أسرار العيون

14

جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .

بيت ابو حمد
كانو يودعون عائلة ابو ظافر قدام البيت
عند البنات قدام بيت ابو حمد
سهام كانت تحضن سلمى:ياليت تطولون اف والله بشتاق لك
سلمى:سهوم وربي فيني الصيحه خلاص
ملاك قربت من عبير تحضنها وهمست باذنها:الصراحه امس استفدت من النصايح حقتك
ضحكت عبير وهمست:ماعليك باقي كثير وخاصة قبل الزواج
ملاك:انقلعي عاد
عبير:حبيبتي احمدي ربك اني اعطيك نصايح
ملاك:اذا نصايح لها فايد تم
نفلاء:تعالي كم باقي علي زواجك
ملاك:ماباقي شي خلاص
اسرار:اسمعو متي تجون
سلمى:مدري
سهام:شوفو تعالو قبل الزواج باسبوع ولأ اسبوعين عشان يمدي نجهز ونروح للسوق
نفلاء:تم بحاول بالعيال وغصب عنهم بيوافقون
ملاك:كفو
وجلسو يسولفون ويودعون بعض
عند العيال كانو يساعدون صالح وظافر وادهم بالشنط
ذيب:وراه ماتطولون
ظافر:الدوامات
فواز:ماتفكر تنقل لحائل والله اسهل لك كل شي قريب
ظافر:يارجال صار لي سنتين وانا اقدم بس يرفضوني
محمد:غريبه ليش
ظافر:عذرهم البعاد اولى بالنقل
تميم:يعني مراح تجي الملكه حقتي
ظافر:والله بحاول ابشر
هتان:انت عسكري واتوقع هاذي السنه بينقلونك
صالح:شدراك
ذيب:لان صار لك سنتين تقدم واكيد صرت معروف وادعي يقبلونك هاذي السنه
ظافر:يارب تعبت والله
أمجد:ماعليك ان شاء الله يقبلونك
كان محمد علي جواله ويدخن وعلطول طاحت عينه حبيبته وجلست يتاملها
كانت اسرار تسولف وبعد فتره لاحظت محمد ونظراته لها كانت تخاف منه وملامحه الثقيله والقاسيه وطوله كان ضخم ونظراته لها كانت كفيله تخوفها وعلطول لفت راسها ورجعت تسولف مع البنات بس كان عقلها مع محمد
محمد:شفيها ذي كاني جدار نفسيه وربي
ابو عايض كان يودع ابو ظافر
ابو عايض:وراه بتمشون الحين
ابو ظافر:ماعليك بنجي قريب عشان ملكة تميم وزواج ذيب
بعد مدة ودعو عايلة ابو ظافر وكل واحد رجع بيته
____
بيت ابو ذيب
كانو بالصاله ويخططون لملكة تميم
ليلى:باسبوع لازم نتجهز مافي وقت
هتان:مدري ليش مستعجلين اجلوها لين نخلص من ذيب
تميم:ابفهم انت وش عليك ليش تتدخل
ذيب:ماباقي شي علي زواجي ولا جهزت ولا شي للبيت
ابو ذيب:يمدي يمدي
أمجد:حاول تخلص قبل زواجك باسبوع
ليلى:انا جايبه اغراض كثير بالبيت بس مالي خلق ارتبها
ابراهيم:يعني افهمها انت وزوجتك رتبو بيتكم لحالكم
ذيب:لو جيتك صفقتك تدري
ابو ذيب:وهو صادق تر تعبنا وحنا مو اهل البيت انتم الله لا يهينك رتبو بيتكم
قام ذيب وراح غرفته وجلس يفكر لفتره وابتسم بقوه لما جته فكره وعلطول دق علي ملاكه
كانت ملاك جالسه مع البنات واول ماشافت الاتصال علطول راحت غرفتها وردت
ملاك:الو
ذيب:ملاكي
ملاك:هلا
ذيب:فاضيه اليوم
ملاك:اي اتوقع ليش
ذيب:ابيك تجين معاي
ملاك:وين اجي
ذيب:تساعديني بترتيب البيت
ملاك:طيب بكرا اروح مع البنات وخاله ليلى
فز ذيب:لا لا حنا نرتب البيت مانبي نتعب احد معنا
أستغربت ملاك:ذيب وش تبي توصل له؟
ذيب:ولا شي
ملاك:ذيب تكلم
ذيب:مشتاق لك ومابي ارتب البيت لحالي ونسوي ذكرايات عشان نقول لعيالنا بالمستقبل
ملاك:قول كذا من الاول
ذيب:قلت خلاص وش قررتي
ملاك:بشوف ابوي وعلطول اكلمك
ذيب:تمام يابعد الدنياء
قفلو من بعض
راحت ملاك عند ابوها الي جالس بالصاله وكان لابسه نظاره ويده اليمين فيها فنجال قهوه ويده اليسار يحضنها كتاب وقطع تفكيره صوت قطعه من قلبه
ملاك:بابا
ابو حمد:سمي
ملاك:تو ذيب كلمني ويبيني اطلع معاه
ابو حمد:وين
ملاك:يقول نجهز ونرتب البيت
ابو حمد: متي تروحين ومتي ترجعين
ملاك:اروح شوي ومدري متي ارجع
ابو حمد:تصدقين لو ماكنا ذيب ولد اخوي والله ما اخليك تطلعين معاه
ابتسم ملاك وقربت تبوس راح ابوها:شدعوه مراح ياكلني ياحبيبي انت مراح اطول
وراحت مسرعه تتجهز وابتسم ابو حمد عليها
__
بيت ابو محمد
عصر اليوم كان في رجال يخطب وتين وللاسف ابو محمد رفضه وكانت وتين تمشي ورا ابوها وتتناقش بموضوع رفض ابوها للشخص الي خطبها
وتين:ليش ابفهم يبه ليش رفضته
ابو محمد:الولد مو زين يابنت الحلال
وتين:طيب انت ماسالت عنه
ابو محمد:انا ما ارتحت له
وتين:انا الي بتزوجه يبه
ابو محمد:رجال يجي بداله رجال
وتين:تر هاذا ثالث عريس ترفضه مو حاله ذي
ابو محمد:ثلاثه الي خطبوك اكيد كان سبب رفضي قوي
وتين:والله يبه تحسسني انهم مجرمين
وراحت وتين لغرفتها
ام محمد:شدعوه يا قابل
ابو محمد:ليه شسويت
ام محمد:عاد الولد ذا مافيه عيب وولد عائله كبيره ومعروفه وراه رفضت
ابو محمد:ما ارتحت له
ام محمد:كيف يعني
ابو محمد:مدري من اول ماجلس وانا مو مرتاح عشان كذا رفضت
ام محمد:خيره خيره ان شاء الله
ابو محمد:ان شاء الله
عند وتين الي دخلت غرفتها وانهارت بسبب ابوها الي كل شوي رافض احد يتقدم لها وبعد دقايق سمعت صوت طرق قوي علي الباب ورفعت وراسها وشافت الي دخلو مسرعين وعلطول رجعت وجهها علي المخده وبدت تبكي
جلسو جنبها سيف و يوسف
سيف:شدعوه وتيني تبكين
وتين:وربي يقهر الموضوع
يوسف:وتين تحسسيني انها اول مره ابوي يرفض
سيف:وهاذي اول مره تبكين فيها علي رجال
وتين:انتم وش جايبكم الحين
يوسف علطول طاح جنبها بالسرير:والله كذا جايين نرتاح ونشوفك
سيف:ونطقطق عليك
رجعت وتين تبكي وبعد دقايق
فز يوسف:وتين لا يكون تعرفينه
سيف عدل جلسته:لا عاد
وتين جلست قدامهم:معرفه سطحيه
سيف:كيف يعني
وتين: ‏زميل بالجامعه بس ما اعرفه جاء عندي وقال بيخطب
يوسف:تصدق ياخوي انا قررت قرار
سيف:وش قرارك عشان اقرر معاك
يوسف كان يعطي ماء لوتين عشان تشرب:والله شوف وانا اخوك قررت اغير الجامعه حقتي مو مرتاح فيها بنقل لجامعة وتيني مقدر بدونها
شرقت وتين
سيف وهو يضرب ظهر وتين:اي وانا بعد بجي معاك الصراحه طفشت والله بغير جامعتي
وتين:شدعوه شدعوه ليش
سيف حط راسه علي رجل وتين:حبيبتي انتي اختنا الوحيده نخاف عليك من الذئب البشرية
