فصل فتاة الكنيسه//

《البارت♡العشرون 》

•
•
________

مهما صعبت عليك الحياة..

تذكر دائما؟؟

ان الله لا يكلف نفسا الا وسعها،،!!

________

نوران_

صفن شويه بوجهي وجر حسره وكال..

_تدرين لو ما هل حادث جان بعد كم شهر تفقديني صدك ..

_اسم الله لا تكول هيج حبيبي الحمدلله ربي نجاك من هل مرض ومن الحادث همين

_الحمدلله ربي ماحرمني منج ولا حرمج مني

_جراح

_امري

_اوعدني ماتضغط على نفسك بالشغل بعد والقضايا لا تحمل عقلك اكثر من طاقته هل مره نجيت منهه بس المره الثانيه لا سمح الله اخاف تطيح بيهه ترى الضغط النفسي والعصبي مو هين

_لا بعد ماضغط على نفسي يولون الدوام والقضايا والمحامات والناس والمجرمين لخاطر شوفه عيونج ماخوفج علي بعد واهمل نفسي وعد اريد احافض على صحتي وحياتي حتى اساندج بهاي الدنيا وابقيج بقربي لحد ما الله يجيب اجلي

_من عمري على عمرك ويومي قبل يومك حبيبي

_احبج والله ولج

_ههه اموت موت موت موت بيك والله..

ضحك وكرص خدودي خفيف وحضني ودفن وجهي برقبته لحضات وكال ...

_نوراني

_ممم

_تكدرين تصلين

_اي صدك بيش ساعه هسه

_ب ٨

_يااا فات وكتهه

_لا بعد كومي صلي اذا نضيفه حبيبي

_اي يله كايمه ..

خليت ونزلت من الجربايه ورحت للحمام توضيت وطلعت لاني نضيفه امس سبحت قبل لا انام اجيت فرشت المصلايه الموجوده ولبست الجبه والحجاب ووكفت اصلي وعلى جانبي جراح

متمدد ومخلي ايده جوه راسه ويباوعلي ..بالبدايه استحيت بس من بديت اصلي ركزت بالصلاة ونسيته لحدما كملت اخذت السبحه بقيت اسبح التسبيحه العلمني عليهه

تسبيحه فاطمه الزهراء عليها السلام كملت والتفتت عليه شفته بعده صافن بيه ومبتسم بحب استحيت وكمت لفيت المصلايه رجعتهه واجيت عل جربايه وكال ...

_تقبل الله زوجتي المؤمنه

_تقبل الله اعمالك جراحي

_تدرين الاسلام لايكلج رغم ماشايفج قبل الاسلام بس احس الحجاب ومحرم الصلاة زادج جمال ونقاء وعفه

_ههه فعلا هيج تريد تشوف شلون جنت قبل الاسلام

_اي والله عندي فضول شلون جنتي