جهز عزيزي القاري جهز كوب من الشاي الاحمر او القهوه السوداء لتستمتع وانت تقرا هاذا السطور .
بيت ابو ذيب
كان ليلة الخميس الساعه ١٠ بليل
كانو متجمعين في مجلس ابو الذيب سوالف وضحك
كانو الشباب يراسلون بعض في قروب خاص فيهم
كتب فواز: ياعيال شرايك نطلع برا
رد سيف: صدق امشو نطلع جلست شياب تطفش
ابراهيم: يلا قدام
طلعو كل الشباب وكان قدام المجلس جلسه خارجيه
جلسو يسولفون
هتان: وش الجدول ياعيال بالويكند
وائل: شرايكم نحجز مخيم
فراز: قدام تم
جلسو يخططون
________________
عند بنات ابو حمد
ركبو كلهم السياره وبدو يمشون بالشوارع كانت سهام جالسه ورا
سهام: انتم قدام وانا ورا ليش والشنط يميني و يساري بموت
اسرار وهي تطقطق علي جوالها: انتي اصغر وحده تحملي
ملاك: صار لنا ساعه ندور ومدري وين اروح
اسرار: طيب افتحي قوقل ماب واكتبي العنوان
سهام: بنات جد خايفه مو مستعده
اسرار: كلنا مو مستعدين لحياتنا الجديده
ملاك: الله يستر من الي بيجي
قالو بصوت واحد امين
فتحو قوقل ماب وجلسو يدورون بعد مدة وصلو للعنوان
___________
عند العيال كانو جالسين برا واستغربوا من السياره الي دخلت عليهم وكانت مظللة
و وقفو كلهم
ذيب: مين الي جاء عازمين احد
قالو بصوت واحد لا
هتان شوفو وقفت
قربو العيال وصارو قدام بيت ابو ذيب
______________
وصلو البنات و وقفو قدام بيتهم
سهام: متاكده ان هاذا العنوان
ملاك: للاسف متاكده
اسرار وهي تناظر الدريشه: يمه هذولا ليش واقفين يخوفون
سهام: يمه ليش يناظرون كذا يخرع
ملاك : اسكتو خلاص الحين بننزل ولا راح نطق لهم خبر
نزلو البنات واولهم ملاك بعدها اسرار واخر وحده سهام
وراحو قدام بيتهم وهم معطين ظهرهم للعيال
كانت ملاك ب الوسط و يمينها سهام ويسارها اسرار
اسرار: متأكده ان هاذا البيت
سهام: اتوقع هو
ملاك: متاكده
______________
عند العيال اول مانزلو البنات
ذيب وهو جت عينه علي الملاك الي نزلت اولهم كانت عبايتها ورديه وكانت فاتنه
انصدم من جمالهم بعدها حس علي نفسه يوم جو البنات قدامه
قرب لهم وقال بصوت ثقيل: تدورون علي مين
خافو البنات من صوته ولفو وصارو سهام واسرار ورا ملاك
قالت ملاك وهي تمثل القوه بس بداخلها خوف كبير : هذا بيت فيصل؟
ذيب: اي نعم ليش
ملاك: ولا شي نسال بس
ذيب رجع ورا وقرر ينادي امه وابوه
مسك ابراهيم: اسمع رح خلي امي تجي
ركض ابراهيم عشان ينادي امه
ذيب دخل مجلس الرجال وقال بصوت عالي: يبه في بنات برا مدري وش يبون
استغرب ابو الذيب وطلعو كلهم ووقفو قدام البنات كان ابو ذيب وابو فواز وابو محمد وابو وائل
وعيالهم وراهم
ابراهيم دخل للبيت وقال بصوت عالي ورا الباب: يمههه
طلعت ليلي : هلا يمه صاير شي
ابراهيم : اي يمه البسي عبايتك وتعالي
ليلي: ليش
ابراهيم: مدري يمه في بنات برا وكلنا مستحين نكلمهم وش يبون
ليلي: تمام
وراحت تلبس عبايتها
عند البنات الي الخوف مالي قلبهم من الجماعه الي قدامهم
قال ابو ذيب بصوت ثقيل: انتم تدورون علي مين ووش جابكم هنا
قبل يتكلمون طلعت ليلى وهي تقول : بسم الله وش صاير ياعايض صوتك واصل داخل البيت
وناظرت البنات ومقدرت تتكلم من الصدمه
