جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
ثاني يوم الصباح
كانت ليلى تجهز الفطور ودخلت عليها ام عايض
ام عايض: ليلى وش ذا الاكل
ليلى:شفيه نعمة ربي
ام عايض: والنعم بالله بس واضح انه يسد النفس ياعمري عليك يا عايض اشوفك نحفت
ليلى وهي ماسكه نفسها ما تنفجر: خالتي شرايك ترتاحين
ام عايض وهي تدف ليلى بخف :ابعدي انا الي بسوي الفطور لولدي واحفادي
ليلى: العيال ما ياكلون الا من يدي
ام عايض: اطلعي بس أطلعي
طلعت ليلى وقابلة ابو ذيب
ابو ذيب ابتسم: فيك شي ياروحي
ليلى: اي امك الصراحه ما صار لها يوم عندنا صارت تتحكم بالبيت
ابو ذيب: اعتبريه اجازه اليوم بعدين هاذي امي
ليلى: خالتي علي عيني وراسي بس طفشنا
ابو ذيب: ماعليك امي تبيك ترتاحين بعدين خليك منها محلوه يا لؤلؤة
ليلى:ياروحي ياعويض حبيبي والله انت
وبدا ابو ذيب يتغزل فيها لين قاطعهم ابراهيم الي جاء بسرعه ومعصب
ابراهيم: يبه راضي بالمسخرة الي صارت
ابو ذيب: وش صار
ابراهيم: كنت واقف وشفت سهام سلمت عليها حتا ماكملت سلامي وابوك ضربني قدام البنت مو حاله ذي
وراح وطلع لغرفته والعصبيه مليون
ليلى:الله يستر من الي جاي
ام عايض: يا ليلى تعالي خوذي الاكل
راحت ليلى وحطت الاكل والكل تجمع الا ابراهيم الي بيطلع
ليلى لحقت وراه: برهوم يمه تعال افطر
ابراهيم:انسدت نفسي
ليلى: حبيبي تعال خذ فلوس وخل فطور لك
ابراهيم باس راسها: معاي فلوس يا حلوت اللبن
راح ابراهيم ورجعت ليلى تفطر مع باقي عيالها
ابو عايض: ياعويض ولدك ذي مو متربي وراه يسلم علي البنت
ابو ذيب: ماعليه يبه سلم عليها عادي
ليلى:الولد ماسوو شي حرام سلم عادي
ابو عايض: وراتس تتدخلين بكلام الرجال
ليلى تكلمت بصوت خفيفه بس سمعوها عيالها: مالت عليك وعلي رجولتك المعفنه ذي
شرت تميم وهو يضحك والعيال مسكو ضحكتهم
ذيب قرب لامه: يمه تكفين اسكتي بموت خلاص
وجلسو العيال يضحكون والباقين مايدرون وش سبب ضحكهم
والكل راح دوامه
__
بيت ابو حمد
دخلت سهام بسرعه للبيت
ابو حمد: سهام شفيك تركضين
ملاك: فيك شي
اسرار:تكلمي
سهام وهي تلهث: كان ابراهيم يسلم علي وقبل لا يسلم شفت جدي وضربه وعشان كذا هجيت
ابو حمد: لا حول
اسرار: تخيلي يضربك
ملاك: ميمو اشوا انك هجيتي اتخيله يضربك
سهام: تكفون اسكتو والله تعبت وانا اركض
___
بالجامعة عند تميم
تميم دخل المحاضره
تميم: مين الي ماسوو المشروع الي طلبته
ميلا انصدمت وقربت من صاحبتها: رنا هي اي مشروع
رنا: ماتدرين عن المشروع
ميلا: لا متي قال
رنا: بالقروب حق الدفعه
ميلا بصدمة: اي قروب وليش محد دخلني
رنا: احلفي سحر دخلتنا
ميلا ناظرت بسحر الي تكرهها بدون سبب
ميلا: الحقيره مدري شفيها حاقده الي كاني ذابحه ابوها
رنا:ماعليك منها وش بتسوين بدكتور تميم هو خلقه يدور عليك الزله
ميلا خافت وتذكرت تميم: يويلي شسوي
الكل بدا يسلم بحثه ويطلع وماباقي غير ميلا
تميم: اي ميلا وين مشروعك
ميلا تتمنى الارض تنشق وتبلعها:دكتور
تميم: نعم
ميلا: بشرح لك
تميم رجع وجلس قدامها: اشرحي
ميلا: ماكنت ادري
تميم: بس الكل سلم مشروعه وش معنى انتي
ميلا: ماكنت موجوده بالقروب
تميم: بس سحر مسويه القروب وقالت كل الدفعه موجوده
ميلا: دكتور بس هي ما دخلتني وتقدر تتاكد ادخل للقروب
دخل تميم وتاكد انها مو موجوده
ميلا: تاكدت
تميم: اي
ميلا: اقدر اروح
تميم: لا
ميلا بصدمه: نعم ليش
تميم: اجلسي واكتبي مشروع
ميلا: دكتور ليش طيب اكتبه بالبيت واعطيك بكرا
تميم: روحي بس اعتبري نفسك ساقطه بالماده
ميلا جلست ماسكه نفسها ماتتهاوش وبدت تكتب المشروع
كان تميم مبتسم انها ينرفزها وجلس يتاملها وهي تكتب ويتامل حراكاتها
بعد مدة انتهت من الكاتبه ورفعت راسها شافت تميم يتاملها وتقابلت عيونهم صدت باحراج وقامت تعطيه المشروع
تميم:خلصتي
