جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
بيت ابو ذيب
عند ليلى الي جالسه وكان يمينها ابو عايض ويسارها ام عايض ومقابلين بعض وكانت تحس بتوتر كبير بسبب نظراتهم لبعض
حاولت انها تتهرب من الجلسه بس ام عايض مجلستها غصب
ليلى وهي تكلم نفسها:ابلش وش يفكني الحين والله مايفكني إلا الموت
ام عايض:لولو ياروحي بالله جيبي لي ماء
فتحت ليلى افمها بصدمه لدقايق بعدها قامت مسرعه تجيب ماء
ابو عايض:ياحرمه وش سالفتك
ام عايض:وش في مافي شي
ابو عايض:اقولس ياحرمه وش الحب الي نزل بقلبك عليها
ام عايض:زوجة ولدي واكيد بحبها
ابو عايض:وضعك مشكوك تكملي
ام عايض:ماعندي شي اقوله
ابو عايض بصوت عالي:اقولس تكلمي ولا هاذي العصا بتلعب بضهرك
ام عايض بصوت اعلى:فيك خير سوها
عند أمجد
كان أمجد جالس بغرفته ويفكر ب غسق وقطع تفكيره الأصوات العاليه ونزل مسرعه وهو مستغرب سبب الأصوات وقف بصدمه لما شاف جده رافع العصا وناوي يضرب جدته وراح مسرعه يمسك ويهديه
أمجد:جدي تعوذ من ابليس
ابو عايض:اعوذبالله منها
أمجد:شسالفه توكم ياحليلكم
جت ليلى وهي تهدي ام عايض واخذتها لغرفتها بعد ما ارتفع ضغطها
أمجد:شصار جدي
ابو عايض:وانت شدخلك انقلع من قدامي يالسلوقي
أمجد:الشرهه مو عليك الشرهه علي ان جاي أهديك
وراحت امجد وهو معصب من جده
______
بيت ابو حمد العصر
كأنو البنات متجمعين بالغرفه ويتجهزون عشان بيروحون بيت ابو محمد عشان بيتجمعون هناك
سهام:ملاك بتجي
اسرار:لا زوجها عنده مهمه بعد يومين
سهام:ياحياتي هي ماتهنت
اسرار:قسم
سهام:خلصتي
اسرار:اي وانتي
سهام:لا مطوله
اسرار:اجل أنا بسبقك
سهام:تمام روحي وبلحقك
راحت اسرار واخذت عبايتها وعدلت شكلها وطلعت وكانت متجهه لبيت ابو محمد وهي تمشي وقفت بصدمه لما شافت محمد واقف مع خديجه وكانت واضح انها تتدلع كانت اسرار واقفه وعيونها عليهم ولاحظت خديجه عيون اسرار وابتسمت بخبث ومدة يدها لوجه محمد وهي تمسح عليه وتمسح علي كتفه كان محمد منصدم من حركاتها الي تغيرت فجاه وبعد عنها علطول وهو منقرف واعطاها ظهره وانصدم لما شاف اسرار الي فاتحه افمها بصدمه ومعقده حواجبها وعلطول راحت بعد ما اعطته نظرات استحقار بدأ محمد يشتم نفسه وخديجه الي خربت كل شي وراح يركض متجه للبيت عشان يلحق عليها بس شافها داخله غرفة وتين وتنهد
_________
بيت ابو وائل
دخلت خديجه وهي تضحك وكانّها مسويه انجاز
ام وائل:شعندك
خديجه:ولا شي
ام وائل:اختي الخبله كلمتك
خديجه:ليش مشتاقه لها
ام وائل:وع لا شبي فيها بس بعرف اخبار عمامك طايحين الحظ
خديجه:أشوا
ام وائل:اخخخ الحيوانه والله مقهوره منها أنا أمها الي تعبت وانا أربيها وحملت فيها آخر شي تنقلع وتختار عمامها السلق مالت عليهم
خديجه:تكفين وراه منقهره خليها تولي هي الخسرانه
_________
بالديره عند كريمه
