((راح انشرلكم مشهد مستقبلي للي طلب بارت ثالث ماكدر انشر بارت ثالث لان هاي قفله والاحداث الجايه بعدين تعرفوهه خلي عدكم صبر
ولا تنسو التصويت حبيباتي
والعندهه تيك توك او انستا لا تقصر وخلي تنشر مقتطفات من القصه فضلا وليس امرا حتى تصعد والكل يشوفهه))
.
.
.
مشهد.......
نوران_
دخلت راسي من عن الجامه وكعدت عل كرسي عدل التفتتله واجت عيونه ببعض وضحكنه سوه شوي وماحس الا اهتزت السياره ونشمرنه كل واحد بصفحه والسياره كلبت كلبتين او اكثر بينه ..
استقرت السياره على وجهه وانه غوشت عيوني وراسي خدر كوه افتح عيني وبالي يمه وينه شصار بي هو زين كل هل تساؤلات براسي بس ما لكيت الهن جواب فتحت عيوني بغواش واشوفه نايم عل ستيرن ووجهه مليان دم ...
بعدهه غمضت ماحسيت على نفسي الا بعد فتره حسيت بشخص يفتح عيوني بيده ويضوي بيهن ..بقيت شويه ياله كدرت افتح عيوني بس وحده منهن احس مغوشه ومادري شلون صارت نضرتي للدنيا
اجه بالي وصحت بصوت خافت ومتجحرش باسمه بس محد اجه فتره ودخلت ممرضه شافتني كاعده وتفاجات وراحت تركض بره شويه ورجعت هيه ووياهه دكتور جبير بالعمر
باوعلي وخله سماعه على كلبي وصدري وكال اخذ نفس عميق سويت مثل ماكلي وانه اباوعله بقلق ابتعد وبقى يكتب مدري ايش بالسجل واردفت بصوت مخنوك خانكتني العبره عليه..
_وينه هو وينه شلونه
_شلون تحسين نفسج هسه اكو دوخه تسمعين زين
_مابيه شي بس كلولي حبيبي وينه
_عينيني بابا خليني اكمل الفحص وكلشي تردي يجيلج
_ماشي
_بس كليلي تسمعيني بشكل واضح لو لا
_اي
_عيونج تشوفين بيهه
_اي بس اليمنى مغوشه حيل
_تمام زين بيهه ضعف من قبل
_اي بيهه ضعف ثكيل وسويت عمليه ليزر قبل سنتين او اكثر وهسه رجعت ضعفت ماكاعد اشوف بيهه
_تمام زين راح اطرق على اطرافج ولمن ماتحسين بالطرقه كوليلي
بلعت ريجي بصعوبه وهزيت راسي ب اي وبقه يطرق بمطرقه خفيف على مفاصل اديه ورجلي وكلهه اذتني وكتله اني حسيت بيهه ابتعد وكال كلشي تمام تحمدلي بالسلامه وطلع وبقت الممرضه قبل لا تطلع لزمت ايدهه وكتلهه..
_بس كليلي زوجي وين وشصار ويانه
_قصدج الشخص الجان وياج بالسياره
_اي وينه
_ماعرف بالضبط قبل ٣ ايام جابوكم للطوارئ واخذناكم كلمن بصفحه وماعرف عنه شي هسه بس اعتقد حولوه للجراحه العامه ماعرف بعد......
.
.
((شرايكم بالمشهد اعرف ان بي لغز وشوي غامض بس هذا الاكدر انطي الكم ماريد احرك عليكم احداث القصه //مع السلامه دمتم بخير ))
أنت تقرأ
فصل فتاة الكنيسه//
عاطفيةنوران _ فتاة مسيحيه الديانه منعزله شجاعه قويه تخوض اول تجربه في الحب جميله وبائسه بين ابواب القاعات الجامعيه ولكن في شعب كانت تسود فيه الطائفيه كانت ديانتها احد اسباب فراقهم وانقلاب حياتها بعد ذلك لتصبح فصليه لشخص مسلم الديانه // وتجري احداث حياته...