البنات وهم يحسون رجلينهم ماتشيلهم من شافو ليلى
ملاك قالت بصدمه بصوت قصير بس مسموع: ماما ليلى
صارو البنات يركضون عندها وحضنوها تحت صدمتها وصارت تحضنهم وهي تبكي
ليلى وهي تبكي: يمه بناتي بناتي وهي تحضنهم وتشدهم لحضنها
تحت صدمة العيال والرجال وهم مو فاهمين شي ولا عارفين من هذولا
ليلى وهي تصرخ وتبكي: يمه عايض بناتي بنات ساره رجعو
انصعقو كلهم واولهم ابو الذيب
ابو الذيب قال وهو يناظر العيال: انقلعو داخل محرم عليكم النظر
دخلو العيال للمجلس وكلهم منصدمين من رجعتهم فجاة
الذيب: كيف رجعو فجاة ووين عمي فيصل
فواز: والله منصدم ياعيال
يوسف: والله مو اكثر مني
هتان: وش رجعهم هذا الوقت
أمجد: مدري بس وضعهم غريب
عند البنات
وقفو وهم يسلمون علي ابو الذيب وصار يحضنهم
وقال: الحمدالله لك يارب انك رجعت بناتي بعد هاذي السنين
وسلمو علي باقي عمامهم ودخلو بيت ابو ذيب
صارت ترحب فيهم ليلى
ودخلو المجلس الي فيه الحريم
ليلى وهي تطالع نوره: نوره شوفي وهي تاشر علي البنات شوفي بنات ساره رجعو
فزت نوره وهي تبكي قربت تحضنهم بحرقة : يمه بنات ساره اخيرا الحمدالله يارب
فايزه قربت وهي تحضنهم: بنات فيصل ياحبايبي انتم
طلعو البنات وتين و وهج وهم مستغربين من البنات الي دخلو
وتين : يمه مين هذولا
نوره: تعالي شوفي بنات ساره رجعو
وتين و وهج وهم مصدومات قربو يسلمون عليهم
اخذتهم ليلى للصاله وخلتهم يجلسون
البنات كانو خايفين ومنصدمين
ليلى: يمه ابوك وينه
اسرار ردة وهي مرتبكه: ماجاء جوازه منتهي وقال بيلحقنا
جلست ليلى تسولف معاهم وهي مو مصدقه انهم قدامها
______
عند الرجال
كانو بالمجلس والكل فرحان برجعتهم
ابو محمد:اللهم لك الحمد انهم رجعو بعد هاذي السنين
ابو فواز: والله مو مصدق رجعتهم ماكنت ادري انهم هم بسم الله عليهم
ابو ذيب: الحمدالله بس لحظة وين فيصل
استوعبو كلهم ان فيصل مو موجوده
ابو ذيب قال بصوت عالي : ذيب
ذيب: سم يبه
ابو ذيب: رح داخل واسال امك وين فيصل خلها تسال البنات
ذيب قام : ابشر
صار ذيب وهو متجه للبيت وللحين مو مستوعب رجعتهم والحلوه الي شافها مو مصدق انها بنت عمه كانت جميله ونقدر نقول انها اخذت قلبه
الذيب وهو يضرب راسه: لا وين حلوه الا شينه
دخل البيت وهو ينادي امه
فزو البنات وهم يسمعون صوته العالي
ليلى وهي تطمنهم : هذا ذيب ولدي لا تخافون
ليلى راحت عند ذيب وهي تضرب كتفه: خير ليش تصرخ خوفت البنات
ذيب: صوتي مو عالي هم دلوعات
ليلى: خير وش تبي
ذيب: ابوي يسال يقول فيصل ليش ما جاء
ليلى: جوازه طلع منتهي بيلحقهم اول مايخلص جوازه
ذيب : تمام
طلع وهو متجه للمجلس: يبه
ابو ذيب: سم
ذيب وهو يجلس: امي تقول ان جوازه منتهي وبيلحقهم اول ما يخلص
ابو ذيب: ان شاء الله
جلسو يسولفون
وخلصت سهرتهم وطلع كل واحد لبيته
______
عند البنات
بعد ما سلمو علي الحريم وماباقي الا هم وليلى
ليلى: يمه وين اغراضكم
اسرار: ماعليك ماما ليلى اغراضنا معنا بس بننام ب بيتنا
ليلى : بس البيت فاضي
انصدمو البنات وهم متوهقات
ليلى: اليوم لازم تنامون عندي ماشبعت منكم اغراضكم وينها