كانت بغرفتها وتدور وهي تسب مشعل وطاحت بفراشها
كريمه:حقير ومريض ومتخلف
ودفنت وجهها بالمخده وصرخة بصوت مكتوم وتنهدت وهي تاخذ نفس وقامت وطلعت لغرفتها متجهه للمجلس عند عماتها بس وقفت وهي تسمع صوت فهد جالس مع عماتها ومركزت بكلامهم
ريم:يويلي مشعل مسوي هذا الخرايط بوجهك
فهد:مسوي له اخس من كذا الحيوان
ساره:طيب شسالفه وش سبب هوشتكم
فهد:كنت جالس وشفته مقرب من كريمه وكان يبي يضربها
شهقت ريم وساره بصدمه
ساره:من جدك تتكلم
فهد:وربي
ريم:حسبي الله علي أبليسك يا مشعل مافهمت شصاير
فهد ماكان يبي يقول سبب الهوشه وصرف الموضوع:ما اعرف وش السبب
سمعت كريمه كل شي وحسب بفرح لما سمعت ان فهد ماقال سبب الهوشه انها كانت تسفل بمشعل وترفض زواجها منه كبر فهد بعين كريمه وحسته فعلا رجال قول وفعل
________
بيت ذيب وملاك
قام ذيب من النوم ولف شاف ملاك نايمه علي ذراعه وقرب لها وهو يشدها حوله ويطبع قبلاته حول وجهها وعنقها وكانت ملاك تتحركه بضيق من ذيب وقامت وهي تحس بنعاس شديد
ذيب:شرايك تقومين
قربت ملاك له وهي تحط رأسها عند رقبة ذيب ويدها علي خده وتكلمت بصوت نايمه:مابي ابي انام
مد ذيب يده لخصرها ويشد عليها:يالله قومي راح الوقت
ملاك:كم الساعه
ذيب:ثلاث العصر
ملاك:احلف
ذيب:والله وشعندك متأخره غريبه نايمه بهاذا الوقت
تكلمت ملاك بصوت قصير وبخجل:انت السبب
وعلطول ملاك دفنت وجهها برقبة ذيب
توسعت ابتسامت ذيب وبانت اسنانه وشد عليها:احبك
وكان ينتظر رد ملاك واستغرب سكوتها ولف شافها نايمه بعمق ابتسم وقرب يقبل رأسها وبعد عنها بشويش وأول ماقام غطاها وراح ياخذ شور وأول ماخلص طلع ونزل للمطبخ وبدا يسوي قهوه
عند ملاك بعد ساعه قامت وهي تحس بتعب وبعد ما صحصحت تذكرت ليلة امس وحمر وجهها بخجل كبير قامت علطول تاخذ شور وطلعت لها بجامه حرير بالون الوردي الفاتح بنطلون وسيع وبلوزه علاق ومبين ظهرها واخذت روب البجامه وبعد ماسوت شعرها ورفعته وتعطرت ونزلت شافت ذيب جالس بالصاله وكان لابس نظارته الطبيه وفاتح الأخبار بالتلفزيون وكان يتقهوى وقفت ملاك مستغربه من جو ذيب الغريب وحست انه شايب وضحكت بحب وعلطول راحت عنده و وقفت قدامه واخذت الايباد منه ورفع رأسه مبتسم ومد يده يحاوط خصرها ويجلسها بحضنه وتحديد برجله عند فخذه
ملاك وهي تمد يده وتسحب النظاره:شعنده الشايب
ضحك ذيب:افااا انا شايب
ملاك:الصراحه اي مين يتابع اخبار غير الشياب
ذيب وهي يمشي يده بأنحاء جسمها:بس لا تنكرين اني شايب وسيم
ملاك وهي تضحك وتحاول تبعد يده:بعد يدك عشان نتفاهم اعرف حركاتك
ابتسم ذيب: وش حركاتي
ملاك:ياشيخ بعد بعد
كانت ملاك بتقوم بس شد عليها ذيب
ذيب:خير وين رايحه
ملاك:بروح اكل جوعانه
قرب ذيب لها وهو يحس بتخدير من ريحتها:احبك لا تبعدين عني
ملاك:وانا احبك بس بعد عني
ذيب:ليش ابعد ابيك ومشتاق لك
وبدا يقبل عنقها
