فصل فتاة الكنيسه//

《البارت♡الاول》

((احمم احمم مرحبا متابعينه الكرام نقدم لكم الان قصه جميله فريده من نوعها تجمع كل من العشق والحرمان والحب من طرف واحد والعقائد والتضحيه والانصياع للقدر واطاعه القلوب رغم الاذى واخيرا السعاده الابديه ))

////نبدي بأسم الله////

___________

لما المتنبي كان واقعي قال:

"ما كل ما يتمناه المرء يدركه تاتي الرياح بما لا تشتهي السفن"

.جاء بعده شخص متفائل وقال:

."تاتي الرياح بما تشتهي سفينتنا فنحن الرياح ونحن البحر والسفن"

.وجائهم شخص فاقد الشغف وقال:

."قل للرياح تاتي كيفما شاءت فما عادت سفننا تشتهي شيئا"

___________

//المشهد الاول//

قفلت النقال وبقيت صافنه عل كتاب الى ان دخل الاستاذ فراس القاعه سلم علينه وعيونه على بعض بقيت اتامل بي طول المحاضره شلون يشرح ومجتهد بتدريسه وهوه يبادلني نفس النضرات

ماهمني احد ينتبه علينه او يشك بينه وهوه كدامي انسه العالم كله احس بس اني ويا موجودين بالقاعه..خلصت المحاضره ومر الوقت بسرعه عن غير العاده وطلع الاستاذ وخلص الدوام

رجعنه اني ويا للبيت وصار من يومهه يوديني ويرجعني ويا وكل يوم اكتشف شي حلو بي حسيت افكارنه تشابه ومتفاهمين وهل شي زاد من اعجابي بي حتى صرت احبه واشتاقله اذا ابتعد عني ساعه وحده صرت اتعود عليه وعلى اتصالاته ورسايله

ومرات المحه يمر من يم القاعه بس حتى اشوفه ويشوفني واستمر حبنه بالبيت اتصالات وبالجامعه فقط بالنضرات الى ان مرت شهرين على علاقتنه ..وبيوم راجعين للبيت كالعاده صادفت بابا بالبيت وكلهم وجوهم ماتتفسر دخلت للبيت وسلمت عليهم ...

_____________

//المشهد الثاني//

التفتت بصدمه وعمامي وابوي مصدومين وياي رد عليه ابوي قبل لا احجي وكال..

_شنوو ؟؟ تنهي عليهه وراسي يشم الهوى لك مؤمل انت تسمع نفسك شكاعد تحجي من يمته احنه عدنه هل شغلات مال عشاير ونهوه لابن العمام وغيرهه راح اعتبر نفسي ماسمعت كلامك

_عمي انه احب بنتك من زمان وردت اطلب ايدهه منك من قبل بس سافرت وكتلك انهي عليهه حتى لا ترجع تسافر للانبار واضيع فرصتي وياهه