سهام : موجوده بس بننزل الشنط داخل بيتنا ونجيب شنطه لنا كلنا
ملاك: اجلسو وانا بروح اجيب الاغراض المهمه والباقي بخليه بالسياره لين بكرا
لبسة ملاك عبايتها وطلعت للشارع و اول ماطلعت شاف واحد يدخن وهي ماتعرفه
تجاهلته وجت بتمشي وقفها صوت: وين طالعه بهاذا اليل
ملاك: بطلع اجيب اغراضي عندك اعتراض
ذيب: استعجلي
ملاك : وش عليك فيني
وتجاهلته وهي تاخذ اغراضها واغراض اخواتها
ذيب صار يناظر السياره وكمية الاغراض: شدعوه وش ذي الاغراض كلهم
سكتت ملاك الي ودها تصفقه
واخذ اغراضها واتجهت للبيت وهي متنرفز منه
دخلت وشافت عمها وخالتها جالسين مع اخواتها وكانو يشربون شاي ويسولفون
قربت ملاك وهي ترمي عبايتها: شدعوه تسولفون وانا مو موجوده اعتبر هذا غدر فيني
ضحكو
ابو ذيب: يلا قولو كيف حياتكم هناك
سهام: والله حياته تهبل فاتك كل عمرك
ضحك ابو الذيب: لازم نروح هناك بالاجازه
صارو يسولفون ويضحكون
عند العيال كانو جالسين بالحوش وهم يشربون شاهي
هتان : الله يالدنياء المفروض حنا داخل
امجد: شفتو اخر عمرنا ننطرد من البيت وعشان مين
تميم: انا الي قاهرني وين بننام اليله امي طردتنا قالت دبور نفسكم
ابراهيم: كيف بننام ابي فراشي الحياة صعبه
هتان: المصيبه مو هنا
تكلمو العيال كلهم اجل وين
هتان: المصيبه اذا طولو كم يبون بيجلسون
تميم: معاهم يومين بعدها يدبرون نفسهم
امجد: والله ابوك وامك يطردوننا عشانهم
كان ذيب بعالم ثاني كان يدخن ويفكر بالحلوه الي اخذت قلبه
________________
في هذاك البيت الي كله حقد وكره
ام وائل وهي تصرخ: هذولا وش جابهم
وكانت تسب فيهم
كريمه : يمه وش جابهم ليش ماجلسو بالندن
كريمه خافت خاف ذيب يطير من يدها بسببهم
خديجة: تبن عليهم وش رجعهم هذولا ياليتهم ماتو قبل يرجعون
دخل ابو وائل: وجع توجعك انتي وياها خافو ربكم وش سوو لكم
أم وائل: انت لا تتدخل
ابو وائل وهو مصعب: قسم بالله اذا صار فيهم شي والله مايصير لكم خير
طلع من الصاله
ام وائل: وش جابهم وش جابهم
__________________
عند البنات
جلسو يسولفون وبعد فتره اخذتهم ليلى لغرفتهم وطلعت وتركتهم يرتاحون
سهام : ولا توقعت بيصير كل هذا
اسرار: منصدمه لهدرجه كانو يتمنون رجعتنا
ملاك: جد مصدومه ولا توقعت يصير كذا الصراحه
جلسو يسولفون فتره ونامو
بنص اليل قامت سهام وحاولت ترجع تنام بس ماقدرت
قررت تاخذ لها كتاب وتنزل للحوش تقرأ ونزلت وعلي حظها مالقت احد جلست وبدت تقرا كتابها
كان إبراهيم يتمشي بالحوش وطاحت عينه علي البنت الي جالسه كانت جميله وتاكد انها من بنات فيصل كان منبهر فيها وجلس يتاملها لين قامت سهام ودخلت البيت
ابراهيم: وجع مو وقتها ماراحت الا لما جلست اتاملها
دخلت سهام بسرعه وهي خايفه لاحظه ابراهيم وقررت تدخل بهدوء عشان مايحس فيها
سهام: وجعه توجع عيونك يالخسيس
قررت تروح تنام بعد ماجلست تفكر ب ابراهيم ونامت
__________________
في بيت ابو محمد
كان محمد بغرفة وتين
وتين: حمود وش تبي صارت لك ساعه تطالعني تكلم
محمد: شوفي بتكلم بس يويلك تعلمين احد
وتين: مراح اعلم احد يلا تكلم
محمد: شوفي بسالك عن وحده
وتين: وحده؟ مين
محمد:وحده من بنات فيصل
