فصل فتاة الكنيسه//

《البارت♡الخامس عشر》

((هلوو بناات رجعتلكم بارت جديد .. لا تنسوا التصويت والتفاعل الحلو حبيباتي ))

__________

في اللغه العربيه لا نقول "انني حزين"

نقول :

قل للعيون اذا تساقط دمعها ،

الله اكبر

من همي واحزاني ، قل للفؤاد اذا

تعاظم كربه ،

رب الفؤاد بلطفه يرعاني !!!

__________

نوران _

كمل نقالي شحن اخذته خليت بي الشريحه وشغلته سويتله حساب غوغل ونزلت بي برامج وواتساب فتحته واجلي لرسايل وحده تركع بالثانيه من عمي وعمتي وسند والبنات واهلي سألين عني صايره هوسه ماعرف شسالفه بس عيني تجاهلتهم كلهم وتركزت عيوني على

السلب روحي جراح لكيته دازلي بصمات ومتصل علي فز كلبي وكيفت بس سرعان ما اختفت ابتسامتي وفرحتي .. لمن فتحت اول بصمه كوه واجالي صوت عمي يطمن بيهه علي فتحت الثانيه والثالثه وكلهه عمي يحجي بيهن

لهل درجه كارهني ومايريد حتى يتفضل علي بصوته ويسال عني .. عرفت ان راد على اتصالي بالمدرسه ويجوز سامع صوتي من صرخت بس شلفايده وهو حتى ماكلف نفسه ودزلي رساله بصفته هو ويطمن علي ..

شمرت النقال وبقيت ابجي ليش يسوي بيه هيج يارب متت والله ماحس عندي روح بعد خليني انساه يارب خليني انسااااه... دخلت علي ريتا وخالتي مخترعات من بجيي اجت حضنتني

وانه ابجي وهي تسالني شصار وشبيه ضنت ان توه استوعبت الصار وياي وبجيت من الخوف صارت تكلي ماكو شي ولزموهم الشرطه والجيش ومحد يوصلي بعد .. هزيت راسي ب لا وانه اناشغ اشرت للنقال وحجيت ودموعي بعيني...

_ريتا ردي عليهم كليلهم اني بخير الا جراح لا تردين عليه

باوعتلي وباوعت للنقال هزت راسهه ب اي مستغربه عبالهه محاجيني مرار سنيني عبالهه خاف علي واتصل هوه عبالهه راح يجيلي ويشوف شبيه .. انهضمت حيل منه

وكمت دخلت للحمام هو مخبأي بوقت دموعي .. وكفت وره الباب وبقيت ابجي للحضه رجلي واديه وكلشي بيه شدني اله ويريدني اخابره واسمع صوته وماعرف شلون سيطرت على نفسي وماتصلت عليه قبل شوي ..

بقيت فتره لحدما هدات او بالاحرى خلصت عيوني غسلت وجهي وطلعت وريتا وخالتي بعدهن يباوعلي رحت تمددت بالفراش وغطيت راسي ودموعي رجعت ينزلن بصمت سمعتهن طلعن وطفن الضوه بقيت اباوع للنقال من بعيد وادير وجهي عنه

واشد قبضه ايدي حتى لا اخذه واتصل عليه دخلت بحرب بين كلبي وعقلي وبين انحاء جسمي الشتاقتله .. بقت عيني تشرد للنقال وجفوني يمنعنهه لحدما هدات الحرب واستسلمت للنوم فتره طويله وكعدت بثقل حسيت نايمه دهر شفتهه الدنيا مضلمه