قرب يوسف وحط راسه برجلها الثانيه:صدق نخاف عليك ماعندنا غير اخت وحده ولا نقدر نفرط فيها
وتين وهي تقومهم وتطردهم من الغرفه:اقول يلا بس انقلعو صدق ماتنعطون وجه
محمد دخل الغرفه وضحك علي شكل وتين وهي تدف سيف ويوسف وهم كل شوي يدغدغوها وعلطول دخل يفزع لوتين وخلي وتين ورا ظهره وصار يتهاوش مع سيف و يوسف واصوات ضحكهم ماليه البيت
محمد:اقول بس بعدو عن حبيبتي
سيف:لا ياشيخ
يوسف:طلعها نبي نتفاهم معها بس
وتين: بعدهم عندي طفشوني
محمد كان يدفهم وطردهم من الغرفه وعلطول جاء عند وتين
محمد:وتين فيك شي
وتين:لا ماعليك مافيني شي
محمد:احلفي
وتين:والله
محمد:اروح وانا متطمن عليك
وتين:اي ماعليك
دق جوال وتين وعلطول ردت وقبل يطلع محمد فز قلبه من سمع اسمها
وتين:هلا اسرار
طلع محمد وكان يحاول يخفي ابتسامته
__
بيت ابو وائل
كانت هاذي العائلة بحالة توتر وكان وائل وفارس طول وقتهم برا البيت كرهو البيت بسبب امهم الي تحاول تدافع عن خديجه وتحسن صورتها بس للاسف محاولاتها كل مره تفشل لانهم كرهوها وخديجه للاسف ماكانت تحس انها غلطانه بسبب امها الي كانت تعمي عيونها وماتعلمها الصح من الغلط اماا فارس الي اهتزت ثقته بنفسه ونزلت درجاته وكانت اخر سنه له بالثانوي والمفروض يركز فيها تحطيم امه له وللاسف صار يطلع برا البيت ومرات يطلع لايام ومحد يسال عليه غير وائل و كريمه امااا وائل الي تحمل المسؤولية وهو صغير ولا قدر يتحمل وللاسف كان ناوي يتزوج بس امه كانت ترفض البنت الي يبيها كان وائل يحب بنت معاه بدوامه وكانت تبادله الاعجاب وامه كل مايجيب طاريها ترفضها واليوم عرف ان اليوم ملكتها وكانت الدنياء ضايقه عليه وعن كريمه الي بدت تتقرب من ربها وبدت تركز بدراستها ولا صار يهمها كلام الناس ولا كلام امها وبدت صدق تعيش حياتها ومراهقتها الي تاخرت بسبب امها الي كانت اكبر همها تزوج بناتها وشالت الكره لبنات خالها فيصل وعرف صدق انها غلطت بحقهم كثير وصار مايهمها شي غير نفسها وعن ام وائل موضي للحين علي حالها وتحاول تخرب زواج ملاك بس كل محاولاتها فاشله
__
بيت ابو حمد
كانو البنات متجمعين بغرفة ملاك ويجهزونها سهام كانت تسوي مكياجها واسرار شعرها
ملاك:هيي انتم تر مو رايحه عرس
سهام:لا تر يعتبر ذا اول ديت
ملاك:يابنتي اي ديت تر نرتب البيت
اسرار:ان شاء الله تغسلين الحوش مايهم يعتبر ديت
ملاك:وجع اسرار شعري
اسرار:يختي اهجدي شوي
سهام:اوفر اوفر اسرار
ملاك:اخيرًا تكلمتي
اسرار:شدعوه تر ويفي وبيتفكك
سهام:فكرتي وش تلبسين
ملاك:مدري اكيد بلبس بنطلون
اسرار:تر الجو بارد واتوقع البيت فاضي مافيه اثاث يعني موت
سهام:شوفي اذا تتحملين الكشخه البسي تنوره ولعيون الكشخه تحملي
ملاك:لا مابي تنوره اعرف نفسي ما اتحمل
اسرار:يموت شعرك
ملاك:احلفي
اسرار:والله وناعم مو اوفر لا تخافين
سهام:البسي بلوفر حقي بتنازل عنه لك
ملاك:ياحبيبي سهوم
اسرار:انا بروح تحتاجيني بشي
ملاك:وين بتروحين
اسرار:بروح عند ليلى وبطقطق علي جدتكم
سهام:بجي معاك من زمان ماضحكت
ملاك:يويلكم من الله بعدين اسرار تر باخذ القعد حقك
اسرار:قولي حاطه عينك عليه
ملاك:من زمان
سهام:انا بروح الحين
اسرار:انا شوي بلحقك
ملاك:انا بقوم البس قبل يجي ذيب
سهام:انا رايحه باي
ملاك:انتبهي لنفسك
طلعت سهام من البيت وقبل تدخل البيت طلع ابراهيم وفز من طاحت عيونه عليها وابتسم لين بانت اسنانه بادلت سهام الابتسامه وعلطول دخلت
تنهد ابراهيم بحب:يالبيه بس
دخلت سهام وكانت تغني وقطعتها ام عايض
ام عايض:وقطع يقطع لسانه تغنين ياللي ماتستحين
سهام بصوت قصير:الحمدالله لقيت احد اطلع حرتي فيه
ام عايض:حركات الكفار ذي ماهي عندنا بعدين وش ذي العبايه ماعندنا ذي الحركات انقلعي غيري عبايتك وياليت تكون عباية راس يمكن تسلمين
سهام:شدعوه كلها عبايه بعدين توني صغيره مو عجوز انا
ام عايض:صدق انك قليلة حيًا
سهام بصوت واطي:شرواك
ام عايض:قلتي شي
سهام بصوت عالي:لولو
وراحت وهي مروقه انها رفعت ضغط ام عايض واتجهة للمطبخ
سهام:لولو
ليلى:سهوم متي جيتي
سهام قربت تسلم عليها:يوو جيت ورفعت ضغط عجوز قريح
ليلى:سهام أستحي علي وجهك جدتك تر
سهام:وع لا تجيبين طاريها وتعالي عندي سالفه
ليلى:يلا سولفي وش قهوتك
سهام:وش تشربين سوي لي معاك
ليلى:انا قهوه ساده انتي وسط صح
سهام:صح وتخيلي
ليلى:اتخيل
سهام:ملاك وذيب طالعين ديت
انصدمت ليلى وعلطول تركت للقهوه علي النار وجلست:كذابه احلفي
سهام:وربي
ليلى:لا لا متاكد ذيب ولدي
سهام:والله وهو الي كلمها
ليلى:بعد
سهام:اقولك رايحين يرتبون البيت والحقي القهوه بتفور
فزت ليلى وهي تطفي النار وتصب القهوه بالفناجيل وتعطي سهام قهوتها
ليلى:لا لا قويه
سهام:ولا ملاك مقطعه نفسها
ليلى:خليها محد يلومها ذيب بنفسه عازمها
سهام:اقولك كاشخه بزيادة وعندك فصفص
ليلى:حسافه ليتك مصوره شكلها و اي شوفي الدرج الي وراك
قامت سهام وجابت فصفص:ماعليك الحين بترسل بالقروب
ليلى:اي قروب حق العائلة
سهام:لا يابنتي بالقروب الي فيه انتي وانا واسرار وملاك
ليلى:اثبتو علي واحد مو مية قروب تسوون
سهام:كلها قروبين واحد خاص فينا والثاني فيه البنات
ليلى:صدق جهزتي لملكة تميم
سهام:لا الصراحه متي الملكة
ليلى:اتوقع الجمعة
سهام:ليه اليوم ايش
ليلى:وصلتي لهاذي المرحله
سهام وهي تغني:
ما صرت افرق بين جمعة وسبت
من غبت عني ما أحس بالوقت
حتى الاماني في دنيتي ضايع
كلي بدونك انتهيت وضعت
ليلى:ياحليلك يا سهوم
سهام:اي والله ياحليلي
ليلى:تعالي اسرار بتجي
سهام:اي بتجي
ليلى عدلت جلستها:تعالي بسالك
سهام:هلا
ليلى:محمد يغازل اسرار
سهام عدلت جلستها:شوفي هو مو يغازلها بس يعطيها نظرات
ليلى:لاحظت والله النظرات حقته
سهام:تعالي شدراك احد قال لك
ليلى:لا الصراحه بس انا ملاحظه و اسرار شصار عليها
سهام:اسرار اختي ثقيله ولا تعطيه وجه تربيتي
