فصل فتاة الكنيسه//

《البارت♡السادس عشر》

((هلوو بناات وعدتكم ببارت ثاني هديه الكم ومثلما طلبتوا طولته شوي

اتمنالكم قراءة ممتعه ..
ولاتنسوا التصويت والتفاعل الحلو حبيباتييي))
_________

لكنني لم ابدو بهذا الشكل ؛؛

الهادئ والعميق دائما ، كانت حياتي

مليئه بالشغف والاحلام ؛؛

لا اعلم مالذي اختلف !!؟؟

_________

جراح_

عم الهدوء بيناتنه بعد كلامه هذا وصفنت شنو ماجتله شنو تزوج غيرهه جا وين راحت نوران لو ماتزوجت منه وين هي هسه يعني شنو انه التخليت عنهه انه العفتهه

وجنت اضن انها تحبه بس هيه كالت انهه حبته ولمن شافته بعد سنين تخربطت احوالهه مسحت وجهي بحيره وبقيت افتر بالديواينه وهو واكف يراقب تحركاتي اباوعله وهو يباوعلي بتعصب

وانه مادري اصدكه مادري اجذبه ماكدر اثق بي يجوز عنده وكاعد يجذب حتى يبري ذمتهه او يطلعهه بريئه وانه الغلطان .. رجعت عليه لزمته من ياخته وحجيت من بين سنوني...

_شووف لكك اذا طلعت تجذب علي ولوو بكلمه اشرد بروحك العزيزه لان ماضمنلك تعيش اكثر من ساعه لو دريت بيك جذاب

_شبيك ياخي كاعد اكلك انه سافرت وره خطوبه سند بكم ساعه وبعد مالتقيت بيهه ولا سمعت عنهه خبر وبعد شهر تزوجت خطيبتي ودزيتلك الدعوه

.. مكتوب بيهه اسمي واسم خطيبتي واذا مامصدكني هسه اخابرلك اخوي علي يكلك الصدك وانه مو من مصلحتي اجذب ولو ماخذهه ماخاف منك اكابلك واكلك اخذتهه وغصب عنك ..

خزرته وانه اباوع بعيونه وحسيت بي يحجي الصدك نترت قميصه وطلعت لكيت ابوي وسند واكفين بالساحه اكيد سمعو صياحنه وفهمو نص السالفه

باوعلي سند وهز راسه ب اي افتهم علي ..ركبت السياره وركب وياي وكتله احجي كلشي وينهه نوران وشصار بيهه من ذيج الليله بده يحجيلي كلشي صار ..

_خويه اخر مره من وصلتهه لبيت اهلهه محد فتح الباب واتصلت عليهم تالي طلعت مفتاح مدري منين وفتحت الباب وكالت اهلي طالعين باجر يجون عفتهه دخلت للبيت ورجعت انه

بس وراهه بتقريب ال٣ اشهر لمن خليتنه نتصل عليهه وطلعت طايحه من الدرج طلعنه انه وابوي ثالث يوم بعزيمه وشفت ابوهه وخالتهه وخواتهه بالمطعم

رحنه سلمنه عليهم وسالتهم عن اخبارهه وتحمدنه الهم بالسلامه على طيحتهه والعجيب كالو ان بتهم نوران مو عايشه عدهم وليش كاعد نسال عليهه ضنيت ان تزوجت فكتلهم طايحه من الدرج ببيت زوجهه ماتدرون ..