فصل فتاة الكنيسه//

《البارت♡الرابع وعشرون 》

((وهذا البارت الثاني //لا تنسوا التصويت والتفاعل الحلو حبيباتي وشكرا ))

_________

وجهي على جدران هجرك ، شاحب!!

والقلب من جمر الجوى ، يتقلب!!

صعب علي الليل دونك ، والنوم!!

والعمر بعدك دون وجهك، اصعب!!

شوقي لهيب ، لا ينام !!

وصبوتي نار ودمع عند بابك سيب !!

فاشهد ايا جرح الغروب ؟؟

بانني طيف يذوب ، وخافق يتعذب!!

_________

نوران_

راح للغرفه بخطوات خايبه شويه وطلع منهه وهو يلبس بقميصه وكال ببرود..

_عدلي حجابج خلي ارجعج لاهلج

_جراح

_بدون حجي زايد نوران فضيهه

_جراح شبيك اليوم هيج تحجي وياي ماكاعد تحس بيه ماتدري شلون خفت من شفت اسلوبك مساع اي وحده بمكاني تفكر هيج وتظن تريد تسوي بيهه مكسوره

_بس انتي مو اي وحده نورااان انتيي مرتيي حلالييي ولو ارييدد صدكي اسويهه ومايرفلي جفن بس احبج واخاف عليج وشمهما يبلغ حبي

واحتياجي ماراح اتجاوز حدودي واسوي بيج شي ماتردينه انتي واكثر من مره تثبتيلي انج ماتثقين بيه وان تفكريني خسيس وناقص

_اي ماشفت نفسك شلون جنت تحجي والف فكره اجت براسي من كثر ما اني مامصدكه ان راح نعيش بهني صرت ماصدك بالفرح وكلما اشوف الراحه اخاف تكون وراهه حزن ومن كثر حبي الك صرت اخاف تسوي شي ياذيني ويكسرني مره ثانيه

_خلاص عدلي حجابج خلي اوديج لاهلج وارجع لدوامي انه ساق*

_جراااح شبييك

_استغفرلله ربي امشيي كتلجج عدلييي حجابجج لا تطلعينييي عن طورييي

بقه يصيح ويشمر بالغراض عن الميز وانه لازكه روحي بالباب وابجي رجع فهمني غلط رجعت غلطت وياه وبينتله عكس البكلبي بس لا ماكرر خطا هذيج الليله انه وعدته ماراح اكرر هل خطا ..

شفته بقه متخصر ويفتر بالصاله معصب وداير ضهره علي ..استجمعت قوتي وحبي اله خيم علي ورحتله بسرعه حضنته من وره وهو تصنم لحضه تالي لزم ايدي بعدني عنه وكال بتعب..

_نوران فضيهه خلي ارجعج تاخرتي

_جراح لا تسوي هيج والله انه احبك ومن خوفي عليك سوي...

_خلاص اعرف يله خلي نروح

_ما ماروح ماجيت هنا حتى ترجعني وانت معصب