ميلا:اي اقدر اروح
تميم: اي
وطلعت بسرعه وهي منحرجه من الموقف الي صار
تميم كان بعالم ثاني وهو يتاملها وتاكد ان هاذي هي شريكة حياته
___
بالمستشفى
أمجد كان مع الدفعه حقته: طيب يا طلاب خلصتو الحالات حقتكم
واحد من الطلاب: اي دكتور خلصنا
أمجد: طيب خلصنا من هذا القسم باقي قسم ونقدر نقول مبروك التخرج
بدا أمجد يوجههم وكل واحد للحاله حقته
أمجد: غسق تعالي وراي
غسق وكانت خايفه: طيب
أمجد وهو ياشر لاحد الغرف: هاذي الحاله حقتك
غسق وهي تشوف الاوراق حقت الحاله وانصدمت انها اخذت اصعب حاله
غسق: دكتور الحاله صعبه
أمجد: ادري
غسق: طيب ليش اخذها وراح اكون لحالي مع الحاله ذي
ابتسم أمجد وهو متعمد يعطيها اصعب حاله: لا راح اكون معاك بهاذا الحاله
انصدمت غسق:تمام
____
عند مقر قوةً الصواريخ
ذيب كان جالس مع صديق عمره هزاع
هزاع: ذيب انت بتجرب الطياره الجديده
ذيب: اي بجرب
ذيب تجهز وركب الطياره وبدا يسوق الطياره العسكرية والكل منبهر من سواقه ذيب المحترفه ولا توقعو وصل لهاذا الاحتراف وبعد مدة نزل
هزاع: الله عليك يابو أمجد
ابتسم ذيب: شرايك بس
هزاع:الصراحه ماتوقعتك مبدع كذا
ذيب كان بيتكلم بس قطعه صوت خالد
خالد:تصدق ذيب ماعرفت
ذيب ابتسم باستفزاز:شراك
خالد قرب من عنده: تصدق اني راح اخليك تندم
ذيب: وش بتسوي
خالد: بس البنت اسم علي مسمى ملاك البنت قمر مالومك يوم طحت عليها
ذيب كان يسمع كلامه والغيره عمة عيونه وقرب اعطاه كف لدرجه طاح بالارض وكمل ضرب فيه
هزاع كان يبعد ذيب عن خالد: اتركه هو يستفزك
ذيب بعد عنه: وربي لو قربت لها بدمرك
خالد ابتسم و وجهه كله دم: والله ياذيب بخليك تندم ومراح اخليك تقرب لها دواك عندي ولا بخليك تتهنى فيها وبتصير لي
ذيب كان بيقرب بس مسكه هزاع: والله يا خالد اذا قرب لها بذبحك
هزاع دخل ذيب لمكتبه وعلطول ذيب طار لجواله وكلم ملاك
ملاك كانت جالسه وتتابع مسلسلها واستغربت من الرقم الي يدق عليها لانها ما سجلت رقم ذيب عندها
ردت: مين معاي
ذيب: شدعوه يا بعد الدنياء وراه ماسجلتي رقمي
فزت ملاك: ذيب يمه خوفتني صاير شي
ذيب: انتي بخير
ملاك:اي في شي
ذيب:لا يابعد الدنياء بس اتطمن عليك
ملاك: ذيب متاكد انت بالدوام و دقيت علي بهاذا الوقت والله في شي
ذيب: شدعوه ادق علي حبيبتي لازم يصير شي بس مشتاق لك
ملاك: والله
ذيب: والله
ملاك:امس وين كنت بليل
ذيب: ليش
ملاك:كنت انتظرك بليل بالبلكونه ولا شفتك جيت
ذيب: معليش ملوكتي بس امس كان جدي موجود واحاول اطلع بس كان يراقبني
ملاك: يمه صدق ضرب ابراهيم
ذيب ضحك: اي وربي مت يوم شفته ينضرب
ملاك:ياعزتي له بس تخيل سهام جت تركض والخوف مالي قلبها
ذيب: حسافه ماشفت شكلها
ملاك:فاتك كل عمرك
ذيب:خلينا منهم تصدقين وحشتيني
ملاك:احلف
ذيب: والله
ملاك: حتا انا وحشتني
ذيب:جهزتي شي للزواج
ملاك:لا الصراحه يمكن اروح اليوم
ذيب: بجي معاك
ملاك: لا طبعا
ذيب:ليش ان شاء الله
ملاك: ما ابيك تشوف شي
ذيب: وراه مردي بشوف وبروح معاك بعد كيف اتركك لحالك
ملاك: ذيب حبيبي ابفهم ليش تجي معاي البنات بيجون معاي وبعد مو متاكده ان بروح اليوم
ذيب بهيام: ياروح حبيبك بس مقدر اخلك لحالك
تذكر تهديد خالد
ملاك:شدعوه لا تخاف اذا صار شي بدق عليك علطول
ذيب: تمام يابعد الدنياء لازم اقفل انتبهي لنفسك
ملاك:تمام ياروحي وانت انتبه لنفسك
قفلو من بعض وذيب تنهد براحه ولف شاف هزاع الواقف مصدوم
ذيب:شفيك
هزاع:متاكد انت ذيب خويي
ذيب: فيك شي
هزاع:طحت علي وجهك
ضحك ذيب: عقبالك تطيح
هزاع: ما احس اني بطيح
ذيب: بتطيح ان شاء الله
__
عند البنات
ملاك قفلت من ذيب وهي مبسوطه
سهام واسرار جالسين بالصاله مع وهج و وتين
وتين:قررتو متي نروح
اسرار:الصراحه خلوها بكرا
وهج:جد مالي خلق
سهام:شرايكم نتطلع نتقهوى
ملاك جلست : والله بنطلع
