فصل فتاة الكنيسه//

《البارت♡السادس وعشرون》

•
•
_________

قد كنت تبت ، فما الذي اغواني ؟؟

لاعود من يبسي ، الى الشيطان !!

هي اوقعتني ، كيف؟ لا ادري انا !!

ان النساء ، حبائل الشيطان !!

انا كنت في يأسي ودمعي ، غارقا !!

ومحاصرا بالآه ، والحرمان !!

وفتحت عيني فجأة ، فرايتني !!

في الروح مستلق، وفي الريحان !!

_________

نوران_

فتحت عيوني باوعتله وهو مبتسم بوجهي يطمني هزيت راسي ب اي ونزل من الدرج سالونه ليش نزلنه وكلهن جراح خافت من الشباج عاد كلهم سكتو محد سال ليش وعليمن دخلني للغرفه المحضرتهه الي خالتي ونومني عل جربايه لزمت ايده وكتله...

_جراح خليك يمي لا تروح

_يمج انه حمامتي بس خلي اروح يم اهلج شويه استاذن منهم واجي ابقه يمج تمام

_اي بس لا تطول

_صار ..

خله وطلع من الغرفه ودخلت خالتي ورانيا قفلن الباب واجن ذبن ملابسي ومسحن جسمي بوصله مبلله ورشلي عطر ولبسني ملابس جديده ومشطن شعري خطيه ماخلن شي كملني ولزمت ايد رانيا كتلهه...

_رانيا حبيبتي شلونج بس كون ما اذوج وره الحادث

_لا حبيبتي محد اذاني وتقربلي اصلا السوه بيج هيج شرد بعدما طحتي حسبي الله عليه عساه لا عاش ولا صحه وين ماجان ولا تخافين حقج يرجعلج انشاءلله انطيت افادتي للمحقق صديق جراح وحتى وصف شكله انطيته رسموه وراح يطلعونه من جوه الكاع ويحاكمونه ..

_هاذهو بس خيه جراح شلون اخاف يرجعون ياذونه اذا رفع دعوه عليهم

_لا تخافين جراحنه سبع وتهابه الضباع محد يتجرأ يتقرب منه ولو يكدرون يوصلوله جان ما دكو الناقصه وهددوه بينه

_الحمدلله ربي طلعنه منهه سلامات اهم شي ماصار الاصعب ربي يكفينه الشر..

حجيت هيج وشفتهه اختفت ابتسامتهه وبلعت ريجهه بصعوبه ودمعت عيونهه استغربت وظنيت ان مسوين بيهه شي وماتكدر تحجي ولا اكدر اسالهه عفتهه براحتهه اخاف ماتكدر تحجي بالسالفه اكثر

وانه هم احس تعبت نفسيتي وماريد اذكر او احجي باي شي صار بهذاك اليوم .. خلن وطلعن من الغرفه بعدما سلمن علي وتحمدولي بالسلامه كلهم وراحو لبيتهم .. اجه جراح دخل للغرفه وسد الباب باوعلي ابتسمتله وكال..

_يمته تجين يمي ونلتم بغرفه وحده باقي العمر كله

_ههه عن قريب انشاءلله