فصل فتاة الكنيسه//

《البارت♡الرابع》

((مرحبا بنوتات رجعتلكم ببارت جديد واتمنى تتفاعلوا بالقصه مو بس تقرون خلي القصه تشتهر ويشوفهه غيركم بلا امر عليكم طبعا

وشكرا على تصويت البعض وتسلم ايدكم //قراءه ممتعه// ولا تنسوا تنطوني رايكم بالبارتات الكاعد انشرهه ))

__________

الغرق ليس السقوط في الماء،،

فلا احد يصف السمكه بالغارقه،،

لكنها تغرق في الهواء،،

فالغرق هو السقوط في مكان ليس لك،!!!

___________

جراح_

عشت عمري من طفولتي ولحد مادخلت جامعه بهدوء جنت مكتفي بنفسي ولا سويت سوالف طايح حضهه مثل الارافكهم ومن صغري ماخاف واطلع وامشي ويه اي شخص ارتاحله

رافكت اشكال الولد منهم اولاد الحرام واولاد الحلال والزين والشين وشراب العرك والمكبسل والمجرم بس جان ابوي دائما يحذرني وخلاني اصير فطن وادعبل سوالفهم على ايدي

بعمره محد تجرا لعب وياي لعبه قذره وكدر يلعب براسي رغم شكد جانو يقنعون بيه اشرب واكبسل  واقتل بس جنت اخاف ربي وابوي صارم وياي بالعبادات وهل شي ساعدني حيل بفتره مراهقتي وخلاني ابتعد عن المحرومات مو بس لان ابوي محذرني منهه لا وانما لان اخاف ربي ومارضه بالخطا..

واولاد الحرام ماختلطت بيهم لسواد عيونهم بس ردت يصير عندي خبره بالحياة واعرف دروب الناس والمجرمين لان من صغري وانه احلم اصير محقق او ملازم حتى احقق ويه المجرمين جان شغفي وحلمي يدفعني ان اخوض بسوالف الحرام

من شرب ومخدرات وبيوت دعاره بس جان الي حدودي وهي ان بس اشاهد واتعلم حتى تصير عندي صوره عن هل عالم القذر البده ينتشر بالبلد واعرف المجرم من البريئ من عيونه وتحركاته .. وهواي خالطت نسوان بشغلي وببيوت الدعاره والملاهي وغيرهه واعرف الكح** من الشريفه ..

وجان حيل تعجبني المره القويه والشجاعه والخلوقه ماهمني جمال لان هواي شفت جمال وعرفت ان جمال الشكل رخيص وينشره بفلس وتعلمت المره القويه محد يكدر ياخذ منهه شي لو ما هيه انطته وفسحتله المجال حتى يتحرش بيهه ويصاحبهه للبعض طبعا..

جنت ادخل بيوت دعاره بس ماسوي شي واغلبيه الوياي مايصدكوني لمن ادخل بيت دعاره واكلهم ماسويت شي عبالهم اجذب عليهم وان نفسي دنيه مثلهم رغم كل وصاخه هل عالم الدخلتله بس ماسمحت لنفسي اتوصخ بي مايوم مديت ايدي على كح** ولا يوم خليت عيني على بنيه لو ماجانت حلالي وفقط مره او مرتين بحياتي