ليلى:بس والله الولد محترم ولا فكر يكلمها يعجبوني العيال الي مايتكلمون مع بنات حتا لو كان يحبها محترمين
سهام كلمت نفسها:يعني ولدك قليل حيًا
ليلى:بس تتوقعين اسرار معجبه فيه
سهام:والله شوفي مرات احس معجبه فيه ومرات تكرهه وانتي وش تحسين
ليلى:حسب خبرتي اقول انها تحبه بس تكابر
قاطعهم دخول اسرار
اسرار:مين الي تكابر
كتمو سهام وليلى ضحكتهم
سلمت اسرار علي ليلى وجابت لها قهوه وجلست
اسرار:شفيكم تكلمو
سهام:راحت ملاك
اسرار:لا شوي بتروح
ليلى:اي اسرار سولفي علينا
اسرار:كم باقي علي زواج ملاك
ليلى:ماعليك مطول شوي شهرين كذا اتوقع
سهام:حلو
وجلسو يسولفون
____
عند ملاك
كانت تلبس الحلق حقها وقاطعها اتصال ذيب
ملاك:الو
ذيب:وينك صار لي ساعه تحت
ملاك:دقايق بس
ذيب:يلا استعجلي
كانت ملاك لابسه بنطلون جينز واسع وبلوفر وعلطول نزلت وقبل تطلع عدلت شكلها بمراية المدخل وتعطرت وطلعت جوالها وصورت نفسها
كان ذيب جالس فوق السياره ينتظرها ولابسه شورت وبلوفر وطلعت ملاك وجلس يتاملها بابتسامه خفيفه بادلتها ملاك الابتسامه وعلطول نزل وقرب منها
ذيب:ملاكي
ابتسم ملاك:هلا
ذيب:ابفهم ليش طولتي
ملاك:ذيب
ذيب:هلا
ملاك:مشينا
ذيب:يلا
وراح ذيب فتح لها باب السياره ابتسمت ملاك بخجل وركبو السياره وبدا يمشون متجهين لبيتهم المستقبلي
____
بيت ابو ذيب
كان ابو عايض يهاوش تميم علي أختياره ويحاول يخرب الخطبه
تميم:ابفهم انا الي بتزوج ولا انت
ام عايض:وقص ان شاء الله
كانو سهام واسرار وليلى جالسين بالمطبخ ويسمعون الهواش وصراخهم
سهام:ويع صدق ويع
اسرار:ليلو كيف متحمله
ليلى:حبيبتي كل يوم اشوف حلقه جديده من مسلسل عائلة ابو عايض وهواشهم ومشاكلهم كل يوم
سهام:اوه يعني انتي متعوده
ليلى:افااا عليك
اسرار:ومين يفوز بالاخير
ليلى:حبيبتي اكيد عيالي يسوون الي براسهم
سهام:الصراحه مدري وش يبوون مايعجبهم العجب هذا ذيب اخذ ملاك وهي بنت عمه ولا اعجبهم وهذا تميم ياخذ من برا العايله ولا يعجبهم وش يبون بالظبط
اسرار:حبيبتي يبون يزوجون علي كيفهم
ليلى:كانهم طولو عندي متي يروحون
اسرار:جد طولو مره
سهام:ليلو حبيبتي استوعبي انهم خلاص ساكنين عندك مراح يروحون
ليلى:لا يارب طفشت
اسرار:كلنا طفشنا
بالصاله عند تميم
تميم:ابفهم انت وش قاهرك
ابو عايض:صدق انك ماتستحي
تميم:انت وش تبي بالظبط عشان انا اعرف
ابو عايض:ابيك تتزوج من العائله
ضحك تميم:لا لا هاذي العائله رايحه فيها
ام عايض:وش قصدك يالخسيس
تميم:ممكن تستوعبون الكلام الي قاعدين تقولونه ذيب اخد ملاك وهي بنت عمه وانتم وش سويتو رفضتو هاذا الزواج وهم من العائله وانا باخذ من برًا العائله لان هاذا قراري انا ومستقبلي انا محد بيعيشه غيري انا ولا يهمني وش تقولون تر لاني اخاف عليك جدي من الضغط عرفت وانتي جدتي اخاف السكر يرتفع عشان كذا اليوم بنقفل السالفه لان ملكتي بعد يومين اذا حابين تجون هذا شرف لي وبكون مبسوط بوجودكم وتشاركوني فرحتي واذا مراح تجون هذا شي يخصكم و اي قبل لا اروح تر امجد يحب وحده ويموت فيها ولا هو راضي يعترف لها ولا بمشاعره
كان امجد يشرب شاي ومن سمع كلام تميم شرق وفز ابراهيم يضرب ظهره
ابراهيم:بسم الله عليك
تكلم تميم عند الباب وقبل يطلع:اي وابراهيم تر بيتزوج سهام ومحمد بياخذ اسرار اذا رفضت صدق ماعندك سالفه لانهم بيتزوجون من العائله و اي وائل الحين بحالة انهيار لان امه اوه ‏معليش عمتي موضي رفضت البنت الي يحبها وصارت لرجال غيره
بالمطبخ كانت سهام تتقهوى وعادي عندها لان الكل يعرف ان ابراهيم وسهام يحبون بعض وعن اسرار شرقت بالقهوه وهي متفشله وتدعي علي تميم
انصدمو أمجد وابراهيم مو ان تميم ‏فضحهم لانهم مو مع وائل الحين وهو بحاجتهم وعلطول راحو ركض عند وائل الي كان جالس بالحديقه الي قريبه من بيته
قرب أمجد من وائل:شدعوه ياخوي ماكلمتني
ابراهيم:يارجال تعيش وتاكل غيرها
ابتسم وائل:مافيني شي
جاء تميم من بعيد:وربي خيانه
وائل:تعال انت متي ملكتك
تميم:الجمعه
وائل:مسرع
ابراهيم:تعال وين فارس
أمجد:جد الولد مختفي
وائل:الله يلوم الي يلومه
تميم:امك صح
وائل:صح
قرب ابراهيم يحوس شعر وائل:شفيك تر هي رافسه النعمه
تميم:يارجال والله لو كنت انت انثى تزوجتك
أمجد:يععععع ما اتخيل وائل انثى وربي اطلقه بالثلاث
وائل:وع وجهك
ابراهيم:ماش مقدر اتخيل وائل انثى
وائل:شفيكم والله لو كنت انثى مراح اعطيكم وجه
تميم:دور احد يعطيك وجه اول
وجلسو يسولفون ويحاولون ينسون وائل
_____
عند ملاك و ذيب
كانو يمشون بالسياره ومتجهين لبيت احلامهم وكانت الفرحه ماليه قلوبهم ويسمعون اغاني ويغنون بحماس وبعد مدة وصلو للبيت كانت فيلا وانصدمت ملاك من جمال البيت ودخلو السياره للبيت ونزلو وقربت ملاك و وقفت تتامل البيت من برا وقرب ذيب منها وحط يده علي كتفها ويحضنها وسندت ملاك راسها علي كتفه وهم يتاملون بيتهم الي ينتظرونه من مدة
تكلم ذيب:تشوفين ملاكي بيتنا
ملاك:اشوف مره حلو
ذيب:والله انتي الحلوه
ابتسمت ملاك:احلف
ذيب:والله
ملاك:ندخل
ذيب:امشي
واتجهو للبيت واول مادخلو انصدمت ملاك من الحوسه كان البيت نظيف بس مو مرتب
ملاك:مين الي نظف البيت
ابتسم ذيب وهو يتذكر
(نرجع للماضي اسبوع)
كان ذيب مجمع اخوانه وعيال عمه بمجلس ابو ذيب
فواز:خير ان شاء الله وش الموضوع المهم
سيف:فيني النوم
محمد:في احد عاقل يجمع اخوانه الساعه ثلاث الفجر
ذيب وهو ياشر علي نفسه:اي هذا هو قدامك
وائل:يلا وش تبي
تميم:شفيك ساكت تكلم
ذيب:طلبتكم
الكل بصوت واحد:عطيناك
ذيب:تعرفون بتزوج قريب والبيت وصخ
وسكت ذيب ولا عرف كيف يفتح الموضوع معاهم
يوسف:اي كمل شفيك ساكت
فارس:يالله تكلم ولا بنروح ننام
ذيب:تجون معاي بكرا ننظف البيت
ابراهيم:تستهبلللل
فواز:الحين مرسل لنا ومزعجنا موضوع مهم واخر شي ذا الموضوع
سيف:ليش ما ارسلت بالقروب تحب التعب انت
ذيب:الحين بتفزعون لي ولا لا
الكل بصوت واحد:نفزع لك
ابتسم ذيب والكل راح لبيته
