အရိပ်တခုအောက်က
တိတ်ဆိတ်ညင်သာစွာ
ထွက်ခွာသွားခဲ့ပေမဲ့
တခါတလေ
တွေဝေစိတ်တွေဝင်ပြီး
သမင်လည်ပြန်အကြည့်
ပြန်၍ကြည့်နေမိလိုက်တယ်။
အခိုက်အတန့်ဆိုပေမဲ့လဲ
စိတ်ထဲ စွဲနေသည့်အရိပ်တခု၏
အေးမြမှု ငြိမ်းချမ်းမှုက
လူ့ဘဝခရီးကြမ်းမှာ
လွမ်းစရာဖြစ်ခဲ့တာ အမှန်ပါ။
အဲဒီအပင်
အဲဒီအရိပ်မှာ
မှေးစက်အိပ်ခဲ့ဖူးသည့်ခဏတာ
ဘဝမှာ အပျော်ဆုံးပါပဲ။
အိပ်စက်ဖူးသည့်
ဤအရိပ်
တိတ်ဆိတ်သည့်ညတညမှာ
တသသဖြစ်ခဲ့မိတာ အမှန်ပါ။
TH
