جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
مرت فتره طويله تقريبا خمس شهور ولا صارت احداث كثيره ابو محمد تزوج ولا كان احد راضي علي هذا الزواج وعن ملاك الي
كانت نتنظر ذيب بفارغ الصبر عشان تفاجئه في بطنها الكبير وكانت بالشهر الخامس وعن علاقة سهام و ابراهيم وتخرج إبراهيم من جامعته وقرر يخطب سهام ولاكن بالجانب الآخر علاقة اسرار ومحمد الي خربت كانت اسرار تحاول بقدر ماتقدر تكون علاقتهم مميزه بس للاسف محمد الي اهمل اسرار ولا يكلمها مثل قبل وصار بس عصبي وللأسف صار نسخه من ابوه وعن ميلا وتميم الي كان زواجهم بعد كم يوم وعن زواج هزاع و وهج الي بعد كم اسبوع عشان رغبت هزاع بحظور صديق عمره ذيب وكان زواجهم بالبيت وعائلي عشان رغبت وهج وكان هزاع مايبي يزعلها و وافق يخليه بشاليه بدال البيت واخيراً قررت هتان يتزوج واختار البنت الي أخذت عقله والي هي نفلاء وصارت خطيبته رسمي صح نسينا الديره واحداثها!! للحين الحرب بين كريمه وأصايل مستمره لأكن كريمه كانت تحس بشعور اعجاب نحو فهد وعنّ عائلة ابو ظافر نقلو لحائل واخذو بيت قريب من بيت ابو ذيب وصار الي كانت خايفه منه عبير وحملت وبهاذي الفتره تزوجت سلمى و وافي بالديره والكل فرح لهم خاصة سهام الي فرحت لسلمى بشكل كبير وعن وائل وفارس كأنو خارج المدينه عشان قرر فارس يدرس برا تحديد بامريكا وكان وائل مرافق معاه
______
كانت هذيك اليله في عزيمه ببيت ابو حمد
بالمطبخ وكل البنات متجمعين وكانت ملاك جالسه وتمسح علي بطنها
سلمى:زوجة ابوك بتجي
وتين وهي تاكل حلا بشراهه:بتجي بتجي
سهام:نفسي اشوفها
وتين:جعلها للكسر ابوي الي هو ابوي من زمان ماشفناه من تزوج حتا ما ارسل مصروف حمود ياقلبي هو الي يصرف علي البيت
وهج:حتا أنا بشوف ملكة الجمال هذا إلا صدق منو هي وتين
وتين:شدراني أنا
جت اسرار:بنات تر الضيوف شوي ويجون
نفلاء:هي انتي تر بتسمنين وقفي اكل توك مخلصه صحن بقلاوه كامل
وتين:تر حايمه كبدي والله لا اقلب عليك
تكلمت ملاك بهدوء:انتم ليه مزعجين خليكم هادين
سلمى:ذي من دخلت للشهر الخامس وهي متغيره ميه وثمانين درجه
عبير:شي طبيعي
ملاك:بنات عندنا جزر نفسي فيه
راحت وهج وفتحت الثلاجه وطلعت لها:عندنا خوذي
ملاك:لا ما ابيها كذا لو سمحتي قطعيها شرايح طويله
نفلاء:وتتشرط بعد
وهج:اقول وش فرقت كوليها بس
ملاك بهدوء وهي تهز إصبعها بالرفض:لا لا مو من جدك مراح اقدر آكلها كذا قطعيها لو سمحتي
وهج:ملاك لا تجننيني كوليها
مدت وهج الجزر لملاك لأكن خطفتها وتين من يدها وبدت تأكلها
قربت سلمى لسهام:أكلها صاير مو طبيعي
سهام:ياروحي هي
وهج:ملاك في جزر تبينها شرايح طويله قلتي لي
ملاك:ياليت
لفت ملاك علي عبير:عبير
عبير:هلا
ملاك:اي شهر انتي
عبير:الاول
ملاك:حسافه كنت ابي نولد بنفس اليوم
جلسو البنات يسولفون ويحاولون يغيرون نفسية وتين
بالصاله الي كانت فيها نساء العائليه وينتظرون الضيوف
ليلى:مدري وش قصة هذي العزيمه
ام فواز وهي ترتب الفناجيل:عشان قابل بيرجع
ام ظافر:لا تجيبين لي طاريه مو طايقته
ليلى:اي والله صدق وتين جت بس نوره وينها
ام فواز:مدري والله
ام عايض:يلا الضيوف وصلو
طلعو البنات وجلسو معاهم وجو الضيوف كلهم واخذتهم السوالف وبعد مده جت زوجة قابل الثانيه وكانت صدمه لوتين لأنها كانت صغيره البنت تقريبا بعمرها وجلست وكانت نظرات وتين لها كره كبير
قربت نفلاء لملاك:يويلي ويلاه ذي صغيره
ملاك:الرجال كبر وخرف