من بكرا الساعه ثلاث العصر تجمعو العيال كلهم ببيت ذيب الي كان مو مره بعيد عن بيوتهم الي جنب بعض وكانو واقفين بالحوش ويسولفون
وائل:ما شاء الله
فواز:لا والله طلع عندك ذوق
أبتسم ذيب:شرايك بس
أمجد:انت اول واحد تطلع من الحاره وبيوتنا الي جنب بعض
محمد:يشهد التاريخ
ضحكو العيال
يوسف:من وين نبدا
تميم:اسمعو لازم نتقسم عشان نخلص بسرعه
فارس:والعشاء علي ذيب
العيال بصوت واحد:تم
ذيب:بسم الله خلاص خلاص عشاكم علي
هتان: اسمعو ابراهيم وسيف وفارس مجلس الرجال الخارجي مع الحوش وأمجد ومحمد وتميم الدور الاول وانا ويوسف الدور الثاني و ذيب وفواز و وائل عليهم الاثاث
فواز:خير انا مستعد انظف ولا اشيل اثاث
ضرب ذيب كتف فواز ومسوي نفسه متاثر:ياحبيبي يافواز تحسب بس الاثاث الي بتشيله
انصدمت فواز:نعم
قرب وائل من الجهه الثانيه وكمل وهو متاثر:وراك اجهزة وثلاجه كبر راس يوسف
يوسف:خير شدخلني
فواز:تكفون قولو انها كذبه
تميم:يارجال بتشيل غصب عن خشمك
فارس:والله اذا بنقعد كذا مراح نخلص
تفرقو العيال وكل واحد راح المهمه حقته
بمجلس الرجال عند ابراهيم وسيف وفارس دخلو للمجلس كان مجلس فخم لابعد حد وكان كبير
سيف:يالبيه قسم فخم
فارس:ما شاء الله صدق
ابراهيم:يلا بدينا
فارس:اسمعو انا بغسل الدلال والفناجيل وانتم عليكم التنظيف
سيف:تم
داخل البيت وتحديد الدور الاول عند أمجد ومحمد وتميم كانو يضحكون باصوات عاليه من شافو أمجد طاح وهو كان بيسوي حركات ويكشخ عليهم
تميم وهو ميت ضحك:لا لا مقدر
ضحك محمد:امانه شفت لما طار وطاح اخ بموت
ورجعو ضحكو بقوه
قام أمجد وهو يتالم:قسم انكم حيوانات بدال ماتساعدوني
قرب محمد وهو يضحك ويساعده:معليش بس والله شكلك مسخره
مسك أمجد يده وقام:مالكم داعي وربي
تميم:اخ قلبي بيوقف من الضحك
محمد:خلاص لا يصيح علينا
أمجد:تعال تعال نشوف مين بيصيح
تراجع محمد ورا:خلاص حقك علي اسف
أمجد:لا ياشيخ اشوفك هربت
محمد:انا بوجهك يا تميم
تميم:ابشر
أمجد:اي اشوفكم اتفقتو علي الحين
محمد:خلاص يارجال اسفين ان ضحكنا علينا خلنا نرجع ننظف
تميم بصوت عالي:والله يابو أمجد تبارك الله بيتك يفتح النفس
رد ذيب عليه:يارجال فداك
فز تميم:اشهدو يارجال بيعطيني بيتهم
ذيب:كانك تحمست وانا اخوك
الكل ضحك ورجعو بينظفون
الدور الثاني عند هتان ويوسف
يوسف:اسمع حنا اثنين خلنا نتقسم
هتان:قبل نتقسم تفكر الي افكر فيه
ابتسم يوسف:تقرأ افكاري
هتان:امش نكتشف هاذي الغرفه
يوسف: بعدها هذيك
دخلو اول غرفه كانت غرفة نوم علطول طلعو ماكانو يبون يتعمقون بس كانت الغرفه حلوه وتفتح النفس راحو ثاني غرفه كانت مكتب ذيب للشغل وعلطول دخلو كان مكتبه حلو و يكساها الون البني والاسود
يوسف:واو قسم
هتان:يالبيه يالفخامه
يوسف قرب وجلس بالكرسي حق المكتب:يالبيه قسم كرسي حق نوم
هتان:امشي نكتشف الباقي
طلعو وجلسو يدورون وطلعو للبلكونه كانت وسيعه وفيها كنب خارجي وطاوله بالوسط
يوسف:صدق مكان روقان
هتان:يارجال اترك البلكونه حاط عيني علي هذيك الغرفه نفسي اشوفها
يوسف: افااا وانا اخوك عمري خليت بنفسك شي
هتان:لا
يوسف:امش ياحبيبي مستحيل اترك بنفسك شي
هتان:اخوي قسم
قربو وراحو للغرفه وعلطول دخلو كانت الغرفه فيها مكتب دراسه وركن كوفي وفيها كنب وتلفزيون كبير ونباتات وركن للرسم والغرفه صدق حقت دراسه وكانها سينما واستغربو العيال من المكتب وراح يوسف عند الدرج ينادي ذيب
يوسف:يابو أمجد
ذيب:هلا
يوسف:تعال وش سالفة المكتب
ذيب:المكتب حقي؟
يوسف:لا الثاني
ضحك ذيب:اي حق بنتي ياحليلها تدرس
فواز تكلم من بعيد:يارجال ياليتني زوجتك وربي لو كنت انثى بتتدلع لك وعلي كل هذا الدلع والله ياذيب بدلعك
العيال كلهم بصوت واحد؛يعععع
انصدم فواز:يع وجيهكم يالسلق
ضحكو الكل ورجعو ينظفون وبعد مدة قاطعهم صوت صدق عمر ذيب والي يعتبره اخوه هزاع
هزاع دخل للبيت:يا اهل البيت السلام عليكم
الكل ابتسم و ردو السلام وسلمو علي بعض وقرب ذيب من هزاع وحضنه
ابتسم هزاع:والله وبتتزوج
ذيب:عقبالك
هزاع:ماضنتي بس ان شاء الله
ذيب:ماعليك بتتزوج وانا الي بخطب لك
ابتسم هزاع وبان الحزن بوجهه
ذيب:شدعوه ياخوي لا يكون بتصيح
هزاع:تخسي اصيح
ذيب:توك متاثر
هزاع:كسرت خاطري يابن الحلال شفتك داخل جو قلت حرام اخرب عليك
قطعهم صوت فواز الي يصرخ:تعالو بسرعه ظهري بموت
فزو وراحو يساعدون فواز
(شرايكم اعطيكم تعرف علي هزاع؟ هزاع عمره ٢٨ للاسف فاقد امه وابوه بعمر ١٤سنه وكان وحيدهم ولا هو حاب يتواصل مع اهل امه ولا اهل ابوه لانه عارف محد كان يطيقه كانت طفولته للاسف صعبه كل فتره كان ينتقل من بيت لبيت ومحد كان يحبه ولا يتحمل مسؤوليته وتعرف علي ذيب بمرحلة المتوسط كانو بالبدايه مايطيقون بعض بعدها صارو اعز الاخوياء لدرجة ان جته فتره كان ساكن عند ذيب عشان محد يبيه من ‏عمامه ولا خواله وكل عائلة آل فارس يحبون هزاع ويعتبرونه فرد من العايله)
عند ابراهيم وسيف وفارس خلصو من المجلس وطاحو علي بعض
فارس:خلاص تعبت
ابراهيم:ماصرت احس بظهري ابدا
سيف:باقي الحوش ومالي خلق
ابراهيم:يع صدق
فارس:ياخي الحوش خلوه بعدين نحتاج راحه
سيف:اقول بس قوم انت وياه نخلص بعدها صدق نرتاح
بالمطبخ
فواز:ياعيال خلاص تعبت
هزاع:قوم بس
ذيب:اسمع دامك تعبت ابيك تشوف لي غسالة الصحون ماعرف لها يارجال
فواز:لعبتي
ذيب:كفو
وائل:اسمع خلصنا كل شي تقريبا بس باقي الثلاجه
هزاع:وراه جبت ثلاجه كبيره بفهم
ذيب:مدري شكلها حلو قلت يلا
وائل:ياليت ماشفتها
هزاع:يلا يارجال متحدين نقف متفرقين نسقط
وبدو يشيلون الثلاجه واخيرا حطوها بمكانها المحدد وبعد ساعات خلصو العيال وطاحو بتعب بالصاله وكل واحد مسك كنبه من التعب
أمجد:قسم ما احس بظهري
هزاع:علي الاقل ماشلت ثلاجه
هتان:يالله علي ذي الثلاجه من ثقلها
يوسف:لا تهايط بس وربي يخلونك تشيلها لحالك
وتجمعو العيال بمجلس الرجال الخارجي وانتهت هذيك اليله ضحك ولعب وسوالف
