين
ذيب: بسرعه تكلم
هزاع: لا علمني وش السالفه واعطيك
ذيب: وجع يلا بقولك السالفه بس الزبده
هزاع: يلا راضي بالزبده
ذيب: ذا الرقم من فتره يهدد زوجتي
هزاع ضحك: خاف ربك حتا مخطبتها صارت زوجتك فجاة يهددها ب وش
ابتسم ذيب: قريب قريب زوجتي الزبده يهددها كنت مره اسولف معها بالبلكونه حقتها وصورها وجلس يهددها فيني
هزاع: طيب الرقم باسم بنت
استغرب ذيب: بنت
هزاع: اي بنت أسمها كريمة كريم عبدالله الخالد
فز ذيب بعصبيه:لا عاد ذي خلاص مصختها
هزاع: وش سالفتها
ذيب: ذي وحده ناشبه لي وتمشي وتقول ذيب حبيبي وقال ذيب سالفتها كامله
هزاع: طيب تزوجها
ذيب: يع وش ابي فيها اترك الزين واروح للشين
ضحك هزاع: روح افزع لزوجتك
طلعت ذيب بسرعه متجه لبيت ابو وائل
ابو وائل سمعت صوت ضرب بالباب بقوه
طلع وشاف ذيب
ابو وائل: ذيب بسم الله شفيك
ذيب بعصبيه: عمي انت محشوم بس وين السلقه كريمة
ابو وائل: وش مسوية وصار يناديها بصوت عالي
طلعت كريمة وام وائل وخديجة
ام وائل: شفيكم ذيب صاير شي
كريمة كان الخوف مالي قلبها من نظرات ذيب وعرفت ان خطتها فشلت
قرب ذيب بسرعه من عندها واعطاها كف من قوته طاحت بالارض
ام وائل صرخت: كسر يكسر يدك
خديجة: الله ياخذك
ابو وائل مسك ذيب: وش صاير
ذيب: عمي بنتك تهدد خطيبتي
ام وائل: بنتي ماتسويها وش تبي بخطيبك
ذيب: خليها تجيب جوالها
ابو وائل: خديجة جيبي جوال اختك
راحت خديجة وهي تحاول تفتح جوال اختها بس ماكانت تعرف الرمز
ابو وائل صرخ بصوت عالي: خديجة
جت خديجة بسرعه وكانت خايفه
اخذ ابو وائل الجوال وصرخ علي كريمة: افتحيه
فتحت كريمة الجوال وشاف ابو وائل كل رسال التهديد
ابو وائل وهو منزل راسه بالارض: معليش ياذيب امسحها بوجهي
ذيب: ياعمي الغلط مو غلطك بس خلها تبعد عني وقال ذيب عن كل شي كانت تسويه كريمة
ابو وائل انصدم من افعال بنته ماتوقع بتسوي كذا
طلع ذيب من بيتهم وحس بقبله راحه كبيره
________________
ابو وائل بعصبيه وهو يضرب كريمة: انا بنتي تركض ورا رجال وتخرب بيوت
ام وائل: بعد عن بنتي
ابو وائل: انتي راس البلا انتي خربتي البنات وخليتي قلبهم مليان حقد وكره
ام وائل: هم السبب بكل المشاكل وش ذنب بنتي كانت تحبه من وهي صغيره بس هو وش سوي ماقدر حبها
ابو وائل بعصبيه: طفشت منك خلاص
ام وائل: وش بتسوي لو انك رجال سوي شي
ضحك ابو وائل وقال: لو اني رجال ما اسوي شي
ام وائل سكتت من نظراته
ابو وائل: موضي انتي طالق طالق طالق بالثلاث
________________
نظام تنزيل البارتات يوم اي ويوم لا
وروني تفاعلكم علي هاذا البارت عشان ينزل البارب الجاي بسرعه
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
Genel Kurguتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