وهج: اذا تبون يلا
وتين : يلا قدام
اسرار: مشينا يلا
بدو البنات يتجهزون وطلعو و شافو قدامهم جدهم وعياله
وهج قربت من سهام: اقول نطلب قهوه بالبيت
سهام: قدام
ابو حمد: يبه وين بتروحون
ملاك: يبه بنطلع نتقهوى
ابو ذيب: عاد مالقيتو غير الصباح تطلعون برد
وهج:الجو حلو عشان كذا بنطلع
وتين كانت تخاف من ابوها :يبه عادي اطلع معاهم
ابو محمد: روحي
ابو عايض: انقلعو داخل وانتم يابنات حمد انقلعو وغيرو عباياتكم المخيسة ذي والبسو اسود مافي طلعه
اسرار:بس ابوي راضي نلبس
ابو عايض:قص يقص لسانك يالي ماتستحين انقلعي
سهام قربت لأسرار: اسكتي وحاولي تمسكين لسانك
اسرار:مقدر
ملاك: جدي كلامك علي عيني وعلي راسي بس اسمح لي بنطلع
ابو عايض: وانتي طلع لك لسان مين سمح لك تطلعين
ملاك: ابوي
ابو عايض:ابوك ماصار ولي امرك صار عندك زوج ويدري انك بتطلعين
ملاك:لا
ابو عايض:اجل انقلعي داخل واستاذني من زوجك ولي امرك
ملاك:بس هذا ابوي قدام وذيب توه ماصار زوجي رسمي ولا سوينا عرس
ابو عايض: اقول انقلعو مافي بنات يمشون كلامهم وانتي احمدي ربك ذيب بيتزوجك علي ذا الشكل والله واعلم وش سويتي بلندن البلا
انصدمت ملاك وسكتت وهي تمسك دموعها
سهام:خلاص خلاص بنروح داخل سديت نفسنا
وقالت بصوت واطي وسمعوه البنات: لا تموت علينا
مسكو البنات ضحكتهم ودخلو لبيت ابو حمد وراحت ملاك علطول غرفتها
سهام وهي ترمي عبايتها: الشايب ذا توه جاي وبدا يتحكم
وهج: توك ماشفتي شي
اسرار:بعد هذي بدايت المصايب
وتين:ياقلبي علي ملاك
وهج:صدق ياروحي كلامه سم الله يسامحه
سهام: امشو نطلب قهوه بس
اسرار: بنات اليوم في جمعه صح
وهج: اي
جلسو البنات يطلبون ويخططون وش بيسوون اليله
ملاك علطول دخلت غرفتها وبدت تبكي وقررت تدق علي ذيب يدور لها حل
ذيب رد بحب:يامرحبا يابعد الدنياء
ملاك وهي تتكلم بغصه:ذيب شف لي حل مع جدك ذا
فز ذيب: شفيك بسم الله عليك
ملاك: تخيل شصار
ذيب:شصار
ملاك قالت وش صار مع جدها
ملاك:هاذي مو حاله
ذيب:ياروحي انتي معليه تحملي
ملاك: طفشت ابي اطلع وهو ناشب لي جدي علي عيني وراسي بس خلاص
ذيب:ماعليه اعوضك يابعد الدنياء
ملاك:احلف
ذيب:والله بعدين خلاص لا تبكي الموضوع تافه
ملاك:حبيبي وين التافه خرب ام جوي كنت مروقه
وجلست تتحلطم وذيب كان ذايب فيها حرفيا ويسمع ويتعاون معها بالسالفه
ملاك:عرفت وش الي قهرني
ذيب:عرفت ياروح روحي انتي ماتسوى زعلك
ملاك:حبيبي معليش دقيت عليك شكلك مشغول
ذيب:لا يابعد الدنياء كنت ناوي اكلمك
ملاك:يلا روح شف شغلك اشوفك بليل
ذيب:صح اليوم في عشاء نسيت
ملاك:لا تنسى اشوفك بليل
ذيب:يلا يابعد الدنياء
قفلو من بعض وملاك فرحت انها فضفضة لاقرب شخص لها تعتبر ذيب ابوها واخوها وصديقها كل الناس لما يشوفونهم يقولون اب وبنته اهتمام ذيب لها كانه اهتمام اب ببنته وفرق الحجم الي بينهم ذيب كان ضخم الحجم وطوله وله هيبه كبيره والكل يخاف منه وفي علي خده خدش او ندبه بس يغطيه لحيته وكان جميل وملاكه ملاك كانت جميله بمعنى الكلمه غمازاتها والشامة الي تحضن رقبتها و وجهها كان اغلبه وجهها مليان شامات وهاذا كان الشي المميز فيها شعرها الاسود الطول كان كثيف وجسمها المنحوت وخصرها الي جنن ذيبها وكان فرق الطول بينها وبين ذيب واضح وكبير كانت انسانه رقيقه وهاديه كانت انثى بمعنى الكلمه
__
عند البنات
وهج:وين ملاك
سهام:اتمنى تتخطى
وتين:ماعليك اكيد كلمت حبيبها
جت ملاك وكانت مروقه ومبتسمه
اسرار:طلع كلامك صدق وتيني
ملاك:شفيكم
الكل ضحك
سهام:مين تكلمين
وهج:حبيبها اكيد
ملاك:وش عليكم مين اكلم
اسرار:يلا وصل الطلب
راحت واستلمت الطلب وبدا يتقهوون
وتين:قررتو وش تلبسون
اسرار:لا والله والجو بارد
وهج:جد برد اليله
ملاك:صدق متي نطلع وتجهز للزواج
وتين:بكرا شرايكم