(نرجع للواقع عند ذيب وملاك)
ملاك:مين ماجاوبتني
ذيب:العيال
ملاك:ياحليلهم
ذيب:تعالي اوريك البيت
ملاك وهي تاشر:ابي اشوف مجلس الرجال
ذيب:لا لا خليها بعدين
سكت وهو يكلم نفسه:والله لو اموت ماتدخل بعد سهرت امس
ملاك:فيك شي
ذيب:لا تعالي
وبدو يشوفون البيت ويخططون وش بتكون الغرف الفاضيه وكانت ملاك حابه البيت من قلبها ومتحمسه لحياتها الجديد مع حبيبها الي حبته من كل قلبها امااا عن ذيب الي يعد الايام عشان يتجمع مع حبيبته وبنته وصديقته واخته وكل شي بحياته ببيت واحد تعتبر ثاني انثى يحبها من كل قلبه اول وحده امه وهي الثانيه والاخيره وكان يتاملها ويتامل حركاتها وحماسها وهي تشرح كيف بتكون شكل الغرف وتخطط
ذيب:يع وش الحلو
ملاك:خير
ذيب:حبيبتي انتي مستوعبه الي تقولينه
ملاك:اي
ذيب:ياروحي احد يحط مسبح بالبلكونه
ملاك:انا
ذيب:تستهبلين
ملاك:شف الاجانب يحطون مسبح بالبلكونه
ذيب:هذولا الاجانب بس حنا لا يختي في مسبح ورا البيت
ملاك:في احد يحط مسبح بالحديقه
ذيب:انا
ملاك:ماش شكلي بطلقك
ذيب:لا ياشيخه
وعلطول مسكها من خصرها قبل تهرب وملاك حاوطت رقبته وقربت تحضنه واسرع ذيب وشدها لحضنه وبعد ذيب وقرب منها وتلامسة أنوفهم وتلاحمت شفايفه بشفايفها المليانه والحمراء كانت فعلا خمر حلال وكانت نقطة ضعف ذيب الخمر الحلال بعد عنها لاجل تتنفس وقرب من نحرها وصار يطبع قبلاته ويعلم حقوقه عليها لاجل الكل يعرف انها ملكه ولوحده
__
بيت ابو ذيب
كانو البنات والحريم متجمعين ويخططون لملكة تميم كانو الحريم بالصاله والبنات بمجلس قريب من الصاله ويسولفون
وتين:اف وش تتوقعون تسوي الحين
سهام:نفسي ادق عليها
وهج:حبيبي لا تخلين بنفسك شي
اسرار:وجع انتي شدخلكم زوج وزوجته يرتبون بيتهم
سهام:والشيطان ثالثهم
وتين:لا ماتزوجوا ماصار عرس
وهج:خطيب وخطيبته
سهام:وتذكري ابليس شاطر
اسرار:والله انتم اخس من ابليس
ضحكو البنات
وهج:اسمعو شرايك نروح للبقاله
سهام:فعاليه
اسرار:مشي؟
وتين:اي
اسرار:يلا مشينا
قامو البنات ولبسو عباياتهم واستاذنو من الحريم وعلطول طلعو ولا شافو احد وبدو يشمون وعن الفه الي فيها الحديقه طاحت عيونهم علي الشباب الي جالسين ويسولفون
وهج:ياليل
سهام:شرايك نرجع
وتين:اف وش ذا الحظ لما جينا نطلع سبحان الله راحو للحديقه
سهام:بالعقل احد يطلع بهاذا البرد
سكتو البنات وهم مستغربين من سهام
استوعبت سهام انهم هم بعد طالعين:انا ماقصدي طالعين يعني نفسنا روحه وجيه هذولا جالسين
وتين:خلونا نرجع ونطلب
طاحت عيون اسرار علي محمد وكانت تبي تتاكد اذا هو فعلا يحبها ولا يضحك عليها
اسرار:مشينا بس
انصدمو البنات
وتين:حبيبي انتي فيك شي
سهام:احس حرارتها مرتفعه
وهج:لا تحسين تاكدي
وتين:تر حنا بنات ولحالنا تحسبين مراح يوقفون ضدنا
سهام:حبيبي هذي مو لندن نطلع وندخل متي مانبي
وهج:رجعنا بس مامعنا رجال يدافع عننا قدامهم
ابتسمت اسرار:ومين قال ما معنا
وتين:تر ملاك مو هنا عشان تخرفن ذيب ويدافع عننا
وهج:ياليت ملاك هنا اف
اسرار طلعت جوالها ودقت علي ابوها:الو يبه
انصدمو البنات
ابو حمد:هلا بغيتي شي
اسرار:الصراحه اي
ابو حمد:والله حاس
اسرار:اسمع تكفي ‏وتكفي تهز رجاجيل
ابو حمد:احتزمي
اسرار:الصراحه انا والبنات كنا بنروح للبقاله وجينا عند الفه وشفنا العيال وتعرفهم بيسوون نفسهم رجال ولا عندنا محزم
ابو حمد:ابك وانا ابوك احتزمي جايك
اسرار:كفو يابو اسرار
قفلو من بعض وابتسمت من شافت وجه البنات
وتين:انتي شسويتي
اسرار:شسويت
سهام:يع الشايب بيجي
وتين:اي شايب
سهام:جدكم
فزت اسرار:لا لا ذا كيف نسيته
وهج:ابلعي
وتين:يارب مايجي
انتظرو البنات وارتاحو لما شافو بس الي جاء ابو حمد ومعاه ابو ذيب
سهام :الحمدالله
ابو ذيب:وراه ماقلتو لي اوديكم بالسياره
وهج:رياضه
سهام:اي لازم تحركون رجولكم
ابو حمد:يلا مشينا وينهم العيال
وتين:هناك
ابو ذيب:ياحليله هزاع معاهم
ابو حمد:والله اني احبه احسه ولدي
اسرار:هزاع مين
وهج:خوي ذيب بعدها صار خوي العيال بعدها صار واحد من العائلة
ابو ذيب:يلا مشينا يا ام الرياضه
ضحكت وهج ومسكت يد ابو ذيب ومشو
وابو حمد حاطو كتوف سهام و وتين وحده يمينه والثانيه يساره
ابو ذيب لف وشاف اسرار لحالها:انتي ماتستحين ابك تعالي
وفتح يده وابتسم اسرار وقربت له
كانو يمشون والعيال جالسين وطاحت عيونهم وانصدمو من ابو حمد وابو ذيب الي كل واحد محاوط بنت
انصعق محمد وهو يشوف اسرار بحضن شخص غيره وعيونه شوي وتطلع من مكانها وحس بشعور الغيره
ابراهيم كان يكلم نفسه:قريب بجرب احضانها
هزاع كان يتامل وهج وفعلًا اخذت قلبه من اول مره كان ودي يسال من هاذي بس قرر انه يسكت ونزل راسه وهو يحاول يبعد فكرت الحب
ضحكو البنات علي اشكال العيال الي مصدومين واتجهو للبقاله ولا يدرون مين الي وراهم
عند العيال
ابراهيم:احس اني عطشان
محمد فهم علطول ابراهيم:بروح للبقاله منها بشتري دخان وبجيب ماء
ابراهيم:بجي معاك
محمد:هزاع تعال معنا
هزاع:لا بجلس اطقطق علي العيال
وعلطول راحو مسرعين للبقاله ودخلو شافو ابو ذيب وابو حمد قدامهم
قرب ابراهيم من ابو حمد وبيسلم عليه وهمس:تكفي بعد ابوي العيال يبون دخان وانت تعرف وش بيصير ومو حلوه قدام البنات
بعد ابو حمد:الا يابو ذيب تعال بسال عن البيوت الي هنا وعن اصحابها
ابو ذيب:مشينا اعلمك
وطلعو من البقاله كانت كبيره شوي وعلطول تفرقو وبدا ابراهيم يدور حبيبته وطاحت عينه عليها
قرب ابراهيم وهمس لها:يحلو
فزت سهام وارتاحت لما شافت ابراهيم:هيمو شتسوي هنا خوفتني
ابراهيم:شتسوين وش جابك هنا
سهام:جايه اتمشى الصراحه
ابراهيم:ليش ماقلتي لي انا اوديك
سهام:والله كنت باخذك بس البنات خافو وجابو ابوي وعمي
قرب ابراهيم منها وسند يده علي الرف الي ورا سهام:سهوم
سهام:هلا
ابراهيم:اسمعي
سهام:اسمعك
ابراهيم:خلينا نتقابل بالبلكونه الساعه ثلاث الفجر