نفلاء:وتين شوي وتقوم عليها
ملاك:اسمعي أنا مقدر امسكها شوفي كرشتي ناطه قدام إذا قررت وتين تهجم انتم امسكوها
نفلاء:تم
عند سلمى وسهام
سلمى:هي سهام
سهام:وش تبين
سلمى:اسمعي ماتلاحظين شي غريب
سهام:اكثر من هاذي الغرابه الي قدامي لا
سلمى:وش تقصدين
سهام:ذي ورعه كبرنا وتزوجت شايب الله وأكبر علي خرابة البيوت
سلمى:وين ام محمد نوره
سهام:صح وينها
سلمى:يارب تجي يارب
سهام :ما اتوقع
قاطعهم دخول موضي وهي ترحب بزوجته قابل الثاني
موضي:يامرحبا والله تو مانور البيت يابعد قلبي والله انك ملكة جمال تبارك الله فعلا انك أميره اسم علي مسمى تبارك الله بسم علي عليك من عيون الحساد
خزتها وتين
سلمى:اسمها أميره
سهام:اي من طرف ذي السوسه اكيد حقيره نفسها
سلمى:ويع ويع
تكلمت موضي:اقول وتين سلمتي علي زوجة ابوك ترها خالتك
ابتسمت وتين بقرف
موضي:إلا وين امك ها خليها تشوف زوجة زوجها
كانت وتين بتتكلم لأكن قاطعها دخول نوره بكامل أناقتها وجمالها فستانها الماسك وعقد الولو الي يحظن رقبتها وشعرها الطويل كانت صدمه للجميع وجودها
عدلت وتين جلسها وتكلمت بثقه:هذي هي الزوجه الأولى فعلا الأولى تبقى الأولى والثاني تسليه
نوره:مساء الخير
ليلى:هلا هلا يابعد قلبي
قربت نوره وسلمت علي الكل وقربت من أميره ومدت يدها تسلم وصافحتها أميره وجلست نوره بصدر المجلس والكل منبهر فيها
سلمى:فعلا رافس النعمه
سهام:شفتي تارك الزين ورايح للشين
سلمى:والله فرق
سهام:شفتي
عند نفلاء وملاك
نفلاء:وتين تو وجهها نور
ملاك:ما ألومها
نفلاء:بس تبين الصدق
ملاك:اي
نفلاء:نوره طلعت حلوه بزياده
ملاك:اول مره اشوفها كاشخه كذا
نفلاء:تبارك الله
كانت موضي تحاول تقهر نوره بقدر ماتقدر بس نوره كانت هاديه وهذا الي جنن موضي
موضي:دامه كذا خلينا نتفق نوره
نوره:وعلي ايش نتفق
موضي:الأيام واليالي
أميره:اي نعم لازم نعرف الأيام الي لك والأيام الي لي
موضي:اخوي حبيبي يحب المساواة عشان كذا اتفقو بينكم
أميره:طبعا الأيام حقتي الأحد والثلاثاء والخميس والويكند عندي
وتين:وش بقى لنا اجل
موضي:حبيتي عروس لازم أيامها اكثر
أميره:بقى يوم الاثنين والأربعاء وزين فكر يجيكم بعد
موضي:انشهد انك طيبه زين تركني لها ايام
نوره:وليش التعب والعد حبيبتي فداك قابل كله أنا وحده شبعانه منه ٢٩ سنه معاه وخلاص طفشت منه ولا طابت النفس خوذيه سنين وانا معاه وأخدمه والحين جاء الوقت الي أفضى لنفسي فيه ولا أوصيك أيامه كلها لك ما ابيها ياروحي
سكتت أميره بصدمه من الأنثى القويه الي قدامها كانت عكس كلام قابل عنها علي اساس انها ضعيفه ولا تقدر ترد
وانتهت اليله والكل راح معدى البنات الي كانو ببيت ابو حمد
كانت ابو محمد ينتضر أميره وطلعت أميره ومعها موضي
موضي:يأهلا بأخوي
ابو محمد:موضي شخبارك
موضي:الحمدلله يازين ما اخترت
ابو محمد:ادري
موضي:إلا مادريت
ابو محمد:وش
موضي:السلقه نوره جت
ابو محمد:غريبه
موضي:الي ماتستحي لو تشوف لبسها
ابو محمد:شفيه
موضي:وسخ ومفتوح الظهر ياكبر فضيحتنا كافي قلة ادب بنات فيصل الي مايستحون وتجي هذي المخرفه تكمل الفضيحه
ابو محمد:مستحيل
موضي:ولا قليلة ادب تنافخ علي وعلي العروسه زين ان أميره كانت تبي الزين لها وتبي تصير صديقتها وتقسم الأيام بينهم بس ذي المجنونه بدت تنافخ عليها وتقول مابيه وطابت النفس منك والله ماتستحي
أنت تقرأ
أسرار العيون
General Fictionتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
