جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
بيت ابو الذيب
ذيب وهو يدق علي هزاع
رد هزاع: ياخوي والله بطريق انا وماجد مو طاير البر
الذيب: صار لك ساعتين وانت بطريق من وين جاي انت استعجل ولا بنروح ونسحب عليكم
ضحك هزاع وقال: خلاص هذا حنا عندكم
سكر الذيب منه وهو ينادي اخوانه: استعجلو نمتو انتم
طلعو اخوان امجد وتميم وهتان وابراهيم ومعاهم امهم
ام الذيب: وش يطلعكم للبر هاذا الوقت اجلوها للصبح
ابراهيم : يمه الصباح موت حر حنا نبي البرد
ابو الذيب قرب من عندهم: وهي صادقه امكم وش يطلعكم بهاذا الوقت
قال هتان وهو يضحك : يبه عندك امي كل شي تقوله صح مستحيل توقف معنا
ضحكو اخوانه معاه و رد ابوهم: اذا ماوقفت معاهم اوقف مع مين
تميم: معنا اكيد يبه حنا عيالك
ابو الذيب: اقول انقلع انت وياه اجحذكم بريال عشان لؤلؤة
استحت ام ذيب وهي تقول : اهجد يارجال العيال موجودين
رد ابو الذيب بحب: انسى العالم وانتي معاي
بهاذا الوقت كانو عيالهم يطالعون ابوهم وهو يتغزل بامهم ومبتسمين
ردت ام الذيب: خلاص العيال موجودين
رد ابو الذيب وهو معصب ويطالع عياله: انقلعو يلا كانكم طولتو يلا روحو
ضحكو عياله وقربو سلمو علي امهم وابوهم طلعو وشافو هزاع وماجد
تكلم الذيب: يلا يلا نروح
هزاع: ياخوي ليش مستعجل
ركبو سياراتهم وبعد مدة وصلو للبر نزلو أغراضهم
تميم : ياجماعه يلا نولع النار
ولعو النار وجلسو حولها وكانو يسولفون ويضحكون
قام الذيب وراح لسيارته اخذ الفروة حقته ورجع جلس معاهم
الذيب وهو يغني:
واجهت عيني ملاك
الحسن في حيره ...وانعقد
حرفي وخان الوصف تعبيره
قسمتي بك ياقمر حدي نظر
صرخو العيال وهم يعززون
ماجد: مين الملاك؟
تميم : اكيد اكيد ياعيال وانا متاكد كريمه بنت عمتي
قالو العيال بصوت واحد وعععع
الذيب وهو مصعب: لا وع شايف وجهها انت تخرع هزاع احلى منها
ضحكو
وقرب هزاع من ذيب وهو يقلد صوت بنت وقال بدلع: حبيبي ذيب ادري اني احلى وحده وانت تحبني وتموت فيني
وقرب هزاع يبي يبوس خد ذيب صراخ ذيب وهو يبعد وجهه هزاع بيده: يعععععع الحمدالله انك رجال
العيال كانو ميتين ضحك عليهم قال امجد وهو يضحك: صدقني هزاع لو كنت بنت محد بيطالع وجهك
هتان: جدد بتصير عانس محد بيطالع بوجهك
ضحكو وكملو سوالف قام الذيب وبعد شوي عشان يدخن قرب تميم وصار يدخن معاه طولو شوي
تميم: ياخوي فيك شي مو عاجبني وضعك
الذيب: لا ماعليك مافيني شي
جلسو شوي بعدها رجعو عند العيال
كانت هذيك اليله ممتعه لهم كانت كلهم سوالف وضحك جلسه مافيها نفس ثقيله
___________________
في بنت ابو وائل
كانت كريمه تفكر بحبها ذيب كانت تبني احلامها معاه وقطع تفكيرها
اختها خديجة: هيه وش تفكرين فيه
كريمه: افكر بحبيبي
خديجه وهي تضحك: من متي حبيبك اذا هو ماهو طاق لك خبر صار حبيبك مره وحده
كريمه تقول بقرف: اي بيصير حبيبي وتشوفين
خديجه ضحكة: ودعي احلامك اذا رجعو بنات فيصل
سكتت كريمه وهي خايفه من رجعتهم وقامت تدعي مايرجعون
______________________
اليوم الثاني الصباح كان يوم جمعه والكل اجازه