سهام:بحاول
ابراهيم:قربي شوي
ابتسمت سهام:هيمو وش تبي
ابراهيم:عايش ولكني من الشوق ضميان
وقرب منها وبدا ينزل راسه وتلامست انوفهم وقطع مسيرته يد سهام
سهام:بعد ياقليل الادب
ابراهيم:ابفهم انتي تخربين ليش
سهام:انت مو خطيبي
ابراهيم:بس حبيبك
سهام:بس مو حلالك
ابراهيم:انتي بس اعطيني الاشاره الخضراء واجيك يسلم راسك
سهام:لما اتخرج حياك
انصدم ابراهيم وراحت سهام وهي تكمل تشتري اغراضها
ابراهيم:اتمنى انها تستهبل
عند محمد كان يراقب اسرار من بعيد ولمح وتين الي كانت زعلانه وعلطول راح عندها
محمد:وتيني
وتين:حمود شتسوي هنا
محمد:جاي اشتري دخان وانتي
وتين:مدري الصراحه
محمد:تعبانه
وتين:لا
محمد:ماجد؟
تجمعت الدموع بعيون وتين:لا
محمد:هو الي خطبك اخر مره صح؟ زميلك بالجامعه
وتين:اي
محمد:ليش ابوي رفض
وتين:يقول ما ارتحت كل مايخطبني احد يرفض
محمد:تبين نرجع للبيت
وتين تمسح دموعها وابتسمت:لا شبي فيك البنات موجودين
ابتسم محمد:تمام ياروحي اذا تبين شي دقي علي
وتين:تمام
كانت تسمع كل هاذا الكلام اسرار وحست بتانيب ضمير لان مالاحظة الحزن الي باين عليها
وعلطول خلصو البنات وطلعو من البقاله وكانت اسرار تتامل وتين بنظرات عتاب وفهمت وتين ان اسرار عرفت شصار وابتسمت لها وبادلتها الابتسامه واتفقو يتجمعون البنات ببيت ابو حمد واتجهو له علطول
__
بيت ذيب وملاك
كانت ملاك متوتره من ذيب الي متعمق بتقبل عنق معشوقته ويستنشق ‏رائحتها المميزه ومتخدر تمامًا منها قررت ملاك تبعد ذيب عنها وحطت يدها علي صدره وابعدته عنها وهي مبتسمه
ملاك:فيك شي
ذيب بتخدير:لا بس احبك
أبتسمت ملاك:وانا احبك بعد
ذيب:تعالي بوريك غرفه خاصه فينا بس
ملاك:وش الغرفه وبعدين
ذيب:أمشي بس
ذيب مسك يدها وشد عليها واتجه للغرفه الخاصه الي رتبها لها بنفسه ودخلو للغرفه الي فرحت فيها ملاك كانت هي الغرفه الي فيها مكتب للدراسه التفتت ملاك لذيب وهي تبتسم بهيام بادلها الابتسامه وقرر يوريها الغرفه بالتفصيل كان فيها مكتب دراسه ومكتبة كتب والزاويه فيها استاند رسم ولوح والوان ونباتات كانت ملاك مغرمه بالغرفه وزاد عشق ملاك لذيب لانه يعرف أبسط الاشياء عنها جلسو بالكنبه واخذ ذيب ملاك بحضنه وقررو يتابعون مسلسل قبل يبدون ترتيب الاغراض بالبيت
__
بمجلس ابو ذيب كانو كل العيال متجمعين ويلعبون بلوت كان هزاع يهوجس بوهج قطع تفكيره صراخ فواز علي تميم
فواز:حمار انت حمار ماتعرف تلعب
تميم:اقول تلايط بس انت الحمار
وائل:امانه وش الأوراق الي معاك تميم
سيف:والله ماش انتم الاثنين ماتعرفون تلعبون
فواز:انت بالذات سد حلقك
سيف:انقلع بس
وكملو هوشه كان ابراهيم مركز بهزاع الي يهوجس وارسل له عشان يطلعون طلع ابراهيم وراح وراه هزاع
ابراهيم وهو يولع دخانه:انت شفيك
هزاع وهو يطلع الدخان الي مالي صدره:لا ليش
ابراهيم:اقول تكلم مو علي طبيعتك أعرفك أنا
هزاع تردد بس قرر يتكلم:شف بقولك بس يويلك احد يعرف
ابراهيم:يارجال مراح اعلم احد تكلم
هزاع:شفت وحده اليوم الصراحه وحسيت بشعور غريب
استغرب ابراهيم:وحده؟ مين هي
هزاع:مدري بس شفتها مع عمي عايض وعمي فيصل
فز ابراهيم وخاف انه يقصد سهام:أوصف شكلها يمكن اعرفها
هزاع:طيب انت شفيك خايف
ابراهيم:اخاف تقصد حقتي
هزاع؛حقتك؟
ابراهيم:حبيبتي
هزاع:لا لا ما اتوقع هي
ابراهيم:أوصف طيب
تنهد هزاع:شوف كانت عبايتها سوداء متحجبه بس في شامه بخدها حلوه لابسه نظاره طبيه اتوقع وزادها حلاوه مدري مدري يا ابراهيم بس هاذي المواصفات الي أتذكرها
ارتاح ابراهيم لما عرف انها مو سهام وعرف من قال لابسه نظاره انها وهج
هزاع:تعرفها؟
ابراهيم:اي هاذي وهج اخت فواز
هزاع:اخت فواز
ابتسم ابراهيم:تبيها؟
هزاع:مدري ماودي اظلمها معاي وانا بهاذي الحاله
ابراهيم:ياخوي انت محتاج احد يكون معاك وسند لك غيرنا لازم يكون عندك شريكة حياة تحبها وتحبك ويشيب راسكم مع بعض
هزاع:ان شاء الله خير
__
بيت ابو وائل
كانت موضي معصبه من وائل وفارس انهم ساعدو ذيب ببيته وطبعا و زي عادتها تهاوشت معاهم وتركو لها البيت
كانت خديجه تتهاوش مع كريمه بغرفتها
كريمه:انتي وش تبين الحين
خديجه:خير أبفهم خير
كريمه:الخير بوجهك نعم
خديجه:انتي كانك خلاص بتصيرين صديقة بنات فيصل ولا بعد تصيرين صاحبة ملاك يع
كريمه:اي بيصير صاحبتهم شعندك
خديجه وهي تحاول تلعب عليها:كريمه تر ملاك هي سبب بعدك عن ذيب من اول ماجت وهي تلعب عليه اكيد مسويه لكم سحر عشان تفرقكم
كريمه:تحسبيني بزر زي قبل كم كلمه منك تلعبين بعقلي حبيبتي تر تغيرت أنا مو نفس قبل
خديجه وهي تقوم ومعصبه:وش معنى هم أبفهم في مليون بنت ليش بنات فيصل بالظبط
كريمه:وش معنى هم بالذات تكرهينهم
خديجه:بس كذا امهم دمرت حياة امي
كريمه:حبيبتي تر ماسوت ولا شي لامك كل الي صار تر بعقلك
خديجه:انتي ليش ضدي أنا قاعده أحميك منهم
ضحكت كريمه:اي اي صح انتي تحميني
خديجه:شقصدك
كريمه:انتي كنتي بتصيرين مجرمه هاذي الحمايه بنسبه لك
خديجه:هاذي جزاتي
كريمه:خديجه حبيبتي للحين انتي مو مستوعبه الي صار انتي خططتي لخطف كان بيضيع مستقبل الحين انتي المفروض بين الحدايد بالسجن بس احمدي ربك ان مارفعت شكوى عليك
خديجه:سويت كل شي عشانك وهاذي جزاتي ادري انك تحبين ذيب وقرر ياخذ بنت غيرك
كريمه:مو مجبور يحبني تر اكتشفت اني مرخصه نفسي وانا الف واحد يتمناني
خديجه:صدق انك غبيه
كريمه:أنا اعرف الصح من الغلط ولا تبين اصير غبيه لو سمحتي اطلعي برا غرفتي برتاح لحالي
طلعت خديجه وهي معصبه من اختها الي تغيرت فجاة وصارت تشبه ابوها تماما وراحت للمطبخ عند امها
خديجه:بنتك انجنت
موضي: حسبي عليها من بنت بتجنني
خديجه:انقلبت من فوق لتحت فجأه صارت تحبهم
موضي:اي ماعليها شرهه صارت نفس ابوها خبله
خديجه:يمه
موضي:يووه خلاص الله يرحمه
خديجه:حاولت ارجع عقلها نفس قبل بس خبله
موضي:لا تحاولين خلاص أنا تعبت منها