وتين: اي وحده وليش تسال
محمد: هذيك الي عبايتها بيج واسال كذا
وتين: عبايتها بيج اييي قصدك اسرار
محمد: اسمها اسرار طيب وباقي مين
وتين: الي عبايتها كحليه سهام و الورديه ملاك
محمد قرب وباس راس اخته: مشكور مشكور
هو كان يبي يعرف اسرار بس خاف اخته تشك فيه وقرر يسالها عن كل البنات
محمد قرر يرسل بقروب العيال
محمد: ياعيال
ردو العيال هلا
محمد: خلاص عرفت بنات فيصل
فز ذيب وهو يقرا اخر رساله يبي يعرف اسم الي اخذت قلبه
فواز: يلا تكلم
محمد: وش تعطوني
أبراهيم : كف بعينك تكلم
جلسو العيال يسبون ب محمد
محمد: خلاص خلاص اعوذبالله بتكلم
ذيب كان يبي يرد بس خاف يشكون فيه قرر يسكت
محمد : ركزو معاي
وائل: بتتكلم ولا بنروح ننام اعجل
محمد سجل فويس: شوفو الي لابسه عباية بيج اسمها اسرار و الي عبايتها كحلية سهام وسكت
ذيب بنفسه الله ياخذك يامحمد كمل تبن عليك
فارس: طيب والي لابسه وردي
محمد: نسيت اسمها لحظه احاول اتذكر
فز ذيب وهو يرفع يده يدعي وترك الجوال قال بنفسه : يارب يتذكر يارب ادري ان محمد حمار وغبي و بس ينسى بس يارب يتذكر مستقبلي واقف عنده وفز اول ماسمع رساله
محمد تكلم بفويس: اي ياعيال تذكرت اسمها ملاك
ذيب بنفسه وهي فعلا ملاك استوعب الي يسويه وترك الجوال وهو معصب : انا ليش افكر فيها يع شينه كريمه احلى منها سكت شوي وقال لا والله القمر ذي ماتتقارن مع الشينه هذيك لا لا كلهم شينات
نام ذيب وهو يفكر فيها
______________
الصباح بيت ابو ذيب
قالت ليلى ام ذيب وهي تجهز الفطور للبنات كانت ناسيه عيالها كانت بالمطبخ
دخل عليها تميم وباس راسها: صباح الخير يالغاليه
ليلى: هلا صباح النوره
تميم: يمه متي تخلصين فطور
ليلى استوعبت انها ماسوت شي لهم شي قالت وهي مرتبكه: شوي شوي يخلص
قررت تسوي لهم اي شي
خلصت فطور العيال وحطته قدامهم وراحت ركض للمطبخ تكمل فطور البنات
العيال وهم متجمعين علي فطور امهم كان قليل عليهم
ابراهيم: لا لا كذا كثير
أمجد: انا بموت جوع كافي امس نايمين بمجلس ابوي
هتان: الله يالدنياء كان انواع الاكل عندنا
ذيب: شوفو خلونا ناكل هاذا ونروح للبوفيه الي بالحاره
أمجد: بس ابوي مهددنا نروح لها
ابراهيم: مراح يدري يارجال
افطرو بعدها راحو للبوفيه قابلو هناك عيال عمه محمد وسيف ويوسف
محمد: غريبه وش جابكم هنا
هتان وهي يطبطب علي كتفه وقال بحزن: الدنياء وانا اخوك انطردنا وتشردنا عشان بنات فيصل
قال محمد بتاثير :الله يعينك وانا اخوك تحمل تحمل
ابراهيم: والله ذي مو حاله الي متي بنكون كذا
سيف: علي حسب متي بيجي عمي فيصل
تميم وهو يرفع يده يدعي: يارب يرجع بسرعه هاذي مو عيشه
قالو العيال بصوت واحد امين افطور بعدها كل واحد راح دوامه
_____________________
عند البنات
جت ليلى لغرفتهم تقومهم عشان يفطرون
ليلى: يلا يمه قومو
سهام: تكفين شوي بس
اسرار: اي بس خمس دقايق
ليلى: يلا يلا قومو بس وغسول و انزلو افطرو
قامو سهام واسرا بس ملاك كملت نوم
نزلو تحت وشافو خالتهم ليلى وعمهم عايض قربو اهم وباسو راسهم
ليلى: يلا يمه افطرو
سهام وهي تاكل وحست من زمان ما اكلت كذا : يمه الصراحه اكلك رهيب من زمان ما اكلت كذا
