فصل فتاة الكنيسه//

《البارت♡العاشر》

((مرحبا بنات /اتمنى لكم قراءة ممتعه / ولا تنسو التصويت والتفاعل الحلو /وشكرا))

____________

يقولون فاتك القطار ولكن؟؟

في الحقيقه ربما لا يفوت القطار احدا،،

فربما اكتشف ان التذكره مزيفه،،

او لان العربات كانت ،،

مزدحمه ومكتظه ،، وهو لا يحب الزحام،،

القطار لا يفوت احدا ابدا ولكنه،،

يدهس الكثيرون،، حين يتدافعون للحاق به ؟؟!!!

____________

جراح_

بعد يلي صار مستحيل اخلي نوران ولا يوم واحد بهذا المكان خفت عليهه يصير بيهه شي او شخص منهم يكون شايفهه ويجي يدور عليهه الف شغله اجت بالي وبقيت اطحن روحي جكاير ماتحملت واتصلت على سند وكتله راح نرجع انه ونوران هو كيف وفرح هم ..

بقيت كاعد بسياره اطحن جكاير وانه اتذكرهه شلون جانت خايفه امس وشلون حضنتني وبقت متعلكه بيه فجاتا صارت كبالي طلعت من البيت خايفه نزلت ورحت باتجاهه طمنتهه خطيه بعدهه خايفه وعبالهه رحت لمكان وعفتهه ..

حجيتلي عن الشافته والفاجاني انهه حافضه رقم سياره من سياراتهم وهل شي كلش ساعدنه ولو لا هل رقم ماجان طحنه بيهم .. كتبته ودزيته للمحقق وكال هاذهو كلشي راح ينحل مدام الرقم بيدنه ..

سديته منه وانتبهت عليهه سالتهه عن حالهه كالت احسن وكتلهه نرجع للبيت ههه عبالهه اجذب عليهه نفس اخر مره اصلا غلطت لمن بقيتهه هنا رغم صرنه بامان بس حبيت اكمل ترويضي الهه او بالاحرى اعيش كم يوم مستفرد بيهه لان اعرف لو رجعنه ماراح التقي بيهه هواي غير الصبح او بليل وتكون نايمه ..

تعودت عليهه تناكرني لو تتعصب لو تصد بعيوني ببرود تالي تمر من يمي وتسطرني ببرودهه احس امتلكت كلبي رغم هي ماشفت منهه كلمه طيبه بس حبيتهه ماعرف شلون وليش صرت مارتاح الا اشوفهه كبالي وهل مكان التكول عنه خرابه صار عالمنه اليجمعنه سوه بدون ما احد يزعجنه او يدخل بينه وبدون مانتضر الليل يجي حتى اشوفهه..

دخلنه نلم ملابسنه ولو هي ملابسهه ملمومه من مساع بس رحت انه الم ملابسي واوراقي الجايبهن كملنه وقفلت البيت وركبنه السياره وتحركنه وانه انتبهت عليهه مره تصفن بيه مره بالفراغ اعرفهه بعدهه السالفه تاكل بكلبهه التفتت علي وحجيت ب نيه انسيهه الصار واخليهه تفك صفنتهه...

_اووو انه شلون نسيت هل سالفه المفروض اغطي عيونج حتى ماتعرفين الطريق وتشردين مني لمن نرجع هنا