خديجه:كم باقي علي زواج السلقه ذي
موضي:والتبن فيها وش علينا منها
خديجه:بس اسال
موضي:مراح نروح لهم ولا لزواجهم لين يتعذرون مننا هذاك اليوم يوم يضربوني وانا كبيره وعمتهم
خديجه:اي تذكرت الله يكسر يدينهم
موضي:امين
خديجه:مراح ينقلعون للندن ونفتك
موضي:مدري بس من جو والمصايب قاعده تزيد
خديجه:اي والله عشان نفتك منهم محد مرتاح
موضي:الله ياخذهم
خديجه:امين تعالي كلمتي جدتي وجدي
موضي:لا من بعد كف ابوي لي وانا ما اكلمهم خير أنا بنته ويسوي فيني كذا
خديجه:اف والله قهرني هذاك اليوم طيب وجدي عبدالله
موضي:جدك طرف ابوك
خديجه:اي
موضي:دق قبل اسبوع
فزت خديجه:اي شصار
موضي:تهاوشت معاه
خديجه:ليش
موضي:يبيكم تجونه
خديجه:وين المشكله
موضي:يبيكم تسكنون عنده
خديجه:غريبه وش الطاري
موضي: مدري عنه
خديجه:تتوقعين بيجون عمامي
موضي:لا الله لايقوله يارب مايجون خلقه العله الي عندنا تكفي
خديجه:مدري بس عندي احساس بيجون
موضي:لا تحسين يرحم ابوك
خديجه:يختي اخاف من عمامي
موضي:والله حتا أنا مره متشددين ولا يسكنون بالديره
خديجه:يمه والله لو جو بهج
موضي:أنا الي بهج
كانت كريمه تسمع كلامهم من ورا الباب وبدون لا يحسون فيها ابتسمت بخبث وهي تنسحب وتطلع لغرفتها وعلطول دقت علي جدها عبدالله وعلطول رد عليها
عبدالله:ارحبي يابعد قلبي
ابتسمت كريمه:جدي ياروحي انت شخبارك
عبدالله:بخير دامك بخير
كريمه:جدي طلبتك
عبدالله:عطيتك
كريمه:اسمع مليت من العيشه هنا تكفي تعال خذني عندك
عبدالله:ابشري بكرا وانا عندك من الاول وانا كنت بآخذك انتي وأخوانك
كريمه:العيال ما يجلسونا هنا بس يجون وقت النوم طول وقتهم مع عيال خوالي وخديجه طبعها نفس امي مستحيل تتركها وتروح
عبدالله:كله من موضي السوسه
كريمه:عشان كذا أنا بهج منهم
عبدالله:ابشري والله بكرا أنا وعمامك عندك جهزي أغراضك
كريمه:ابشر
قفلو من بعض وكريمه كانت اسعد إنسانه
نعطيكم تعريف بسيط علي عائله كريم(الجد عبدالله وللأسف زوجته متوفيه ساكن مع بناته وعياله متزوجين وبيوتهم جنب بيت أبوهم طبعا عايشين بالديره والكل يحب عبدالله وكان عبدالله يكره موضي ويعرف بلاويها)
__
بيت ذيب وملاك
كأنو يتابعون مسلسل ومركزين وكان ذيب مأخذ ملاك بحضنه وشاد عليها وقطع تركيزه صوت ملاك وهي تقوم
ذيب:خير
ملاك:اقول بس امش نرتب المطبخ
ذيب:لاحقين يابنتي خلينا نكمل مسلسلنا
ملاك:أنا بروح تبي تجي حياك
راحت ملاك وعلطول اتجهت للمطبخ وبدت ترتب الصحون والأكواب وتحطها بمكان معين وكانت تفكر بالبنات وفعلا تمنتهم يكونون معها ورجعت تكمل ترتيب اماا عند ذيب كان يركب طاولة التلفزيون بعد ماخلص ترتيب قرر يروح لملاك وسند علي الباب وجلس يتأملهم وهي ترتيب وشكلها الفوضوي وشبه محتاره وقرب من عندها وحضنها من ورا وعلي اساس يساعدها
ملاك:ذيب بعد خليني اخلص
ذيب:شدعوه ترا تساعدك
ملاك:لا ياشيخ احلف
ذيب:والله وشوفي بعد
كانت ملاك تاخذ شي كوب او صحن ياخذه ذيب من يدها وكل ماله يقرب من عندها وكانت ملاك عارفه وش يبي وكانت تحمد ربها ان عبير تعمقت بهاذي المواضيع وجلست تدعي لها من قلب وفزت من قام ذيب يداهمها بالقبلات وزاد إحراجها وهي تحاول تبعده عنده
ملاك بإحراج:ذيب خلاص
ذيب قرب يبوس شامتها البارزه التي تسكن خدها:انتي تحبين التخريب
ملاك:لازم نخلص عشان برجع للبيت
ذيب:تو باقي وقت
ملاك:كم الساعه؟
ذيب يشوف ساعة يده: عشر
ملاك:حبيبي أنا المفروض ارجع قبل الساعه 12 بليل
ذيب:شعندها سندريلا
ملاك:أنا أطلق منها يارجال
ذيب:اتفق
ملاك:وش باقي الحين خلصنا تقريبا المطبخ
ذيب:احس ماباقي شي خلاص
طلعت ملاك من المطبخ وهي تدور بالبيت وتشوف وش باقي اغراض وطلعت جوالها وفتحت الملاحظات وتكتب الاشياء الناقصه وبعد مدة راحت لذيب
ملاك:حبيبي
ذيب:سمي
ملاك:برسل لك اغراض ابيك تجيبها الحين عشان نخلص ومايبقى إلا اغراض المطبخ
ذيب:تعالي معاي
ملاك:لا بجلس بكمل ترتيب عشان نخلص بسرعه
ذيب:تمام قفلي الباب علي نفسك
ابتسمت ملاك:تمام
قرب ذيب وأخذ قبله سريعه من مبسمها وطلعت ذيب يجيب الأغراض وكملت ملاك تنظيف وترتيب
__
بيت ابو حمد
كأنو البنات متجمعين وماسكين وتين تحقيق
سهام:وتين تكلمي
وهج:من متى نخبي علي بعض؟
اسرار:والله كنت حاسه ان وضعها مشكوك
وتين كانت متوتره:أبفهم وش تبون
سهام:حنا بنسأل وانتي جاوبي
وتين:تمام
اسرار؛متي انخطبتي
وتين:قبل كم يوم
وهج:شسمه الكامل
وتين:ماجد سالم آل عواد
انصدمو البنات
سهام:تستهبلين آل عواد يمه كيف كذا
وهج:الي اعرفه هذولا ماياخذون من العايله
اسرار:سمعت ان الأب سالم طرد واحد من عياله لانه تزوج من برّأ العائله
وهج:اي واعرف انهم مره أغنياء
سهام:بس اوفر متشددين
اسرار:وتين كيف عرفتيه؟
وتين:يختي معاي بالجامعه وفجاه جاني وقال ابي رقم ابوك بتقدم لك
وهج:اي كملي
وتين:وبس جاء خطب وابوي رفض
سهام بصدمه:ليش شدعوه
وتين:مدري كل ما زانت الجلسه رفض
اسرار:حياتك صعبه
وتين:اف خلاص ضايق صدري
وهج:خلاص طلعو لنا محتوى من تحت الأرض
سهام:اموت واعرف ملاك شتسوي الحين
وتين:اي صدق ودي اعرف وش تسوي
وهج:صدق ابي اشوف بيتها
اسرار وهي تطلع جوالها:افااا بنات ولا تزعلون نفسكم الآن ادق عليها
دقت اسرار علي ملاك وحطته سبيكر وعلطول ملاك ردت
ملاك:الو
سهام:ابك انتي ماعندك بيت
وهج وهي تثقل صوتها:اسمعي ياحرمه الآن ترجعين للبيت
ضحكت ملاك:بنات ياليتكم معاي
وتين:اعزميني واجيك
اسرار:لا تخافين تر أغراضك عندنا
ملاك:جد بنات لازم بعد ملكة تميم علطول نجي كلنا للبيت منه انتم تشوفونه ومنه تساعدوني
وهج:صدق كم باقي علي ملكة تميم
سهام:أتوقع الجمعه
اسرار:يمه اليوم ايش
ملاك:الاربعاء
وتين:لا عاد جهزتو شي
اسرار:ولا شي
وهج:امبيه تخيلي ملاك
ملاك:اتخيل
سهام:وتين انخطبت من آل عواد
ملاك:كيف يمه احلفو
وهج:وربي وأبوها رفض
ملاك:نعم ليش خير
وتين:شدراني
اسرار:قسم عمي قابل ماعنده سالفه