اسرار: جد يمه سنوات ما اكلت اكل لذيذ كذا
ليلى وهي تضحك: عافيه عافيه
ابو ذيب: تعالو وين ملاك
سهام: اكيد نايمه
ليلى وهي تقوم وراحت لغرفة البنات قربت من ملاك
ليلى: يمه قومي وش النوم ذا
ملاك وهي تدخل داخل البطانية: يمه تعبانه تعبانه ابي انام
ليلى قرب لها وهي تحط يدها علي راسها: يويلي حرارتك مرتفعه
ملاك: مدري بس برد برد
ليلى راحت وجابه مقياس الحرارة وشافت حرارتها كانت مرتفعه
ليلى: حرارتك مرتفعه قومي خوذي شور بارد بسرعه وانا بجيب علاج لك
راحت ليلى وكانت تدور علاج بس مالقت قررت تدق علي ذيب دامه اقرب مقر دوام للبيت
ذيب وهو بمكتبه جاء اتصال امه: لبيه يايمه
ليلى: اسمع يمه ابيك تروح للصيدلية تجيب علاج حرارة
ذيب وهو مستغرب: علاج لمين احد صاير له شي
ليلى: اي ملاك تعبانه شوي
ذيب وهو حس الخوف مالي قلبه : تمام بروح اجيبه
طلع الذيب للصيدليه وهو يفكر فيها بعدها استوعب وقال لنفسه: بالطقاق وش دخلني فيها
راح للبيت اعطى علاجه ل امه ورجع لدوامه وكان يفكر فيها
عند ليلى
اعطت ملاك العلاج
ليلى: شوفي حبيبتي نامي شوي وارتاحي اذا حسيتي نفسك تعبانه ناديني
رجعت ملاك ونامت بتعب
راحت ليلى للصاله
ابو ذيب: اخبارها ياليلى الحين
سهام: اتوقع مرضة عشان تغير الجو عليها هي ماعندها مناعة
ليلى: اعطيتها علاج وخليتها ترتاح شوي بشوف حرارتها
______________________
بالمستشفى
أمجد الي خلص عمليات الي عنده جلس يتمشي
شاف محمد وراح عنده
أمجد: شعندك هنا
محمد: تعبت ياخوي وش خلاني اصير دكتور اطفال
ضحك امجد:شصار
محمد: جاني كف من ورع للحين دايخ
امجد: ورع ضربك الله يالدنيا
محمد: شفت انا اخر عمري انضرب
جلسو يتمشون وقرب واحد من الدكاتره عندهم
مالك: ياعيال بيجون عندنا بنات متدربات
امجد: لا عاد متي
مالك: يقولون اسبوع كذا
محمد: الله يستر
___________________
بالجامعه
تميم طلع من المحاضرة حقته
كان يمشي و وقفوه بنات كانو معجبين فيه : دكتور تميم
تميم: نعم
وحده من البنات وهي تقرب منه وهي تتدلع: دكتور الصراحه في شي مو فاهمته
تميم: بعدين اشرحه
ومشي واعطاهم ظهره
مشي شوي ونادته بنت لف فيها وصارخ
تميم: خيرر
وقف وهو يشوف بنت جميله واول مره يشوفها
ردت ميلا وهي معصبه: دكتور خير تصرخ كاني اصغر عيالك
تميم رد وهو معصب: خير نعم اعرفك
ميلا: دكتور خير ان شاء الله طردتني مرتين و مابديت المحاضره ليش
تميم: انا كذا ما احب احد يدخل المحاضره وانا موجوده
ميلا وهم معصبه: بس مافي قانون يمنع انك تحرمني من المحاضره وانت مابديت شرح
رد تميم وابتسم باستفزاز: اي نعم مافي قانون هاذا قانوني
تنرفزت ميلا من اسلوبه وراحت واعطته ظهرها وهي تسب فيه
ضحك تميم وهو يسمع سبها له
تميم قال بنفسه: وش ذي المجنونه عصب وقال بس لسانها طويل
__________________________
بيت ابو ذيب العصر كذا
كنت ليلى عند ملاك الي حرارتها قاعده ترتفع
راحت ليلى عن ابو ذيب: ياعايض البنت حرارتها قاعده تزيد
ابو ذيب: بوديها للمستشفى
قالت اسرار: انا اؤديها عمي اعرف اسوق
ابو ذيب: وش يعرفك وين مكان المستشفى