وهج:اي بكرا ويكند ومافي دوام
اسرار:اي بكرا احلى
وجلسو يخططون وش راح يسوون
___
بيت ابو وائل
كانت كريمة تفكر بذيب وهي مو مستوعبه ان طار من يدها
خديجة: انت وش تفكرين فيه
كريمة:ولا شي افكر بابوي
خديجة:صدق ابوي فقدته
ام وائل:فقدتي روحك اقول انتي وياها في عشاء اليوم
خديجة:عند مين
كريمة: غريبه وش المناسبة
ام وائل: عند خالكم عايض و جدكم رجع عشان كذا
خديجة:ياحليله متي رجع
كريمة: الله جدي رجع
ام وائل: مدري متي رجع كلموني وقالو في عشاء
كريمة:بروح اتجهز
خديجة:معاك
ام وائل:اسمعو ابيكم تلبسون وتكشخون احلى كشخه ابيكم تغطون علي بنات فيصل وع
__
بليل وقت العشاء
بيت ابو حمد كانو البنات يتجهزون
اسرار:بنات تأخرنا
سهام: احس لبسي خايس
ملاك: ميمو بالعكس تهبلين
اسرار: والله حلو ومرتب ميمو
سهام:والله
ملاك: والله تهبلين
اسرار:يلا مشينا
ملاك:يلا تاخرنا مره
سهام:وتين تدق
ردت سهام علي مكالمة وتين
سهام: هلا وتيني
وتين: ميمو وينكم تاخرتو
سهام:بنجي الحين الكل موجود
وهج اخذت الجوال من وتين
وهج:اقول تعالو بسرعه كريمة وخديجة موجودين مسخره اشكالها لا تفوتكم
ضحكو البنات
سهام:يلا طالعين الحين
طلعو البنات وقابلو ابراهيم ومحمد
ابراهيم فز يوم شاف سهام
سهام شافت ابراهيم وكان دخن وتذكرت اعترافه وصدت بخجل
ابتسم ابراهيم وهو يشوف خجلها منه
محمد كان يتاملها
اسرار ناظرته بقرف وهي كارهته
دخلو لبيت ابو ذيب وجلسو عند الاستقبال يضبطون شكلهم
اسرار وهي تتعطر:اسمعي ميمو اذا جدتك تكلمت امسكي لسانك
ملاك:جد اسكتي وعطوني روج بسرعه
سهام وهي تعطي الروج لملاك: ما اوعدكم الصراحه
ليلى قرب من عندهم
ليلى: وهه تبارك الله ياحلو بناتي بسم الله عليكم
سهام:يمه بسالك
ليلى:اسالي
سهام:عجوز قريح موجوده
ليلى ضحكت وهي تضرب كتفها: سهام ماتستحين جدتك ذي و اي موجوده
اسرار:والله مالنا خلق
ملاك:تخيلي يمه شصار اليوم
ليلى:وش صار
ملاك قالت لها سالفه اليوم مع جدها
ليلى:يا حبايبي انتم وليش ان شاء الله ماطلعتو
ملاك:جلس يهاوشني ويقول انتي ولي امرك ذيب واعرف ذيب مراح يخلني اطلع ولا جالس يشكك فيني
ليلى:ماعليه تحملي
اسرار:واضح انك مو متحمله يالؤلؤة فضفضي شصار لك
ليلى: يمه وش دراكم ان صاير شي
سهام:واضح من وجهك
ليلى:تخيلو اليوم كنت اسوي الفطور ودخلت خالتي وجلس تهاوش وتقول ذا مو اكل وطردتني من المطبخ
ملاك:ياروحي اشوف وجهك
سهام:ماعليك لولوة تحملي
اسرار:اعتبريها اجازه
ليلى ضحكت: يلا يلا ادخلو
دخلو البنات وكل الانظار عليهم غطو علي كل البنات وام وائل زاد الحقد فيها ولا سلمت عليهم ناظروها البنات بقرف وجلسو
وحده من الحريم: انتي حرمة ذيب
ملاك: اي نعم انا
الحرمة:تبارك الله احلى من يختار ما شاء الله
أبتسمت ملاك بخجل والكل يبارك لها
كريمة كانت محترقه غيره وطلعت من المجلس وسمعت صوت ذيب ينادي فزت له
ذيب:يمه
كريمة: ذيب يامرحبا
رفع ذيب راسه وانصدم من كريمة كانت جميله وجلس يتاملها وهو مصدوم وصد علطول
ذيب:نادي امي
كريمة بدلع:ذيب وراه ما تاخذني الثانيه
ذيب:تبي تصيرين الثانيه
كريمة: ياليت
ذيب كان بيتكلم بس سمعو صوت ملاك وعلطول كريمه حضنة ذيب وانصدم وحاول يبعدها
وقفت ملاك بصدمه وهي تشوف حبيبها بحضنه وحده ثاني ذيب دف كريمة وقال: ملاكي اسمعيني
ملاك قربت و اعطت كريمة كف قوي
قالت وهي ماسكة الغصه وبس تنزل دموعها: ابفهم إنتي رخيصة ليش تركضين ورا رجال ماعندك كرامه ابدا الحمدالله والشكر الله لا يبلانا حافظي علي كرامتك يالرخيصه
راحت كريمة مسرعه وهي مصدومه من الكف وكلام ملاك
قرب ذيب ومسكها من كتوفها: اسمعي خليني اشرح لك
ملاك صدت وتبكي وتكلمت: تاخذ علي راسي وانا توني ماتزوجتك ولا اشوفك بحضنك
ذيب:اسمعيني
تركته ملاك وهي تبكي ودخلت بسرعه قابلت البنات
وهج: ملاكي شفيك وراك تبكين