ملاك:الصراحه صدمه
وهج:متي ترجعين
تنهدت ملاك:مدري ارسلت ذيب يجيب اغراض واحس متكسره ادور فراشي
اسرار:لازم ترجعين مقدر أغطي عليك ابوي كل شوي يسألني عنك
وتين:أنا مشوين صرفت جدتي توهقت
سهام:يوو الله يعينك ياملاك علي عجوز قريح
ملاك:وجع سهام استحي
سهام:ليش كذبت
وهج:لا الصراحه ماكذبتي
ملاك:أنا بقفل شوي وانا عندكم وهج وتين ياويلكم تروحون
قفلو من بعض
وكملو البنات يسولفون
__
بيت ابو ذيب
كان تميم بالمطبخ يتناقش مع ليلى ويلحق وراها
تميم:يمه ليش مانروح بكرا
ليلى:تميم تر غثيتني
طلعت ليلى ومعها صينية شاي وقهوه واتجهت للمجلس:تميم انقلع من قدامي
تميم:يمه انتي ليش بتقطعين رزقي
ابو ذيب ضربه من رجله بالعصا:وجع يالحيوان تقول امك تقطع رزقك
كان تميم يمسح مكان الضربه بألم:يبه ياليت لو مره وحده توقف جنبي
ابو ذيب:وراه ناشب لامك شتبي هاا
تميم:خلنا نروح بكرا أملك علي ميلا
ليلى:يويلي بنجن من هاذي الولد
ابو ذيب :شعندك
تميم:بس كذا
ابو ذيب وهو ينزل فنجال القهوه:دام مافي شي مهم خلاص خلها الجمعه
تميم:يبه يرحم ابوك خلها بكرا
ليلى:تميم انت وراك بلا تكلم شعندك
ابو ذيب:صدق وضعك مو طبيعي
تميم تكلم بصوت خفيف:ياخي جدي قال بيخرب الزواج وجدتي بعد حلفت مايصير
تكلمت ليلى بصوت شبه عالي عشان يسمعون:حبيبي امك وابوك تر عايشين توهم ما ماتو عشان احد يتامر ويتشرط عليك بتاخذ الي تبيها
ام عايض:يالي ماتستحين وش قصدك
ليلى بصوت خفيف بس مسموع: اللي على راسه بطحه يحسس
ابو عايض:شفت ياعايض آخر اختياراتك زوجتك ماتحترم امك وأبوك
ام عايض:حسبي عليك يوم انك تفرقين بيننا وبين ولدنا وتقطعين رزق بنات العايله خليهم يأخذون من بعض هم أولى من الغريب
قامت ليلى وهي تمشي تكلمت:عيالي مو غصب يأخذون من بنات العايله كل واحد واختياره والله يرزقهم باللي احسن من عيالي وتميم حبيبي جهز ثوبك واذا وصخ وده للمغسله عشان يمديه يخلص
ابتسم تميم بفخر علي امه وأبو ذيب كان ماسك ضحكته
__
بيت ملاك و ذيب
كانت ملاك ترتب تعدل أماكن الأثاث وقطعها صوت ذيب الي دخل ومعاه اغراض
ملاك:تبي أساعدك
ذيب:لا ياروحي
واتجه للمطبخ ونزل الأغراض ولحقته ملاك
ملاك:جبت كل الأغراض؟
ابتسم ذيب:افااا عليك تشكين فيني
ابتسمت ملاك وقربت له و وقفت علي أطراف أصابعه وحاوطت رقبته وعلطول حاوط خصرها ورفعها عن الأرض وعلطول ملاك حاوطت خصر ذيب حس بشعور حلو لانه بدت تكسر خجلها منه وصارت تحضنه في اي وقت وحط رأسه عند عنقها ويستنشق عطرها المميز له وبعد ذيب منها وتلامست أنوفهم وتلاحمت شفايفه بشفايفها المليانه والحمراء فعلا كانت تخدر بطلنا و جد كانت خمر حلال وبعد عنها لما حس انها تبي تتنفس وشاف وجهها الأحمر وكانت تعض شفايفها بخجل ابتسم وقرب يبي يكمل وقفت يد ملاك علي شفايفه
ملاك بحرج:خلاص
ذيب:ليش
ملاك:نزلني لازم نخلص
ذيب وهو يقرب لها ويهمس:لا مو لازم
ملاك بحرج:ذيب خلاص نزلني
ابتسم ونزلها وعلطول اتجهت ملاك للأكياس وبدت تطلع الأغراض وتعطي ذيب يحطها بمكانها المحدد
ملاك:ياولدي تعبتني تر اقولك حطه بالدولاب الي فوق تروح تحطه تحت
ذيب:جزأت الخير سواد الوجه احمدي ربك
ملاك:علي ايش
ذيب:الاشياء المهمه اخليها تحت عشان توصلين لها بسرعه
ملاك:وش قصدك
ذيب:سلامتك
ملاك:باقي شي؟ ولا خلصنا
ذيب:بس باقي أغراضك وأغراضي
ملاك:اي ناويه اجيب أغراضي مع البنات منها يساعدوني ويشوفون البيت
انصعق ذيب:نعم لا لا أنا أساعدك مو لازم احد يجي وانا موجود
ملاك:حبيبي انت البنات لازم يجون
ذيب تكلم بنفسه:حسبي علي أبليس خربت كل خططي وأحلامي
ملاك:يمكن اجي بعد ملكة تميم عشان يمدي اخلص أغراضي
ذيب:ماخلصتي
ملاك:إلا بس باقي
ذيب:وش الباقي
ملاك:فساتين وملابس بيت كذا عرفت
ذيب:لا دام كذا بتخلصين بسرعه
ملاك بشك:انت فيك شي
ذيب:لا ليش
ملاك:دامك تسال والله في شي
ذيب:لا مافي شي
ملاك:والله في شي أنا حاسه
قرب ذيب منها وحاوط خصرها وحطت ملاك يدها علي صدره بخفه
ذيب:في شي الصراحه
ملاك:وش
ذيب:قدمت زواجنا
ملاك بصدمه:نعم
ذيب:بعد ملكة تميم بأسبوع
ملاك:اتمنى انك تمزح
ذيب:لا يابعد الدنياء ملكة تميم الجمعه هاذي حنا الجمعه الجايه
ملاك:خير ليش ماتسالني
ذيب:لان ادري بترفضين
ملاك بعدت عنه وكانت فعلا زعلانه:والله مالك داعي ليش
ذيب:عندي أسبابي
ملاك:لا ياشيخ
ذيب:وش فرقت لو قدمت الزواج
ملاك:شايفني جاهزه
ذيب:اي شفيك تهبلين
ملاك:طيب والقاعه والمصوره والضيافه والعشاء والي بتسوي لي ميكب وشعري وبرجع فستاني لانه مو عاجبني ولا شريت شنطة الفندق اف منك والله مالك داعي
ذيب:حبيبتي حجزت قاعه والمصوره والباقي امي بتسويه
ملاك اتجهت للصاله وكانت تلبس عبايتها:ابي ارجع البيت
تنهد ذيب:زعلتي
تجاهلته ملاك وطلعت من البيت واتجهت للسياره ولحقها ذيب وركبو السياره وبدو يمشون ويتجهون لبيوتهم
—
بيت ابو حمد
كانت البنات يسولفون ويخططون
وهج:اسمعو متي بيجون عبير وسلمي ونفلاء
سهام:اذكر قالو الخميس عشان ملكة تميم
وتين:صدق شريتو فساتين؟
اسرار:تبون نطلع للسوق بكرا
وهج:تم
وتين:أنا طلبت فستان ولا أتوقع بيجي
سهام:لا تتوقعين تأكدي
اسرار:عاد ماطلبتي إلا متاخر
وتين:وربي قهر
وهج:وريني شكله
طلعت جوالها وفتحت الموقع و ورتهم الفستان
اسرار:يموتتت خليه واكيد بيصير في عزيمه
سهام:صدق بتكثر العزايم هاذي الفتره
وهج:لونه يفتح النفس هذا صدق يصلح لعزيمه كبيره
وتين:خلونا من الفستان تر تاخر الوقت وين ملاك
سهام:يمه كيف نسيتها
اسرار وهي تطلع جوالها:وربي بتنجلد
وبدت تدق علي ملاك
اسرار:وجع الحيوانه أعطتني مشغول
وهج:غريبه اول مره
سهام:حبيبتي وين الغريب هي مع حبيبها كيف تبينها ترد عليك
ضحكت وتين وضربت سهام بكتفها بخفه:وصخه وربي
ضحكت سهام:والله صدق وش تبي فيكم
اسرار:بس صدق وينها
وهج:انتظرو شوي تر البيت كبير وبتطول اكيد
وتين:لازم نروح لبيتها
سهام:اتفق وبقوه