"حادّ المظهر وكُل الليّن بداخله"
ـ أخوية م اكو رجال ب البيت
جاء صوت من العدم باوعت بسرعة لمصدر الصوت كانت مزلة راسها نصف وجها مبين بسبب الشال الي لازمتة بايدها وخالتة ع وجهها
خلص شعرها الذهبية الي جانت ع عيونها
بياضها الي جان اقرب منة للقطن وكأنو الشمس ما واصلة بشرتها
لطول الوقت الي كنت اباوع الها استغربت من سكوتي لترفع نظرها بـ خجل كانو اول مرة تشوف انسان
لتبعد يدها براحة وياليت ما رفعتة لشدة جمالها ما اريد ارفع عيني من عليها تحركت شفتها بشي بس م سمعتة عيونها الي تميل لخضار هذا المكان كانو اختارت هي تكمل تدرج الالوان
ـ اختي
ـ ها تحاجيني!
حجيت بفهاوة لدرجة اتوقع ما سمعت كلامي
ـ يي اكول عبالي رجال ما انتبهت
ـ ها لا عادي اني الي راح اشتري المزرعة، انتي منو؛!
اقتربت مني غمضت عيني للحظة الي مشت من كدامي وهي تقترب من باب البيت
ـ أخت محمد تفضلي جوة ع ما يجي محمد
ـ ها لا الجو حلو، محمد وي وصديقي اتوقع يشوفون المزرعة
قبل ما اكمل كلامي الي م الة علاقة الجو الحار الي حسيتها ابتسمت بسبب كلامي الي يطلع بتوتر وجانت اول مره!
انتبهت ل صوت تلفوني الي نسيتة وهو يتصل شفتة جان وسام
ـ هنا يم البيت انتظركم تعالوا..... يالة تمام
لم ارمش حتى ما اضيع جزء من الثانية واني ما انظر الها نزلت راسها بخجل واضح
حجيت بتلعثم واني احاول اسيطر ع كلامي
ـ عادي تجيبين مي لان طول الطريق ما شربت والجو حار
ومره ثانية هم حسيت نفسي غبية اول مره بس كانت ابتسامتها كافية حتى انسى كلامي!
ـ صار
دخلت بسرعة للبيت وبنفس السرعة قبل حتى أن افكر قدمت الي الميّ اخذت الكوب من ايدها
وره ثواني من الصمت
ـ سمعت من محمد تشتغلين ويا ب المزرعة
ـ يي من اني وصغيرة ويا
ـ ها الله يحفظة الج
نزلت راسها ورجع الهدوء مره ثانية لاسأل حتى اسمع صوتها
ـ زين ليش يريد يبيعها اشوف ما شاء الله ما بيها خسارة
باوعت الي ثواني كانو تفكر بأجابة رفعت ايدها لخصل شعرها وهي تحاولي ادخلهن جوة الشال الي كان ع راسها بس!
ـ ما اعرف بس البيت ما راح يبيعة
ـ ساكنين انتي ويا!
ـ وزوجتة
ـ ادرسين!
حجيت واني انطيها الكوب الي تذكرت لهسه هو بيدي
ـ لا ما درست من اول ما صرت محمد رباني ف ما اعرف غير الزراعة والحساب هو علمنيا
ـ ها الله كريم ما عندج اخ غير محمد!
ـ لا بس اولاد عمي 4 دائما ويانة هم يشتغلون ويا وهو كذالك هذي مزرعتهم بنهايت النهر
رفعت ايدها باتجاه الثاني لانظر لها بتمعن كانت الشمس تزيدها حلاوة
لدرجة اول مره اشعر اريد ابوس عيون احد
او حتى مشاعر هسه ضايعة بين صوت نبضات گلبي وبين عيونها
قطع تأملي وهي تتحرك بهدوء
ـ اني راح ادخل للبيت لان اجة محمد
ـ تمام اخذي راحتج
باوعت ل وسام والي يما يمشون باتجاهي
بعد نصف ساعة من النقاش ع السعر
ـ زين انتي تبقى ب البيت وتشتغل وكأنو المزرعة مزرعتك بس الانتاج السنوي النة والك 10 ب المية
شعرت بنظرات وسام الي جانت عبارة عن علامات استفهام تطلع من راسة مو من عيونة
غير ابتسامت محمد جانت ما تنوصف
ـ شرط اعرف سبب ليش تبيعها! وانت هيج تريدها
نظر لي بارتباك وهو يرتب لحيتة الي طلعت صوت بسبب الهدوء الي صار
ـ محتاج الفلوس
ـ محتاج هلكد مبلغ!
