بعض التيه
لا ينتهي بالعودة للمنزل
لَكِن أليكِ نَعم
12:00 الظهر
غلقت التلفون بملل ووجهت نظري للاوراق الي كدامي وكلام هِتان وصوتها لازال داسمعة رغم انتها بس نبرتها لازالت بأذني
زفرت الهوا وأحس بأي لحظة انسحب ما راح اتحمل اكثر بشغل ثائر
جنت احسبني اقوة بس بعد ما تتواجد هِتان جرح ثاني والجرح الي ثابت اذا كان ثائر فـ ما يشفى غليلي الا واشوفة يتعذب كدامي
بس هِتان خايفة من حنيتي عليها خايفة منها وشنو تكدر تسوي وما راح احجي ولا اتصرف وياها شي غير الانسحاب.
قطع صفنتي اتصال ثائر استغربت للحظة بس رديت اسرع
ـ هسه ترجعين!
ـ شكو شصاير؟!
حجيت ابرود عكس ما كان صوتة الغاضب
ـ كلمتي ما تصير ثنين
وقبل ما احجي او اسمع شي كان صوت انغلاق الخط هو المتبقي
قلبت عيوني بملل قبل ما أخذ تلفوني والنظارات واطلع من المكتب
باوعت لزياد بشك بعد ما شفت ابتسامتة اول ما فتحت الباب
ـ راح اطلعين؟!
هزيت راسي بدون رد وصار يمشي وياي ثواني ورجع يحجي
ـ اخذج لمكان معين؟!
ـ شوفلي اقرب رحلة لـ بغداد
ابتسم بدون رد اني كملت طريقي
رجعت للفندق وقبل ما افتح باب الغرفة اهتز تلفوني
ابتسمت من شفت الاسم
جاوبت وفتحت الباب حتى ادخل
ـ لو بس أعرف وين تختفين!
حجيت بهدوء
ـ يعني مسلمتني شغل أكبر من السنين الي عشتهن وتسألين!
ـ وراح تستلمين شغل أكثر بعد
ـ اذا صدك انسحب وادور على شغل ثاني
ضحكت واني اشوف انعكاسي
ـ راح ارجع اليوم
ـ ليش! شكو مو ع اساس شهر
رفعت كتوفي وكأنو هي كدامي ورميت نفسي ع السرير بتعب
ـ اتصل ثائر معصب يكول ارجعي وغلق الخط واكو ابالي شي ومتأكدة منة
ـ هسه فهمت ثائر بس شنو السبب!
ثواني من الهدوء راجعت حركات زياد البارحة واليوم
واكيد كان الة ايد بالموضوع
واتصال هِتان اكد الي هذا
ـ من ارجع تعرفين هسه شلون الشغل! شنو الجديد؟!
ـ ما اشترينا شي جديد غير بيت واحد، واكو شي ثاني لازم احصل على ترقية علية
ابتسمت وغمضت عيوني كان اول شخص اجة على بالي أريم ما تجاوب على اتصالاتي رجعني للواقع صوت لمى
ـ من ارجع اشوف شنو صار هسه لازم احضر ملابسي وانتظري اتصالي حتى تجيني للمطار
غلقت الخط بسرعة وادور بجهات الاتصال على رقم محمد
وبدون ما افكر بشي اتصلت علية
ـ سلام عليكم
ـ وعليكم هلا محمد شلونك
ـ بخير
حجيت قبل ما يكمل جملتة
ـ اسفة اتصالي بهل الوقت بس اتصلو علية من التربية ورادو كم معلومة عن أريم عادي احاجيها؟
حجيت بتوتر اخذت نفس قبل ما اسمع صوتها
ـ هلا
ـ هلا أريم شلونج
ـ تمام شرايدة!
ـ ابررلج الي شفتي البارحة، مو هيج اني ا
قاطعتني بحدة
ـ تمام ان شاءلله
وقبل ما احجي كلمة اجاني صوت محمد
نهيت الاتصال بسرعة
والندم على الي صار سيطر علية
وصلتني رسالة من زياد اقرب طيارة بعد ساعة
كان كافي حتى احضر نفسي 15 دقايق واني بطريقي للمطار.
وكان كل الي ابالي شلون ادبر وقت حتى اروح لديالى
ـ زياد اريد رقم هنادي!
باوع الي ورجع نظراتة للطريق
ـ الظاهر ما تجاوزتي ليلتكم البارحة وتريدين تعيديها!
