فصل فتاة الكنيسه//

《البارت♡الثالث عشر》

((مرحباا بناات رجعتلكم من جديد .

وعظم الله اجركم باستشهاد سبط الرسول وحبيب البتول الحسين ابن علي عليه افضل الصلاة والسلام ..

مثلما كتلكم من قبل راح ابدي من اليوم انشر كل يوميه بارت جديد تمام ..

لا تنسوا التصويت والتفاعل الحلو حبيباتي))

__________

وتبقى الذكريات ، قصصا صامته،،

تركت في قلوبنا اثارا لا تزول،،!!

__________

جراح_

تخبلت لمن شفتهه هيج اندفاعيه ورغم كلامهه بس شي بداخلي يكلي انهه مو هيج وان كلامهه جذب ماطلعتله هيه ماسمحت بهل شي هيه بس دفاعهه عنه لهل درجه فكرت ان مو بعيده

مدامه شخص تحبه وانحرمت منه مو بعيده تطلع كباله وتخلي يشوفهه ولا حتى بعيده وترتمي باحضانه لو جانت مو متزوجه .. ماعرف شصار بيه تشوش بالي وللحضه شفت

نضرات الخوف والحب اتجاه فراس بعينهه دمعتهه النزلت وهي تترجاني ماروحله واسويله شي جانت كفيله تخليني استسلم واخلي عقلي براسي

واتركهه تروحله لان التمسك بيهه واجبارهه عل عيشه وياي وانه اعرف شنو بكلبهه اتجاه فراس راح يخليني اندم كل عمري وماراح ارتاح وانه اشوف غيري مالي كلبهه وعينهه بعدتها عني وحجيت بيأس مطبق بعصبيه..

_روحي اله روحي للتحبينه هو هم بعده يحبج ومتخبل عليج روحي التجاي لحضنه كليله اذاني جرحني وانت دوه كلبي كليله طبع الحزام على جسمي لانه مريض وماعذرت

كليله اخذني لمكان مهجور حتى يحميني وماقدرت كليله حبني وكرهته كليله احترمني واحتقرته كليله صارلي اهل وهجرته روحي نوران انتي طالگ..

شمرت عليهه يمين الطلاگ واحس طلگت روحي مو هي عفتهه وطلعت شايطه روحي فتحت الباب لكيت اهلي كلهه بالباب جانو يدكون بي لاكاني سند يريد يوكفني ودفعته عني وطلعت والشر بين عيوني وناوي اطلع حركه كلبي بفراس ..

طلعت من البيت وركبت بالسياره اجه سند ركب وياي وكتله بعصبيه...

_سند انزل من السياره

_مانزل خويه وياك للموت وين ماتروح رجلي على رجلك

_سنددد كتلللك انزززل ماااريد اووورطك ويااي

_ورطنيي انه ارييد اتورط بس فهمني بالبدايه شصاير ووين رايح حتى اعرف شسوي

_استغفر الله ربي صبرك سند انزل لا اطلع ضيم كلبي بيك

_ميخالف طلعه بيه بس لا تخليني انزل اخذني وياك

_افففف خلاص اسكت ماريد تسالني اي سؤال كل الطريق