فصل فتاة الكنيسه//

《البارت♡السابع》

•
•
__________

يقول احدهم::

احببت شخص لا يبادلني نفس الشعور !!؛؛

واحبني شخص لا ابادله نفس الشعور !!؛؛

لا اعلم ايهما أسوأ؟؟

ان اكون مكسوراً ؟؟!! او ان اكسر روحاً؟؟!!

__________

نوران_

انطاني البلامه ورحت للغرفه مالتي تغدينه والاكل كلش طيب بحيث شبعت وماهان علي اترك شوي بالبلم كلنه الحمدلله وشربنه اللبن وصارت عدنه شوارب وكمنه نضحك وحده عل ثانيه الي يكول جهال وجان رانيا تلزم الموزه وتكول ..

_اكلج هاي النسوان شلون يدخلن هاي كلهه بحلكهن ههههه

انه صفنت وميس تمددت ضحك وهيه تكول..

_خيه كح*اب متمرسات هههههههه

بقن يضحكن وانه نيتي طفرت بس لزمتهه وكلت مو هيج قصدهه يمكن بس الضاهر طلعت غلطانه داسن عل ترابي احس اذاني صار بيهه تلوث ههه ..

كملنه واخذنه الصواني ولمينه السفره وديناهن للمطبخ وغسلنه ونوب خلصن النسوان وكامن يغسلن واحنه لمينه الاكل الزاد بجدر والسوب كذلك بجدر واخذنه البلامه للمطبخ ولمينه السفره

وكنست ميس الصاله وبخرتهه ورانيا راحت تسوي جاي للنسوان والزلم وانه اخذ الصواني من سند وجراح وافرغ الاكل الزين بالجدر والتالف اخلي بجدر ثاني لدجاج مرت عم جراح رادته للدجاج .. كملنه وصفينه الاكل بالثلاجه والماعين الوصخه خليتهن بصينيه جبيره بالكاع

وصبينه جاي للزلم والنسوان والضيافه والحلويات ودينه الهم همين ونصهه الناس طشت ونص بقت وكعدنه انه ورانيا نغسل الماعين وميس واكفه تسوي جاي سوت ٣ مرات ياله كعدت يمنه بالمطبخ وصاحت..

_يموووي ضهري تفلش ودوني لرجلي اشتاقيتله

_هههه شيسويلج رجلج يدلك ضهرج

_اي يمرخني يتحرش بيه يريحني جا مكابله جهرتجن المن نوب شفت الزلم واشتاقيتله بالزايد تمنيته موجود وكل شوي يدخل للمطبخ يطلب مني شغله ويطلب وياهه بوسه يمه فديت رجلي

رانيا كشت وجهه ماتحب سوالف الحب و غمتهه وكمنه نضحك عليهه وهيه تتخيل رجلهه هنا تالي سالتهه..

_اكلج جا انتي رجلج وين ليش ماجه

_خيه احنه بذي قار عايشين ورجلي بالحشد يشتغل يروح ١٥ وينزل ٢٠ يوم وانه اجي هنا اسبوع لمن يكون بالبيت ويه جهاله

_جا بالعكس المفروض من يروح لدوامه تجين ومن يجي ترحين يمه

_مو هوه لازم يمي اسبوع ويم اهله اسبوع فانه كلت اروح لاهلي بهل اسبوع ليش ابقه هناك واتحسر عليه