فصل فتاة الكنيسه//

《البارت♡الواحد وثلاثون♡والاخير》💍❤️

((مرحبا بنات وهذا اخر بارت من القصه ولهنا وينتهي مشوارنه ويه البطلين نوران وجراح من بعد تعرقلات صعبه واجهتهم واخيرا كدروا يعيشون بسلام//

وطبعا الحياة لا تخلوا من المشاكل والامتحانات الصعبه ولكن ان تعيشها بحلوها ومرها مع من تحب هذا سيخفف عنك الكثير من المشقه //

ونتمنى انا الكاتبه ام ملكوت وابطالي ان تكونوا بخير دائما وان تستمتعوا بالقصه وان تكون اعجبتكم //

وسنبدأ هذا البارت الاخير بقصيده تصف هذه القصه فلا تنسوا التصويت والتفاعل الحلو احبائي .. وداعا ))

_________

ولما تلاقينا على سفح راما **

وجدت بنان العامريه احمرا **

فقلت : خضبت الكف بعد فراقنا **

فقالت: معاذ الله ذلك ما جرى **

ولكنني ؛ لما رايك راحلا **

بكيت دما حتى بللت به الثرا **

مسحت باطراف البنان ، مدامعي **

فصار خضابا بالاكف كما ترى **

__________

نوران_

حضني ونام مثل كل مره واندك الباب علينه صحت منو واجالي صوت رانيا استغربنه وكام جراح لبس ملابسه وفتح الباب وانه لبدت جوه اللحاف واسمعهه تكله..

_اسفه عل انقطاع بس عمي ابو حسان بالباب يصيحلك يريد يسلم عليك

_هاا اي طالعله بس خل اغسل وجهي

_تمام على راحتك ..

خلت وراحت وسد جراح الباب شغل الضوه وانه وخرت اللحاف شفته راح للحمام سبح بسرعه وطلع نشف ولبس تراكسود اجه باسني بسرعه بخدي

وطلع من الغرفه كمت انه اخذت ملابس ودخلت للحمام سبحت ونشفت وبدلت وطلعت مشطت شعري ورشيت عطر خليت حجابي

على راسي وطلعت من الغرفه .. لكيت رانيا كاعد تبدل لبنتهه وهي لابسه عبايتهه اجيت يمهن وكتلهه..

_ها خيه رايحه

_اي والله خيه ابو رجلي اجه علي لازم ارجع وياه

_جا مو علساس العصر ترحين

_بعد اجه من دوامه علي كال مابيه حيل كلساع اطلع حاره الدنيا

_هاا اي صدك حاره اليوم خطيه والطريق طويل

_اي خيه بس بلا امره عليج ماي نشف ريجي

_تدللين ..

خليت ورحت للمطبخ جبتلهه كلاص ماي بارد واجيت انطيته الهه شربته واجه جراح كاللهه يله عمج يريد يروح سلمنه عليهه شال جراح جنطتهه وبتهه وطلعو بالساحه بقينه نباوعلهه