رجعو عيال ابو الذيب الفجر وراحو المسجد مع ابوهم اول مارجعو نامو
ام الذيب وابو الذيب جالسين مع بعض
ابو الذيب: ليلى وين العيال لا يكون نايمين لهاذا الوقت
ام الذيب: نايمين بس خلهم شوي ما نامو الا مشوين
مر وقت دخل ابو الذيب علي عياله وهو يقومهم : يلا قومو لا يكون بتنامون للعصر
قامو العيال ورا بعض
كانت ليلى بهاذا الوقت تطبخ الغداء وخلصت وتجمع عياله وابو الذيب
ابو الذيب: ياعيال اول ماتخلصون غداء ابيكم تروحون بيت عمكم فيصل وتنظفون بيته
امجد: ليش يبه بيرجع عمي
ابراهيم: صدق يبه بيرجع عمي فيصل
ابو الذيب: مدري اذا بيرجع بس اذا رجع مابي يشوف بيته وصخ
قالو العيال بصوت واحد ابشر
بعد مده من الوقت دق تميم علي عيال عمه جو بسرعه ان بيوتهم قريبه من بعض
تجمعو العيال الذيب واخوانه وفواز ومحمد وأخوانه يوسف وسيف و وائل واخوه فارس
وقفو العيال قدام بيت عمهم فيصل الي قدام بيت ابو الذيب
قال يوسف: ياعيال هو مراح يرجع ليش ننظف
رد فواز: صدق ليش ننظف وش قال عمي عايض
قال هتان: والله شوفو ابوي قال مدري اذا بيرجع بس مايبي يرجع وبيته وصخ
فارس: طيب عمي قال لك انت واخوانك تنظفون حنا ليش هنا
ابراهيم: طيب انتم اخواننا بس ابوي ماقال عياله ينظفون
تقدم الذيب وهو يفتح الباب دخلو وحاولو ب الانوار بس ماتفتح
وائل : اتوقع ياعيال طافي من محول الكهرباء
راح امجد عند محول الكهرباء وفتح الانوار
اول مافتح الانوار انصدمو من كمية الغبار
سيف وهو منصدم: وش ذا الغبار كم سنه مادخلتو لهاذ البيت
كان البيت كبير بس فاضي مافيه اثاث وكله غبار
بدو العيال يكتشفون البيت
عند فارس الي يحاول يفتح باب احد الغرف بالدور الثاني: ياعيال وش الغرفه ذي
جو العيال كلهم وحاولو يفتحون بس مقفله
قال تميم: اتوقع غرفة حمد الله يرحمه
قال العيال بصوت واحد الله يرحمه
بدو تنظيف ومن بدو وهم يلعبون و يضحكون ويرشون ماء علي بعض
قرب فارس من امجد وهو يرش ماء بارد عليه
امجد وهو منخرش: ياحيوان خير برد
وصار يركض وراه فارس هرب علطول وهو يضحك وسط لعبهم وضحكهم
كان فارس يركض وهو مو منتبه تزحلق بالارض وتكلم وهو يتالم: الله خذا حقك بنفس الوقت
ضحكو العيال وقرب امجد وهو يضحك مد يده عشان يساعده وقومه
دخلو بهاذا الوقت ابو الذيب وابو فواز وأبو محمد وابو وائل وهم يضحكون علي اشكالهم
وقال ابو محمد:خلصتو البيت
قالو بصوت واحد اي
قال يوسف: في غرفه فوق مقفله لمين هاذي؟
صارو العيال يسالون قال ابو الذيب: غرفة حمد الله يرحمه
الكل بصوت واحد الله يرحمه
طلعو من البيت اول ماخلصو قرب ذيب من محول الكهرباء وفصل الكهرباء من البيت
الكل اتجهه لبيته وتروشو من بعد الغبار والتنظيف
________________________
بيت ابو وائل
دخلو وائل وفارس وابوهم وهم يضحكون علي احداث اليوم
قربت ام وائل وهي معصبه : خلصتو مسخره مين سمح لكم تنظفون البيت خدم انتم
فارس:عادي يمه ننظف بيت خالنا عادي
ام وائل: واذا بيت خالكم محد سمح لكم تنظفون وش معنى تنظفون بيت العقربه هذيك
وائل وهو معصب : عيب يمه ماتت من زمان خاله ساره ترحمي عليها
