فصل فتاة الكنيسه//

《البارت♡الثلاثون》

(( وهاذ البارت الثاني واكيد مو الاخير راح اكتبلكم بارت ثاني هديه الكم //

اتمنى لكم قراءه ممتعه//

لا تنسوا التصويت والتفاعل الحلو حبيباتي حتى تصعد القصه ويشوفهه غيركم ))

_________

ايا معشر العشاق بالله خبروا **

اذا حل العشق بالفتى كيف يصنع **

يداري هواه ثم يكتم مره **

ويخشع في كل الامور ويخضع **

وكيف يداري والهوى قاتل الفتى **

وفي كل يوم قلبه يتقطع **

اذا لم يجد صبرا لكتمان سره **

فليس له شي سوى الموت ..ينفع **

_________

جراح_

بعدما تريكت الصبح وطلعت للمكتب كضيت كل يومي اشتغل عل قضايا صار عندي وقت فراغ واخذت ملف قضيه اخو نوران ودرسته وصلت للادله شفت فيديو اله وهو يقتل موسى

اخذت عنوان المكان واخذت جنطتي ونقالي وطلعت ركبت سيارتي وطرت بيهه لمسرح الجريمه .. دخلت لنفس البنياه الموجوده قدمت هويتي وطلبت يطلعولي تسجيل الجريمه كامل

عاد طلعولي هواي تسجيلات حددو التاريخ بالضبط وطلعولياه ..والصدمني ان مو نفس الفيديو القدموه بالضبط هذا شوي يختلف وكأن القدموه بالمحكمه

والشفته بالفايل مالت القضيه مكصوص او ملعوب بي .. شفت الفيديو كامل اخذت نسخه منه وطلعت من البنايه توجهت للمكتب وقبل لا اوصل اتصل علي سند رديت عليه ..

_الو ها سند

_ها خويه جراح تكدر تجي للبيت

_ليش شصاير

_خويه نوران تخربطت ماعرف شصارلهه فجاتا

_شنو شبيهه شصارلهه احجي سند وينهه هسه وديتوهه للمستشفى

_لا ماوديناهه لان فقط مغمى عليهه وكأن داخله صدمه تعال بسرعه حتى اذا تازمت حالتهه نوديهه للطوارئ

_اي يله جاي انه جايكم..

سديت الاتصال وشخطت السياره مسافه الطريق وصلت للبيت دخلت لكيتهم كلهم ملتمين عليهه ومخلينهه عل قنفه اجيت عليهه بقيت انده باسمهه ماكو ماتكعد فقط تون وتحرك راسهه ببطئ فتره قصيره