سهام: ماعليك انا اوجههم بفتح قوقل ماب
راحو البنات اخذو ملاك واسرار اخذت مفتاح السياره
ليلى: بروح معاكم اخاف يصير شي
سهام: ماعليك حنا معاها واذا صار شي ادق عليك علطول
راحو للمستشفى سهام واسرار وملاك
عند محمد الي جت عينه علي الي اخذت قبلة بس استغرب وجودهم
محمد قرب عند اسرار علي كانت با الاستقبال وملاك وسهام جالسين
قال: بنت فيصل
لفت اسرار بسرعه وكانت خايفه من الطويل الي قدامها : اي نعم انت مين
رد محمد: انا محمد قابل ولد عمك
ردت اسرار بتوتر: تشرفت فيك
لفت تبي تكمل اجراءات دخولهم قال محمد: وش جايبكم
اسرار وهي مكمله تكتب: اختي تعبانه
محمد: خلصي الاوراق وتعالو وراي
خلصت اسرار و روحو مع محمد الي دخلهم علطول خلصو من المستشفى قبل يطلعون
محمد: خلصتو
ردت اسرار: اي ومشكور
رحت اسرار للسياره ورجعو البنات للبيت
_________________
بيت ابو وائل
كانت كريمة تفكر بالذيب وخايفه يطير من يدها
خديجة: تدرين ان بنات فيصل نايمين ببيت عايض
انصدمت كريمه وهي علطول فكرت بذيب
كريمه: بفهم هذولا كذا فجاة دخلو حياتنا ليش ليش ماكملو حياتهم هناك بعيد عننا
خديجة: مدري بس اذا طولو هناك ودعي حبيب القلب
كريمه: لا الله لا يقوله مراح يطير ان شاء الله
خديجة: نشوف
__________________
في هذا الوقت بالمكتب ذيب
كان معاه هزاع
هزاع: ياولد وينك صار لي ساعه اسولف مخي مو معاي
ذيب: معاك معاك
هزاع: ياخوي صاير شي محتاج فزعه
ذيب ضحك: لا ماعليك مافيني شي
كان ذيب يفكر ب الملاك الي ماخذه عقله وكان خايف عليها
ذيب يغني بصوت قصير بس مسموع:
وأنا في درب الهلاك
ظهرت لي ياملاك
غيرت مجرى حياتي
شفت السعادة معاك
واليوم يمكن يمكن تقولي
يا نفس إنك سعيدة
قال هزاع: مين الملاك
استوعب ذيب ان من جت ملاك وهو كل تفكيره فيها
ذيب ضرب راسه وقال بنفسه: لا لا مابي احب ابي اكون كذا عزابي طول عمري كذا كيف بحبها ولا بتزوجها انا انسان عصبي محد يعاشرني اذا اخواني كل شوي اهاوشهم واصفق فيهم كيف اذا تزوجت ولا حبيت يارب شيل اعجابها من قلبي مابي تتورط معاي
________________
بيت ابو فواز
كانت وهج و وتين يسولفون مع بعض
وهج: يمه وتين للحين مو مصدقه رجعتهم
وتين: جد الصراحه كنت احسب بيعيشون هناك
وهج: بس تصدقين ماتوقعتهم كذا مره حلوات تبارك الله
وتين : اي صدق ما شاء الله صح امس جاني محمد تخيلي يسالني علي مين
وهج: مين
وتين: بنات فيصل سالني عن اشكالهم واسماهم
وهج: غريبه وش جاب طاريهم له
وتين: مدري بس جلس يسولف لي ويسالني عنهم
وهج: من امس وانا اشوف العيال طايره عيونهم عليهم
وتين: مالومهم الصراحه اذا حنا طارت عيوننا عليهم
وهج: صح وين كريمة و خديجة من زمان ماشفتهم
وتين: ويععع وش جاب طاريهم
وهج: مدري توني اتذكرهم
وتين: قفلي موضوعهم ويع صدق
انتهيت من كتابه هاذا السطور اتمنى ان تعجبكم
هل هاذا السطور ملهمة لبعضكم؟
اشكرك عزيزي القاري لآنك وصلت الي هنا.
أنت تقرأ
أسرار العيون
Ficción Generalتمت كتابة هاذا السطور بيد الكاتبه الغاليه **لا أسامح النقل ولإقتباس** حساب الانستا _limiteut لاجل معرفة متي نزول البارتات القادمه