سهام:هي انتي دموعك اربع اربع ليش
اسرار:شفيك ياروحي
وتين قربت حضنت ملاك: ملاكي حبيبي شفيك امشي ورا الحوش وقولي
راحو البنات ورا الحوش وجلسو
وتين:تكلمي
سهام:يلا تكلمي
ملاك وهي تشاهق وقالت وش صار وحضن كريمة
اسرار:الله ياخذها
وهج:مريضه ذي
سهام وهي تنزل كعبها: والله باخذ حقك
وتين وهي تنزل الحلق والكعب حقها:امشي
وصار يركضون داخل وشافو كريمة مع خديجة وعلطول سهام قربت ومسكت كريمة من شعرها وصارت تشد شعرها بقوه
سهام بعصبيه: انتي يا الرخيصة تر سكتت عليك كثير اول مره تعوذت من ابليس ثاني مره قلت جاهله توها بزر بس الثالثه ثابته والله اعيد اربيك
خديجة قربت بتضرب سهام بس وقفتها وتين وهي تشد شعرها
وتين:تعالي تعالي مالقيتي غير ملاكي
كريمة:اتركيني يالمجنونه مريضه انتي
خديجة بدا وهي تشد شعر وتين
جو الحريم مسرعين وصارو يفرقون بينهم والهوشة صارت كبيره
ام وائل: كسر تكسر يدك يالحيوانه والله مو متربيه انقلعي من قدامي
سهام:احترمي نفسك لا اكمل عليك
ليلى:شفيكم تعوذو من ابليس شسالفه
ام محمد:وتين وش السالفه شفيكم تهاوشتو
ام وائل:واضحه والله يابنات ساره مو متربيه مالت علي امكم ماتت موتت الكلب ولا عرفت تربيكم الله ياخذ روحكم مثل ما اخذ روح امكم الملعونه واخوكم انقلعو من قدامي ياحيوانات
اخذت بناتها وطلعت من البيت
وقفو البنات بصدمه من كلامها علي امهم وليلى ونوره انجنو
ام محمد وهي تمسك البنات: ماعليك منها ذي مجنونه
ليلى وهي تمسح دموعها: تعالو يمه
ملاك بعصبيه راحت ولبست عبايتها واخواتها معاهم وركضو ورا ام وائل
كانو الرجال جالسين وشافو ام وائل وبناتها طالعين
ابو عايض: يبه شفيكم
ام وائل:بنات فيصل الله يكسر يدينهم ضربو بناتي مو متربين
وقف ابو حمد بصدمه:بناتي
ابو عايض:هذي تربيتك وفعايل لندن
كانت ام وائل تمشي هي وبناتها متجهين لبيتهم
طلعت ملاك و وراها اخواتها
ملاك وهي تنزل كعبها
قربو الرجال بصدمه من حالتهم
ابو حمد:شفيكم يبه
و قبل مايتكلمون ركضت ملاك و وراها اسرار وسهام ملاك قربت وطبت علي ام وائل وبدت تضربها وسهام تضرب كريمة واسرار خديجة
ملاك وهي تشد شعر ام وائل:انتي مين عشان تتكلمين علي امي واخوي يالزباله
سهام:انتي تخربين بين اختي وخطيبها والله لا اعيد اربيك
اسرار: تصدقين ياخديجة اني ما احبك واكرهك واليوم زاد الكره
الرجال واقفين بصدمه من بنات فيصل الي كانو هادين طول حياتهم وطلعو الشباب وانصدمو من المنظر
طلعو الحريم مسرعين من الصراخ وانصدمو من ملاك الي جالسه فوق ام وائل واسرار الي تضرب خديجه وخديجه تضربها وسهام الي واقفه وتسحب شعر كريمة يمين ويسار
ابو عايض:روحو فرقو بينهم لا يذبحون بعض
ركض ذيب و وراه ابو محمد و ابو حمد ذيب وهو يشيل ملاك من فوق ام وائل و ابو محمد يسحب سهام ويحاول يخليها تترك شعر كريمة وابو حمد يفرق بين اسرار و خديجة وبعد مدة فرقو بينهم
ابو عايض:والله ماتستحون يابنات فيصل تضربون عمتكم ولا بنص الشارع
ملاك وهي تدف ذيب ولا تبي قربه وكانت تبكي وصرخت: ابفهم انت كيف جدنا بدال ما تدور الحق لا دايمن ضدنا
ابو عايض قرب بيضربها بس وقف قدامه ابو حمد
ابو حمد:يبه اسكت علي كل شي الا بناتي بعدين وش سبب الهوشه
سهام وهي تبكي:يبه هذولا الحيوانات يسبون امي واخوي الي متوفين وجلست عمتي تدعي علينا وتسبهم
اسرار وهي تبكي و تاخذ الكعب حقها من الارض: والكلبه كريمة بتخرب بيت اختي قبل تتزوج قاعده تقول لذيب تزوجني وخذني الثانيه ولا لما دخلت كريمة للمطبخ قربه الرخيصة وحضنته
انصدمو الكل
ابو حمد وهو يناظر اخته وعيونه بدت تدمع:حسبي عليك قاعده تدمرين حياة بناتي وتسبين زوجتي وولدي المتوفين
ام وائل: الله ياخذهم اكرههم يارب يموتون ومالت علي ساره وحمد ماتو ويارب بناتك يلحقونهم
