فصل فتاة الكنيسه//

《البارت♡السابع عشر》

((هلو بنات مساء الخير منا ورايح راح ادللكم

وانشر كل يوم بارتين لان ماضل شي وتنتهي قصتنه ..

نشرت بارت وبعد ساعه او اقل الساعه انشرلكم الثاني تمام..

//اتمنى لكم قراءة ممتعه //

ولا تنسوا التصويت والتفاعل الحلو حبيباتي ))

___________

"حجابج والعبايه يحبهن الله هواي ..مبخوت الخذج جن قاري آيه..

متوهم هواي الضانه تقييد ..مامتقيده وتلبسين عن غايه..

وجهج حجابج ليله كمر ويه النور ..سلام الله عليج وعل عبايه "

___________

نوران_

رحت لغرفتي ذبيت روحي عل جربايه وغطيت راسي وبقيت ابجي واضحك مادري شصار بيه حسيت نفسي تخبلت معقوله هذا جراح معقوله

هو اجه من البصره لهنا بس حتى يحجي وياي ويرجعني معقوله الكلام الحجاه صحيح وان مانساني وبعده يحبني ويريدني..

زين وليش الا هسه شنو الاختلف هاي الشهور كلهه وين جان ماذكرني واجه يحاول يحل سوء الفهم ويرجعني اذا هيج يحبني وين جان ..

لا مستحيل ماكدر ارجعله هيج ماكدر اخضعله وانسه الصار بسهوله وارجع مذلوله بحبي اله مثلما طلعت مذلوله بكرهه هذيج الليله...

اندك باب الشقه وضنيته هو مافتحت الباب شويه واجالي صوت ريتا كمت بسرعه فتحت الباب ودخلت والخوف والقلق بعيونهه وسالتني..

_شبيج حبي صاير شي سوالج شي

_لا ماسوه بس حجه وياي وانه طلعت صوتي والعالم التمت علينه

_ليش شنو الصار كعدي سولفيلي تره صارلي ساعه مشتوله بره خايفه عليج

_ليش مارحتي للمحل

_شلون اروح واعوفج هنا وحدج وياه خفت يسويلج شي ومحد يمج

_لا مايكدر يسوي شي لا تخافين

_زين هسه كومي غسلي وجهج وارتاحي حتى تحجيلي شصار لا اموت هنا هسه من الفضول

_ههه تمام

كمت دخلت للحمام غسلت وجهي واخذت نفسي اهدي بروحي شويه وطلعت للمطبخ لكيتهه كاعده تاكل كليجه وعصير كعدت يمهه وشاركتهه بالاكل وحجيتلهه الصار من الاول للتالي

وهي تباوعلي حسيتهه مامتفاجئه من كتلهه عرف بيه مامخطوبه بس كلت عادي مو صعب عليه وكلهه المنطقه تدري بينه ماداخللنه رجال ويعرفوني مامخطوبه يكدر يسالهم .. المهم شويه واجت خالتي من المحل سوينه عشه وكلمن راحت لغرفتهه ..