ام وائل: انا يا وائل تصرخ علي وتدافع عليها قدامي هي وبناتها العقارب
ابو وائل قال لعياله: روحو غرفكم يلا
روحو العيال ابو وائل: خافي ربك البنت ميته من سنوات ووش دخل بناتها اتحداك اذا كانو يتذكرونك اتركيهم بحالهم خلاص ليش تكرهينهم
ام وائل: انا تدافع عليهم قدامي هذولا عقارب
راحت وتركت ابو وائل لحاله
قال أبو وائل بصوت عالي: والله انتي العقرب الله يستر منك
___________________________
في لندن بيت ابو حمد
اليوم كان اخر اختبار للبنات وطلعو كل وحده للجامعه حقتها
في هذا الوقت كان ابو حمد يفكر وقرر يكلم اخوه ابو ذيب
رد ابو ذيب: أرحب وانا اخوك
ابو حمد: البقى ياخوي شخبارك واخبار العيال وليلى
ابو ذيب: كلهم بخير الحمدالله انت الي عطني اخبارك
جلسو كم دقيقه وهم يسولفون كل حال بعض
ابو حمد : ياخوي جلست فتره افكر وقررت وش بسوي
ابو ذيب رد وهو مستغرب: وش قرارك
ابو حمد: قررت اني ارجع الي متي وانا هنا
ابو ذيب رد وهو مو مصدق: احلف يعني خلاص بترجع
ابو حمد: اي بس انتبه احد يعرف خلها بيني وبينك
رد ابو ذيب: ابشر بس متي ترجع
ابو حمد: مدري والله بس بعطيك خبر
رد ابو ذيب وهو مبسوط: الله يرجعك بالسلامة
جلسو يسولفون فتره وقفلو من بعض
كان ابو حمد يفكر كيف بيقول للبنات انهم بيرجعون لحائل وهم عايشين طول حياتهم ب لندن
في الجامعه طلعو البنات وكل وحده فرحانه اكثر من الثانيه تقابلو قدام الجامعه
سهام: يمه بنات اخيرا خلصنا مو مصدقه
اسرار: صدق مابغينا نخلص صدق الحمدالله
ملاك: بنات اخيرا بنام وانا مو شايله هم اختبار بكرا
ضحكو و رجعو للبيت دخلو وهم يسولفون ويضحكون استقبلهم ابوهم
ابو حمد: مبروك مابغينا تخلصون
قربو للبنات وهم يسلمون علي ابوهم
اسرار: والله مابغينا نخلص
ملاك: جد الحمدالله خلصنا
سهام: يارب تطول الاجازه ما ابيها تمشي بسرعه
ضحكو وقال ابو حمد: تعالو ابيكم بموضوع
قربو البنات من ابوهم سهام: صاير شي يبه
ابو حمد: شوفو الصراحة جلست فتره وانا افكر بهاذا الموضوع
ملاك: اي موضوع بابا؟
ابو حمد: قررت ان خلاص نرجع حائل
البنات بصوت واحد: كيففففف!!!
____________________
بيت ابو ذيب
كانو بالصالة ضحك وسوالف
هتان: يبه اشوفك اليوم مبسوط شسالفه
تميم: ايي وتضحك ضحكنا معاك
ام ذيب: بسم الله شفيكم اول مره تشوفون واحد مبسوط
ذيب: لا شدعوه يمه بس نبي نعرف السالفه
أمجد: يلا يبه علمنا شسالفه
ابو ذيب: مو صاير شي بس كلمني عمكم فيصل
ابراهيم: عمي فيصل غريبه وش يبي
ام ذيب وهي خايفه: تكلم يا عايض لا يكون صاير شي للبنات
ابو ذيب: لا بسم الله عليهم مو صاير شي
ابراهيم : اجل ليش دق
ابو ذيب وهو معصب: شفيكم انتم اول مره تشوفون اخوان يسولفون
هتان: يبه الحين امي بعد تسال ليش تهاوشنا وهي لا
ام ذيب: وجع يا هتون تبي ابوك يهاوشني
هتان وهو يضحك: لا يمه بس هاذا ظلم ليش يعصب علينا وانتي لا
ابو ذيب: هتان ماتستحي انت تبيني اهاوش لؤلؤة
ابراهيم: الله يا لؤلؤة
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