سكتت من كف ابو عايض القوي والكل انصدم
ابو عايض:موضي انقلعي لبيتك ولا اشوفك
راحت موضي بعصبيه واخذت بناتها
ابو حمد قرب يحضن بناته الي كانو منهارين
ليلى: تعالو يمه داخل
ابو حمد: اتوقع كانت رجعتي غلط ياليت جلست بلندن ولا رجعت واخذ بناته للبيته وهو يحاول يشيلهم من كثر ماكانو منهارين
ابو ذيب:ذيب شسالفة
ابو فواز:ذيب تكلم
ذيب قال وش صار
ابو ذيب وهو يضرب رجله بالعصا: هذا وانت ماتزوجتها
وجلسو يهزئون فيه بس قاطعهم خروج ام ذيب وام فواز وام محمد
ابو ذيب:وين رايحين
ابو محمد:نوره وين رايحه بهاذا الوقت
ابو فواز :فايزة بتروحون لبيت فيصل
ام فواز: اي بنروح والبنات بيرجعون للبيت بنشوف البنات وفيصل اكيد منهارين
راحو لبيت فيصل و وتين و وهج رجعو لبيوتهم
بيت ابو حمد
الي رجعت لهم الذكريات وكانو الكل بحالة انهيار اولهم ابو حمد الي كان يحسب رجعتهم بتكون خير لهم بس ماتوقع بيصير كذا كان يحسب ان اخته تعدلت بس ابو طبيع مايجوز عن طبعه
سمعو صوت ضرب الجرس
تقدمت اسرار وهي تفتح الباب ودخلو ام محمد وام فواز وام ذيب
ام فواز راحت علطول لفيصل الي كان حابس دموعه ويحاول يهدي بناته بس انهار اول ما حضنته فايزه
كانت ليلى تحضن ملاك وسهام الي كانو منهارين بشكل مرعب
و نوره حضنت اسرار الي كانت بس دموعها تنزل بدون صوت
بعد مدة الكل هداء وراحت ملاك لغرفتها ولحقتها ليلى
ملاك:هلا يمه فيك شي
ليلى:عرفت شصار بينك وبين ذيب
صدت ملاك
ليلى: اول شي انتي غلطانه انك ماعلمتيني شصار وقالت شصار بين ذيب وكريمة
ملاك:بس ناويه ياخذها الثانيه
ليلى:يخسي انتي اسمعي وش بيقول لك
ملاك:تمام
الكل راح لبيته ونامو وكانت اليله هذا اسوى ليله لفيصل وبناته ولا قدرو ينامون والخزن ملي قلوبهم من جديد
كانت ملاك جالسه بغرفتها وتقرأ كتاب ودموعها تنزل بس تحاول تنسي بس سمعت صوت ضرب علي الدريشة خافت وقربت انصدمت من ذيب الي واقف بالبلكونه
نرجع للماضي ساعه
كانو عيال عايض متجمعن
تميم: مو قادر انسى اشكالهم
أمجد: الله يلوم الي يلومهم
هتان:وجه عمي فيصل للحين بالذاكره حقتي
ابراهيم وهو يتذكر سهام وشكلها وهي منهارة:الله لا يوفقهم
جاهم ذيب مسرع
أمجد:هي شفيك
ذيب:احتاج فزعتكم
تميم:احترم
هتان:ابشر
ابراهيم:نفزع لك بايش
ذيب:ابي اصعد للبلكونه
تميم:اي بلكونه
ذيب لف راسه لغرفه محبوبته والعيال لفو راسهم معاه
هتان:تستهبل
امجد:اقول اهجد
تميم:تر الوقت متاخر
ابراهيم: ياخوي متاكد
ذيب بان علي وجهه خيبة الامل
أمجد ناظر وجه اخوه وقام: امش قدامي اشيلك
تميم:يلا تعال وانا اخوك
هتان:ماتصير بخاطره
ابراهيم: يلا
راحو قدام البلكونه مسك ذيب ثوبه الاسود الشتوي بافمه وبدو العيال يشيلونه
تميم وكانت رجل ذيب بكتفه:اعجل كتفي بينخلع
هتان:يويلي ضهري
امجد:ذيب خفف عضلاتك هذي و وقف اكل تراك ثقيل
ابراهيم:بموت اعجل
ابو ذيب من وراهم:وش تسوي يالخسيس انت وياه
العيال خافو وافلتو ذيب الي طاح بقوه بالارض وتاوه بالم
ذيب:ضهريييي
ابو ذيب:وش تسوون
تميم:يبه بنقول لك بس لا تهاوش
هتان:اي لا تهاوش
قالو خطتهم
ابو ذيب:تعرفون الي تسوونه غلط صح
العيال بصوت واحد صح
ذيب:يبه تكفي البنت بتطير من يدي
كان ابو عايض يصرخ من داخل البيت:عويض وينك
العيال خافو من جدهم
ابو ذيب بصوت واطي:اعجل انت وياه و ارفعو اخوكم بسرعه
العيال بسرعه رفعو ذيب
ودخلو للبيت عشان مايشك فيهم
نرجع للواقع
كان ذيب واقف قدامها وهي منصدمه وتذكرت كريمة وعلطول اعطته ضهرها ورجعت للمكتب
ذيب يضرب الدريشة وكان بردان ويرجف ملاك ناظرته وقررت تفتح وتدخله دخل ذيب
ملاك:خير
ذيب؛حرام عليك تركتيني بالبرد
ملاك:تستاهل
ذيب:ملاكي اسمعي بشرح لك
سكتت ملاك وبدا ذيب يشرح شصار
ملاك:وليش من الاساس تكلمها
ذيب:هي كريهه وجلس يقلدها وهي تتدلع عشان يغير مزاج ملاكه