ملاك:ماشبعت انت
ذيب بتخدير:كيف تبين اشبع منك
وقبل مايتمادا قامت ملاك بسرعه وهي تضحك واتجهت للمطبخ تاركه ذيب الي معقد حواجبه
__________
بالجامعه عند تميم
كان بالكلاس وكانت عيونه علي ميلا الي متجاهلته ومتجاهله كلامه وانتهي الكلاس وقبل ماتطلع ميلا تكلم بصوت ثقيل
تميم:ميلا علي مكتبي
وراح بدون اي رد منها استغربت ميلا وحست بخوف منه وبعد ربع ساعه راحت للمكتب وقفت قدام الباب واخذت نفس ودقت الباب وسمعت صوته الثقيل سامح لها بالدخول ودخلت وكانت واقفه قدامه وكان تميم متجاهلها ومركز بالأوراق الي قدامه وقفت ميلا لدقائق وهي تحس بقهر شديد انه مناديها بس عشان توقف وناظرته بقرف واعطته ظهرها وقبل تفتح الباب شافت اليد الي قفلت الباب ولفت شافت تميم قدامها ووجهه قريب من وجهها وكانت ميلا تحس بتوتر وخجل من قربه وتكلم تميم بصوت ثقيل
تميم:وش حركات الأطفال هذي
ميلا:وش سويت
تميم:ليش متجاهلتني
ميلا:شعليك
تميم:ميلا لا تجننيني الحين ليش زعلانه
سكتت ميلا وهي تتذكر حركته بالإسطبل
كان تميم ينتظرها تتكلم بس كانت ساكته ومنزله عيونها حس بعصبيه ومد يده وسحبها من خصرها وتلاصقت أجسامها شهقت ميلا بصدمه
تميم:ميلا الحين انتي زعلانه بس عشان كنت بونسك
ميلا:ياشيخ هذي وناسه
تميم:طيب تكلمي وعلميني وش مزعلك
تكلمت ميلا وهي تشرح وش الي قاهرها منه وكيف انه يبيها تلمس الخيل وهي من النوع الحساس والي يكره يلمس اي شي كان تميم بعالم ثاني ومركز بتفاصيل وجهها وتحديد شفايفها ولما خلصت ميلا لفت علي تميم مستغربه من سكوت تميم
ميلا:شفيك
تميم:ابي اسوي شي
ميلا:وش
تميم:اسوي ولا ما اسوي
ميلا:طيب شنو عشان اعرف
تميم:مقدر اقول بس أعطيني الموافقه
كانت ميلا علي نياتها ووافقت علي تميم وعلطول مد تميم يده وبدا يلمس وجهها ويلمس شفايفها وقبل تتكلم ميلا سكتها تميم وهو يلصق شفايفه بشفايفها تحت صدمة ميلا وبعد مده بعد تميم وشاف ميلا المصدومه ووجهها الأحمر وصحت علي نفسها وبعدت بسرعه وطلعت من المكتب تاركه تميم الي تخدر بسبب قبله وحده وراح لمكتبه وجلس ومد يده لأزرار ثوبه العلويه وبدا يفتحهها وتنهد
_________
بيت ابو محمد المغرب
تجمعو كلهم عند وتين واخذتهم السوالف
وهج:والله بنات محتاره
سهام:شوفي الولد محترم
وتين:جد ومتربي مع العيال يعني تربيتنا
وهج:مدري خايفه أوفق وخايفه ارفض
سهام:استخيري
اسرار:بنات شنو عندكم مشاريع ذبحني الطفش
وتين:ولا شي الصراحه
وهج:أنا مركزه علي اهدافي
بعد مده قررت اسرار انها ترجع للبيت لأنها حست بتعب وكان شاغل تفكيرها محمد وسبب وقفته مع خديجه كانت واقفه عند المدخل تلبس عبايتها وتعدل شكلها وطلعت وكانت مركزا بجوالها شهقت بصدمه لها حست بيد تسحبها وتسحب خصرها فتحت عيونها بصدمه لما شافت الي قدامها
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