حجيت واني متعجبة من البلغ الي هو حددة
ـ ابن عمي دعم شخص ومات ف يريدون لو فصل لو فصلية وما اكو بس اختي وما اريد يصير عليها شي لو اعرف اكعد ب الشارع
ـ زين هم ما يدفعون غير اخوهم الي قتل
ـ عمي يكول انطي اختك هي نهايتها راح تزوج
شعرت بوجهي صار احمر من العصبية الي كتمتها لحظتها
ـ تكدر ترفع قضية بدل كل هذا
ـ عمي هذا والدي الثاني
ـ تمام حجيت الي عندي تكدر تبيع بس ع هذي الشروط
ـ تمام لا مواقف
ـ تجي ويانة لبغداد حتى نسجل المزرعة وهم انطيك المبلغ
ـ هسه؟!
ـ يي هسه تبات اليوم وباجر الصبح نكمل شغلنة
ـ اكدر اجيب اختي وياي ما اكدر ابقيها وحدها
اخذت نفس واني احاول اتنفس اصلا
ـ ها يي عادي اصلا تباتون انت يم وسام واختك ب البيت ما بي غير اني واختي
حجيت بسرعة هيج فرصة ما اضيعها اكيد
ـ راح نتعبكم
ـ تعبكم راحة شسوينة، راح ننتظركم ب السيارة كملوا وتعالي اخذو راحتكم
خرجت من البيت واني اسمع تذمر وسام بسبب
ما فعلتة
صعدت ب السيارة
ـ اذا ما تسكت اعوفك هنا والله
ـ تدرين انتي شسويتي وتريدين اسكت هم مبلغ خيالي ع مزرعة م تسوة ربعة وتخلي يشتغل بيها م سويتي شي بس خسارة
ـ وسام اسكت شغلي هذا م يعجبك عوفة
ـ اوك سكتت خ نشوف شستفادين من هذا الي تسوي لو كسر كلبج من حجالة كلمتين
ـ وسام كافي
حجيت بصوت عالي ليعم الهدوء لم اعرف من أنا للحظة شعرت ب السؤء ع البنت وخوف محمد عليها
واعرف حتى وان ادخل القانون ما راح يكون اقوة من سلطة العشيرة ومن ناحية اخرى تعمدت اسوي هيج حتى تصيرعندي فرص اشوفها يمكن!
نصف ساعة لابتسم واني اشوفها من بعيد وهي تمشي ورة أخوها منزلة راسها كانو تمشي بمجمع رجال
ـ اها اوك فهمت
حجة وسام باوعت الة بنظرة فارغة
ـ اختة حلوة
ـ احجيها كدامك لو بيك خير
سكت ليقترب محمد وهو يفتح لاختة الباب السيارة واضح ع وجهها الانزعاج
عدلت المرأ حتى يتوضح وجهها ابعدت ايدي وي ما صعد اخوها محمد بصفها
ـ احرك!
ـ يي
ربع ساعة من الهدوء لحد ما وسام سأل
ـ محمد انت خريج؟!
ـ يي تخرجت من 2008 كلية زراعة تعرف وضع البلد بهذي السنوات ف م قدمت ع وظيفة اكتفيت ب المزرعة لحد هسه
ـ حلو بس لو والله مقدم تكدر تشتغل بمزرعتك وانت هم بنفس الوقت تحصل راتب من الدولة وهم كل المواد الي تحتاجها الدولة راح توفرها الك حتى خسارتك
ـ قصدك تصير الدولة ممول لمشروع زراعة بس وقتها الارض راح تصير نص وارداتها اذا مو اكثر لدولة نفسها
حجيت لياكد ع كلامي محمد
عفتهم يحجون وانتبهت للطريق والي ب الكائن الهادئ الي ب السيارة
بعد ساعة وقف السيارة قدام اسواق
ـ وسام جيب شي ناكلة ومي وياك، ومي للسيارة هم
ـ اوك محمد تريد اجيبلك شي محدد! اختي هم اذا تريدين كولي
ابتسمت لمن كال أختى وباوع الي
ـ راح اجي وياك
حجة محمد وقبل لاينزل حاجة اختة
ـ تريدين شي!
ـ لا م اريد
حجت كلماتها وواضح عليها لهسة ضايجة بقينة وحدة ب السيارة بعد ما نزل محمد
لتنطق بسرعة
ـ ليش سويتي هيج؟!
ـ شسويت!
حجيت واني اباوع الها ب المراية التقت نظراتنا ثواني لتبعد عيونها وهي تباوع للشارع
ـ الي سويتي، صح وضعنة مو تمام بس هم ما محتاجين شفقة كافي تشترين المزرعة وبس.؟
ـ ما سويت شي واذا قصدج ع المزرعة عادي اني اصلا اريدها الي واريد اشغل احد بيها ف ما راح الكة احسن من محمد يعرفها وحريص عليها مثلة م فكرت للحظة ب الي حجيتي هسه