ضحكت ملاك:خلاص اسكت شكلك يضحك
ابتسم ذيب وقرب مسكها من خصرها وحضنها بقوه
بادلته ملاك
ذيب بعد منها بس ضلت اجسامهم متلاصقه:ملاكي والله ماكان قصدي اكلمها والله ماكان قصدي يابعد الدنياء انتي والله مقدر علي زعلك
ابتسمت ملاك وهي عارفه ان ذيب ماله شغل وكل المصايب من ورا الخبيثه كريمة ملاك لامسه شنبه وخده وطاحت يدها علي الندبه او الشدخ الي علي خده ومغطيها شنبه
قربت ملاك وهي تقبل مكان الندبه
ذيب ذاب: يابعد الدنياء انتي
ملاك:اعرف ان مالك شغل
ذيب:ذيب وراه كنتي متجاهلتني
ملاك:اعاقبك عشان ماتعيدها
ذيب قرب وتلامسه انوفهم: لا تعيدينها تكفين
وقرب لشفايفها وتلاحمه ببعضها بعد مدة بعدو عن بعض
قرب ذيب وهو ناوي يكمل بس وقفته يدها علي شفايفه
ملاك:خلاص كافي كذا
ذيب:ليش
ملاك:بس
ذيب:كيفك بعد الي صار
ملاك نزلت دموعها وبدت تبكي وحضنها ذيب لصدره وهي دفنت وجهه علطول بصدره وبدت تبكي بحرقه
ذيب شالها وجلس بالسرير وهي بحضنه وكانت تبكي بحرقة
ذيب وهو يلعب بشعرها:خلاص يابعد الدنياء
ملاك وهي تشاهق:قهروني والله الله ياخذهم
ذيب:ادري والله قهروك بس يابعدي
ملاك سكتت
ذيب:اذا سكتتي بكرا بطلعك
رفعت ملاك وجهها الي كان غرقان دموع
ملاك:وعد
ابتسم ذيب وهو يمسح دموعها بانامله: وعد
ملاك:بكرا
ذيب:اي
ملاك قربت وهي تحاوط رقبته وعلطول شدها له
بعد مدة بعد ذيب من عندها
ذيب:كيفك الحين يابعد الدنياء
ملاك:احسن
ذيب:يعني اتركك وانا متطمن عليك
ملاك:اي ماعليك
قرب ذيب وهو ناوي مبسمها تلامست انوفهم بس قطع مسيرته ضرب البلكونه من العيال عشان ينزل
ذيب:الله ياخذهم
ضحكت ملاك:خلاص روح
ذيب:مراح تعطيني شي
استغربت ملاك:اعطيك ايش
ابتسم ذيب وهو يتامل شفايفها المليانه والوردية كانت خمر حلال
استوعبت ملاك قصده:يويلك
ضحك ذيب:شدعوه وراه ماتعطيني
ملاك:روح العيال ينتظرونك
ابتسم ذيب و راح فتح باب البلكونه وقبل لا ينزل قرب ناوي مبسمها وخطف قبله سريعه
ذيب:عسل والله عسل
و وقف عند البلكونه بينزل
ملاك:انتبه لا تطيح
ذيب:ماعليك
أمجد:هات رجلك
هتان:انزل بسرعه قبل جدك يجي
تميم:مسكته مسكته
بدو ينزلونه
ابراهيم:وجع ذيب انت ثقيل
نزل ذيب وعلطول دخلو للبيت وقابلو ابو ذيب
ابو ذيب بصوت واطي:كيف حالتها
ذيب:حالتها حاله منهاره
ابو ذيب:الله يجبر خاطرها وخاطرهم
العيال بصوت واحد امين
الكل نام وكانت ليله سئيه علي الكل وكانو شايلين هم بيت ابو حمد الي توقعو ان تخطو الصدمه بس للآسف رجعت الذكريات
_
بيت ابو محمد
كانت ام محمد جالسه بالصاله وتفكر ببنات اختها
ابو محمد:نوره
فزت نوره:هلا
ابو محمد:وراه مانمتي
تنهدت نوره:افكر بالبنات
ابو محمد:اخبارهم يوم رحتي لهم
نوره:منهارين والله يا قابل لو تشوف حالتهم ياعمري عليهم
ابو محمد:توقعت موضي تتوب بس ماش
نوره:لو تشوف الي تسويه فيهم كل جمعة ترمي عليهم كلام
ابو محمد: ودي اعرف ابو وائل كريم وينه اختفى
نوره:ماتدري شصار
ابو محمد:صاير شي
نوره:كريم طلق موضي
فز ابو محمد:كيف ومتى
نوره: متى مدري بس اليوم سمعتها تقول تطلقت
ابو محمد: وليه
نوره:محد يلومه الصراحه
تنهد ابو محمد وهو عارف اخته وبلاويها
—
بيت ابو فواز
كان فواز جالس مع وهج
وهج:كمل شصار
فواز:اقولك طلعت من المجلس وشفت ملاك كانت جالسه فوق موضي
وهج:يمه جالسه فوقها
فواز:اي تخيلي وتسحب شعرها كان شكلها يخوف
وهج:اقولك بعد صارت هوشه عندنا داخل
نزل فواز كوب الشاي:يلا قولي
وهج قالت الهوشه الي صارت
فواز:سهام فقعت وجه كريمه مرتين تستاهل
وهج:اي تفشل
فواز:وتين الي دايمن هاديه ماتوقعتها تتهاوش
وهج:حتا انا انصدمت
وجلسو يسولفون
__
الصباح بيت ابو ذيب
كانت ليلى جالسه بالصاله وكانت مصدعه وشاده الشيله علي راسها
ام عايض:شفيك
ليلى:تعبانه
ام عايض:واكيد مافي فطور
ليلى: مافي ماسويت شي
