فصل فتاة الكنيسه//

《البارت♡الثامن وعشرون》

((هلو حبيباتي رجعتلكم ببارت جديد مابقى شي للروايه وتخلص // اتمنى لكم قراءه ممتعه // ولا تنسوا التصويت والتفاعل الحلو مثلكم حياتي))

_________

عندما كنا صغارا ، لم نرى الروح العليله **

ما عرفنا الغل يوما ، لم نجد قط سبيلا **

وكبرنا ، وحملنا الهم احمالا ثقيله **

ليتنا ، في قلب طفلا كي **

نرى الدنيا جميله **

_________

نوران_

كوه رجلي شايلتني لزم ايدي حيل ودخلنه للبيت وراد يوكف كلبي لمن شفت الكبالي .. باوعتله شخص غريب منو هذا وليش داخل للبيت بغيابنه

ومنين جاب المفتاح حاولت اتذكر هل شخص شفته لمن خطفوني لو لا ومن خلال صفنتي جراح عاف ايدي وراحله سلم عليه وتحاضنو لزمت كلبي متاذيه وانه ماعرف شسالفه التفت علي وكال..

_حمامتي هذا ابن خالي صاحب البيت

_ها صاحب البيت يعني مو واحد من هذوليج..

صفنو بوجهي واجه علي جراح لزم ايدي عصرهه يطمني وكال وهو يهمس ..

_شبيج حبيبتي لا تخافين انه هنا وهذا ابن خالي صاحب البيت هوه كلي اريد اجي اخذلي ملابس وانه كتله يجي باي وقت والضاهر داك الباب هواي ومالاكي احد هل فتح الباب ودخل

_اي غير تكلي راح كلبي جراح ماتدري شكد خفت

_يله حبيبي ماصار شي وانه اسف ماتنعاد مره ثانيه وعد هسه ارتاحي لا تسوين هيج عيب من الرجال هسه يكول شبيهم ذول شبح شافو كبالي

_كافي اليوم جبت سيره الاشباح هواي لا يجينه صدك

_هوه اطلع بالحلقه الاخيره شبح ومقشمرج

_هههه

_اي هيج يله خلي نسلم عل زلمه خطيه بقه فاهي

_ههه اي يله

لمن حجه هيج صدك ضحكت وارتاحيت شويه دائما يحاول ينكت ويحشش بسبيل ان يضحكني وفعلا ينجح بهل شي .. رحنه يم الزلمه سلمنه عليه

ورحت انه لغرفه الجهال الانام بيهه دخلت وسديت الباب وبقو همه بره نزعت عبايتي والحجاب حطيته حط على شعري للاحتياط وتمددت عل جربايه احس صدري

تخرخش من وره هل فزعه هاي .. بقيت صافنه بالفراغ فتره وسمعتهم راحو وانسد الباب كلت اكيد راح وياه جراح ..باوعت للاكل ماشتهيت اكل بدونه خليت وغمضت عيوني ردت اغفى ودخل جراح فزيت من مكاني وكال..

_اسم الله حمامتي شبيج ولج

_جراااح شبيك هيج تدخل للغرفه عبالك شبح