كانت ام عايض بتكمل بس قاطعها صوت العيال الي فزو عند امهم
هتان:يمه شفيك
تميم:اوديك للمستشفى
ابراهيم:وش تحسين فيه
أمجد:تعبانه يمه وراه
ذيب:تبين اجيب لك علاج
ليلى وهي تمسح علي راس كل واحد من عيالها:لا ياحبايبي مافيني شي
تميم:اكلتي شي
ليلى:لا مالي نفس
ابراهيم:افااا الان نروح ونطبخ له احلى طبخه
ذيب:اي نطبخ لك
ليلى:لا مابي شي يلا كل واحد الي دوامه
تميم:بدري تو الناس انا بروح اطلع مواهبي المدفونه بالمطبخ
راح تميم وراحت وراه هتان وابراهيم
ذيب:متاكد بيعرفون يطبخون
أمجد: لا الصراحه
ذيب:يمه انتبهي تاكلين لا يجيك تسمم
ضربت ليلى راسه بخفه وهي تضحك:اسكتو بس
ابو عايض جاء:وين الفطور
ذيب:مافي
ابو عايض:كيف مافي
أمجد: زي ماتشوف امي تعبانه يعني مافي فطور
ابو عايض: اقول روحي للمطبخ سوي بطور يا الرفله
ليلى كانت بتقوم بس وقفتها يد ذيب
ذيب:جدي اقولك امي تعبانه مافي فطور
ام عايض:مافيها شي واضح انها زي الحصان
امجد:لا تعبانه وهي بكفيها تبي تسوي فطور ولا لا بكفيها وعلي الفطور بروح اجيب من برا
طلع أمجد وناوي يجيب فطور
ابو عايض: هذا حالتكم مالت عليكم من مطعم لمطعم
فز اول ما سمع تميم وابراهيم وهتان طالعين من المطبخ وشايلين صينيه
هتان:يمه والله عندنا مواهب طبخ
ابراهيم: إبداع والله ابداع
تميم: افتح افمك يمه اقولك سوينا شوربه ماتذوقين نفسها
ابو عايض تكلم بعصبيه:رجال انتو رجال تدخلو المطبخ المطبخ للحريم والله مافيكم رجال
سكتو العيال وهم يطنشون ويهتمون بامهم
دخل امجد ومعاه الفطور وافطرو
امجد:شخبارك يمه الحين
ليلى:الحمدالله
ابراهيم:يمه ارتاحي اليوم انا بجيب الغداء
ليلى:لا يمه انا بسويه
ذيب:ارتاحي بس يمه ابراهيم يجيب الغداء
تميم مسك امه من يده اليمين وهتان من يدها اليسار وكل العيال وراها ودوها للغرفه
هتان:ارتاحي يمه
ابراهيم وهي يغطيها:نامي نامي
ليلى:ياحبايبي انتم يلا كل واحد يروح دوامه لا تتاخرون الله يحفظكم
قربو العيال وباسو راسها وكل واحد راح لدوامه
كانت ليلى بتنام بس وقفها صوت ابو ذيب
ابو ذيب: افااا يالؤلؤة سمعت انك تعبانه
ليلى:ماعليه مافيني شي بنام واصحصح
ابو ذيب:شفيك يالؤلؤة غريب تعبانه
ليلى:من التفكير تعبت ولا شفت البنات
ابو ذيب:مالومك والبنات بخير ان شاء الله انا بروح اشوفهم
وراح ابو ذيب وجاب لها علاج عشان يخفف الصداع
ليلى:وراه ياعويض تتعب عمرك
ابو ذيب: مافي تعب يالؤلؤة يلا خوذي العلاج
اخذت ليلى العلاج وطلع ابو ذيب وطفى النور عشان تنام
راح ابو ذيب للصاله وشاف امه وابوه
ابو عايض: عويض زوجتك وينها
ابو ذيب:تعبانه
ام عايض:شفت لو اخذت بنت خالتك مو الرفله ذي
ابو عايض:خليه يتحاسب علي اختياره الفاشل
ابو ذيب قام:اول شي زوجتي اهم شي بحياتي واحلى اختيار اخترته ثاني شي زوجتي تشيلنا علي كفوف الراحه واذا واحد فينا تعب تسهر كل اليل معاه وهي الحين تعبانه ماتبون نهتم فيها وعلي العيال الي دخلو المطبخ تر هذولا هم الرجال قول وفعل تركو دوامهم عشان امهم
وراح وترك الصاله وكان ابو عايض معصب من اسلوب ولده وام عايض سكتت ولا قدرت تتكلم
طلع ابو ذيب من البيت وشاف ابو حمد واقف ويدخن بشراهة
قرب ابو ذيب وقال: انت ماتركت المرض ذا وش رجعك له
ابو حمد:بس كذا
ابو ذيب:اتركه بس وتذكر بناتك
ابو حمد: تشوف هذا الزقاره قاعده تحترق شوي شوي وقلبي يحترق نفس هذي الزقاره
ابو ذيب نزل راسه بخيبت امل
ابو حمد:شفيك غريبه طالع بهاذا الوقت
ابو ذيب قال وش صار مع امه وابوه
آبو حمد: صدق ابو طبيع مايجوز عن طبعه الله يكون بعونك
ابو ذيب: والله مليت
ابو حمد:ماعليه تحمل تحمل وامش نروح نتمشي ضايق صدري
ضحك ابو ذيب:يلا مشينا
وروني تفاعلكم علي هاذا البارت عشان ينزل البارب الجاي بسرعه
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
